1 ᐱᑕᕐ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓇᒪ ᓇᔅᒡ ᒋᐸ ᐅᒋ ᐊᐱᑕᔨᑎᒥᐃᑯᓇᐛᐤ ᑕᓐ ᒐ ᐃᓯᓇᑯᐃᓱᔭᒄ ᐅᑕ ᐅᔅᒡ, ᒧᔭᒻ ᑕᓐ ᒐ ᐃᑎᐛᐊᒪᔭᒄ ᒪᒃ ᒐᒂᓐ ᒐ ᐛᐛᓯᐅᐛᒐᔭᒄ, ᒪᒃ ᑭᔭ ᑕᓐ ᒐ ᐃᑕᔅᐱᓱᔭᒄ᙮

1 ᐱᑕᕐ 3:3 Iomraidhean Croise

ᒐᓂᓯᔅ 24:22

ᐃᔅᐱ ᑲᒋ ᐃᓯ ᒥᓂᒡ ᑲᐱᔎᐅᑭᓇᒡ, ᒋ ᒧᔅᒋᓇᐤ ᐊᐱᒋᐊᑭᓐ ᐊ ᐃᔨᒥᓯᔨᒋ ᐎᔄᐅᓱᓇᔭᐤ ᒥᔅᑯᑦ ᑕᐱᒋᒐᐱᓱᓇ ᑭᔭ ᒂ ᒋᑭᒧᑕᑎᔭᑦ ᐅᔅᑯᑎᔨᒡ ᑭᔭ ᐅᔅᐱᑐᓂᔨᒡ ᒋ ᒋᑭᒧᑕᑎᔭᐤ ᓂᓱ ᒥᔅᐱᑐᓇᐱᔅᑯᓴ᙮

ᒐᓂᓯᔅ 24:47

ᒪᒃ ᓂᒋ ᑯᒂᒋᒪᐤ, ‘ᐊᐛᔪᐛ ᐛᓂᒋᐃᑯᑦ ?’ ᓂᒋ ᐎᑎᒪᒄ, ‘ᐸᑎᐅᓪ ᓄᑕᐎᔾ, ᓇᐅᕐ ᑭᔭ ᒥᓪᑲ ᐅᑯᓱᐛᐛ᙮’ ᐃᔅᐱ ᐱᔭᑎᒪᓐ ᐅ, ᓂᒋ ᒋᑭᒧᑕᑎᔭᐤ ᑕᐱᒋᒐᐱᓱᓇ ᐅᔅᑯᑎᒡ ᑭᔭ ᒥᔅᐱᑐᓇᐱᔅᑯᓴ ᐅᔅᐱᑐᓂᒡ᙮

ᒐᓂᓯᔅ 24:53

ᒂ ᐸᑕᑦ ᐛᐱᓯᐤ ᑭᔭ ᐎᔄᐅᓱᓇᔭᔪᐤ ᐊᓯᓂᓴ ᑭᔭ ᐊᐱᒋᑕᐅᓇ ᑭᔭ ᒂ ᒥᔭᑦ ᕋᐸᑲᔨᒋ᙮ ᐃᔭᐱᒡ ᒋ ᒥᔭᐤ ᐎᐧᑲᓂᓯᔪᐛ ᑭᔭ ᐅᑲᐎᔪᐛ ᐊ ᓱᓇᔭᐎᔨᒋ ᒥᔨᐛᐅᓇ᙮

ᑎᐱᑦ ᐅᓂᑭᒧᐅᓇ 45:9

ᒋᓴᐅᒋᒪᐤ ᐅᑕᓂᓴ ᒋ ᐊᓯᑕᒋᒪᑭᓄᐅᒡ ᒋ ᒋᒋᐃᔎᒥᒡ: ᒋᒥᔪᐅᓂᒡ ᒋᓴᐅᒋᒪᔎᐤ ᒋ ᓂᐳᐤ ᐊ ᑭᓄᐛᔨᑕᐧᒃ ᐎᔄᐅᓱᓇᔭᐱᔅᑯᔪᐤ ᐅᐸᕆᒡ ᑲ ᐅᒋᒥᑭᓂᔨᒡ᙮

