1 ᐱᑕᕐ 3:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯᔅ ᒋᑭ ᐳᓂᐤ ᐊ ᒥᒋᑐᑕᐧᒃ᙮ ᐅᔅᑕ ᒧᔅ ᒋᑭ ᐎ ᒥᔪᑐᑎᒪᒐᐤ᙮ ᓱᒃ ᒋᑭ ᐎ ᐊᒋᔅᑎᒻ ᒐᒋ ᐎᒋᐊᑦ ᒥᓯᐛ ᐎᐧᑲᓂᓯᒪᐛ ᒧᔅ ᒐᒋ ᒥᔪ ᐎᒐᐅᑐᔨᒋ᙮

1 ᐱᑕᕐ 3:11 Iomraidhean Croise

ᑎᐱᑦ ᐅᓂᑭᒧᐅᓇ 125:4

ᒥᔪᑐᑐᐅᒡ, ᐅ ᑎᐸᔨᒋᒐᓱᐤ, ᐊᓐᒡ ᑲ ᒥᔪᑥᒡ, ᐊᓐᒡ ᑭᔭ ᑲ ᑯᐃᔅᑯᑕᐊᒡ᙮

ᑎᐱᑦ ᐅᓂᑭᒧᐅᓇ 34:14

ᓂᑭᑕ ᑲ ᒪᔭᑎᒡ, ᑐᑕ ᒪᒃ ᑲ ᒥᔽᓯᒡ, ᓇᓂᑐᐛᔨᑕ ᒋᔭᒪᔨᑎᒧᐅᓐ, ᓄᓱᔅᑲ ᒪᒃ᙮

ᑎᐱᑦ ᐅᓂᑭᒧᐅᓇ 37:27

ᓂᑭᑕ ᑲ ᒪᔭᑎᒡ, ᐃᑐᑕ ᑭᔭ ᑲ ᒥᔽᓯᒡ: ᑕ ᒪᒃ ᑲᒋᒡ᙮

ᒪᑎᔪᐤ 5:45

ᐊᑯ ᒪᒃ ᒐ ᐅᑯᓯᑕᑕᒄ ᐊᓐ ᒍᑕᐎᐛᐤ ᐊᓐᑕ ᒋᒋᒋᓯᑯᒡ ᐊ ᑕᑦ᙮ ᐛᔅ ᑕᐱᔅᑯᓐ ᒥᔭᐤ ᐊᓂᔭᔪᐛ ᑲ ᒥᒋᑐᑎᒥᔨᒋ ᑭᔭ ᑲ ᒥᔪᑐᑎᒥᔨᒋ ᒐᒋ ᐛᔅᑕᓂᒪᑯᔨᒋ ᐱᓯᒺ, ᑭᔭ ᑕᐱᔅᑯᓐ ᒥᔭᐤ ᐊ ᒋᒧᓂᔨᒡ ᐊᓂᔭ ᑲ ᒥᔪᑐᑎᒥᔨᒋ ᑭᔭ ᐊᓂᔭ ᑲ ᒥᒋᑐᑎᒥᔨᒋ᙮

ᒪᑎᔪᐤ 5:9

ᓱᐛᔨᑕᑯᓱᐅᒡ ᐊᓐᒡ ᑲ ᒥᔪᐱᔭᐊᒡ ᐊᐛᔪᐛ ᐊ ᒥᒋᐱᔨᐃᑐᔨᒋ, ᐛᔅ ᒋᓴᒪᓂᑐᐤ ᐅᑦ ᐊᐛᓯᒪ ᒋᑭ ᐃᓯᓂᐧᑲᑕᑭᓄᐎᒡ᙮

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:7

ᒧᔅ ᒋᑭ ᑕᐅᒡ ᑲ ᒋᔅᑎᒪᑎᓯᒡ ᐅᑕ ᐊ ᑕᔭᒄ, ᒋᑭ ᒋ ᒥᔪᑐᑐᐛᐛᐅᒡ ᑕᓐᑕ ᒥᒄ ᒐ ᓇᐃᐱᔨᒂ ᒐᒋ ᒥᔪᑐᑐᐛᑯᒡ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮

