1 ᐱᑕᕐ 3:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ᑕᑈᑕᐧᒃ᙮ ᒥᒄ ᒪᒃ ᐊ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ᐃᑕᑦ ᑕᑈ ᙭ᑕ ᒐ ᓇᓴᐛᑦ᙮ ᐱᒪᒋᐃᑯᐤ ᐊ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

1 ᐱᑕᕐ 3:21 Iomraidhean Croise

ᒪᑎᔪᐤ 28:19

ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ᐸᔭᒋᓯᔨᒋ ᐊᒐᒂ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:16

ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᓯᑲᐃᑐᐛᑭᓄᒐ ᒋᑭ ᐱᒪᒋᐊᑭᓄᐤ, ᐊᑯ ᐊᓐ ᐊᐛᓐ ᒐ ᐊᑲ ᑕᑈᑎᒧᒂ ᒋᑭ ᓂᓱᐅᓇᒋᒪᑭᓄᐤ᙮

ᒠᓐ 13:9

ᓴᐃᒥᓐ ᐱᑕᕐ ᒂ ᐃᑕᑦ, “ᐅᑎᐸᔨᒋᒐᐤ, ᐊᑲᐎᔾ ᒪ ᒥᒄ ᓂᓯᑕ ᒋᔅᑕᐸᐅᑕ, ᒋᔅᑕᐸᐅᑕ ᑭᔭ ᓂᔅᑎᒂᓐ ᑭᔭ ᓂᑎᒋᔭ᙮”

ᐊᑈᔅᑕᓇᒡ 16:33

ᑎᐛᒡ ᒪᒃ, ᐊᑎ ᐊ ᒪᒂᑎᐱᔅᑲᔨᒡ, ᐊᓐ ᑲ ᓂᓇᑭᑐᐛᔨᑕᐧᒃ ᐊᓂᔭ ᑲᒪᑯᓄᐛᓯᐅᒋᐛᐱᔪᐤ ᒋ ᐎᐎᑕᐊᐤ ᑈᓚ ᑭᔭ ᓴᓂᓴ ᐊᑯ ᑲ ᒋᔅᑕᐸᐅᑕᐛᑦ ᐊᓐᑕ ᑲ ᐸᐱᓯᔅᑕᐛᑭᓄᔨᒋ᙮ ᐊᑯ ᑎᐛᒡ ᐎᔾ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᑲ ᓯᑲᐃᑐᐛᑭᓄᐅᒡ᙮

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 22:16

ᒪᒋ ᒪᒃ, ᐊᑲᐎᔾ ᓂᓇᐧᑲᐎᔾ᙮ ᐱᓯᑯ, ᒐ ᓯᑲᐃᑕᑯᔨᓐ, ᑭᔭ ᒐ ᐛᐸᔨᑎᒪᑯᔨᓐ ᒋᒥᒋᑥᐅᓇ ᐊ ᑕᑈᑎᑦ ᐅᑎᐸᔨᒋᒐᐤ ᒐᒋ ᐛᐸᔨᑎᒪᔅᒃ᙮’ ”

ᐊᑈᔅᑕᓇᒡ 8:36

ᒪᒂᒡ ᒪᒃ ᐊ ᐊᑎ ᐱᒥᐱᔨᒡ ᑎᑎᐱᑕᐸᓇᔅᑯᒡ, ᒋ ᐅᑎᑎᒧᒡ ᐊᓐᑕ ᐊ ᑎᑯᓂᔨᒡ ᓂᐱᔪᐤ, ᐊᓐ ᓇᐸᐤ ᒪᒃ ᒋ ᐃᑕᐤ, “ᐛᐸᑕ, ᒪᐅ ᓂᐱᔾ, ᒐᒂᓐ ᒐ ᓂᑲᓂᑯᔭᓐ ᐊ ᓂᑐᐛᔨᑎᒪᓐ ᒐᒋ ᓯᑲᐃᑐᐛᑯᐅᔭᓐ ?”

