1 ᐱᑕᕐ 4:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮

1 ᐱᑕᕐ 4:11 Iomraidhean Croise

ᑎᐱᑦ ᐅᓂᑭᒧᐅᓇ 145:13

ᒋᒋᓴᒋᒪᐅᓐ ᑲᒋᒡ ᐅᒋᒪᐅᓄᐤ, ᑭᔭ ᒋᑎᐸᔨᒋᒐᐅᓐ ᐱᒥᐱᔪᐤ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ᙮

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒠᓐ 13:31

ᐃᔅᐱ ᒪᒃ ᑲ ᐎᐎᑦ ᒍᑎᔅ, ᒋᓴᔅ ᒋ ᐃᑕᐤ, “ᐊᓄᒡ ᐊᐅᒄ ᐃᔪᐤ ᐅᑯᓯᓴᓇ ᒐᔅᑕᔨᑕᑯᐊᑭᓄᔨᒋ ᐊᑯ ᑭᔭ ᒋᓴᒪᓂᑐᐤ ᒐᔅᑕᔨᑕᑯᐊᑭᓄᐅᑦ ᐃᔪᐤ ᐅᑯᓯᓴᓇ ᐅᒡ᙮

ᐊᑈᔅᑕᓇᒡ 7:38

ᐊᐅᒄ ᐅ ᒧᓱᔅ ᒋ ᑕᐤ ᒪᒧᐤ ᑭᔭ ᐎᔾ ᐊᓐᑕ ᐸᐧᑯᑎᔅᑭᒥᑲᒡ ᒪᒂᒡ ᑲ ᑕᒡ ᐊᓐᑕ ᐊᓐᒡ ᐛᔅᑭᒡ ᒋᑦ ᐃᔨᒥᓄᒡ᙮ ᑭᔭ ᒋ ᑕᐤ ᐊᓐᑕ ᓴᐃᓇᐃ ᐱᔅᑯᑎᓇᒡ ᐊᓐᑕ ᑲ ᐃᔨᒥᐃᑯᑦ ᐊᓐᒋᓇ᙮ ᐎᔾ ᒧᓱᔅ ᒋ ᒥᔭᑭᓄᐤ ᒐᒋ ᐊᓱᐎᑎᒪᑕᒄ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᒐ ᐊᑲ ᓂᑕ ᐳᓂᐱᔨᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:36

ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᐅᓯᑕᐤ᙮ ᐎᔾ ᒥᓯᐛ ᒐᒂᔪᐤ ᓂᓇᑭᑐᐛᔨᑎᒻ᙮ ᐎᔾ ᒥᓯᐛ ᒐᒂᔪᐤ ᑎᐱᔨᐛᐅᓯᐤ᙮ ᐎᔾ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:3

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:27

ᒋᓴᒪᓂᑐᐤ ᒥᒄ ᐎᔾ ᑲ ᒋᓴᒪᓂᑐᐅᑦ ᑭᔭ ᓇᔅᒡ ᑲ ᑭᒐᑕᐛᔨᑕᐧᒃ, ᒋᑭ ᒪᒥᒋᒪᑭᓄᐤ ᐊᓂᔭ ᐅᒋ ᑕᓐ ᐊ ᐃᓯ ᐃᑐᑎᒥᔨᒋ ᒋᓴᔅ ᙭ᑕ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:2

ᒥᔅᑎ ᑭᑈ ᒐᒂᓐ ᐃᑕᔨᑕᑯᓐ ᒍᐤ ᐊ ᐃᑎᔅᑲᓇᓯᑦ ᐊᐛᓐ᙮ ᒥᔅᑎ ᑕᑈ ᐃᑕᔨᑕᑯᓐ᙮ ᓂᔅᑎᒻ ᒐᒂᓐ᙮ ᐊᐅᑯᓐᒡ ᐅᒡ ᒍᐤ ᑲ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐎᒡ ᒐᒋ ᐊᑐᔅᒐᔅᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

