1 ᐱᑕᕐ 2:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

1 ᐱᑕᕐ 2:24 Iomraidhean Croise

ᒐᓂᓯᔅ 22:6

ᐊᑉᕋᐊᒻ ᒋ ᒥᔭᐤ ᐅᑯᓴ ᒥᑕ ᒐᒋ ᑕᐧᑯᓂᒥᔨᒋ᙮ ᐎᔾ ᒧᐧᑯᒪᓂᔪᐤ ᑭᔭ ᐃᔎᔅᒐᔪᐤ ᒐ ᑯᑐᐛᒐᑦ ᒋ ᑕᐧᑯᓂᒻ᙮ ᒪᒧᐤ ᐊ ᓂᓯᒡ ᒂ ᔅᑐᑕᒡ᙮

ᑎᐱᑦ ᐅᓂᑭᒧᐅᓇ 147:3

ᒥᓏᒋᐊᐤ ᑲ ᐱᑯᑕᐊᔨᒋ, ᑭᔭ ᒪᑯᐱᑎᒺᐤ ᐊ ᒥᔄᑭᓂᐧᑲᑕᑭᓄᔨᒋ᙮

ᑎᐱᑦ ᐅᓂᑭᒧᐅᓇ 38:4

ᐛᔅ ᓂᒥᒐᑎᓯᐅᓇ ᐸᓯᒋᐱᔪᐛ ᓂᔅᑎᒂᓂᒡ: ᒧᔭᒻ ᐊᑯᓯᒂᒡ ᐎᐅᓯᐅᓐ ᐅᓴᒻ ᓂ ᑯᓯᑯᒪᒋᑕᓐ᙮

ᐊᒃᓱᑕᔅ 28:38

ᐊᑯ ᐊᐅᑯᔪᐤ ᐅᔭ ᒐ ᐳᔅᑲᐧᒃ ᐊᕋᓐ ᒐᒋ ᒥᔪ ᐅᑎᓂᒥᔨᒋ ᑎᐸᔨᒋᒐᓱᐛ ᐃᔪᐛ ᐅᒥᑐᔅᑕᐊᒪᒐᐅᓂᔪᐛ ᐊᑎᓱᐧᒄ ᐊᑲ ᓄᓴᒻ ᐃᑎᔨᒋ᙮

ᒪᑎᔪᐤ 27:26

ᐊᑯ ᑈᓚᑦ ᒂ ᐃᑎᓱᐛᑦ ᒐᒋ ᐱᔅᑎᓇᑭᓄᔨᒋ ᐸᕋᐸᓴ᙮ ᐃᔅᐱ ᒪᒃ ᑲ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ, ᐊᑯ ᒂ ᐱᔅᑎᓱᐛᑕᑦ ᒐᒋ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ᙮

ᒪᑎᔪᐤ 5:20

ᒋ ᐎᑎᒪᑎᓇᐛᐤ ᒪᒃ, ᐊᐅᒄ ᒥᒄ ᒐᒋ ᐅᒋ ᐱᒐᔭᒄ ᐊᓐ ᒋᒋᒋᓯᒄ ᒋᓴᐅᒋᒪᐅᓐ ᐊᑐᐎᔅ ᒋᔨᐛᐤ ᑯᐃᔅᑯᑕᑎᓯᔭᒂ ᐃᔅᐱᔅ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᐸᕆᓯᔨᒡ᙮”

ᒪᑎᔪᐤ 8:17

ᒋ ᐃᑐᑎᒧᐛᐤ ᐃᔪᐛ ᐅᔭ ᒐᒂᓇ ᐊᑯ ᒪᒃ ᒐᒋ ᐃᔅᐱᔨᒡ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᓂᑲᓐ ᑕᓐ ᑲ ᐃᓯ ᐎᑎᒧᒂ ᒐ ᐃᔅᐱᔨᒡ ᑲ ᐃᔅᒋᔄᑦ, ᔅᒋ ᒥᓏᒋᐃᑯᓄᐤ ᑭᔭ ᒋ ᐃᒐᓂᒻ ᒥᓯᐛ ᓂᓇᐧᑯᐤ ᒋᑦ ᐊᐧᑯᓱᐅᓄᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:15

