1 ᐱᑕᕐ 1:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐛᔅ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐎᐧᑯᒋᐃᑯᔭᒄ ᐊᓐᑕ ᐅᒋ ᐸᑯᓂᑐᐤ ᐊ ᐃᑕᔨᑕᑯᓂᔨᒡ ᐊ ᐃᓯ ᐱᒪᑎᓯᓇᓄᐎᒡ ᐊᓂᔭ ᑕᓐ ᑲ ᐃᓯ ᐸᒋ ᐊᓂᔅᒐ ᒥᔨᑕᑯᒡ ᐊᓂᔭᐧᑲ ᒋᐧᑲᓂᓱᐛᐅᒡ᙮ ᓇᒪ ᒪᒃ ᐎ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐎᔄᐅᓱᓇᔭᐱᔅᒄ ᐅᒋ ᐊᐱᑎᓱᐤ ᑲ ᐎᐧᑯᒋᐃᑯᔭᒄ,

1 ᐱᑕᕐ 1:18 Iomraidhean Croise

ᑎᐱᑦ ᐅᓂᑭᒧᐅᓇ 39:6

“ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ: ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ: ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ᐅᑎᓂᒥᔨᒋ᙮

ᑎᐱᑦ ᐅᓂᑭᒧᐅᓇ 62:10

ᐊᑲᐎᔾ ᒪᒥᓯᑐᑎᒧᒄ ᐊᔨᒥᐃᐛᐅᓐ, ᐊᑲ ᑭᔭ ᒋᔅᑕᔨᒧᒄ ᒪᔅᑲᑥᐅᓂᒡ; ᐃᔅᐱᔅ ᐃᔅᐱᐱᔨᒂᐛ ᒋᐛᔨᑎᓱᐅᓄᐛᐛ, ᐊᑲᐎᔾ ᐊᓐᑕ ᐃᑎᔅᑕᒄ ᒋᑕᐃᐛᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:37

ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᐧᒃ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:21

ᐛᔅ ᒪᐅ ᑲ ᐃᓯᓇᒂᒡ᙮ ᒋ ᒋᔅᒐᔨᑎᒧᒡ ᑕᑈ ᐊ ᑕᔨᒋ ᒋᓴᒪᓂᑐᐛ, ᒥᒄ ᓇᒪ ᐅᒋ ᐎ ᒋᔅᑕᔨᒪᐅᒡ ᑕᓐ ᒋᐸ ᐃᓯ ᒋᔅᑕᔨᒪᐅᒡ ᑭᔭ ᓇᒪ ᐅᒋ ᐎ ᓂᓇᔅᑯᒪᐅᒡ᙮ ᐅᔭ ᐊ ᐃᑎᒡ ᓇᒪ ᐱᐸᔅᐱᓇ ᐅᒋ ᐃᑕᔨᑕᑯᓂᔪᐤ ᑕᓐ ᑲ ᐃᑕᔨᑕᒡ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᑯᐃᔅᒄ ᐅᒋ ᐃᓯ ᑭᓄᐛᐸᑎᒧᒡ ᒐᒂᔪᐤ᙮

1 ᑯᕆᓐᑎᔭᓇ 3:20

ᑭᔭ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅᑎᐸᔨᒋᒐᐤ ᒋᔅᒐᔨᑎᒻ ᐊᑲ ᒐᒂᔪᐤ ᐃᑕᔨᑕᑯᓂᔨᒡ ᐊᓂᔭ ᑕᓐ ᐊ ᐃᓯ ᒪᒥᑐᓇᔨᑎᒥᔨᒋ ᐊᓂᔭ ᑲ ᑭᒐᑕᐛᔨᑎᒥᔨᒋ ᐅᑕ ᐊᔅᒋᒡ ᐊ ᑕᔨᒋ᙮

1 ᑯᕆᓐᑎᔭᓇ 6:20

ᐛᔅ ᒐᒂᔪᐤ ᒋ ᐃᓯ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮

1 ᑯᕆᓐᑎᔭᓇ 7:23

ᒥᔅᑎ ᒋ ᐃᔅᐱᔨᑯᐤ ᙭ ᐎᔾ ᒐᒋ ᑎᐸᔨᒥᔅᒃ᙮ ᐊᑲᐎᔾ ᒪᒃ ᐱᔅᑎᓂᒧᐤ ᓇᐸᐤ ᒐᒋ ᑎᐸᔨᒥᔅᒃ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

ᐃᐱᓯᔭᓇ 4:17

ᐅ ᒪ ᒋ ᐊᑎ ᐃᓯ ᐎᑎᒪᑎᓇᐛᐤ ᐅᑎᐸᔨᒋᒐᐤ ᐃᔅ ᐊ ᑕᑦ ᐊ ᐃᔭᒂᒥᑎᑯᒡ ᒐ ᐊᑲ ᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ᙮ ᐛᔅ ᐊᓂᔭ ᑕᓐ ᐊ ᐃᓯ ᒪᒥᑐᓇᔨᑕᒡ ᓇᒪ ᓇᔅᒡ ᐊᐱᑕᔨᑕᑯᓂᔪᐤ,

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 9:12

ᒋᓴᔅ ᙭ ᒥᒄ ᐸᐃᒂᐤ ᒋ ᐱᒐᐤ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ᐱᔅᑎᓇᐧᒃ ᐊᑯᑕ ᑲ ᐅᒋ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 4:3

ᐛᔅ ᐃᔅᐱᔪᐤ ᐊᑯ ᑕᓐ ᑲ ᐃᔅᐱᔅ ᒋ ᐸᒋ ᒥᒐᑎᓯᔭᒄ ᐊᓐᑕ ᐅᑕᒡ ᒧᔭᒻ ᐊᓄᒡ ᑕᓐ ᐊ ᐃᓯ ᒥᒐᑎᓯᒡ ᐊᓐᒡ ᐊᑲ ᑕᑈᑕᒡ᙮ ᐎᓂᓱᐅᓂᒡ ᒋ ᐊᑎ ᐃᓯ ᐱᒪᑎᓯᓇᐛᐤ, ᓇᔅᒡ ᒋ ᑎᐸᔨᒥᑯᓇᐛᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ᙮ ᑭᔭ ᓇᔅᒡ ᒋ ᒥᔽᔨᑕᓇᐛᐤ ᐊ ᒥᓂᔭᒄ, ᒋ ᒥᔽᔨᑕᓇᐛᐤ ᐊ ᐎᒋᐃᐛᔭᒄ ᐊᓐᑕ ᐊ ᒥᓇᓄᐅᒡ ᑭᔭ ᐊᓐᑕ ᐊ ᐎᓂᓯᓇᓄᐅᒡ, ᔅᒋ ᐊᔭᒥᐊᔅᑐᐛᐛᐅᒡ ᑭᔭ ᓇᔅᒡ ᐊ ᒥᒋᓇᑯᓯᒡ ᒥᓂᑐᐧᑲᓐᒡ᙮

1 ᒠᓐ 3:5

ᒋ ᒋᔅᒐᔨᑕᓇᐛᐤ ᙭ ᐊᒋ ᐸᒋ ᑎᑯᓯᐧᒃ ᒐᒋ ᐃᒐᓂᒧᐛᑦ ᐊᐛᔪᐛ ᐅᒥᒋᑥᐅᓂᔪᐛ ᑭᔭ ᐊᑲ ᓂᑕ ᐎᔾ ᐅᒋ ᒥᒋᑐᑕᐧᒃ᙮