1 ᐱᑕᕐ 1:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᓱᒃ ᒪᒃ ᒧᔅ ᒋᔅᑕᔨᒪᐧᒄ ᒋᓴᒪᓂᑐᐤ ᐎᔾ ᓄᑕᐎᓇᓐ ᑲ ᐃᓯᓂᐧᑲᑕᒄ ᐊ ᐊᔭᒥᐊᔭᒄ᙮ ᐊᐅᒄ ᐛᔅ ᐅ ᑯᐃᔅᒄ ᑲ ᐃᓯ ᑎᐸᔅᑯᓇᑦ ᒥᓯᐛ ᐊᐛᔪᐛ ᑕᓐ ᐊᓐ ᐊ ᐃᑎᔨᒋ᙮ ᐊᓂᔭ ᑕᓐ ᑲ ᐃᓯ ᐊᑐᔅᒐᔨᒋ, ᐊᑯᑕ ᐛᒋ ᑎᐸᔅᑯᓇᑦ᙮ ᓱᒃ ᒪᒃ ᒧᔅ ᐎ ᒋᔅᑕᔨᒪᐧᒄ ᒋᓴᒪᓂᑐᐤ ᒐ ᐃᔅᑯᑕᒂ ᒋᐱᒪᑎᓯᐅᓄᐛᐛ ᐅᑕ ᐊᔅᒋᒡ᙮

1 ᐱᑕᕐ 1:17 Iomraidhean Croise

ᒐᓂᓯᔅ 47:9

ᒐᑭᑉ ᒋ ᐎᑎᒧᐛᐤ, “ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ ᐊᓱ ᓂᔅᑐᔪᐤ᙮ ᐊᔅᒄ ᓇᒪ ᓇᐅᔅ ᓂ ᐱᒪᑎᓯᓐ ᒥᒄ ᓂᑦ ᐊᔨᒥᔪᐅᓐ ᓂᐱᒪᑎᓯᐅᓂᒡ᙮ ᐊᑎᑐᐤ ᓇᐅᔅ ᒋ ᐱᒪᑎᓯᐅᒡ ᓂᑦ ᐊᓂᔅᑯᑕᐸᓐᒡ ᐃᔅᐱᔅ ᓂᔾ᙮”

ᑎᐱᑦ ᐅᓂᑭᒧᐅᓇ 39:12

“ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ᒧᔅᑯᐛᑎᑕᓐ; ᐊᑲᐎᔾ ᒋᐱᑐᐛ ᐊ ᐅᒋᐧᑯᐛᑎᔭᓐ: ᐛᔅ ᓂ ᒪᓐᑕᐅᓐ ᑭᔭ ᓂᐱᒥᐱᒋᓐ, ᒧᔭᒻ ᒥᓯᐛ ᓄᑕᐅᐱᓐᒡ᙮

ᑎᐱᑦ ᐅᓂᑭᒧᐅᓇ 89:26

ᓂᑭ ᒪᑕᒄ ᐊ ᐃᓯᑦ, ‘ᒋᔾ ᓄᑕᐎᔾ, ᓂᒋᓴᒪᓂᑐᒻ, ᑭᔭ ᒋᔅᑕᐱᔅᒄ ᐛᒋᐱᔨᒡ ᓂᐱᒪᒋᐃᑯᓯᐅᓐ᙮’

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 22:16

ᒋ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ᑕᔨᒋ᙮ ᐊᑯ ᐊ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᑕᑈ ᐊ ᑕᑈᒥᑲᒡ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮

ᒪᑎᔪᐤ 6:9

ᐊᐅᒄ ᐅ ᒐ ᐃᓯ ᐊᔭᒥᐊᔭᒄ᙮ ᓄᑕᐎᓇᓐ ᒋᒋᒋᓯᑯᒡ ᐊ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:20

ᑕᑈ ᑭᑈ᙮ ᒥᒄ ᒪᒃ, ᒋᓴᒪᓂᑐᐤ ᒋ ᐃᒐᓇᐤ ᐊᓂᔭᔪᐛ ᒍᐤ ᐃᔪᐛ ᐛᓴ ᐊᒋ ᐊᓏᑕᑯᑦ᙮ ᒋᔾ ᒪᒃ ᐎ, ᒋ ᒥᔪ ᓂᑕᐅᒋᓐ ᐊᓐᑕ ᐊᓐ ᒥᔅᑎᒄ ᐛᔅ ᔅᒋ ᑕᑈᔭᔨᒪᐤ ᒋᓴᒪᓂᑐᐤ᙮ ᐊᑲᐎᔾ ᒋᑭ ᐅᒋ ᓂᓇᐸᐅᒧᓐ᙮ ᑎᑯᓐ ᐃᔭᐱᒡ ᒐᒋ ᐃᔭᒂᒥᔨᓐ᙮