ᐊᒃᓱᑕᔅ 3:22

ᒥᓯᐛ ᐃᔅᕋᐃᓪ ᐃᔎᐤ ᒋᑭ ᓂᑐᐛᔨᑎᒧᐛᐤ ᐊᓂᔭ ᐃᒋᑉᑦ ᐃᔪᐛ ᐛᒋᒪᑭᓂᑐᐛᑦ ᑭᔭ ᒪᒃ ᐃᒋᑉᑦ ᐃᔎᐛ ᐛᒋᒥᑯᑦ ᐊᓐᑕ ᐎᒋᐛᒡ᙮ ᒐ ᑯᒂᒋᒪᑦ ᒐᒋ ᒥᔨᑯᑦ ᐎᔄᐅᓱᓇᔭᐤ ᑭᔭ ᐛᐱᓯᐅᓱᓇᔭᐤ ᐊᓯᓂᔭ ᑭᔭ ᐊ ᒥᔽᔨᒋ ᐅᑦ ᐊᐱᒋᑕᐅᓂᔪᐛ᙮ ᐃᒋᑉᑦ ᐃᔪᒡ ᒋᑭ ᒥᔨᑯᐛᐅᒡ ᐊᑯ ᒐ ᐳᔅᑯᒥᑎᔭᑯᒡ ᒋᑯᓯᐛᐅᒡ ᑭᔭ ᒋᑕᓂᓱᐛᐅᒡ᙮ ᐊᐅᑯᐤ ᒐ ᑕᐧᑯᓂᒪᒄ ᓂᑭᑎᒪᒂ ᐃᒋᑉᑦ ᐊᔅᒋᔾ᙮”

ᐊᒃᓱᑕᔅ 32:2

ᐊᑯ ᐊᕋᓐ ᐊᑕᑦ ᐃᔪᐛ, “ᒥᓂᒺᐧᒄ ᐊᓂᔭ ᑲ ᐎᔄᐅᓱᓇᔭᐱᔅᑯᔨᒋ ᒥᑐᑲᒡ ᑭ ᐳᔅᑲᑭᓄᐛᓂ ᑭ ᐳᔅᑭᒧᐅᒋ ᒋᐎᒋᒪᑭᓄᐛᐅᒡ, ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᑭᔭ ᒐ ᐸᑐᑐᐎᔭᒄ᙮”

ᐊᒃᓱᑕᔅ 33:4

ᐃᔅᐱ ᐱᔭᑕᒡ ᐃᔪᒡ ᐅᔭ ᐊᒥᔅᑲᑕᔨᑕᑯᓂᔨᒡ ᐃᔨᒧᐅᓂᔪᐤ, ᒂ ᓂᓇᐧᑲᒋᒧᒡ ᑭᔭ ᓇᒪ ᐅᒋ ᐳᔅᑭᒧᒡ ᐛᐛᓯᐅᓇᐱᔎ᙮

ᐊᒃᓱᑕᔅ 35:22

ᒥᓯᐛ ᓇᐸᐤ ᑭᔭ ᐃᔎᐤ ᐛ ᐱᔅᑎᓇᐧᒃ ᒥᔨᐛᐅᓇ ᒋ ᑎᑯᓯᓄᐤ ᐊᐸᑕᑦ ᒥᓯᐛ ᐊ ᐃᓯᓇᑯᓂᔨᒋ ᐊ ᐎᔄᐅᓱᓇᔭᐱᔅᑯᔨᒋ ᐛᐛᓯᐅᓇᐱᔎ, ᒋᔅᑕᐸᓱᓇ, ᒥᑐᑲᒡ ᑲ ᐳᔅᑲᑭᓄᐅᒋ, ᑕᐱᒋᒐᐱᓱᓇ, ᑭᔭ ᒐᒂᔪᐛ ᐎᔄᐅᓱᓇᔭᐱᔅᑯᒡ ᐊᐅᒡ ᐅᓯᑕᑭᓄᐎᒋ ᐛ ᐊᑎᒥᔅᑯᐛᑦ ᑎᐸᔨᒋᒐᓱᐛ᙮

ᐊᒃᓱᑕᔅ 38:8

ᑭᔭ ᐃᔭᐱᒡ ᒋ ᐅᓯᑕᐤ ᐊ ᐎᔄᐛᐱᔅᑯᔨᒡ ᐛᐸᑲᐎᓱᔭᑭᓂᔪᐤ ᑭᔭ ᐊᑕᐧᑯᑎᔅᑕᔨᒡ ᐃᔎᐛ ᐅᐛᐱᒥᓱᓂᔨᐛ ᐅᒡ ᐊᓂᔭ ᑲ ᑯᐸᓇᐎᒋ ᐊᓐᑕ ᐛᒋ ᐱᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2

ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

1 ᐱᑕᕐ 3:2

ᐛᔅ ᐛᐱᒥᑕᒂᐛ ᐊ ᐸᔭᒋ ᐱᒪᑎᓯᐛᒄ ᑭᔭ ᐊ ᒋᔅᑕᔨᒪᒄ ᒋᓴᒪᓂᑐᐤ ᐊᔪᐅᒄ ᐅᔭᔪᐤ ᒐ ᐎᒋᐃᑯᒡ ᒐᒋ ᑕᑈᑕᒡ᙮