1 ᐱᑕᕐ 3:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐃᐛᒃ ᐃᑕᔨᑕᑯᓐ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ ᑭᔭ ᒐᒋ ᒋᔭᒪᑎᓯᔭᒄ ᒐᒋ ᐅᒋ ᒥᔪᓇᑯᓯᔭᒄ᙮ ᐊᔪᐅᒄ ᐅᔭ ᓇᔅᒡ ᒪᔪᓇᑯᓯᑦ ᐃᔎᐤ ᐊ ᐃᓯ ᐱᒪᑎᓯᑦ ᑭᔭ ᐊᔪᐅᒄ ᐅᔭ ᐊ ᐃᑐᑕᑯᑦ ᒧᔅ ᒐᒋ ᒥᔪᓇᑯᓯᑦ᙮ ᐊᔪᐅᒄ ᐅᔭ ᒪᐅᒡ ᒪᔪᓇᐧᒃ ᒋᓴᒪᓂᑐᐤ ᐃᔎᐛ ᒐᒋ ᐃᓯ ᐱᒪᑎᓯᔨᒋ᙮

1 ᐱᑕᕐ 3:4 Iomraidhean Croise

ᑎᐱᑦ ᐅᓂᑭᒧᐅᓇ 131:2

ᒐᔅᑎᓇᔅ ᓂ ᐃᑈᐧᑲᐅ-ᐃᑎᓐ ᑭᔭ ᓂᒋ ᒋᔭᒪᐎᓯᓐ, ᒧᔭᒻ ᐊᐛᔅ ᑲ ᐳᓂ ᓄᓴᓂᐃᑯᑦ ᐅᑲᐎᔭ: ᓂᑦ ᐊᒐᐧᒄ ᒧᔭᒻ ᑲ ᐳᓂ ᓄᓴᓂᑦ ᐊᐛᔅ ᐃᓯᓇᑯᓱᐤ᙮

ᑎᐱᑦ ᐅᓂᑭᒧᐅᓇ 147:6

ᑎᐸᔨᒋᒐᓱᐤ ᐅᐱᓇᐤ ᑲ ᔪᔅᑲᑎᓯᔨᒋ: ᒧᔅᑎᔅᑭᒥᒡ ᐃᓯ ᓂᒋᐛᐸᐛᐤ ᐅᒥᒋᑥᐛ᙮

ᑎᐱᑦ ᐅᓂᑭᒧᐅᓇ 149:4

ᐛᔅ ᑎᐸᔨᒋᒐᓱᐤ ᒥᔽᔨᒪᐤ ᐅᑦ ᐃᔨᒪ: ᒋᑭ ᒥᔪᓇᑯᐊᐤ ᐅᔪᔅᑲᑎᓱᐛ ᐱᒪᒋᐃᐛᐅᓂᔪᐤ ᐅᒋ᙮

ᑎᐱᑦ ᐅᓂᑭᒧᐅᓇ 25:9

ᐅᔪᔅᑲᑎᓯᐛ ᒋᑭ ᒋᔅᒋᓄᑕᐊᐤ ᑎᐸᔅᑯᓂᒐᐅᓂᒡ ᐃᔅ: ᐅᔪᔅᑲᑎᓯᐛ ᑭᔭ ᒋᑭ ᒋᔅᑯᑎᒧᐛᐤ ᐅᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 45:13

ᒋᓴᐅᒋᒪᐤ ᐅᑕᓂᓴ ᒪᒃ ᒥᓯᐛ ᒥᔪᓇᑯᓯᐤ ᐱᒡ: ᑭᓄᐛᐃᑎᒻ ᑲ ᐅᓯᑕᑭᓄᐎᒡ ᐎᓴᐅᓱᓇᐱᔅᑯᔪᐤ᙮

ᑎᐱᑦ ᐅᓂᑭᒧᐅᓇ 51:6

ᐛᔅ, ᒋ ᓂᑐᐛᔨᑕᓐ ᑕᑈᐅᓐ ᐱᒋᔪᐤ; ᐊᑲᑕᑭᓄᐅᒡ ᒐᒂᓐ ᐅᒡ ᔅᒋ ᒋᔅᒐᔨᑎᒥᔨᓐ ᑭᒐᑕᐛᔨᑎᒧᐅᓐ᙮

ᒪᑎᔪᐤ 11:29

ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ᒥᔅᑲᓇᐛᐤ ᒪᒃ ᒐ ᐃᓯ ᐊᔽᐱᒡ ᒋᑦ ᐊᒐᐧᑯᐛᐅᒡ᙮

