1 ᒠᓐ 5:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 5:20 Iomraidhean Croise

ᒪᑎᔪᐤ 13:11

ᐊᑯ ᒋᓴᔅ ᐊᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ᒋᔅᒐᔨᑕᒡ᙮

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᓗᒃ 24:45

ᐊᑯ ᐅᔭ ᒂ ᐃᓯ ᐎᑎᒧᐛᑦ ᒐᒋ ᐱᔭᑭᔅᒡ ᓂᔅᑐᑎᒥᔨᒋ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮

ᒠᓐ 1:18

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ᐸᐃᑯᓯᔨᒋ ᐅᑯᓴ ᑲ ᓴᒋᐊᑦ ᒋ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 14:20

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᐸᒋ ᓂᑐᐛᐱᒥᑎᑯᒡ ᐊᑯᑕ ᒐ ᓂᔅᑐᑎᒪᒄ ᐊ ᐱᒋᔅᑯᐅᒃ ᓄᑕᐎᔾ ᑭᔭ ᐊ ᐱᒋᔅᑯᐅᔭᒄ, ᑭᔭ ᐊ ᐱᒋᔅᑲᑎᑯᒡ᙮”

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 14:9

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐱᓕᑉ, ᓴᔅ ᐛᔅᑭᒡ ᑲ ᑕᔭᓐ ᐅᑕ ᐊ ᑕᔭᒄ ᐃᔭᐱᒡ ᒪᒃ ᓇᒪ ᒋᔅᒐᔨᒥᓐ ? ᐊᓐ ᐊᐛᓐ ᑲ ᐛᐱᒥᑦ ᓴᔅ ᒋ ᐛᐱᒪᐤ ᐅᑕᐎᒪᐛ᙮ ᒐᒂᓐ ᒪᒃ ᐛᒋ ᑯᒂᒋᒥᔨᓐ ᒐᒋ ᐛᐸᑎᔨᑕᓐ ᐅᑕᐎᒪᐤ ?

ᒠᓐ 15:4

ᓂᔾ ᐊ ᑕᔭᓐ ᒧᔅ ᐃᓯ ᐱᒪᑎᓯᒄ ᐊᑯ ᑭᔭ ᓂᔾ ᒧᔅ ᒐ ᑕᔭᓐ ᐊᓐᑕ ᐊ ᑕᔭᒄ᙮ ᒧᔭᒻ ᐊ ᐃᓯᓇᒂᒡ ᐅᑎᐧᑯᓐ ᓇᒪ ᒋᑭ ᒋ ᒥᓂᓱᐤ ᐊᑲ ᐊᓐᑕ ᓱᒥᓇᑎᑯᒡ ᐅᒋ ᓂᑕᐅᒋᒐ᙮ ᐊᐅᑯᓐ ᒪᒃ ᒧᔭᒻ ᐊ ᐃᓯᓇᑯᓯᔭᒄ᙮ ᓇᒪ ᒋᑭ ᒋ ᓂᑕᐅᒋᐃᓱᓇᐛᐤ ᒐᒋ ᒥᓂᓱᐅᔭᒄ ᒧᔭᒻ ᐊᑲ ᐱᒋᔅᑯᐅᔭᒂ᙮”

ᒠᓐ 17:14

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐛᐧᑲᑎᑯᐅᒡ ᒪᒃ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐛᔅ ᑕᐸ ᐅᑕ ᐊᔅᒋᒡ ᐃᓯ ᑎᐸᔨᑕᑯᓱᐅᒡ ᒧᔭᒻ ᓂᔾ ᐊ ᐃᓯ ᐊᑲ ᑎᐸᔨᑕᑯᓯᔭᓐ ᐅᑕ ᐊᔅᒋᒡ᙮