ᐊᑯ ᒪᒃ ᑈᓚᑦ ᐊ ᐎ ᒥᔽᔨᑎᒪᐊᑦ ᐃᔪᐛ, ᐸᕋᐸᓴ ᒋ ᐱᔅᑎᓂᒧᐛᐤ᙮ ᐃᔅᐱ ᒪᒃ ᑲᒋ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ᙮ ᐊᑯ ᒂ ᐱᔅᑎᓂᒧᐛᑦ ᓂᑐᐱᔪᐅ-ᐃᔪᐛ ᒐᒋ ᒋᔅᑕᔎᐛᔨᒋ ᒋᐱᔭᑎᑯᒡ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 19:1

ᐊᑯ ᑈᓚᑦ ᒂ ᐃᑎᓱᐛᑕᑦ ᒋᓴᓴ ᒐᒋ ᔅᑐᑕᐊᑭᓄᔨᒋ ᑭᔭ ᒐᒋ ᐱᓯᔅᑕᐛᑭᓄᔨᒋ᙮

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᐊᑈᔅᑕᓇᒡ 10:39

“ᓂᔭᓐ ᒪᒃ ᓂ ᑎᐸᑕᓇᓐ ᒥᓯᐛ ᒐᒂᓇ ᑲ ᐃᑐᑕᐧᒃ ᑕᐱᔅᑯᓐ ᒍᐤ ᐃᔪᐛ ᐅᑦ ᐊᔅᒋᔨᒡ ᑭᔭ ᒋᕈᓯᓕᒥᒡ, ᐊᓂᔭ ᑲᒋ ᓂᐸᐃᑯᑦ ᑭᔭ ᑲᒋ ᐊᑯᑎᑯᑦ ᒥᔅᑎᑯᒡ᙮

ᐊᑈᔅᑕᓇᒡ 13:29

ᐛᔅᑭᒡ ᒋ ᒥᓯᓇᐃᑭᓄᐤ ᐊᓐᑕ ᒥᓯᓇᐃᑭᓂᒡ ᑕᓐ ᒐ ᐃᑐᑕᑯᑦ ᐃᔪᐛ ᙭, ᒥᓯᐛ ᒪᒃ ᒋ ᑎᐱᐱᔪᐤ ᐅᔭ, ᒋᓴᔅ ᒋ ᓂᐸᐊᑭᓄᐤ ᐊᑯ ᒂ ᓂᑎᓇᑭᓄᐅᑦ ᒋᐱᔭᑎᑯᒡ ᐅᒡ, ᐊᑯ ᑲᒋ ᓇᐃᐧᑯᐛᑭᓄᐅᑦ᙮

ᐊᑈᔅᑕᓇᒡ 5:30

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ ᐊᓂᔅᒐ ᒍᑕᐎᓄᒡ, ᐊᐅᒄ ᐅ ᑲ ᐅᓂᔅᑲᓇᑦ ᒋᓴᓴ ᐊᓐ ᑲ ᓂᐸᐊᒄ ᒋᐱᔭᑎᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:11

ᒧᔭᒻ ᐊᐛᓐᒋ ᐊ ᓂᐱᒡ ᐊᑲ ᑎᐸᔨᒥᑯᒡ ᒥᒐᑎᓯᐅᓂᔪᐤ ᐊᑯᓐ ᒋᐸ ᐃᓯ ᑭᓄᐛᐱᒥᓱᓇᐛᐤ᙮ ᒋ ᐱᒪᑎᓯᓇᐛᐤ ᐊᑯ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ ᐊ ᐎᒐᐅᒪᑯ ᒋᓴᔅ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13

ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:16

ᒋ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ᐃᓯᓇᑯᓯᑦ ᐊ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᑭᑈ ᐊᑯᑕ ᒐ ᐅᒋᐱᔨᒡ ᑲᒋᒡ ᒐ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:2

