1 ᐱᑕᕐ 2:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒋᓴᒪᓂᑐᐤ ᒋᑭ ᓇᐊᔨᑎᒪᐊᐤ ᓯᐱᔪᐛᓯᔅᑎᒥᓇ ᓯᔅᒋᑯᒡ ᐊ ᐎᓯᒐᔨᑎᒥᐃᑯᔨᓐ ᐊ ᒋᔅᒐᔨᑎᒥᓐ, ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

1 ᐱᑕᕐ 2:19 Iomraidhean Croise

ᑎᐱᑦ ᐅᓂᑭᒧᐅᓇ 119:86

ᒥᓯᐛ ᒋᑦ ᐃᑎᓱᐛᐅᓇ ᑯᐃᔅᑯᑕᔨᑕᒂᓇ; ᓇᔅᒡ ᓂ ᓂᓇᐧᑲᒋᐃᑯᒡ; ᐎᒋᐃ᙮

ᑎᐱᑦ ᐅᓂᑭᒧᐅᓇ 35:19

ᐊᑲᐎᔾ ᓇᐊᔨᒥᒡ ᐊᓐᒡ ᑲ ᐛᐧᑲᓯᒡ ᓂᑐᐎ ᒐᒋ ᒥᔽᓯᒡ; ᐊᑲ ᑭᔭ ᒐᒋ ᓯᔪᐧᑲᐱᒡ ᐊᓐᒡ ᓂᑐᐎ ᑲ ᐃᓯ ᐛᐧᑲᓯᒡ᙮

ᑎᐱᑦ ᐅᓂᑭᒧᐅᓇ 38:19

ᒪᒃ ᑲ ᐛᐧᑲᓯᒡ ᒋᓱᓯᐅᒡ ᑭᔭ ᒥᔅᑯᐅᓯᐅᒡ: ᐊᓐᒡ ᒪᒃ ᓂᑐᐎ ᑲ ᐃᓯ ᐛᐧᑲᓯᒡ ᐊᑎ ᒥᒐᑎᒡ᙮

ᑎᐱᑦ ᐅᓂᑭᒧᐅᓇ 69:4

ᐊᓐᒡ ᓯᔅᒋᑯᒡ ᑲ ᐛᐧᑲᓯᒡ ᐊᑐᐎᔅ ᒥᒐᑐᐅᒡ ᐃᔅᐱᔅ ᓂᐱᔎᐅᓇ: ᐊᓐᒡ ᑲ ᐎ ᓂᓱᐅᓇᒋᐃᒡ ᓂᑐᐎ ᑲ ᐎ ᒪᓯᐃᒡ, ᓱᐧᑲᑎᓯᐅᒡ: ᐊᑯ ᐸᒋᑎᓇᒪᓐ ᐊᓂᒪ ᐊᑲ ᐅᒋ ᐅᑎᓂᒪᓐ᙮

ᓗᒃ 6:32

“ᒐᒂᓐ ᒪᒃ ᓇᔅᒡ ᒋᐸ ᐃᓯᓇᑯᓐ ᒥᒄ ᐊᓐᒡ ᐊᐛᓐᒋ ᑲ ᓴᒋᐃᔅᒡ ᓴᒋᐃᑥᐤ, ᐛᔅ ᐊᐅᑯᓐ ᐊ ᐃᑎᒡ ᑭᔭ ᐎᔨᐛᐤ ᐅᒥᒋᑥᐅᒡ ᒥᒄ ᐊᓂᔭ ᐊᐛᔪᐛ ᑲ ᓴᒋᐃᑯᒡ ᓴᒋᐊᐅᒡ !

