1 ᒠᓐ 5:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒪᐅᔭ ᒪᒃ ᐊ ᐃᑕᒋᒪᑦ ᒋᓴᒪᓂᑐᐤ ᐅᑯᓴ, ᒋᓴᒪᓂᑐᐤ ᔅᒋ ᒥᔨᑯᓄᐤ ᑲᒋᒡ ᐱᒪᑎᓯᐅᓂᔪᐤ, ᐊᓐ ᒪᒃ ᑲᒋᒡ ᐱᒪᑎᓯᐅᓐ ᐊᓐᑕ ᐅᑯᓴ ᐊ ᑕᔨᒋ ᐅᒋᐱᔪᐤ᙮

1 ᒠᓐ 5:11 Iomraidhean Croise

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒠᓐ 1:19

ᒍᐤ ᑎᐸᔨᒋᒐᓱᐅᒡ ᒋ ᐃᑎᓴᐛᐅᒡ ᒍᐤ ᐊ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ᐅᒋᔨᒋ ᐊᓐᑕ ᒠᓇ ᐊ ᑕᔨᒋ ᒐᒋ ᓂᑐ ᒋᔅᒐᔨᒥᑯᑦ ᐎᔾ ᐊ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮

ᒠᓐ 1:4

ᐎᔾ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᐱᒪᑎᓯᐅᓂᒡ ᒪᒃ ᐊᑯᑕ ᑲ ᐅᒋ ᐛᐸᑕᒡ ᐊᐛᓐᒋ ᐛᔅᑕᐅᓂᔪᐤ᙮

ᒠᓐ 10:28

ᓂ ᒥᔭᐅᒡ ᑲᒋᒡ ᐱᒪᑎᓯᐅᓂᔪᐤ, ᓇᒪ ᒪᒃ ᓂᑕ ᒋᑭ ᐅᒋ ᓂᓱᐅᓇᑎᓯᐅᒡ᙮ ᑭᔭ ᓇᒪ ᐊᐛᓐ ᓂᑭ ᒋ ᒥᔅᑭᒧᒄ ᐊ ᑕᐧᑯᓂᒥᒋ᙮

ᒠᓐ 12:50

ᓂ ᒋᔅᒐᔨᑎᒺᓐ ᒪᒃ ᐎᔾ ᐅᑦ ᐃᑎᓱᐛᐅᓐ ᒋᑭ ᐃᑐᑕᑯᐛᓇᐛᐤ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᑕᓐ ᐊ ᐃᓯ ᒥᔨᑦ ᒐᒋ ᐃᑎᑎᑯᒡ ᐊᐅᑯᓐ ᐊ ᐃᓯ ᐎᑎᒪᓐ᙮”

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 19:35

ᐊᓐ ᐊᐛᓐ ᑎᐱᔨᐛ ᐅᔅᒋᓯᑯᒡ ᐊᒋ ᐅᒋ ᐛᐸᑕᐧᒃ ᐅᔭ ᑯᐃᔅᒄ ᐎᑎᒻ ᑕᓐ ᑲ ᐃᔅᐱᔨᒡ ᒐᒋ ᑕᑈᑎᒪᒄ ᑭᔭ ᒋᔨᐛᐤ ᐃᔨᒥᑕᔭᒂ᙮ ᒋᔅᒐᔨᑎᒻ ᐊ ᑕᑈᑦ ᑕᓐ ᐊ ᐃᓯ ᐎᑕᐧᒃ᙮

ᒠᓐ 3:36

ᐊᓐ ᒪᒃ ᐊᐛᓐ ᑲ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ᒪᑎᑯᔅᑲᑯᐤ᙮

ᒠᓐ 4:36

ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᒋᓯᐧᑯᐛᑭᓄᐤ᙮ ᒧᔭᒻ ᐊᓐ ᐊᐛᓐ ᑲ ᐎᒋᐊᑦ ᐊᐛᔪᐛ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᒪᒃ ᐊᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᑕᐱᔅᑯᓐ ᒐ ᒥᔽᔨᑕᒡ ᐛᔅ ᑕᐱᔅᑯᓐ ᒋ ᐊᑐᔅᒐᐅᒡ᙮

ᒠᓐ 4:4

ᒋᐸ ᓴᐳᑐᐛᔅᑭᒻ ᒪᒃ ᓴᒪᕆᔭ ᐊᔅᒋᔪᐤ ᐊᓐᑕ ᑲᓕᓕᒡ ᐊ ᐎ ᐃᑐᑕᑦ᙮

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 5:26

ᐛᔅ ᐎᔾ ᐅᑕᐎᒪᐤ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᒥᔭᐤ ᒪᒃ ᐅᑯᓯᓯᒪᐛ ᑭᔭ ᐎᔾ ᐊ ᑕᔨᒋ ᒐᒋ ᐅᒋᐱᔨᒡ ᐱᒪᑎᓯᐅᓂᔪᐤ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᒠᓐ 6:47

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 6:68

ᒂ ᐃᓯ ᐎᑎᒪᑯᑦ ᓴᐃᒥᓐ ᐱᑕᕋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ᑎᒂᒡ ᑲᒋᒡ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:21

