1 ᐱᑕᕐ 1:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᒥᓯᐛ ᐊᐛᓐ ᒧᔭᒻ ᒥᔅᑯᓱᐛ ᐃᓯᓇᑯᓱᐤ᙮ ᒥᓯᐛ ᐊᐛᓐ ᐅᒋᔅᑕᔨᑕᑯᓱᐅᓐ ᒧᔭᒻ ᐛᐱᑯᓐ ᓂᑐᐎᔾ ᑲ ᓂᑕᐅᒋᑦ ᐃᓯᓇᑯᓂᔪᐤ᙮ ᓂᐱᒥᑭᓇ ᒥᔅᑯᓱᐛ ᐊᑯ ᐛᐱᑯᓇ ᐸᐸᒋᑎᓇ᙮

1 ᐱᑕᕐ 1:24 Iomraidhean Croise

ᑎᐱᑦ ᐅᓂᑭᒧᐅᓇ 102:4

ᓂᑕᐃ ᐅᑕᒪᔨᑭᓄᐤ, ᑭᔭ ᐸᔅᑕᐤ ᒧᔭᒻ ᒥᔅᑯᓯᔭ; ᑲ ᐅᒋ ᐅᓂᒋᔅᒋᔭᓐ ᒐᒋ ᒧᐅᒃ ᓂᐸᒂᓯᑭᓂᒻ᙮

ᑎᐱᑦ ᐅᓂᑭᒧᐅᓇ 103:15

ᐃᔪᐤ ᒪᒃ ᐎᔾ, ᐅᒋᓯᑲᒪ ᒧᔭᒻ ᒥᔅᑯᓯᔭ ᐃᓯᓇᑯᓂᔪᐛ: ᒧᔭᒻ ᐛᐱᑯᓇ ᓂᑕᐅᒋᒋᑭᓂᒡ ᐊᑯ ᐊᓯ ᐅᐱᒋᑦ᙮

ᑎᐱᑦ ᐅᓂᑭᒧᐅᓇ 129:6

ᐊᑯᔅ ᒋᑭ ᓂᔅᐱᑎᒧᒡ ᒥᔅᑯᓯᔭ ᑕᐧᑯᒡ ᒥᒋᐛᐱᒡ, ᑲ ᐸᔅᑕᔨᒡ ᐊᒺᔭ ᒋᓯ ᓂᑕᐅᒋᓂᔨᒡ;

ᑎᐱᑦ ᐅᓂᑭᒧᐅᓇ 37:2

ᐛᔅ ᐎᐱᒡ ᒋᑭ ᒥᓂᔄᑭᓄᐅᒡ ᒧᔭᒻ ᒥᔅᑯᓱᐛ, ᑭᔭ ᒋᑭ ᓂᐳᓇᑯᓯᐅᒡ ᒧᔭᒻ ᑲ ᐎᔄᐛᔨᒡ ᓂᑕᐅᒋᑕᑭᓂᓯᔪᐤ᙮

ᑎᐱᑦ ᐅᓂᑭᒧᐅᓇ 39:6

“ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ: ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ: ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ᐅᑎᓂᒥᔨᒋ᙮

ᑎᐱᑦ ᐅᓂᑭᒧᐅᓇ 90:5

ᒋᒋᑕᒧᒐᓐ ᔅᑲ ᒥᒄ ᐊ ᐛᐸᐸᑯᒡ; ᒧᔭᒻ ᐊ ᓂᐸᓂᐅᒡ ᐃᓯᓇᑯᓯᐅᒡ: ᒧᔭᒻ ᒪᔅᑯᓱᐛ ᐊ ᒐᒋᓴᐸᔭᔨᒡ ᑲ ᐸᒋ ᓂᑕᐅᒋᓂᔨᒋ ᐃᓯᓇᑯᓯᐅᒡ᙮

ᑎᐱᑦ ᐅᓂᑭᒧᐅᓇ 92:7

ᐃᔅᐱ ᐅᒥᒋᑥᐅᒡ ᐊ ᓴᒋᓂᑕᐅᒋᒡ ᒧᔭᒻ ᒥᔅᑯᓯᔭ, ᐃᔅᐱ ᑭᔭ ᒥᓯᐛ ᑲ ᒥᒐᑎᓯᐤ ᐃᑎᒡ ᐊ ᒥᔽᐱᒪᐅᓯᒡ; ᒋᑭ ᐃᓂᔪᐤ ᒐᒋ ᓂᓱᐅᓇᑎᓯᒡ ᑲᒋᒡ᙮

ᒪᑎᔪᐤ 6:30

ᒪᒃ ᒧᔭᒻ ᒋᓴᒪᓂᑐᐤ ᐅᒪ ᐃᓯ ᐊᒂᓇᐊᒧᒂ ᒥᔅᑯᓱᐛ ᓂᑕᐅᒋᑕᑭᓂᒡ, ᐊᓄᒡ ᐊ ᒋᓯᑲᒡ ᑲ ᑎᒂᒋ, ᐛᐸᒐ ᒪᒃ ᐃᔅᑯᑕᒡ ᒐ ᐃᓯ ᐛᐱᓇᑭᓄᐅᒋ, ᓇᒪ ᓇ ᐅᔅᑕ ᒋᔨᐛᐤ ᒋᑭ ᐛᑕᔅᐱᑎᑯᐛᐤ, ᐅ ᒋᔨᐛᐤ ᑲ ᐊᐱᓴᔅ ᒋᑕᑈᑎᒧᐅᓄᐛᐤ ?”

ᒋᒥᔅ ᐅᒥᓯᓇᐊᒪᒐᐅᓐ 4:14

ᓇᒪ ᓇᔅᒡ ᒋ ᒋᔅᒐᔨᑕᓐ ᑕᓐ ᒐ ᐃᔅᐱᔨᒡ ᐛᐸᒐ᙮ ᑕᓐ ᐊ ᐃᓯᓇᒂᒡ ᐱᒪᑎᓯᐅᓐ᙮ ᒧᔭᒻ ᐊ ᑭᔅᑯᐅᒡ ᑲᒋ ᐃᓯᓇᒂᒡ ᐊᐅᑯᓐ ᐊ ᐃᓯᓇᒂᒡ᙮ ᒥᒄ ᐛᐃᐱᔅᒋᔅ ᓄᑯᓐ ᐊ ᑭᔅᑯᐅᒡ ᒐᒃ ᒪᒃ ᓇᒪ ᐊᑎ ᑎᑯᓐ᙮

1 ᒠᓐ 2:17

ᒥᓯᐛ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ ᑭᔭ ᐊ ᐃᓯ ᑎᒂᒡ ᓂᓇᐧᑯᐤ ᒥᒋ ᒧᔅᑕᓇᔭᔨᑎᒧᐅᓐ ᒋᑭ ᐃᔎᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᑲ ᐃᑐᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲᒋᒡ ᒋᑭ ᐱᒪᑎᓯᐤ᙮