ᒠᓐ 17:25

“ᓄᑕ, ᒋᔾ ᒧᔅ ᑲ ᑯᐃᔅᒄ ᐃᑎᔨᓐ, ᓇᒪ ᒋ ᒋᔅᒐᔨᒥᑯᒡ ᐊᓐᒡ ᐊᐛᓐᒋ ᐊᑲ ᐊᐱᑕᔨᒥᔅᒡ ᐅᑕ ᐊᔅᒋᒡ, ᓂᔾ ᒪᒃ ᐎ ᒋ ᒋᔅᒐᔨᒥᑎᓐ᙮ ᐅᒡ ᒪᒃ ᑭᔭ ᑲ ᐸᒋ ᒥᔨᓐ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᒠᓐ 17:3

ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:5

ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᐃᐱᓯᔭᓇ 3:18

ᓂᑦ ᐊᔭᒥᐊᐤ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ᑕᑈᑕᒡ ᒥᓯᐛ ᒐᒋ ᐊᔭᔭᒄ ᒥᔅᑯᓯᐅᓐ ᒐᒋ ᓂᔅᑐᑎᒪᒄ ᑕᓐ ᐊᔅᐱᔅ ᒥᔅᑎ ᓴᒋᐃᑕᒄ ᙭᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᐃᑉᕈᐛ 1:8

ᐅᑯᓯᓯᒪᐛ ᒪᒃ ᐊ ᐊᔨᒧᒪᑦ ᒋ ᐃᔅᒋᔄᐤ, “ᒋᔾ ᒋᓴᒪᓂᑐᐤ, ᒋᐅᒋᒪᐅᓐ ᑲᒋᒡ ᒋᑭ ᑎᑯᓐ, ᑯᐃᔅᒄ ᒋᑦ ᐃᑎᓐ ᐊ ᐅᒋᒪᐎᔨᓐ ᐊᓐᑕ ᒋᐅᒋᒪᐅᓂᒡ᙮

1 ᒠᓐ 2:23

ᐛᔅ ᐊᐛᓐ ᑲ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ᐃᔅᒋᔄᑦ ᐊ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮

1 ᒠᓐ 2:24

ᐃᔭᒂᒥᒄ ᒪᒃ ᒧᔅ ᒐᒋ ᑭᓄᐛᔨᑎᒪᒄ ᐊᓐ ᓂᔅᑎᒻ ᑲ ᐃᓯ ᐸᑎᒪᒄ ᐅᔅᑭᒡ ᑲ ᑕᑈᔭᔨᒪᒄ ᒋᓴᔅ᙮ ᒧᔅ ᑭᓄᐛᔨᑎᒪᒂ ᐅ ᓂᔅᑎᒻ ᑲ ᐃᓯ ᐸᑎᒪᒄ, ᒧᔅ ᒋᑭ ᐎᒐᐛᐛᐤ ᐅᑯᓯᓯᒪᐤ ᑭᔭ ᐅᑕᐎᒪᐤ᙮

1 ᒠᓐ 2:6

ᐊᓐ ᐊᐛᓐ ᑲ ᐃᔅᒋᔄᑦ ᐊ ᐎᒐᐛᑦ ᒋᓴᒪᓂᑐᐛ, ᒧᔭᒻ ᒋᓴᔅ ᙭ᑕ ᑲ ᐃᓯ ᐱᒧᑕᔨᒋ ᒋᐸ ᐃᓯ ᐱᒧᑕᐤ᙮

1 ᒠᓐ 4:14

ᓂᒋ ᐛᐸᑕᓇᓐ ᑭᔭ ᓂᒋ ᐎᑕᓇᓐ ᐅᑕᐎᒪᐤ ᐊᒋ ᐸᒋ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮

1 ᒠᓐ 4:16

ᐊᑯ ᒪᒃ ᒋᔅᒐᔨᑕᓇᓄᐤ ᑭᔭ ᒋ ᑕᑈᑕᓇᓄᐤ ᑕᑈ ᐊ ᓴᒋᐃᑕᐧᒄ ᒋᓴᒪᓂᑐᐤ᙮ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮ ᐊᓐ ᒪᒃ ᑲ ᑕᑦ ᓴᒋᐃᐛᐅᓂᒡ, ᐱᒋᔅᑯᐛᐤ ᒋᓴᒪᓂᑐᐛ ᑭᔭ ᐱᒋᔅᑲᑯᐤ ᒋᓴᒪᓂᑐᐛ᙮