ᑕᑈ ᑭᑈ ᓱᒋᐱᔪᐤ ᒥᒋᑥᐅᓐ᙮ ᐛᔅ ᓇᔅᒡ ᑎᐸᔨᒥᑯᐅᒡ ᐊᐛᓐᒋ ᐊᐅᒄ ᒪᒃ ᐛᒋ ᐃᑕᔨᑕᑯᓂᔨᒡ ᒐᒋ ᓂᐱᒡ᙮ ᐊᑐᐎᔅ ᒪᒃ ᒋᓴᒪᓂᑐᐤ ᐅᒋᓴᐛᑎᓯᐅᓐ ᓱᒐᔨᑕᑯᓂᔪᐤ᙮ ᐅᑯᐃᔅᑯᑕᑎᓯᐅᒡ ᒋ ᐊᑎ ᐃᓯ ᑭᓄᐛᐱᒥᑯᓄᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑎᔨᐧᑯ ᒋᓴᓴ ᒋᑎᐸᔨᒋᒐᓯᒥᓄᐛ᙮ ᐊᑯᑕ ᒪᒃ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

1 ᑎᒧᑎ 1:16

ᐊᑎ ᒪᒃ ᓂᔾ ᒪᐅᒡ ᐊᒋ ᒥᒐᑎᓯᐅᒡ ᓂᒋ ᐛᔪᐅᒡ ᒋᓴᐛᑐᑕᒄ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐ ᒐᒋ ᐃᔅᐱᔅ ᐛᔪᐅᒡ ᓯᐱᔪᐛᓯᔅᑐᐛᑦ ᐊᓂᔭᔪᐛ ᒐ ᑕᑈᔭᔨᒥᑯᑦ ᑭᔭ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

1 ᒠᓐ 2:25

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ ᙭, ᒐᔅᑎᓇᔅ ᒐ ᒥᔨᑕᐧᒄ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 4:10

ᒪᐅ ᒪᒃ ᐅ ᓴᒋᐃᐛᐅᓐ, ᓇᒪ ᐎ ᒋᔭᓄᐤ ᐊᒋ ᓴᒋᐊᐧᒄ ᒋᓴᒪᓂᑐᐤ, ᒪᒃ ᐎᔾ ᐊᒋ ᓴᒋᐃᑕᐧᒄ ᐊᒋ ᐸᒋ ᐃᑎᓴᐛᑦ ᐅᑯᓴ ᐊᓐᑕ ᒐᒋ ᑎᐸᒪᒐᔅᑎᒪᑕᐧᒄ ᒋᒥᒋᑐᑎᒧᐅᓄᐛ᙮

1 ᒠᓐ 4:9

ᐊᑯᑕ ᑲ ᓄᑯᑥᑕᐧᒄ ᒋᓴᒪᓂᑐᐤ ᑕᓐ ᐊ ᐃᓯ ᓴᒋᐃᑕᐧᒄ ᑲ ᐸᒋ ᐃᑎᓴᐛᑦ ᑲ ᐸᐃᑯᓯᔨᒋ ᐅᑯᓴ ᐅᑕ ᐊᔅᒋᒡ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 5:10

ᐊᐛᓐ ᑕᑈ ᐊ ᑕᑈᔭᔨᒪᑦ ᒋᓴᒪᓂᑐᐛ ᐅᑯᓯᔪᐛ, ᐅᑎᓂᒻ ᑭᔭ ᒥᒋᒥᓂᒻ ᐅᔭ ᑎᐸᒋᒧᐅᓂᔪᐤ᙮ ᐊᐛᓐ ᒪᒃ ᐊᑲ ᑕᑈᑐᐛᑦ ᑕᓐ ᐊ ᐃᑕᒋᒧᔨᒋ ᒋᓴᒪᓂᑐᐛ, ᐃᔅᒋᔄᐤ ᐊ ᑭᑭᒋᔭᔨᒋ, ᐛᔅ ᓇᒪ ᑕᑈᑎᒻ ᑕᓐ ᑲ ᐃᑕᒋᒪᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑯᓯᔪᐛ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 5:7

ᑲ ᐸᔭᒋᓯᑦ ᐊᒐᐧᒄ ᒪᒃ ᐊᐅᒄ ᑕᐸᑕᐧᒃ ᐅᔭ᙮ ᑕᑈᐤ ᒪᒃ ᐅ ᐊᒐᐧᒄ᙮

3 ᒠᓐ 1:12

ᐊᓐ ᓇᐸᐤ ᑎᒥᑦᕆᔭᔅ ᑲ ᐃᓯᓂᐧᑲᓱᑦ ᒥᓯᐛ ᐊᐛᔪᐛ ᒥᔽᒋᒥᑯᐤ᙮ ᓄᑯᓂᔪᐤ ᑕᑈ ᑕᑈᐅᓂᒡ ᐊ ᐃᓯ ᐱᒪᑎᓯᑦ᙮ ᑭᔭ ᓂᔾ ᓂ ᒥᔽᒋᒪᐤ᙮ ᒋ ᒋᔅᒐᔨᑕᓇᐛᐤ ᒪᒃ ᐊ ᑕᑈᒥᑲᒡ ᑕᓐ ᐊ ᐃᔅᒋᔄᔭᓐ᙮

ᒍᑦ 1:21

ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ᓱᐛᔨᒧᐛᑦ ᐅᒡ᙮

ᒋᔅᒐᔨᑕᑯᑕᒐᐅᓐ 1:2

ᒥᓯᐛ ᒪᒃ ᓂᒋ ᒥᓯᓇᐊᓐ ᑕᓐ ᑲ ᐃᓯ ᐛᐸᑎᔨᑯᔭᓐ᙮ ᐊᓐ ᒪᒃ ᑲ ᐃᓯ ᒥᓯᓇᐊᒪᓐ, ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓂᔭ᙮ ᒋᓴᔅ ᒋ ᓄᑯᑕᐤ ᑕᑈ ᐊ ᑕᑈᒥᑭᓂᔨᒡ᙮

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