ᓇᒪ ᒋᑭ ᒋ ᐃᓯᓇᑯᓐ ᐅ᙮ ᓇᒪ ᐛᐛᒡ ᒋᐸ ᐅᒋ ᐃᓯ ᒪᒥᑐᓇᔨᑎᒻ ᐊᐛᓐ᙮ ᒋᐸ ᐃᓯ ᑭᓄᐛᐱᒥᓱᓇᓄᐤ ᒧᔭᒻ ᐊᒋ ᓂᐱᔅᑎᒪᐧᒄ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᒥᒋᑥᐅᓐ᙮ ᓇᒪ ᐊᑯ ᒥᒋᑥᐅᓂᒡ ᒋᐸ ᐅᒋ ᐃᓯ ᐱᒪᑎᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:22

ᐊᓄᒡ ᒪᒃ ᐎ, ᔅᒋ ᐎᐧᑯᒋᐃᑯᐅᓐ ᒥᒋᑥᐅᓂᒡ ᐅᒡ ᒋᓴᒪᓂᑐᐤ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᔅᒃ᙮ ᐊᑯ ᒪᒃ ᓇᔅᒡ ᒋᓴᒪᓂᑐᐤ ᐊ ᑕᑦ ᐊᑯ ᐊ ᐃᓯ ᑎᐸᓂᔅᑕᒡ ᒋᐱᒪᑎᓯᐅᓐ, ᒋᑭ ᐊᑎ ᐅᑎᑕᓐ ᒪᒃ ᑲᒋᒡ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:7

ᐊᐛᓐ ᐊᒋ ᓂᐱᑦ ᓇᒪ ᒋᑭ ᒋ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:6

ᐊᓄᒡ ᒪᒃ ᓴᔅ ᔅᒋ ᐎᐧᑯᒋᐃᑯᓇᓄᐤ ᑕᓐ ᑲ ᐃᓯ ᒪᒋᒂᐱᐧᑲᑎᑯᔭᐧᒄ ᐎᓱᐛᐅᓐ, ᐛᔅ ᒋᒋᐛ ᔅᒋ ᓂᑭᑕᓇᓄᐤ ᐊᓐ ᐃᑕᑎᓯᐅᓐ ᓇᔅᒡ ᑲᒋ ᑎᐸᔨᒥᑯᔭᐧᒄ᙮ ᓇᒪ ᐊᑯ ᐊᓐ ᐛᔅᑭᒡ ᐎᓱᐛᐅᓐ ᒋ ᓂᓇᐃᑕᓇᓄᐤ᙮ ᒋᓴᒪᓂᑐᐤ ᐊᐅᒄ ᓂᓇᐃᑐᐛᐧᒄ ᐊᑯ, ᑲ ᐸᔭᒋᓯᑦ ᐊᒐᐧᒄ ᐊ ᐎᒋᐃᑕᐧᒄ᙮

1 ᑯᕆᓐᑎᔭᓇ 15:3

ᐛᔅ ᔅᒋ ᐊᓱᐤ ᐎᑎᒪᑎᓇᐛᐤ ᐊᓐ ᑲ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ᐎᑎᒪᒐᒥᑲᒡ᙮ ᙭ ᔅᒋ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᑐᑎᒪᑯᐱᓇ᙮

2 ᑯᕆᓐᑎᔭᓇ 6:17

“ᐊᑯ ᒪᒃ, ᓂᑭᑕᐧᑯᒡ ᐊᓐᒡ ᐊᑲ ᑕᑈᑕᒡ, ᑭᔭ ᑎᐸᓂᐃᓱᒄ,” ᐃᔅᒋᔄᐤ ᐅᑎᐸᔨᒋᒐᐤ᙮ “ᐊᓐ ᒐᒂᓐ ᐊ ᐃᑕᔨᑕᒂᒡ ᐊ ᒪᔭᑎᒡ ᐊ ᐅᓇᔨᑎᒥᐃᑯᑦ ᐊᐛᓐ ᐊ ᐊᔭᒥᐊᑦ ᑭᔭ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊᑲᐎᔾ ᐊᐱᑕᔨᑎᒧᒄ᙮ ᓂᑭ ᒥᔽᔨᑕᓐ ᒪᒃ ᐸᒋ ᓇᓯᔭᒂ᙮

