1 ᐱᑕᕐ 1:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒥᒄ ᒪᒃ ᐅᑎᐸᔨᒋᒐᐤ ᐅᑦ ᐃᔨᒧᐅᓐ ᑲᒋᒡ ᑎᑯᓂᔪᐤ᙮ ᐅ ᒪᒃ ᐃᔨᒧᐅᓐ ᐊᐅᒄ ᒥᔽᒋᒧᐅᓐ ᑲ ᐛᐎᑎᒪᑯᐅᔭᒄ᙮

1 ᐱᑕᕐ 1:25 Iomraidhean Croise

ᑎᐱᑦ ᐅᓂᑭᒧᐅᓇ 102:12

ᒪᒃ ᒋᔾ, ᐅ ᑎᐸᔨᒋᒐᓱᐤ, ᑲᒋᒡ ᒋᑭ ᑕᓐ; ᑭᔭ ᒋᑭ ᒋᔅᒋᑕᑯᐅᓐ ᒥᓯᐛ ᒐ ᐊᑎ ᐱᒪᑎᓯᓇᓄᐅᒡ᙮

ᑎᐱᑦ ᐅᓂᑭᒧᐅᓇ 102:26

ᐅᔭ ᒋᑭ ᓂᓱᐅᓇᑎᓇ, ᒪᒃ ᒋᔾ ᒋᑭ ᑕᓐ; ᓂᐦᐃ, ᒥᓯᐛ ᐊ ᑕᑎᒋ ᒋᑭ ᐊᑎ ᓴᐅᓇ ᒧᔭᒻ ᐊᑯᑉ; ᒧᔭᒻ ᐊᐱᒋᑕᐅᓐ ᒋᑭ ᐃᓯ ᒂᔅᒋᓇᑯᐊᐅᒡ, ᐊᑯ ᒪᒃ ᒐ ᒂᔅᒋᑯᓇᑯᓯᒡ᙮

ᑎᐱᑦ ᐅᓂᑭᒧᐅᓇ 119:89

ᑲᒋᒡ, ᐅ ᑎᐸᔨᒋᒐᓱᐤ, ᒋᑦ ᐃᔨᒧᐅᓐ ᐎᔨᔅᑕᐤ ᒋᒋᒋᓯᑯᒡ᙮

ᒪᑎᔪᐤ 5:18

ᐎ ᒋᔅᒋᒄ, ᒐ ᐃᔅᐱᔅ ᑎᑯᓂᒂ ᒋᒋᒋᓯᒄ ᑭᔭ ᐊᔅᒋᔾ, ᓇᒪ ᐛᐛᒡ ᐊᓐ ᒪᐅᒡ ᐊ ᐊᐱᓴᓯᒡ ᐊ ᒥᓯᓇᑕᒡ ᐎᓱᐛᐅᓂᒡ ᒋᑭ ᐅᒋ ᐸᓯᑯᓇᑯᓐ, ᐸᑐᔅ ᒥᓯᐛ ᒋ ᐃᔅᐱᔨᒐ ᑕᓐ ᐊᑎᔅᑕᒡ ᒐ ᐃᔅᐱᔨᒡ᙮

ᓗᒃ 16:17

ᐊᑲᐎᔾ ᐃᑕᔨᑎᒧᒄ ᐊ ᐊᑲ ᓴᔅ ᓂᑐᐛᔨᑕᒂᒡ ᒐᒋ ᓂᓇᐃᑕᑭᓄᐎᒡ ᒋᓴᒪᓂᑐᐤ ᐅᐎᓱᐛᐅᓐ᙮ ᐊᑎ ᐊᓂᔭ ᓇᔅᒡ ᐊᑲ ᐃᑕᔨᑕᑯᓂᔨᒡ ᑲ ᐃᑕᔨᑕᑭᓄᐎᒡ ᐃᔭᐱᒡ ᐃᑕᔨᑎᒥᐃᑯᐤ ᒋᓴᒪᓂᑐᐤ ᒐᒋ ᓂᓇᐃᑕᑭᓄᔨᒋ ᒐ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ ᑭᔭ ᒋᒋᒋᓯᑯᔪᐤ᙮”

ᒠᓐ 1:1

ᐊᓐᑕ ᒪᐅᒡ ᓂᔅᑎᒻ, ᐊᔅᒄ ᐊᑲ ᐅᒋ ᑎᒂᒡ ᒐᒂᓐ ᓴᔅ ᒋ ᑕᐤ ᐃᔨᒧᐅᓐ᙮ ᒋ ᐎᒐᐛᐤ ᒋᓴᒪᓂᑐᐛ ᑭᔭ ᐎᔾ ᒋ ᐊᐤ ᒋᓴᒪᓂᑐᐤ ᐊᓐ ᐃᔨᒧᐅᓐ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

