1 ᐱᑕᕐ 3:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮

1 ᐱᑕᕐ 3:22 Iomraidhean Croise

ᑎᐱᑦ ᐅᓂᑭᒧᐅᓇ 110:1

ᑎᐸᔨᒋᒐᓱᐤ ᒋ ᐃᑕᐤ ᓂᑎᐸᔨᒋᒐᓯᒪ, “ᐊᐱ ᓂᒥᔪᐅᓂᒡ, ᐸᑎᒪ ᐃᓯᐃᒂᐛ ᑲ ᐛᐧᑲᑎᔅᒡ ᒐᒋ ᐅᑕᑯᔅᑲᒋᑭᓂᔨᓐ᙮”

ᒪᑎᔪᐤ 22:44

ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐅᐧᑲᑎᔅᒡ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:36

ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᓗᒃ 20:42

ᑎᐱᑦ ᒪᒃ ᐅᔭ ᐊᒋ ᐃᓯ ᒥᓯᓇᐊᒧᒂ ᐊᓐᑕ ᐅᓂᑭᒧᐅᓂᒡ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ,

ᒠᓐ 13:32

ᐊᑯ ᒪᒃ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊ ᓄᑯᑕᑭᓄᔨᒡ ᐅᑯᓯᓯᒪᐛ ᐊ ᑕᔨᒋ ᐅᒋ, ᐊᑯ ᐎᔾ ᒋᓴᒪᓂᑐᐤ ᒐ ᐛᐸᑎᔭᑦ ᐃᔪᐛ ᑕᓐ ᐊᔅᐱᔅ ᒋᔅᑕᔨᑕᑯᓯᔨᒋ ᐅᑯᓯᓯᒪᐛ᙮”

ᐊᑈᔅᑕᓇᒡ 1:11

ᐊᑯ ᒂ ᐃᑎᑯᒡ, “ᒋᔨᐛᐤ ᓇᐸᑐᒄ ᑲᓕᓕᒡ ᑲ ᐅᒋᔭᒄ, ᒐᒂᓐ ᐛᒋ ᓂᐳᐅᔭᒄ ᐅᑕ, ᐃᔅᐱᒥᒡ ᐊ ᐃᑕᐱᔭᒄ ? ᐅ ᒋᓴᔅ ᑕᓐ ᑲ ᐃᓯ ᐸᒋ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ, ᑲ ᐃᓯ ᐛᐱᒪᒄ ᐊ ᐃᑐᑕᑦ ᒋᒋᒋᓯᑯᒡ ᐊᐅᑯᓐ ᒧᔭᒻ ᒐ ᐃᓯᓇᑯᓯᑦ ᒥᓐ ᑎᑯᓯᒐ᙮”

ᐊᑈᔅᑕᓇᒡ 3:21

ᐊᑯᑕ ᒪᒃ ᐊᓐᑕ ᒋᒋᒋᓯᑯᒡ ᒐ ᑕᑦ ᐸᑐᔅ ᒥᓯᐛ ᒐᒂᔪᐤ ᐅᔅᒋᑕᑭᓄᔨᒐ ᐊᓂᔭᔪᐤ ᑕᓐ ᑲ ᐃᓯ ᓂᑲᓐ ᐎᑕᒡ ᒐ ᐃᔅᐱᔨᒡ ᐊᓂᔭᐧᑲ ᐛᔅᑭᒡ ᑲ ᐸᔭᒋᓯᒡ ᐅᒋᔅᒋᐛᐃᒐᓱᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34

ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:38

ᓂ ᒐᔅᑎᓇᐅᓐ ᐊᑲ ᒐᒂᓐ ᑎᒂᒡ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒡ᙮ ᐳᓂᐱᒪᑎᓯᔭᐧᒄ ᑭᔭ ᒪᒃ ᐱᒪᑎᓯᔭᐧᒄ ᐃᔭᐱᒡ ᒋᐸ ᓴᒋᐃᑯᓄᐤ᙮ ᓇᒪ ᐛᐛᒡ ᐊᓐᒋᓐᒡ ᒪᒃ ᒥᒋ ᐊᒐᐧᑯᒡ ᒋᑭ ᒋ ᐃᒐᑕᐃᑯᓄᐅᒡ ᙭ᑕ ᐅᓴᒋᐃᐛᐅᓂᔨᒡ ᐅᒡ᙮ ᓇᒪ ᒐᒂᓐ ᒋᑭ ᒋ ᐃᔅᐱᔪᐤ ᐊᓄᒡ ᒪᒃ ᐊᓐᑕ ᓂᔅᑕᒥᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒡ᙮

1 ᑯᕆᓐᑎᔭᓇ 15:24

ᐊᑯ ᒪᒃ ᙭ ᒐ ᓂᓱᐅᓇᒋᑕᑦ ᒥᓯᐛ ᐅᒋᒪᐅᓂᔪᐤ, ᒥᓯᐛ ᑎᐸᔨᒋᒐᐅᓂᔪᐤ ᑭᔭ ᓱᐧᑲᑎᓯᐅᓂᔪᐤ᙮ ᐊᑯ ᒪᒃ ᒐ ᐃᔎᐱᔨᒡ ᐊᔅᒋᔾ᙮ ᐃᔅᐱ ᒪᒃ ᐅ ᒋ ᐃᔅᐱᔨᒐ ᐊᑯ ᙭ ᒐ ᒥᔭᑦ ᒋᓴᒪᓂᑐᐛ ᐅᑕᐎᒪᐛ ᒋᓴᐅᒋᒪᐅᓂᔪᐤ᙮

ᑯᓚᓯᔭᓇ 3:1

ᒋ ᒋᔅᒐᔨᑕᓇᐛᐤ ᑲ ᐅᓂᔅᑲᓇᑦ ᒋᓴᒪᓂᑐᐤ ᙭ᑕ ᓂᐳᐅᓂᒡ ᐅᒡ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᐊᐅᑯᓐ ᐊ ᐃᓯᓇᒂᒡ᙮ ᐊᑯ ᒪᒃ ᒧᔅ ᒋᐸ ᓇᓂᑐᐛᔨᑕᓇᐛᐤ ᐊᓂᔭᔪᐛ ᒐᒂᔪᐛ ᐃᔅᐱᒥᒡ ᐊ ᑎᒂᒋ, ᐊᓐᑕ ᐊ ᐊᐱᑦ ᙭ ᒋᓴᒪᓂᑐᐛ ᐅᒥᔪᓂᔨᒡ᙮

ᐃᑉᕈᐛ 1:13

ᓇᒪ ᒪᒃ ᓂᑕ ᐅᒋ ᐃᑕᐤ ᒋᓴᒪᓂᑐᐤ ᐊᓐᒋᓇ ᑕᓐ ᑲ ᐃᑕᑦ ᐅᑯᓴ᙮ ᒋ ᐃᑕᐤ ᐅᑯᓴ, “ᐊᔅᑎᒻ ᐸᒋ ᐊᐱᔾ ᐅᑕ ᓂᒥᔪᐅᓂᒡ᙮ ᓂᑭ ᓴᐧᑯᒋᐊᐅᒡ ᐊᓐᒡ ᑲ ᐛᐧᑲᑎᔅᒡ᙮ ᓂᑭ ᐃᑐᑐᐛᐅᒡ ᒐᒋ ᐱᔅᑕᔨᒧᑎᓱᔅᑕᔅᒡ᙮”

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

ᐃᑉᕈᐛ 1:6

ᐃᔅᐱ ᑲ ᐸᒋ ᐃᑎᓴᐛᑦ ᒋᓴᒪᓂᑐᐤ ᐅᓂᔅᑎᒧᓴᓇ ᐅᑕ ᐊᔅᒋᒡ, ᒋ ᐃᔅᒋᔄᐤ, “ᒥᓯᐛ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᒋᑭ ᐊᔭᒥᐊᔅᑕᑯᐤ᙮”

