1 ᐱᑕᕐ 1:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᐱᑕᕐ 1:5 Iomraidhean Croise

ᑎᐱᑦ ᐅᓂᑭᒧᐅᓇ 37:28

ᐛᔅ ᑎᐸᔨᒋᒐᓱᐤ ᓴᒋᑕᐤ ᑎᐸᔅᑯᓂᒐᐅᓂᔪᐤ, ᓇᒪ ᑭᔭ ᐛᐱᓇᐤ ᐅᐸᔭᒋᓯᒪ; ᑲᒋᒡ ᑭᓄᐛᔨᒪᐅᒡ: ᒪᒃ ᐅᑦ ᐊᐛᓯᒥᓱᐛᐛ ᐅᒥᒋᑥᐅᒡ ᒋᑭ ᒋᒥᓱᐛᑭᓄᔪᐛ᙮

ᒠᓐ 12:48

ᐊᓐ ᐊᐛᓐ ᔭᑐᐛᔨᒥᒂ, ᑭᔭ ᐊᑲ ᓂᓇᐃᑎᒧᒂ ᓂᒥᔽᒋᒧᐅᓂᔪᐤ, ᒋᑭ ᑎᐸᔅᑯᓇᑭᓄᐤ᙮ ᐊᓂᔭ ᐅᒋ ᑕᓐ ᑲ ᐃᔅᒋᔄᔭᓐ ᐊᔪᐅᒄ ᐊᓂᔭ ᒐ ᐅᒋ ᑎᐸᔅᑯᓇᑭᓄᐅᑦ ᒪᔅᑕᔾ ᒋᓯᑲᔨᒐ᙮

ᒠᓐ 17:15

ᓇᒪ ᐎ ᒋ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:20

ᑕᑈ ᑭᑈ᙮ ᒥᒄ ᒪᒃ, ᒋᓴᒪᓂᑐᐤ ᒋ ᐃᒐᓇᐤ ᐊᓂᔭᔪᐛ ᒍᐤ ᐃᔪᐛ ᐛᓴ ᐊᒋ ᐊᓏᑕᑯᑦ᙮ ᒋᔾ ᒪᒃ ᐎ, ᒋ ᒥᔪ ᓂᑕᐅᒋᓐ ᐊᓐᑕ ᐊᓐ ᒥᔅᑎᒄ ᐛᔅ ᔅᒋ ᑕᑈᔭᔨᒪᐤ ᒋᓴᒪᓂᑐᐤ᙮ ᐊᑲᐎᔾ ᒋᑭ ᐅᒋ ᓂᓇᐸᐅᒧᓐ᙮ ᑎᑯᓐ ᐃᔭᐱᒡ ᒐᒋ ᐃᔭᒂᒥᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:18

ᓂᔾ ᐊ ᐃᑕᔨᑎᒪᓐ ᑕᓐ ᐊ ᐃᓯ ᓂᓇᐧᑲᑕᔨᒧᔭᐧᒄ ᐊᓄᒡ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᑕᔨᑕᑯᓐ ᒐ ᐃᑕᔨᑕᒂᒡ ᐃᔅᐱ ᐅᑎᒋᐱᔨᒐ ᐊᓐᑕ ᒐ ᒋᔅᑕᔨᑕᑯᐃᑕᐧᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

2 ᑯᕆᓐᑎᔭᓇ 1:24

ᓇᒪᐎᔾ ᑭᑈ ᐎ ᒋ ᐎ ᐛᐎᓱᐛᑎᑎᓇᓐ ᒐᒋ ᐎᑎᒪᑕᒡ ᒐᒂᓐ ᒋᐸ ᑕᑈᑕᓇᐛᐤ ᐛᔅ ᒋ ᐊᔨᒋᑲᐳᓇᐛᐤ ᑕᑈᑎᒧᐅᓂᒡ ᐃᔅ᙮ ᐃᔭᐱᒡ ᐛᔅ ᐊᓐ ᒋ ᐎᒋ ᐊᑐᔅᒐᒥᑎᓇᓐ ᒋᔨᐛᐤ ᒐᒋ ᐅᒋ ᒥᔽᔨᑎᒪᒄ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐱᓕᐱᔭᓇ 1:6

ᓂ ᒐᔅᑎᓇᐅᓐ ᒪᒃ ᒋᓴᒪᓂᑐᐤ ᒐᒋ ᒋᔅᑕᑦ ᑕᓐ ᑲ ᐃᓯ ᒋᒋᒥᔪᓇᑯᑕᑦ ᒋᐱᒪᑎᓯᐅᓄᐛᐛ ᐃᔅᐱ ᑲ ᐱᒪᒋᐃᑕᒄ ᑭᔭ ᒐ ᐎᒋᐃᑕᒄ ᐊᑎᑐᐤ ᒐᒋ ᐊᑎ ᓂᑕᐅᒍᐛᒄ ᐱᐃᒻ ᐊᓂᔭᔪᐤ ᐊ ᒋᓯᑲᔨᒡ ᑎᑯᓯᓂᔨᒐᓂ ᒋᓴᔅ ᙭ᑕ᙮

ᐱᓕᐱᔭᓇ 4:7

ᐊᑯ ᒪᒃ ᒋᓴᒪᓂᑐᐤ ᒐ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒐ ᐊᑲ ᒋ ᐊᔨᒪᔨᑎᒥᔅᑲᑯᐛᒄ ᒐᒂᔪᐤ ᒋᒥᑐᓇᔨᒋᑭᓄᐛᐛᒡ ᒪᒃ ᒋᑕᐃᐛᐛᒡ ᐊᓂᔭᔪᐤ ᐊ ᑕᑈᔭᔨᒪᒄ ᙭ ᒋᓴᔅ᙮ ᐊᐅᒄ ᐅ ᒋᔭᒪᔨᑎᒧᐅᓐ ᑲ ᐊᔨᒧᑕᒡ ᓇᒪ ᓇᔅᒡ ᒋ ᓂᔅᑐᑕᑭᓄᐤ ᑕᓐ ᐊᔅᐱᔅ ᒥᔽᔨᑕᒂᒡ᙮

2 ᑎᒧᑎ 3:15

ᐛᔅ ᒋ ᒋᔅᒋᓯᓇᒐ ᒪᒂᒡ ᐊ ᐊᐛᓯᐎᔨᓐ ᓴᔅ ᔅᒋ ᒋᔅᑯᑎᒪᑯᐅᓐ ᑕᓐ ᑲ ᐃᓯ ᒥᓯᓇᐃᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐊᑯᑕ ᑲ ᐅᒋ ᐊᔭᔨᓐ ᑭᒐᑕᐛᔨᑎᒧᐅᓐ ᒐᒋ ᒋᔅᒐᔨᑎᒥᓐ ᐊ ᑕᑈᔭᔨᒪᑦ ᐊᐛᓐ ᙭ ᒋᓴᓴ ᐊᑯᑕ ᒐᒋ ᐅᒋ ᐱᒪᒋᐅᑦ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᐃᑉᕈᐛ 6:12

ᓇᒪ ᒋ ᓂᑐᐛᔨᒥᑎᓇᓐ ᒐᒋ ᒋᑎᒥᔭᒄ, ᐃᔭᐱᒡ ᓂᔅᐱᑐᐛᐧᑯᒡ ᐊᓐᒡ ᑲ ᑕᑈᑕᒡ ᐊᑲ ᒋᐛᑲᐳᔅᑐᐛᒡ ᒋᓴᒪᓂᑐᐛ, ᐛᔅ ᐊᐅᑯᓐᒡ ᐅᒡ ᒐ ᒥᔨᑯᒡ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᒡ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

1 ᐱᑕᕐ 1:13

ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 4:13

ᐃᔭᐱᒡ ᒋᐸ ᒥᔽᔨᑕᓇᐛᐤ ᐊ ᐎᒋᐃᐛᔭᒄ ᑕᓐ ᑲ ᐃᓯ ᐛᐎᓯᒐᔨᑎᒥᐊᑭᓄᐅᑦ ᙭, ᐊᑯ ᒪᒃ ᒐ ᓴᑭᔅᒋᓇᔅᑲᑯᔭᒄ ᒥᔽᔨᑎᒧᐅᓐ ᐃᔅᐱ ᐸᒋ ᓄᑯᑕᑭᓄᔨᒐ ᐅᒋᔅᑕᔨᑕᑯᓱᐅᓐ᙮

1 ᐱᑕᕐ 5:1

ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ᑕᔭᒄ ᐊ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,