ᒠᓐ 15:21

ᒥᓯᐛ ᐅ ᑲ ᐃᓯ ᐊᔨᒧᑎᒪᑎᑯᒡ ᒐ ᐃᑐᑕᑕᑯᒡ ᓂᔾ ᐊᓂᔭᔪᐤ ᒐ ᐅᒋ ᐃᑐᑕᑕᑯᒡ ᐛᔅ ᑕᐸ ᐅᒋ ᒋᔅᒐᔨᒪᐅᒡ ᐊᓂᔭ ᑲ ᐸᒋ ᐃᑎᓴᐅᔨᒋ᙮

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:5

ᒋ ᓂᑐᐛᔨᑕᑯᓯᓐ ᒐᒋ ᓂᓇᐊᔨᑎᒥᓐ ᑎᐸᔨᒋᒐᐅᓐ᙮ ᓂᓇᐃᑕ ᓇᒪ ᒥᒄ ᒐ ᐊᑲ ᒋ ᐛᐛᓯᐃᔅᒃ ᒋᓴᒪᓂᑐᐤ, ᐊᐅᒄ ᐃᑎᔾ ᒐᒋ ᒐᔅᑎᓇᐅᔨᓐ ᑕᑈ ᑯᐃᔅᒄ ᐊ ᐃᑎᔨᓐ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 8:1

ᓂᐎᒐᐛᑭᓂᑎᒄ, ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᒪᑯᒡ ᑕᓐ ᑲ ᐃᓯ ᒥᔪᑐᑎᒪᑯᒡ ᒋᓴᒪᓂᑐᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒪᓯᑐᓂᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮

2 ᑎᒧᑎ 1:12

ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮

ᐃᑉᕈᐛ 10:2

ᒧᔭᒻ ᐊᓐᒡ ᑲ ᐊᔭᒥᐊᔅᑐᐛᒡ ᒋᓴᒪᓂᑐᐛ ᓇᔅᒡ ᒋ ᐸᔭᒋᐊᑭᓄᐛᑯᐱᓇᓂᒡ ᑲ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ, ᓇᒪ ᒋᐸ ᐅᒋ ᒥᑯᔅᑲᑕᔨᑎᒥᐃᑯᐅᒡ ᐅᒥᒋᑥᐅᓄᐛᐛ ᐛᔅ ᓴᔅ ᒋ ᐛᐸᔨᑎᒧᐛᑭᓄᐎᒡ᙮ ᐊᑯ ᒪᒃ ᓇᒪ ᒋᐸ ᐅᒋ ᓂᑐᐛᔨᑕᑯᓱᐅᒡ ᒧᓯᓇᐤ ᒐᒋ ᒥᑐᔅᑕᐊᒪᒡ ᐊᐛᓯᓴ ᐊᒋ ᓂᐸᐊᑭᓄᔨᒋ᙮

1 ᐱᑕᕐ 2:20

ᐛᔅ ᑕᐸ ᒐᒂᓐ ᒋ ᐎᒋᐃᑯᓐ ᐊ ᐛᐛᓯᐃᑯᔨᓐ ᐊᒋ ᒥᒋᑐᑎᒥᓐ᙮ ᒥᒄ ᒪᒃ ᒋᓴᒪᓂᑐᐤ ᒋᑭ ᓇᐊᔨᑎᒥᐊᐤ, ᓂᓇᐧᑲᒋᐃᑯᔨᓇ ᐊᒋ ᒥᔪᑐᑎᒥᓐ ᐅᒡ᙮

1 ᐱᑕᕐ 4:15

ᐊᑲᐎᔾ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᒋᑭ ᐅᒋ ᓂᓇᐧᑲᑕᔨᒧᐤ ᐊᓂᔭ ᐅᒋ ᐊ ᐎ ᓂᐸᐃᐛᑦ, ᑭᔭ ᒪᒃ ᐊ ᒋᒧᑎᒂ, ᑭᔭ ᒪᒃ ᐊ ᒥᒋᐃᔪᑦ, ᑭᔭ ᒪᒃ ᐊᓂᔭ ᐅᒋ ᐊ ᐅᑕᔨᒪᑦ ᑯᑎᑲ ᐊᐛᔪᐛ ᐊ ᐃᑎᔨᒋ᙮