1 ᐱᑕᕐ 1:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᙭ ᐅᑦ ᐊᒐᐧᑯᔪᐛ ᒋ ᐱᒋᔅᑲᑯᐅᒡ ᑭᔭ ᒋ ᐎᑎᒪᑯᐅᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᒋ ᙭ᑕ ᑭᔭ ᒐ ᒋᔅᑕᔨᑕᑯᐊᑭᓄᔨᒋ᙮ ᐊᑯ ᒪᒃ ᑲ ᓇᓂᑐ ᒋᔅᒐᔨᑕᒡ ᐊᐛᔪᐛ ᒐ ᐊᐎᔨᒋ ᙭ᑕ ᑭᔭ ᒪᒃ ᑕᐃᔅᐱ ᒐ ᐃᔅᐱᔨᒡ ᐅᔭ᙮

1 ᐱᑕᕐ 1:11 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒪᑎᔪᐤ 26:24

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ ᐊᓐᑕ ᐅᑕᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᒋᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᔨᑯᐱᓇ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑯᐱᓇ᙮”

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 12:41

ᐊᐃᓴᔭ ᒋ ᐃᑕᐤ ᐅᔭ ᐛᔅ ᒋ ᐛᐸᑎᒺᐤ ᒋᓴᓴ ᐅᒋᔅᑕᔨᑕᑯᓱᐅᓂᔪᐤ, ᑭᔭ ᑲ ᐊᔨᒧᒪᑦ᙮

ᐊᑈᔅᑕᓇᒡ 16:7

ᐃᔅᐱ ᐛᑎᑕᒡ ᒪᐃᓯᔭ ᐊᔅᒋᔪᐤ, ᒋ ᐎ ᐱᒐᐅᒡ ᐱᑎᓂᔭ ᐊᔅᒋᒡ ᒥᒄ ᒪᒃ ᒋᓴᓴ ᐅᑦ ᐊᒐᐧᑯᔪᐛ ᒋ ᓇᑲᓂᑯᐅᒡ ᒐᒋ ᐃᑐᑕᒡ ᐊᓐᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:9

ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

2 ᐱᑕᕐ 1:21

ᐛᔅ ᑕᐸ ᐛᒋ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐎᑕᒡ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