2 ᑯᕆᓐᑎᔭᓇ 1:2

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

2 ᑯᕆᓐᑎᔭᓇ 5:6

ᐊᐅᒄ ᒪᒃ ᐛᒋ ᒧᔅ ᓱᒋᑕᐊᔭᐧᒄ᙮ ᒋ ᒋᔅᒐᔨᑕᓇᓄᐤ ᒐ ᐃᔅᐱᔅ ᐃᑕᐛᒂ ᐅᑕ ᒋᔪᓇᒡ ᓇᒪ ᒋ ᑕᓇᓄᐤ ᐊᓐᑕ ᐊ ᑕᑦ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

2 ᑯᕆᓐᑎᔭᓇ 7:11

ᒋᔨᐛᐤ ᒪᒃ ᐎ ᒋ ᓇᐊᔨᑎᒥᐃᑯᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᑕᒋᔨᐛᔨᑎᒪᒄ᙮ ᒋ ᐛᐸᑕᓇᐛᐤ ᑭᔭ ᑕᓐ ᐊ ᐃᓯ ᐎᒋᐃᑯᔭᒄ᙮ ᐊᑐᐎᔅ ᓱᒃ ᒋᑦ ᐃᑕᔨᑕᓇᐛᐤ᙮ ᐊᑐᐎᔅ ᓱᒃ ᒋ ᐎ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᒥᔪᑐᑎᒪᒄ᙮ ᒋ ᐃᑐᑕᑯᓇᐛᐤ ᒐᒋ ᒥᒐᔨᑎᒪᒄ ᐊ ᒥᒋᑐᑕᑭᓄᐅᒡ ᑭᔭ ᒐᒋ ᒋᔄᓯᔅᑎᒪᒄ ᒥᒋᑐᑎᒧᐅᓐ᙮ ᒋ ᒋᔅᒐᔨᑕᓇᐛᐤ ᒐᒋ ᐛᐛᓯᐊᑭᓄᐅᑦ ᐊᓐ ᑲ ᒥᒋᑐᑕᐧᒃ ᑭᔭ ᒐᒋ ᑯᐃᔅᑯᓇᑭᓄᐅᑦ᙮ ᑕᑈ ᔅᒋ ᐛᐸᑎᔨᐛᓇᐛᐤ ᑯᐃᔅᒄ ᐊ ᐃᑎᔭᒄ᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

ᐃᐱᓯᔭᓇ 1:17

ᓇᓂᑐᑎᒧᐛᐤ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ ᐊᓐ ᒪᐅᒡ ᑲ ᒋᔅᑕᔨᑕᑯᓯᑦ ᒐᒋ ᒥᔨᑕᒄ ᐅᑦ ᐊᒐᒂ ᐊᓂᔭᔪᐛ ᒐ ᑭᒐᑕᐛᔨᑎᒥᐃᑕᑯ ᑭᔭ ᒐ ᒋᔅᒐᔨᑎᒥᐃᑕᑯ ᑕᓐᑕ ᒐᒋ ᐅᒋ ᒋᔅᒐᔨᒪᒄ ᒋᓴᒪᓂᑐᐤ᙮