ᒪᑎᔪᐤ 21:5

ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᒪᑎᔪᐤ 23:26

ᒋᔨᐛᐤ ᐸᕆᓯᔨᒡ ᐊ ᒋᔅᒋᓄᑕᐊᑯᒡ ᐊᓐᒡ ᐊᑲ ᐛᐸᑕᒡ ᑲ ᐃᓯᓇᑯᓯᔭᒄ, ᓂᔅᑎᒻ ᐊᓐᑕ ᐱᒡ ᒋᐸ ᐸᔭᒋᑕᓇᐛᐤ ᐊᓂᔭ ᒋᒥᓂᒂᑭᓄᐛᐛ, ᑭᔭ ᐃᔭᒄ ᓇᔅᒡ ᒐ ᒥᔽᐱᔅᑲᒋ᙮”

ᒪᑎᔪᐤ 5:5

ᓱᐛᔨᑕᑯᓱᐅᒡ ᐊᓐᒡ ᑲ ᔪᔅᐸᑎᓯᒡ ᐛᔅ ᒋᑭ ᒥᔭᑭᓄᐎᒡ ᐅᔭ ᐊᔅᒋᔪᐤ᙮

ᓗᒃ 11:40

ᓇᒪᐎᔾ ᐊ ᒋ ᓂᔅᑐᑕᓇᐛᐤ, ᒋᓴᒪᓂᑐᐤ ᑲ ᐅᓯᑕᑦ ᒥᔭᔪᐤ ᒋ ᐅᓯᑕᐤ ᑭᔭ ᐊᓂᔭ ᐱᒡ ᑕᓐ ᐊ ᐃᓯᓇᑯᓂᔨᒡ᙮

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:23

ᐃᔅᐱᔅ ᐎ ᒐᒋ ᐊᔭᒥᐊᔅᑐᐛᒡ ᑲ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭ ᑲᒋᒡ ᒐ ᑕᔨᒋ, ᐃᔭᐱᒡ ᐊᓂᔭᔪᐛ ᒥᓂᑐᐧᑲᓇ ᒐ ᓂᓱᐅᓇᑎᓯᔨᒋ ᐊᔭᒥᐊᔅᑐᐛᐅᒡ, ᐊᓂᔭᔪᐛ ᐎᔨᐛᐤ ᑎᐱᔨᐛ ᐊᒋ ᐅᓯᐊᒡ ᒥᔅᑎᑯᒡ ᑭᔭ ᐊᓯᓂᒡ ᐅᒡ᙮ ᐊᓂᔭᔪᐛ ᒪᒃ ᒥᓂᑐᐧᑲᓇ ᑲ ᐅᓯᐊᒡ ᒧᔭᒻ ᓇᐸᐛ ᒪᒃ ᐱᔭᓯᓴ ᒪᒃ ᐊᐛᓯᓴ ᒪᒃ ᓂᓇᐧᑯᐤ ᐊ ᐃᓯᓇᑯᓯᔨᒋ ᒥᓐᑐᓴ ᐊᐅᑯᓐ ᑲ ᐃᓯᓇᑯᐊᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:29