ᐃᑉᕈᐛ 10:12

ᒥᒄ ᒪᒃ ᐃᔅᐱᔅ ᒋᓴᔅ ᑲ ᐱᔅᑎᓇᐧᒃ ᐅᐱᒪᑎᓯᐅᓐ, ᐊᐅᒄ ᒥᒄ ᐅ ᐱᔅᑎᓂᒐᐅᓐ ᑲ ᓂᑐᐛᔨᑕᒂᒡ ᐊᓐᑕ ᒐᒋ ᐅᒋ ᑲᒋᒡ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮ ᓇᒪ ᒥᓐ ᑯᑎᒡ ᐱᔅᑎᓂᒐᐅᓐ ᐅᒋ ᓂᑐᐛᔨᑕᑯᓐ᙮ ᐊᓐᑕ ᒪᒃ ᒋᓴᒪᓂᑐᐤ ᐅᒥᔪᐅᓂᒡ ᐊᑯᑕ ᑲ ᐃᓯ ᐅᑎᓇᑭᓄᐅᑦ ᑲᒋᒡ ᒐᒋ ᐊᐱᑦ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 6:20

ᒋᓴᔅ ᒪᒃ ᐅ ᑲ ᒐᔅᑎᓇᑕᔨᒪᐧᒄ᙮ ᐊᓐᑕ ᐊᓂᔭ ᑲ ᐱᒐᑦ ᐊᑯᑕ ᐊ ᐊᔭᒥᐊᔅᑎᒪᑕᐧᒄ᙮ ᐎᔾ ᑲᒋᒡ ᒋᓴᐊᔭᒥᐊᐅᒋᒪᐅ ᒋᓴᔅ ᒧᔭᒻ ᒪᓪᑭᓴᑕᒃ᙮

ᐃᑉᕈᐛ 8:1

ᒪᐅ ᐛ ᐃᑎᑎᑯᒡ᙮ ᒋ ᑭᓄᐛᔨᒪᓄᐤ ᒋᓴᐊᔭᒥᐊᐅᒋᒪᐤ᙮ ᒧᔭᒻ ᒪᒃ ᐅ ᑲ ᐃᓯ ᐸᒋ ᐊᔨᒧᑎᒪᑎᑯᒡ ᑕᓐ ᑲ ᐃᓯ ᓂᑐᐛᔨᑕᑯᓯᑯᐱᓇ ᒐᒋ ᐃᑕᔨᑕᑯᓯᑦ ᐊᔭᒥᐊᐅᒋᒪᐤ ᓇᔅᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ, ᐊᐅᑯᓐ ᐊᓐ ᐊ ᐃᑕᔨᑕᑯᓯᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐊᓐᑕ ᒋᓴᒪᓂᑐᐛ ᒪᐅᒡ ᑲ ᓱᒐᔨᑕᑯᓯᔨᒋ ᐅᒥᔪᓂᔨᒡ ᐊᑯᑕ ᐛᑎᐱᑦ, ᐊᓐᑕ ᒋᒋᒋᓯᑯᒡ᙮

ᐃᑉᕈᐛ 9:24

ᐛᔅ ᙭ ᒋ ᐱᒐᐤ ᐊᓂᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ, ᐊᓂᔭ ᐊᑲ ᓇᐸᐛ ᐅᒋ ᐅᓯᑕᔨᒋ᙮ ᐅ ᒥᒋᐛᑉ ᐅᑕ ᐊᔅᒋᒡ ᑲ ᑎᒂᒡ ᓂᔅᐱᑐᒧᒥᑭᓐ ᐊ ᐃᓯᓇᒂᒡ ᐊᓐ ᒥᒋᐛᑉ ᒋᒋᒋᓯᑯᒡ ᐊ ᑎᒂᒡ᙮ ᒋᓴᔅ ᒪᒃ ᐊᓐᑕ ᒋᒋᒋᓯᑯᒡ ᐛᒋᒡ ᒋ ᐱᒐᐤ, ᐊᓐᑕ ᒧᔅ ᐊ ᐊᔭᒥᐊᔅᑎᒪᑕᐧᒄ ᒋᓴᒪᓂᑐᐛ ᐊ ᑕᔨᒋ᙮