ᑲᓚᓯᔭᓇ 3:13

᙭ ᔅᒋ ᓇᑕᒪᑭᓄᐤ ᑕᓐ ᑲ ᐃᓯ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊᐛᓐ ᒥᔅᑎᑯᒡ ᑲ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮

ᐃᐱᓯᔭᓇ 5:9

ᑕᑈ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒋᑭ ᓄᑯᓐ ᒥᔪᑥᐅᓐ ᑭᔭ ᑯᐃᔅᑯᑕᑎᓯᐅᓐ ᑭᔭ ᑕᑈᐅᓐ ᐊᓐᑕ ᒋᐱᒪᑎᓯᐅᓄᐛᒡ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᑯᓚᓯᔭᓇ 2:14

ᓇᔅᒡ ᒪᒃ ᒋ ᑲᓯᓯᓇᐊᒻ ᒋᓴᒪᓂᑐᐤ ᑕᓐ ᑲ ᐃᓯ ᒥᓯᓇᑕᔨᒡ ᐊᒋ ᐃᓯ ᒥᒋᑐᑎᒧᐛᐅᐧᑯᐱᓇ ᐎᓱᐛᐅᓇ ᐊᒋ ᐱᑯᓂᒪᐧᒄ᙮ ᐊᓐᑕ ᐅᑕᒡ ᔅᒋ ᒪᑎᑯᔅᑲᑯᓇᓄᐤ ᐅ ᐊᒋ ᐃᓯ ᒥᒋᑐᑎᒪᐧᒄ, ᒥᒄ ᒪᒃ ᒋᓴᒪᓂᑐᐤ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᐃᔅᐱ ᑲ ᓂᐱᔅᑎᒪᑕᐧᒄ ᙭ ᒧᔭᒻ ᐊ ᒋᔅᑕᔎᐛᐧᒃ ᙭ ᐅᒋᐱᔭᑎᑯᒥᒡ ᐊᐅᑯᓐ ᑲ ᐃᑐᑕᐧᒃ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

ᑯᓚᓯᔭᓇ 3:3

ᐛᔅ ᑕᐸ ᐊᑯ ᑎᑯᓐ ᐊᓂᔭ ᑲᒋ ᐃᓯ ᐱᒪᑎᓯᔭᒄ᙮ ᑲᒋᔅᑕᐛ ᒋᒋᐛ ᒋᐱᒪᑎᓯᐅᓄᐛᐛ ᐊᓐᑕ ᒋᓴᒪᓂᑐᐤ ᐊ ᑕᑦ ᐊ ᐎᒐᐛᒄ ᙭᙮

ᐃᑉᕈᐛ 10:10

ᐊᓂᔭ ᒪᒃ ᒋᓴᔅ ᓇᔅᒡ ᐊᒋ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐸᐃᒂᐤ ᒋ ᐱᔅᑎᓂᒻ ᐅᐱᒪᑎᓯᐅᓐ, ᑲᒋᒡ ᒪᒃ ᐃᓯᓇᑯᓂᔪᐤ ᐅᔭ ᑲ ᐃᑎᑦ᙮ ᐅᔭ ᐊᒋ ᐃᑎᑦ ᐊᑯᑕ ᑲ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ ᒐᒋ ᐃᓯᓇᑯᓱᐛᐧᒄ ᒧᔭᒻ ᐊᑲ ᓂᑕ ᐅᒋ ᒥᒋᑐᑎᒪᐧᒄ᙮

ᐃᑉᕈᐛ 10:5

ᐊᐅᒄ ᒪᒃ ᐛᒋ ᐃᔅᒋᔄᑦ ᒋᓴᔅ ᐃᔅᐱ ᒐ ᑎᑯᓯᐧᒃ ᐅᑕ ᐊᔅᒋᒡ, “ᒋᓴᒪᓂᑐᐤ, ᓇᒪ ᒋ ᓂᑐᐛᔨᑕᓐ ᒥᑐᔅᑕᐊᒪᒐᐅᓐ ᑭᔭ ᐱᔅᑎᓂᒐᐅᓐ᙮ ᐊᐅᒄ ᐅ ᐛᒋ ᒥᔨᓐ ᐅ ᒥᔪᐤ ᑲ ᐊᔭᔭᓐ ᑕᐱᔅᑯᓐ ᓇᐸᐤ ᒐᒋ ᐃᓯᓇᑯᓯᔭᓐ᙮