ᓗᒃ 1:79

ᒐᒋ ᐛᔅᑕᔨᒡ ᐊᑕᒡ ᐊᓐᒡ ᐛᑲᔅᑕᐱᒡ, ᑭᔭ ᑕᑲᔅᑕᔅᑲᑯᒡ ᓂᐳᐅᓂᔪᐤ; ᑭᔭ ᒐᒋ ᒋᔅᒋᓄᑕᐃᑯᔭᐧᒄ ᒋᔭᒪᐛᔨᑎᒧᐅᓂᒡ ᐃᔅ᙮”

ᓗᒃ 6:35

ᒪᐅᑕ ᒋᐸ ᐃᑎᓐ, ᒋᐸ ᓴᒋᐊᐅᒡ ᐊᓐᒡ ᑲ ᒥᒐᔨᒥᔅᒡ, ᑭᔭ ᒋᐸ ᒥᔪᑐᑐᐛᐅᒡ, ᒋᐸ ᒥᔭᐅᒡ ᑭᔭ ᒐᒂᔪᐤ ᐊ ᐃᓯ ᓂᑐᐛᔨᑎᒪᔅᒡ᙮ ᓇᒪ ᒋᐸ ᐅᒋ ᐱᑯᓴᔨᑕᓐ ᒥᓐ ᒐᒋ ᒋᐛᒥᔨᑯᔨᓐ, ᒐ ᒥᓴᒡ ᒪᒃ ᒋᑎᐸᐊᒪᑯᓯᐅᓐ᙮ ᑭᔭ ᐅ ᐃᑐᑎᒥᓇ ᒋᑭ ᓄᑯᓐ ᐊ ᐅᑦ ᐊᐛᓯᒥᑐᑕᔅᒃ ᒋᓴᒪᓂᑐᐤ, ᒪᐅᒡ ᑲ ᐃᔅᐸᔨᑕᑯᓯᑦ᙮ ᐛᔅ ᒥᔪᑐᑐᐛᐤ ᒥᓯᐛ ᐊᐛᔪᐛ ᐊᑎ ᐊᓂᔭ ᐊᑲ ᓂᓇᔅᑯᒧᔨᒋ ᑭᔭ ᐊᓂᔭ ᑲ ᒥᒋᑥᔨᒋ᙮

ᓗᒃ 6:9

ᐊᑯ ᒋᓴᔅ ᒂ ᐃᑕᑦ ᐊᓂᔭ ᑲ ᐎ ᒪᒥᓯᒥᑯᑦ, “ᒋᑭ ᑯᒂᒋᒥᑎᓇᐛᐤ, ᑕᓐ ᐊ ᐃᓯ ᐱᑯᓴᔨᒥᑯᔭᐧᒄ ᐎᓱᐛᐅᓐ ᒐᒋ ᐃᑐᑎᒧᐛᒂ ᐊ ᒍᐤ ᐊᔭᒥᐊᐅᒋᓯᑲᒡ᙮ ᑕᓐ ᒪᐅᒡ ᒪᔽᓯᒡ ᒐᒋ ᐃᑐᑎᒥᓐ ᒐᒂᓐ᙮ ᐊ ᒥᔪᑐᑎᒥᓐ ᑭᔭ ᒪᒃ ᐊ ᒥᒋᑐᑎᒥᓐ, ᐊ ᐱᒪᒋᑕᔨᓐ ᑭᔭ ᒪᒃ ᐊ ᓂᓱᐅᓇᒋᑕᔨᓐ ?”