ᐃᐱᓯᔭᓇ 3:14

ᐅ ᒪᒃ ᑲ ᐃᓯ ᐃᔨᒥᐃᑎᑯᒡ ᐊᐅᒄ ᐛᒋ ᐅᒋᒋᐧᑯᓂᐱᔭᓐ ᒍᑕᐎᓄᐤ ᐊ ᐃᔨᒥᐃᒃ,

ᐃᐱᓯᔭᓇ 6:9

ᒋᔨᐛᐤ ᑭᔭ ᑲ ᐅᒋᒪᐎᔭᒄ, ᒥᔪᑐᑐᐛᐧᑯᒡ ᒋᑦ ᐊᐱᒋᐊᑭᓄᐛᐅᒡ᙮ ᐊᑲᐎᔾ ᓯᓴᒋᐊᐧᑯᒡ᙮ ᐛᔅ ᒋ ᒋᔅᒐᔨᑕᓇᐛᐤ ᐊ ᐸᐃᑯᓯᑦ ᒋᐅᒋᒪᒧᐛᐤ᙮ ᐊᐅᒄ ᐅ ᐅᑎᐸᔨᒋᒐᐤ ᒋᒋᒋᓯᑯᒡ ᐊ ᑕᑦ᙮ ᒥᓯᐛ ᒪᒃ ᐊᐛᔪᐛ ᐸᐃᑯᑕᐤ ᐃᑕᔨᒪᐤ, ᓇᒪ ᐃᐛᒃ ᒥᔪᑐᑐᐛᐤ ᐊᐛᔪᐛ ᑲ ᐅᒋᒪᐎᔨᒋ᙮

ᐱᓕᐱᔭᓇ 2:12

ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ᑯᔅᑕᑭᓄᐤ ᑭᔭ ᐎᔾ ᒋᐸ ᒋᔅᑕᔨᒪᑭᓄᐤ᙮

ᑯᓚᓯᔭᓇ 3:25

ᐊᓐ ᐊᐛᓐ ᐊᑲ ᒪᒧᔭᒻ ᐃᑎᑦ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᐊᒧᐛᑭᓄᐅᑦ᙮ ᐛᔅ ᒥᓯᐛ ᐊᐛᓐ ᒋᑭ ᐛᐛᓯᐊᑭᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒐᒋ ᐃᓯ ᐛᐛᓯᐊᑭᓄᐅᑦ᙮

ᐃᑉᕈᐛ 12:28

ᐊᐅᒄ ᒪᒃ ᐅᔭ ᒋᐸ ᐅᒋ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ᐊᑐᔅᑯᐅᐛᐧᒄ ᓇᔅᒡ ᐊ ᒋᔅᑕᔨᒪᐧᒄ᙮

ᐃᑉᕈᐛ 4:1

ᒋᓴᒪᓂᑐᐤ ᒪᒃ ᒋ ᐃᔅᒋᔄᐤ ᒐᔅᑎᓇᔅ ᒐ ᐊᔭᔅᑯᔅᑎᒧᐛᑦ ᐅᑦ ᐃᔨᒪ ᑕᓐᑕ ᒐ ᐊᔽᐱᔨᒋ᙮ ᐊᔅᒄ ᒪᒃ ᐅ ᐊᓄᒡ ᒐᓯᑲᒡ ᒋᑭ ᒋ ᐱᒐᓇᓄᐤ ᑭᔭ ᒋᔭᓄᐤ ᐊᓐᑕ ᒐᒋ ᐊᔽᐱᔭᐧᒄ᙮ ᐊᑯ ᒪᒃ ᐃᔭᒂᒥᑕᐤ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᒐᒋ ᐅᒋ ᐃᑕᔨᒥᑕᐧᒄ ᒋᓴᒪᓂᑐᐤ ᐊᑲ ᒋᔅᑕᔨᑕᑯᓱᐛᐧᒄ ᐊᓐᑕ ᒐᒋ ᐱᒐᐛᐧᒄ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮

1 ᐱᑕᕐ 3:15

ᒋᔅᑕᔨᒪᐧᒄ ᐅᑎᐸᔨᒋᒐᐤ ᙭ ᒋᑕᐃᐛᒡ᙮ ᒧᔅ ᒋᐸ ᐊᔭᔅᑯᐎᓇᐛᐤ ᑕᓐ ᒐᒋ ᐃᓯ ᐎᑎᒧᐊᑯᒡ ᐊᓐᒡ ᑲ ᐎ ᓇᓂᑐ ᒋᔅᒐᔨᑕᒡ ᐊᓂᔭ ᐊᔅᐸᔨᒧᐅᓂᔪᐤ ᑲ ᐱᒋᔅᑲᑯᐛᒄ᙮ ᒋᔭᒻ ᒥᒄ ᐎᑎᒧᐛᐧᑯᒡ ᐊᐛᓐᒋ ᐅᔭᔪᐤ ᑭᔭ ᐃᔭᐱᒡ ᒋᔅᑕᔨᒪᐧᑯᒡ᙮