1 ᑯᕆᓐᑎᔭᓇ 10:31

ᒪᐅ ᒋᐸ ᐃᑎᓇᐛᐤ᙮ ᒥᓯᐛ ᒐᒂᓐ ᐊ ᐃᑎᔭᒄ, ᐊ ᒥᒋᓱᔭᒄ ᑭᔭ ᒪᒃ ᐊ ᒥᓂᔭᒄ, ᒋᐸ ᐃᑐᑕᓇᐛᐤ ᒋᓴᒪᓂᑐᐤ ᒥᒄ ᒐᒋ ᒋᔅᑕᔨᒪᑭᓄᐅᑦ᙮

1 ᑯᕆᓐᑎᔭᓇ 12:4

ᓂᓇᐧᑯᐤ ᒥᔨᐛᐅᓇ ᔅᒋ ᒥᔨᑯᓇᓄᐤ, ᐸᐃᑯᓱᐤ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᐧᒄ ᐅᔭ ᒥᔨᐛᐅᓇ᙮

1 ᑯᕆᓐᑎᔭᓇ 3:10

ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 6:20

ᐛᔅ ᒐᒂᔪᐤ ᒋ ᐃᓯ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

2 ᑯᕆᓐᑎᔭᓇ 9:13

ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐛᐸᑕᒂᐛ ᐊ ᓄᑯᓂᔨᒡ ᑕᑈ ᐊ ᑕᑈᑎᒪᒄ ᑭᔭ ᐊ ᓂᓇᐃᑎᒺᒄ ᒋᓴᔅ ᙭ ᐅᒥᔽᒋᒧᐅᓐ᙮ ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᔅᐱᔅ ᐎᒋᐊᑯᒡ ᑭᔭ ᑕᓐ ᑲ ᐃᔅᐱᔅ ᐎᒋᐃᒪᑯ ᑯᑎᑲ ᐊᐛᔪᐛ᙮

ᐃᐱᓯᔭᓇ 1:19

ᓂᑐᑎᒧᐛᐤ ᑭᔭ ᒐᒋ ᓂᔅᑐᑎᒪᒄ ᐊᔅᐱᔅ ᓱᒐᔨᑕᑯᓂᔨᒡ ᐊᓂᔭ ᐅᒥᔅᑯᓯᐅᓐ ᒋᓴᒪᓂᑐᐤ ᑲ ᐊᑐᔅᒐᒥᑭᓂᔨᒡ ᐱᒡ ᐊ ᐃᑕᐛᐧᒄ, ᒋᔭᓄᐤ ᑲ ᑕᑈᑎᒪᐧᒄ᙮

ᐃᐱᓯᔭᓇ 4:29

ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ᐎᒋᐃᑯᒡ ᐊᓐᒡ ᑲ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᐃᐱᓯᔭᓇ 6:10

ᐊᐅᒄ ᒪᔅᑕᔾ ᒐ ᐃᑎᑎᑯᒡ ᒐᒂᓐ, ᓂᐧᑲᓂᓯᑐᒄ᙮ ᐊᓐᑕ ᐅᑎᐸᔨᒋᒐᐤ ᐅᓱᐧᑲᑎᓯᐅᓂᒡ ᑭᔭ ᐅᒥᔅᑯᓯᐅᓂᒡ ᐊᑯᑕ ᐎ ᐃᓯ ᐊᔨᒋᑲᐳᐅᒄ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᐱᓕᐱᔭᓇ 2:11

ᒥᓯᐛ ᐊᐛᓐ ᒋᑭ ᐃᔅᒋᔄᐤ, ᒋᓴᔅ ᐊᐅᒄ ᐅᑎᐸᔨᒋᒐᐤ, ᐊ ᒪᒥᒋᒪᑦ ᒋᓴᒪᓂᑐᐛ ᐅᑕᐎᒪᐛ᙮

ᑯᓚᓯᔭᓇ 4:6

ᒧᔅ ᒋᐸ ᒥᔪᑕᑯᓯᓇᐛᐤ ᑭᔭ ᒋᐸ ᐃᑈᐧᑲᑕᑯᓯᓇᐛᐤ ᐊ ᐃᔨᒥᔭᒄ ᑭᔭ ᒐ ᒋᔅᒐᔨᑎᒪᒄ ᑕᓐ ᒐ ᐃᓯ ᐎᑎᒧᐛᐧᒄ ᐊᐛᓐ ᐊ ᐎ ᓇᓂᑐ ᑭᒐᔅᒐᔨᑕᐧᒄ ᑕᓐ ᐊ ᐃᓯ ᑕᑈᑎᒪᒄ᙮