ᒠᓐ 17:15

ᓇᒪ ᐎ ᒋ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:18

ᒥᒄ ᒐ ᐃᔅᐱᔅ ᒋ ᐃᑐᐅᓇ, ᑯᒋᑕ ᒥᓯᐛ ᐊᐛᓐ ᒐᒋ ᒥᔪ ᐎᒐᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:19

ᓱᒃ ᒪᒃ ᒧᔅ ᐎᓯ ᐱᒪᑎᓯᑕᐤ ᒐᒋ ᐎᒋᐃᐧᑯᒡ ᑯᑎᑭᒡ ᐊᐛᓐᒋ ᒐᒋ ᒥᔪ ᐎᒐᐅᑐᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:19

ᐛᔅ ᑕᐸ ᓂᑦ ᐃᑐᑕᓐ ᐊᓐ ᐛ ᐃᓯ ᒥᔪᑐᑎᒪᓐ᙮ ᐊᓐ ᑲ ᒪᔭᑎᒡ ᐊᑲ ᐎ ᐃᑐᑎᒪᓐ ᐊᐅᑯᓐ ᐊ ᐊᑎ ᐃᑐᑎᒪᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:21

ᒪᐅ ᒪᒃ ᐊ ᐃᓯ ᐛᐸᑎᒪᓐ ᒧᔅ ᐊ ᐃᔅᐱᔨᔭᓐ᙮ ᐊᑎ ᐛ ᒥᔪᑐᑎᒪᓂ ᔭᐃᑕᔾ ᒧᔅ ᐊᔅᒋᐱᔪᐤ ᐊ ᐎ ᒥᒋᑐᑎᒪᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:6

ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᑯᓚᓯᔭᓇ 3:15

ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮

1 ᑎᒧᑎ 6:18

ᐎᑎᒧᐅᒡ ᐊᓐᒡ ᑲ ᐛᔪᑎᓯᒡ ᒐᒋ ᒥᔪᑐᑎᒪᒐᒡ, ᒥᔪᑐᑎᒪᒐᐅᓂᒡ ᒐᒋ ᐃᓯ ᐛᔪᑎᓯᒡ, ᒐᒋ ᐃᓯᓇᑯᓯᒡ ᓇᔅᒡ ᑲ ᒥᔽᔨᑕᒡ ᐊ ᒥᔨᐛᒡ ᑭᔭ ᓇᔅᒡ ᒐᒋ ᐛᒋᐱᔨᒡ ᒐᒋ ᑕᑥᐅᓂᒧᐛᒡ ᐊᐛᔪᐛ ᑕᓐ ᐊ ᐃᓯ ᐊᔭᒡ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮

ᐃᑉᕈᐛ 13:16

ᐊᑲᐎᔾ ᐳᓂᒄ ᐊ ᒥᔪᑐᑎᒪᒐᔭᒄ ᑭᔭ ᐊ ᒪᑎᓄᐛᐱᔨᑕᑐᔭᒄ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᓇᔅᒡ ᐊ ᐱᔅᑕᔨᒥᓱᑦ ᐊᐛᓐ ᐅᔭ ᒐᒋ ᐃᑎᑦ ᓇᐊᔨᑎᒥᐊᐤ ᒋᓴᒪᓂᑐᐛ᙮

ᒋᒥᔅ ᐅᒥᓯᓇᐊᒪᒐᐅᓐ 4:17

ᐊᓐ ᐊᐛᓐ ᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ᒥᔪᑐᑎᒻ ᐊᑲ ᒪᒃ ᐃᑐᑕᐧᒃ ᒥᒋᑐᑎᒻ ᐊᓐ ᐊᐛᓐ᙮

1 ᐱᑕᕐ 3:12

ᐛᔅ ᐅᑎᐸᔨᒋᒐᐤ ᒥᔪ ᑭᓄᐛᔨᒪᐤ ᐊᓂᔭ ᑲ ᑯᐃᔅᑯᐱᒪᑎᓯᔨᒋ ᑭᔭ ᓂᑐᑐᐛᐤ ᐃᔅᐱᔅ ᐊ ᐊᔭᒥᐊᔨᒋ, ᐊᑯ ᐊᓂᔭ ᑲ ᒥᒐᑎᓯᔨᒋ ᓇᒪ ᓇᐃᐱᒪᐤ᙮ ᐊᐅᒄ ᐊᑎᔅᑕᒡ ᒥᓯᓇᐃᑭᓂᒡ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