ᐊᓐ ᐊᐛᓐ ᒋᒋᐛ ᒍᐤ ᑲ ᑕᑦ ᓄᑯᓂᔪᐤ ᐊᓐᑕ ᐱᒡ ᐅᐱᒪᑎᓯᐅᓂᒡ ᑕᑈ ᒍᐤ ᐊ ᑕᑦ᙮ ᐛᔅ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᐊ ᒋᔅᒋᓄᐛᒋᔄᑯᐅᔭᐧᒄ ᒋᑕᐃᓇᒡ, ᐊᐅᒄ ᒪᒃ ᐅ ᒋᒋᐛ ᒋᔅᒋᓄᐛᒋᔄᐅᓐ, ᓇᒪᔭᐤ ᐎ ᐎᓱᐛᐅᓐ ᐊ ᓂᓇᐃᑎᒪᐧᒄ ᒋᑭ ᒋ ᒋᔅᒋᓄᐛᒋᔄᑯᓇᓄᐤ ᒋᑕᐃᓇᒡ᙮ ᐊᐅᒄ ᒪᒃ ᐅ ᐊᐛᓐ ᒋᒋᐛ ᒍᐤ ᑲ ᑕᑦ ᒋᓴᒪᓂᑐᐛ ᐊᐅᒄ ᒐ ᓂᑐᐛᔨᒪᑦ ᒐᒋ ᒪᒥᔽᒋᒥᑯᑦ ᓇᒪ ᐎ ᓇᐸᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:6

ᐛᔅ ᒋ ᒋᔅᒐᔨᑕᓇᓄᐤ ᐊᓐ ᐛᔅᑭᒡ ᒋᑦ ᐃᑕᑎᓯᐅᓄᐤ ᐊᒋ ᒋᔅᑕᔎᑕᑭᓄᐅᑦ ᒋᓴᔅ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᐊᓂᔭ ᑲ ᒋᔅᑕᔎᑕᑭᓄᐅᑦ ᐊᑯᑕ ᑲ ᓂᓱᐅᓇᑎᓯᒥᑲᒋ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᑭᔭ ᓇᒪ ᓇᔅᒡ ᒋᑭ ᒋ ᑎᐸᔨᒥᑯᓇᓄᐤ ᐊᑯ ᒥᒐᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:22

ᐅᑕ ᐱᒡ ᐊ ᑕᔭᓐ ᓇᔅᒡ ᓂ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ᙮

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 4:16

ᐊᐅᑯᓐ ᒪᒃ ᐛᒋ ᐊᑲ ᓂᑕ ᐎ ᐳᓂᔭᒡ᙮ ᐊ ᐊᑎ ᐅᑕ ᐅᔅᒡ ᒋᔪᓇᒡ ᐊᔭᔅᒃ ᐊ ᐊᑎ ᓂᓱᐅᓇᑎᓯᔭᐧᒄ, ᐊᓯᑯᒻ ᒋᓯᑲᐛ ᒥᔅᑯᐊᑭᓄᐅᒡ ᒋᑦ ᐊᒐᐧᑯᓄᐅᒡ᙮

ᑲᓚᓯᔭᓇ 5:23

ᓇᔅᒡ ᔪᔅᐸᑎᓱᐅᒡ ᑭᔭ ᒥᔪ ᓂᓇᑭᑐᐛᔨᑕᒧᒡ ᑕᓐ ᐊ ᐃᓯ ᐱᒪᑎᓯᒡ᙮ ᓇᒪ ᑎᑯᓂᒐ ᐎᓱᐛᐅᓐ ᐊ ᒋᑕᐊᒪᒐᒥᑲᒡ ᐅ ᒐᒋ ᐃᓯ ᐱᒪᑎᓯᓇᓄᐅᒡ᙮

ᐃᐱᓯᔭᓇ 4:2

ᒋᐸ ᑎᐱᑕᔨᒥᓱᓇᐛᐤ ᑭᔭ ᒋᐸ ᒋᔭᒪᔨᑕᑯᓯᓇᐛᐤ ᑭᔭ ᒧᔅ ᒋᐸ ᐎ ᓯᐱᔪᐛᓯᓇᐛᐤ᙮ ᓄᑯᑕᒄ ᐊ ᓴᒋᐃᑐᔭᒄ ᐊᑲ ᑕᔅᑎᑲᒋᔭᒄ ᐊ ᐛᐎᒋᐃᑐᔭᒄ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