ᐃᐱᓯᔭᓇ 2:17

ᐊᑯ ᒪᒃ ᙭ ᑲ ᑎᑯᓯᐧᒃ, ᐊ ᑭᒐᔅᒋᒧᑦ ᒋᔭᒪᔨᑎᒧᐅᓂᔪᐤ ᐊ ᐊᔨᒧᑕᐧᒃ ᐊᓐᑕ ᒐᒋ ᐅᒋ ᓂᓇᐊᔨᒥᑐᔨᒋ ᐊᓂᔭ ᑲ ᐸᓱᐛᐱᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᑲ ᐊᔭᐛᐱᒪᔨᒋ ᒋᓴᒪᓂᑐᐛ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᑕᐃᑕᔅ 1:3

ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮

ᐃᑉᕈᐛ 6:5

ᒋ ᐸᑎᒺᐅᒡ ᐊ ᐃᔅᐱᔅ ᒥᔪᑕᑯᓂᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮ ᑭᔭ ᒋ ᒧᓯᑕᐛᐅᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᓱᐧᑲᑎᓯᐅᓂᔪᐤ ᐊᓄᒡ ᑭᔭ ᑕᓐ ᒐ ᐃᔅᐱᔅ ᓱᒐᔨᑕᑯᓂᔨᒡ ᐊᓐᑕ ᐃᔅ ᓂᔅᑕᒥᒡ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

2 ᐱᑕᕐ 1:19

ᐊᑯᑕ ᒪᒃ ᐛᒋ ᐊᑐᐎᔅ ᒐᔅᑎᓇᑕᔨᑎᒥᐃᑯᔭᒡ ᑕᓐ ᑲ ᐃᓯ ᐊᔨᒧᑕᒡ ᐅᔭ ᒥᔽᒋᒧᐅᓂᔪᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᒋᑭ ᒥᔽᐤ ᒪᒃ ᑕᑈ ᐃᔭᒂ ᒐᒋ ᐃᓯ ᓂᓇᑭᑐᐛᔨᑎᒥᐃᑯᔭᒄ ᐅ ᒥᔽᒋᒧᐅᓐ, ᐛᔅ ᒧᔭᒻ ᑕᑈ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑕᒡ ᐊᓐᑕ ᐊ ᐅᑲᔅᑕᔭᒡ ᐊᐅᑯᓐ ᐊ ᐃᑕᔨᑕᒂᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐ ᐊ ᒋᓯᑲᒡ ᒐ ᑎᑯᓯᐧᒃ ᐅᑎᐸᔨᒋᒐᐤ᙮ ᐎᔾ ᒪᒃ ᐅᐛᔅᑕᐅᓐ ᒧᔭᒻ ᐊ ᐃᔅᐱᔅ ᒋᐧᑲᔭᔅᑐᐛᑦ ᒐᒋᓴᐸᔭᐤ ᐅᒐᑭᑕᐧᒄ, ᐊᐅᑯᓐ ᒧᔭᒻ ᒐ ᐃᔅᐱᔅ ᐛᔅᑕᓂᒪᑯᐛᒄ ᒋᑕᐃᐛᒡ᙮

1 ᒠᓐ 1:1

ᒋ ᒥᓯᓇᐊᒪᑎᓇᓐ ᐊ ᐊᔨᒧᒥᒋᒡ ᐊᓐ ᓴᔅ ᑲ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ᐸᑐᐅᒋᒡ, ᑲᒋ ᐛᐱᒥᒋᒡ, ᑭᔭ ᑲᒋ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ᐛᐎᑕᐧᒃ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮

ᒋᔅᒐᔨᑕᑯᑕᒐᐅᓐ 14:6

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᓇᔅᒡ ᐊ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ᐱᒥᔭᑦ, ᐊ ᐸᒋ ᐛᐎᑎᒧᐛᑦ ᐊᓂᔭᔪᐛ ᐊᔅᒋᒡ ᐊ ᑕᔨᒋ ᒥᔪ ᑎᐸᒋᒧᐅᓂᔪᐤ ᒧᔅ ᒐ ᑕᑈᒥᑭᓂᔨᒡ᙮ ᒥᓯᐛ ᐊᐛᔪᐛ ᒋᑭ ᐎᑎᒧᐛᐤ, ᒥᓯᐛ ᐃᑎᔅᑲᓇᓯᔨᒋ, ᒥᓯᐛ ᐊ ᐃᓯ ᐃᔨᒥᔨᒋ, ᓂᓇᐧᑯᐤ ᐊ ᐃᓯ ᒪᒧᑕᐅᓯᔨᒋ᙮