1 ᑕᓴᓗᓂᔭᓇ 2:4

ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮

1 ᑎᒧᑎ 1:17

ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

1 ᑎᒧᑎ 6:16

ᐎᔾ ᒥᒄ ᑲᒋᒡ ᐱᒪᑎᓯᐤ, ᐊᓐᑕ ᒪᒃ ᐊᑲ ᓂᑕ ᒧᓴ ᒐᒋ ᓇᑕᑭᓄᐎᒡ ᐛᔅᑕᐅᓂᔪᐤ ᐊᑯᑕ ᐊ ᑕᑦ, ᐊᓐᑕ ᐊᑲ ᐊᐛᔪᐛ ᒐᒋ ᓇᑎᑯᑦ᙮ ᓇᒪ ᓂᑕ ᐅᑎᔅᑯᐤ ᐅᒋ ᐛᐱᒥᑯᐤ ᐊᐛᔪᐛ ᑭᔭ ᓇᒪ ᓂᑕ ᒋᑭ ᒋ ᐛᐱᒥᑯᐤ᙮ ᐎᔾ ᒪᒃ ᒋᑭ ᒋᔅᑕᔨᑕᑯᐊᑭᓄᐤ ᑭᔭ ᐎᔾ ᐊᔭᐤ ᑲᒋᒡ ᓱᐧᑲᑎᓯᐅᓂᔪᐤ᙮ ᐊᒥᓐ᙮

ᑕᐃᑕᔅ 2:1

ᒋᔾ ᒪᒃ, ᐊ ᒋᔅᑯᑎᒧᐅᑥᐤ ᒋᐸ ᐎᑎᒧᐛᐅᒡ ᑕᓐ ᒐ ᐃᓯ ᐱᒪᑎᓯᒡ ᐊ ᐎ ᑯᐃᔅᑯᑕᑎᓯᒡ᙮

ᑕᐃᑕᔅ 2:15

ᒋᔅᑯᑎᒧᐅᒡ ᐅᔭ ᒐᒂᔪᐤ ᑭᔭ ᐊᐱᒋᑕ ᐊᓐ ᑎᐸᔨᒋᒐᐅᓐ ᑲ ᒥᔨᑯᔨᓐ ᒐᒋ ᓯᒋᒥᑥᐤ, ᑭᔭ ᒐᒋ ᐎᑎᒧᐅᑥᐤ ᑕᓐᑕ ᐊ ᐅᓂᐱᔨᒡ᙮ ᐊᑲᐎᔾ ᐊᐛᓐ ᒋᑭ ᐅᒋ ᐎ ᐊᑐᐛᔨᒧᒄ᙮

ᐃᑉᕈᐛ 13:7

ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ᐃᑕᑎᓯᒡ ᑭᔭ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᑕᑈᑕᒡ᙮

ᐃᑉᕈᐛ 5:12

ᓴᔅ ᒋᐸ ᒋᔅᑯᑎᒧᐛᐛᐅᒡ ᐊᐛᓐᒋ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐛᔅ ᓴᔅ ᐛᔅᑭᒡ ᑲ ᐅᒋ ᑕᑈᑎᒪᒄ ᒋᔨᐛᐤ ᒥᔽᒋᒧᐅᓐ᙮ ᒥᒄ ᒪᒃ ᓇᑐᐛᔨᑕᑯᓂᒂ ᒥᓐ ᒐᒋ ᒋᔅᑯᑎᒪᑯᐅᔭᒄ ᑕᓐ ᑲ ᐃᓯ ᒋᔅᑯᑎᒪᑯᐅᔭᒄ ᐅᔅᑭᒡ ᑲ ᒋᒋ ᑕᑈᑎᒪᒄ ᒧᔭᒻ ᐅᔅᒋᐛᓯᒡ ᒥᒄ ᒋᒋᓇᐳᔭ ᑲ ᒥᓂᐊᑭᓄᐎᒡ ᒋᑦ ᐃᑕᔨᑕᑯᓯᓇᐛᐤ᙮ ᐛᔅ ᓇᒪ ᒋ ᒥᒍᐅᒡ ᐎᔭᓯᔪᐤ ᐅᔅᒋᐛᓯᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:19

ᐊᑲᐎᔾ ᐅᓂᒋᔅᒋᓯᒄ ᐅ ᓂᐧᑲᓂᓯᑐᒄ ᑲ ᓴᒋᐃᑎᑯᒡ᙮ ᒥᓯᐛ ᐊᐛᓐ ᓱᒃ ᒧᔅ ᐃᔭᒂ ᒋᐸ ᐎ ᓂᑐᑎᒻ, ᒋᐸ ᒪᒥᑐᓇᔨᑎᒻ ᑭᔭ ᑕᓐ ᐛ ᐃᔅᒋᔄᑦ ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:26

ᐊᐛᓐ ᐊ ᐃᑕᔨᒥᓱᑦ ᐊ ᑯᐃᔅᑯᑕᑎᓯᑦ ᒥᒄ ᒪᒃ ᐊᑲ ᒋ ᓂᓇᑭᑐᐛᔨᑕᐧᒃ ᑕᓐ ᐊ ᐃᔅᒋᔄᑦ, ᐎᔭᓯᐃᓱᐤ ᐊᓐ ᐊᐛᓐ᙮ ᓇᒪ ᒐᒂᔪᐤ ᐃᑕᐱᑎᓂᔪᐤ ᐅᑦ ᐊᔭᒥᐊᐅᓐ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

1 ᐱᑕᕐ 4:10

ᒥᓯᐛ ᐸᐸᐃᒄ ᐊᐛᓐ ᑎᑯᓂᔪᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᐅᒄ ᒪᒃ ᐅᔭ ᑭᔅᒋᐅᓂᔪᐤ ᒋᐸ ᐊᐱᒋᑕᐤ ᐊ ᐛᐎᒋᐊᑦ ᑯᑎᑲ ᐊᐛᔪᐛ, ᐊ ᐊᓱᐤ ᒥᔭᑦ ᐊᐛᔪᐛ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮

1 ᐱᑕᕐ 4:16

ᒪᒃ ᒧᔭᒻ ᐊ ᓇᐧᑲᒋᐅᐛᒂ ᐊ ᓇᓴᐛᒄ ᙭, ᐊᑲᐎᔾ ᒋᑭ ᐅᒋ ᓴᒂᔨᒧᓇᐛᐤ᙮ ᒋᐸ ᓂᓇᔅᑯᒪᐛᐤ ᒋᓴᒪᓂᑐᐤ ᙭ ᐊ ᐊᔭᐅᑕᒄ᙮

1 ᐱᑕᕐ 5:11

ᐎᔾ ᒪᒃ ᒋᓴᒪᓂᑐᐤ ᑲᒋᒡ ᐊᔭᐤ ᒥᓯᐛ ᓱᐧᑲᑎᓯᐅᓂᔪᐤ᙮ ᐊᒥᓐ᙮

ᒍᑦ 1:25

ᒋᑭ ᒥᔭᑭᓄᐤ ᒋᔅᑕᔨᑕᑯᓱᐅᓂᔪᐤ, ᒋᓴᐅᒋᒪᐅᓂᔪᐤ, ᓱᐧᑲᑎᓯᐅᓂᔪᐤ ᑭᔭ ᑎᐸᔨᒐᐅᓂᔪᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋ, ᑲᒋᒡ ᑭᔭ ᑲᒋᒡ᙮ ᐊᒥᓐ᙮