ᑯᓚᓯᔭᓇ 3:3

ᐛᔅ ᑕᐸ ᐊᑯ ᑎᑯᓐ ᐊᓂᔭ ᑲᒋ ᐃᓯ ᐱᒪᑎᓯᔭᒄ᙮ ᑲᒋᔅᑕᐛ ᒋᒋᐛ ᒋᐱᒪᑎᓯᐅᓄᐛᐛ ᐊᓐᑕ ᒋᓴᒪᓂᑐᐤ ᐊ ᑕᑦ ᐊ ᐎᒐᐛᒄ ᙭᙮

1 ᑕᓴᓗᓂᔭᓇ 4:11

ᓴᔅ ᐅᑕ ᔅᒋ ᐎᑎᒪᑎᓇᓐ ᑕᓐ ᒋᐸ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮

2 ᑕᓴᓗᓂᔭᓇ 3:12

ᓂᓯᒋᒪᓇᓂᒡ ᐅᒡ ᐊᐛᓐᒋ ᑭᔭ ᓂᑦ ᐃᔭᒂᒥᒪᓇᓂᒡ ᐅᑎᐸᔨᒋᒐᐛ ᒋᓴᓴ ᐊ ᑕᔨᒋ ᐃᓯ ᐊ ᐃᑎᒋᒡ, ᒋᔭᒻ ᐃᓯ ᐱᒪᑎᓯᒄ ᑭᔭ ᐊᑐᔅᒐᒄ ᐊᓐᑕ ᒐᒋ ᐅᒋ ᐱᒥᓂᑎᓱᔭᒄ᙮

1 ᑎᒧᑎ 2:2

ᑭᔭ ᐊᓐᒡ ᑲ ᒋᓴᐅᒋᒪᐅᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᒋᐸ ᐊᔭᒥᐊᔅᑎᒧᐛᐛᐅᒡ᙮ ᐅ ᒪᒃ ᓂᓇᐧᑯᐤ ᐊ ᐃᓯ ᐊᔭᒥᐊᔅᑎᒧᐛᑯᒡ ᐊᐛᓐᒋ ᐊᑯᑕ ᒐ ᐅᒋ ᑎᒂᒡ ᒋᔭᒪᔨᑎᒧᐅᓐ ᑭᔭ ᐊᑯᑕ ᒐ ᐅᒋ ᑎᒂᒡ ᐊ ᒥᔪ ᐎᒐᐅᑐᓇᓄᐅᒡ ᑯᐃᔅᑯᑕᑎᓯᐅᓂᒡ ᑭᔭ ᐊᑯᑕ ᒐ ᐅᒋ ᑎᒂᒡ ᐊ ᒋᔅᑕᔨᒥᑐᓇᓄᐅᒡ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

ᑕᐃᑕᔅ 3:2

ᐎᑎᒧᐅᒡ ᒐ ᐊᑲ ᒋ ᒥᒋ ᐊᔨᒧᒪᒡ ᐊᐛᔪᐛ, ᒐᒋ ᒋᔭᒪᐛᔨᑕᑯᓯᒡ ᑭᔭ ᒐᒋ ᒥᔽᔨᑕᑯᓯᒡ᙮ ᒧᔅ ᒋᐸ ᔪᔅᐸᑎᓯᔅᑐᐛᐅᒡ ᒥᓯᐛ ᐊᐛᔪᐛ᙮

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᐱᑕᕐ 3:15

ᒋᔅᑕᔨᒪᐧᒄ ᐅᑎᐸᔨᒋᒐᐤ ᙭ ᒋᑕᐃᐛᒡ᙮ ᒧᔅ ᒋᐸ ᐊᔭᔅᑯᐎᓇᐛᐤ ᑕᓐ ᒐᒋ ᐃᓯ ᐎᑎᒧᐊᑯᒡ ᐊᓐᒡ ᑲ ᐎ ᓇᓂᑐ ᒋᔅᒐᔨᑕᒡ ᐊᓂᔭ ᐊᔅᐸᔨᒧᐅᓂᔪᐤ ᑲ ᐱᒋᔅᑲᑯᐛᒄ᙮ ᒋᔭᒻ ᒥᒄ ᐎᑎᒧᐛᐧᑯᒡ ᐊᐛᓐᒋ ᐅᔭᔪᐤ ᑭᔭ ᐃᔭᐱᒡ ᒋᔅᑕᔨᒪᐧᑯᒡ᙮