ᐊᑈᔅᑕᓇᒡ 8:37

ᐱᓕᑉ ᒪᒃ ᒋ ᐃᑕᐤ, “ᑕᑈ ᑎᔭᑈᐅᒐᔨᒪᐅᑕ ᒋᓴᔅ ᒥᓯᐛ ᒋᑕᐃᒡ ᐅᒡ, ᒋᑭ ᒋ ᐃᑐᑕᑯᐅᓐ᙮” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᓂ ᑕᑈᑕᓐ ᒋᓴᔅ ᙭ ᐊ ᐊᐎᑦ ᒋᓴᒪᓂᑐᐤ ᐅᑯᓯᓴ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:14

ᐊᑕᒻ ᐊ ᑕᑦ ᐅᒋ ᐊᓐᒡ ᒪᒃ ᐊᓐᑕ ᑲ ᐊᓂᔅᒐ ᐱᒪᑎᓯᒡ ᒧᓱᓴ ᐃᔅ ᐊ ᑕᔨᒋ ᒥᓯᐛ ᒋ ᑎᐸᔨᒥᑯᐅᒡ ᓂᐳᐅᓂᔪᐤ ᐊᑎ ᐊᓐᒡ ᐊᑲ ᐊᓐ ᐊᑕᒻ ᑲ ᐃᓯ ᒥᒋᑐᑎᒥᔨᒋ ᑲ ᐃᓯ ᒥᒋᑐᑕᒡ᙮ ᐅ ᒪᒃ ᐊᑕᒻ ᐃᔭᐱᒡ ᒋ ᑎᑯᓂᔪᐤ ᑕᓐ ᑲ ᐃᓯ ᓂᔅᐱᑐᐛᑦ ᐊᓂᔭ ᐊᔅᒄ ᒐ ᑎᑯᓯᓂᔨᒋ, ᐊᐅᑯᓂᐃ ᒋᓴᓴ᙮

1 ᑯᕆᓐᑎᔭᓇ 12:13

ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ᐃᓯᐃᑯᐅᔭᐧᒄ ᑲ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮

1 ᑯᕆᓐᑎᔭᓇ 4:6

ᒥᓯᐛ ᐅ ᑲ ᐸᒋ ᐃᔅᒋᔄᔭᓐ ᓂᔾ ᓂᒋ ᐊᔨᒧᒥᓱᓐ ᑭᔭ ᐊᐳᓚᔅ ᓂᒋ ᐊᔨᒧᒪᐤ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᒋᔨᐛᐤ ᓂᐧᑲᓂᓯᑐᒄ ᒥᒄ ᑕᓐ ᐊᑎᔅᑕᒡ ᒥᓯᓇᐃᑭᓂᒡ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᐃᑎᔅᑕᐤ ᐊᑲ ᐊᐛᓐ ᐃᐛᒃ ᒐᒋ ᐃᑕᔨᒪᑦ ᐸᐃᒄ ᐊᐛᔪᐛ ᑕᓐ ᐊ ᐃᑕᔨᒪᑦ ᑯᑎᑲ ᐊᐛᔪᐛ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᑲᓚᓯᔭᓇ 3:27

ᑲ ᓯᑲᐃᑕᑯᔭᒄ ᐎᔾ ᙭ ᐊ ᑕᑦ ᔅᒋ ᐃᓯ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ᑕᑦ ᐊ ᐃᓯ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ᓂᔅᐱᑐᐛᐛᐤ᙮

ᐃᐱᓯᔭᓇ 5:26

ᐊᔪᐅᒄ ᐅᔭ ᑲ ᐃᑎᑦ ᙭ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ᐸᔭᒋᐊᑦ, ᓂᐱᒡ ᐊᒋ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮

ᑯᓚᓯᔭᓇ 2:12

ᑭᔭ ᑲ ᓯᑲᐃᑕᑯᐅᔭᒄ ᒧᔭᒻ ᐊᒋ ᐊᓯᒡ ᓇᐃᐧᑲᑯᐅᔭᒄ ᙭ ᑲ ᓇᐃᐧᑯᐛᑭᓄᐅᑦ ᐃᓯᓇᑯᓐ᙮ ᐊᑯ ᒪᒃ ᐊᓐ ᐊ ᑕᑈᑎᒪᒄ ᒋᓴᒪᓂᑐᐤ ᐅᒥᔅᑯᓯᐅᓐ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐃᓯᓇᑯᓐ᙮ ᐊᐅᒄ ᐊᓂᔭ ᒥᔅᑯᓯᐅᓂᔪᐤ ᒋᓴᒪᓂᑐᐤ ᑲ ᐊᐱᒋᑕᑦ ᑲ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮

1 ᑎᒧᑎ 1:5

ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ᓴᒋᐊᒡ ᐊᐛᔪᐛ ᐊ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ᒋᔅᒐᔨᑕᒡ ᑯᐃᔅᒄ ᐊᒋ ᐃᑎᒡ ᑭᔭ ᐊ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ᐎᑎᒧᐅᑥᐤ ᐊᑯᑕ ᒐᒋ ᐅᒋ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮

1 ᑎᒧᑎ 6:12

ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ᑕᑈᑎᒥᓐ ᐊᓐᑕ ᒐᒋ ᐅᒋ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ᐃᑕᔨᒥᑯᔨᓐ ᒐᒋ ᐃᓯ ᐊᔭᔨᓐ ᐃᔅᐱ ᓇᔅᒡ ᑲ ᒋᔅᒐᔨᑕᑯᓯᔨᓐ ᒐ ᐊᑐᔅᑯᐅᑦ ᒋᓴᒪᓂᑐᐤ, ᑲ ᐎᑎᒥᓐ ᑕᑈ ᐊ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ᑕᒡ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᐃᑉᕈᐛ 11:19

ᐊᑉᕋᐊᒻ ᒋ ᒋᔅᒐᔨᑎᒻ ᒋᓴᒪᓂᑐᐛ ᒐᒋ ᐅᓂᔅᑲᓇᔨᒋ ᐊᐛᔪᐛ ᓂᐳᐅᓂᒡ ᐅᒡ᙮ ᐊᓂᔭ ᒪᒃ ᑲᐤ ᐊᒋ ᒥᔭᑭᓄᐅᑦ ᐊᑉᕋᐊᒻ ᐅᑯᓴ ᐊᐃᓯᑲ, ᒧᔭᒻ ᓂᐳᐅᓂᒡ ᐊᒋ ᐅᒋ ᐅᓂᔅᑲᓇᑭᓄᔨᒋ ᒋ ᐃᓯᓇᑯᓂᔪᐤ᙮

ᐃᑉᕈᐛ 13:18

ᒋ ᐱᑯᓴᔨᒥᑎᓇᓐ ᒐᒋ ᐸᒋ ᐊᔭᒥᐊᔅᑎᒧᐅᔭᒡ᙮ ᒧᔅ ᓂ ᐎ ᐃᑐᑎᒺᓇᓐ ᐊᓂᔭ ᐊ ᐃᑕᔨᑎᒥᐃᑯᑦ ᒋᓴᒪᓂᑐᐤ ᐊ ᑯᐃᔅᑯᓇᑯᓂᔨᒡ᙮ ᐛᔅ ᐊᑯᑕ ᒐ ᐅᒋ ᒋᔅᒐᔨᑎᒪᒡ ᐊᑲ ᒐᒂᓐ ᑎᒂᒡ ᒐᒋ ᒥᒐᔨᑎᒥᐃᑯᔭᒡ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

ᐃᑉᕈᐛ 9:24

ᐛᔅ ᙭ ᒋ ᐱᒐᐤ ᐊᓂᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ, ᐊᓂᔭ ᐊᑲ ᓇᐸᐛ ᐅᒋ ᐅᓯᑕᔨᒋ᙮ ᐅ ᒥᒋᐛᑉ ᐅᑕ ᐊᔅᒋᒡ ᑲ ᑎᒂᒡ ᓂᔅᐱᑐᒧᒥᑭᓐ ᐊ ᐃᓯᓇᒂᒡ ᐊᓐ ᒥᒋᐛᑉ ᒋᒋᒋᓯᑯᒡ ᐊ ᑎᒂᒡ᙮ ᒋᓴᔅ ᒪᒃ ᐊᓐᑕ ᒋᒋᒋᓯᑯᒡ ᐛᒋᒡ ᒋ ᐱᒐᐤ, ᐊᓐᑕ ᒧᔅ ᐊ ᐊᔭᒥᐊᔅᑎᒪᑕᐧᒄ ᒋᓴᒪᓂᑐᐛ ᐊ ᑕᔨᒋ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

1 ᐱᑕᕐ 3:16

ᓱᒃ ᒧᔅ ᑯᐃᔅᒄ ᐎ ᐃᓯ ᐱᒪᑎᓯᒄ ᓇᔅᒡ ᒐᒋ ᒐᔅᑎᓇᐅᔭᒄ ᐊᑲ ᒥᒋᑐᑎᒪᒄ᙮ ᐅ ᐃᓯᓇᑯᓯᔭᒂ, ᐊᑯᑕ ᒐ ᐅᒋ ᓯᓴᒂᔨᒧᒡ ᐊᓐᒡ ᑲ ᒪᔭᔨᒥᑕᑯᒡ, ᐊᓐᒡ ᑲ ᒥᒋ ᐊᔨᒧᒥᑕᑯᒡ ᐊ ᑯᐃᔅᑯᐱᒪᑎᓯᐛᒄ ᙭ᑕ ᐊ ᓇᓴᐅᒪᑯ᙮