ᐃᑉᕈᐛ 12:13

ᐊ ᑯᐃᔅᑯᒧᒋ ᒪᔅᑭᓄᐛ ᐱᒧᑕᒄ ᑭᔭ ᐊᓐᒡ ᑲ ᒪᔅᒋᐱᔨᒡ ᒐ ᒥᓏᒋᐊᑭᓄᐎᒡ ᐊᑲ ᐊᑐᐎᔅ ᒐᒋ ᒪᔅᒋᐱᔨᒡ᙮

ᐃᑉᕈᐛ 7:26

ᒋᓴᔅ ᐊᐅᒄ ᒋᓴᐊᔭᒥᐊᐅᒋᒪᐤ ᒋᒋᐛ ᒐᒋ ᐎᒋᐃᑕᐧᒄ᙮ ᓇᒪ ᓂᑕ ᒥᒋᑐᑎᒻ᙮ ᓇᔅᒡ ᑯᐃᔅᑯᑕᑎᓯᐤ ᑭᔭ ᐸᔭᒋᓯᐤ᙮ ᓇᒪ ᓇᔅᒡ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓱᐛᐧᒄ ᒋᔭᓄᐤ ᐊ ᒥᒐᑎᓯᔭᐧᒄ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ᙮ ᒋᓴᒪᓂᑐᐛ ᒋ ᐅᑎᓂᑯᐤ ᑭᔭ ᒋ ᐊᐃᑯᐤ ᐊᓐᑕ ᒪᐅᒡ ᐊ ᐃᔅᐸᔨᑕᑯᓂᔨᒡ ᐊᓐᑕ ᒋᒋᒋᓯᑯᒡ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 5:16

ᐛᐎᑎᒪᑐᒄ ᒪᒃ ᒋᒥᒋᑐᑎᒧᐅᓄᐛᐛ ᑭᔭ ᐊᔭᒥᐊᔅᑎᒪᑐᒄ ᒐᒋ ᐅᒋ ᒥᓏᑎᓯᔭᒄ᙮ ᐊᓂᔭ ᑕᓐ ᐊ ᐃᓯ ᐊᔭᒥᐊᑦ ᐊᐛᓐ ᐊ ᑯᐃᔅᑯᑕᑎᓯᑦ, ᓇᔅᒡ ᑕᑈ ᓱᒋᐱᔪᐤ ᑕᓐ ᐊ ᐃᓯ ᐃᑐᑕᒐᒥᑭᓂᔨᒡ᙮

1 ᒠᓐ 2:29

ᒋ ᒋᔅᒐᔨᑕᓇᐛᐤ ᙭ ᐊ ᑯᐃᔅᑯᑕᑎᓯᑦ, ᑭᔭ ᒋᐸ ᒋᔅᒐᔨᑕᓇᐛᐤ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᐊ ᐅᑦ ᐊᐛᓯᒥᑐᑕᑯᑦ ᒋᓴᒪᓂᑐᐛ᙮

1 ᒠᓐ 3:7

ᓂᑦ ᐊᐛᓯᒥᑎᒄ, ᐊᑲᐎᔾ ᒥᔭᐧᒄ ᐊᐛᓐ ᒐᒋ ᐎᔭᓯᒥᑕᒄ᙮ ᐊᓐ ᐊᐛᓐ ᑯᐃᔅᒄ ᑲ ᐃᑎᑦ, ᑯᐃᔅᑯᑕᑎᓯᐤ ᒧᔭᒻ ᙭ᑕ ᐊ ᐃᓯ ᑯᐃᔅᑯᑕᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 22:2

ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ᒥᓏᒋᐃᓱᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ᙮