1 ᒠᓐ 4:2

ᒪᐅᑕ ᒐᒋ ᐅᒋ ᒋᔅᒐᔨᒪᒄ ᐊᐛᓐ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐃᔭᐱᒋᐃᑯᒂ᙮ ᐊᐛᓐ ᒧᓴ ᑲ ᐎᑕᐧᒃ ᒋᓴᔅ ᙭ᑕ ᐊᒋ ᑎᑯᓯᓂᔨᒋ ᐅᑕ ᐊᔅᒋᒡ ᒧᒡ ᓇᐸᐛ ᑲ ᐃᑕᔨᑕᑯᓯᔨᒋ ᐊᒋ ᐃᑕᔨᑕᑯᓯᔨᒋ, ᐊᐅᒄ ᐅ ᒋᓴᒪᓂᑐᐤ ᐅᑦ ᐊᒐᐧᑯᔪᐛ ᐃᔭᐱᒋᐃᑯᑦ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮

1 ᒠᓐ 5:15

ᒧᔭᒻ ᒪᒃ ᒋᔅᒐᔨᑎᒺᒂ ᐊ ᐸᑕᑕᐧᒄ ᒋᓴᒪᓂᑐᐤ ᒥᒄ ᑕᓐ ᐊ ᐃᓯ ᓂᑐᑎᒧᐛᐧᒄ ᒐᒂᔪᐤ, ᒋ ᒋᔅᒐᔨᑕᓇᓄᐤ ᑭᔭ ᐊ ᐊᔭᐛᐧᒄ ᐊᓂᔭ ᐊ ᐃᓯ ᓂᑐᑎᒧᐛᐧᒄ᙮

1 ᒠᓐ 5:18

ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮

1 ᒠᓐ 5:5

ᐊᓐᒡ ᑲ ᑕᑈᑕᒡ ᒋᓴᓴ ᐊ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ ᐊᐅᑯᓐᒡ ᓯᔭᑯᒋᑕᒡ ᒥᒋᑥᐅᓂᔪᐤ ᐅᑕ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 19:11

ᐊᑯ ᒂ ᐛᐸᑎᒪᓐ ᒋᒋᒋᓯᒄ ᐊ ᔪᑕᐱᔨᒡ᙮ ᒋ ᐅᒋ ᓄᑯᓱᐤ ᒪᒃ ᑲᐸᐃᑭᔎᐤ ᐊ ᐛᐱᓯᑦ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ᑕᑈᐅᒐᔨᑕᑯᓯᑦ ᑭᔭ ᑲ ᑕᑈᑦ ᒋ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮

ᒋᔅᒐᔨᑕᑯᑕᒐᐅᓐ 6:10

ᒋ ᒋᔄᐛᐅᒡ ᒪᒃ ᐊ ᑕᑈᒡ, “ᓂᑎᐸᔨᒋᒐᓯᒥᓇᓐ ᑲ ᓱᐧᑲᑎᓯᔨᓐ, ᑲ ᐸᔭᒋᓯᔨᓐ, ᑲ ᒋᔅᑕᔨᑕᑯᓯᔨᓐ ᒐᒋ ᑕᑈᐅᒐᔨᒥᑯᔨᓐ᙮ ᑕᐃᔅᐱ ᒐ ᑎᐸᔅᑯᓂᑥᐤ ᐊᓐᒡ ᐊᓐᑕ ᐊᔅᒋᒡ ᐊ ᑕᒡ ᑲ ᓂᐸᐃᔨᒥᒡ ? ᑕᐃᔅᐱ ᒐ ᑎᐸᐊᑥᐤ ᐊᓐᒡ ᑲ ᓂᐸᐃᔨᒥᒡ ?”