1 ᒠᓐ 4:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒋᔭᓄᐤ ᐎ ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ᒋᔅᒐᔨᒪᑦ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᓂᑐᑕᑯᓄᐤ ᑕᓐ ᐊ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ᓂᑐᑕᑯᓄᐤ᙮ ᐊᑯᑕ ᐛᒋ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ᐎᔭᓯᒧᐛᑦ ᐊᒐᐧᒄ᙮

1 ᒠᓐ 4:6 Iomraidhean Croise

ᓗᒃ 10:22

ᐊᑯ ᒋᓴᔅ ᐃᔅᐱ ᑲᒋ ᐃᓯ ᐊᔭᒥᐊᑦ ᒂ ᐃᑕᑦ ᐊᓂᔭ ᐊᓐᑕ ᐊ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 10:27

ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 10:3

ᓴᓂᒪᑯᐤ ᒪᒃ ᐊᓂᔭᔪᐤ ᑲ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ᐎᐎᔨᒋ ᐊᑯ ᐊ ᐊᑎ ᓇᓴᐅᑯᑦ᙮

ᒠᓐ 13:20

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐱᓯᒋᐊᒂ ᐊᓂᔭ ᐊᐛᔪᐛ ᒐ ᐃᑎᓴᐅᒥᒋ ᓂᐱᓯᒋᐃᒄ ᑭᔭ ᓂᔾ᙮ ᐊᓐ ᒪᒃ ᐊᐛᓐ ᑲ ᐱᓯᒋᐃᑦ ᐱᓯᒋᐊᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮”

ᒠᓐ 14:17

ᐊᐅᒄ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ, ᐊᓐ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ᒋᔅᒐᔨᒪᐛᐤ ᐛᔅ ᒋ ᐎᒐᐅᑯᐛᐤ ᑭᔭ ᒋᑭ ᐱᒋᔅᑲᑯᐛᐤ᙮”

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:13

ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᒠᓐ 18:37

ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 8:19

ᐊᑯ ᒂ ᐃᑕᒡ, “ᑕᓐᑕ ᐊ ᑕᑦ ᒍᑕᐎᔾ ?” ᒋᓴᔅ ᒂ ᐃᓯ ᐎᑎᒧᐛᑦ, “ᓇᒪ ᑕᑈ ᒋ ᒋᔅᒐᔨᒥᓇᐛᐤ ᑭᔭ ᓄᑕᐎᔾ ᓇᒪ ᒋ ᒋᔅᒐᔨᒪᐛᐤ᙮ ᐛᔅ ᒋᔅᒐᔨᒥᔭᒄ ᓄᑕᐎᔾ ᑭᔭ ᒋᐸ ᒋᔅᒐᔨᒪᐛᐤ᙮”

ᒠᓐ 8:23

ᒋᓴᔅ ᒪᒃ ᒋ ᐃᑕᐤ, “ᓂᑕᒡ ᒋ ᐅᒋᓇᐛᐤ ᒋᔨᐛᐤ ᓂᔾ ᒪᒃ ᐊᓐᑕ ᐃᔅᐱᒥᒡ ᓂ ᐅᒋᓐ᙮ ᐅᑕ ᐊᔅᒋᒡ ᒋ ᐅᒋᓇᐛᐤ ᒋᔨᐛᐤ, ᓂᔾ ᒪᒃ ᐎ ᓇᒪ ᐅᑕ ᐊᔅᒋᒡ ᓂ ᐅᒋᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:8

ᐊᐅᒄ ᐛᔅ ᑕᑈ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᐃᑐᑕᑯᐅᒡ ᒋᓴᒪᓂᑐᐛ ᓇᔅᒡ ᐊᑲ ᒐᒂᔪᐤ ᒐᒋ ᓂᔅᑐᑕᒡ ᐊᒐᐧᑯᐅᓂᒡ ᐃᔅ᙮ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑎᒺᒡ ᑕᓐ ᐊ ᐃᑎᔨᒋ ᑭᔭ ᒐ ᐊᑲ ᒋ ᐸᑐᐛᒡ ᑕᓐ ᐊ ᐃᔅᒋᔄᔨᒋ᙮ ᐊᔅᒄ ᐊᓄᒡ ᒐᓯᑲᔨᒡ ᐊᐅᑯᓐ ᐊ ᐃᓯᓇᑯᓯᒡ᙮

1 ᑯᕆᓐᑎᔭᓇ 14:37

ᐸᐃᒄ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᐊ ᐅᒋᔅᒋᐛᐃᒐᓱᐅᑦ ᒪᒃ ᐊ ᐃᑕᔨᑎᒧᒂ ᐊᒐᐧᒄ ᒥᔨᐛᐅᓂᔪᐤ ᐊ ᐊᔭᑦ, ᒋᐸ ᒋᔅᒐᔨᑎᒻ ᐅᔭ ᑲ ᐃᓯ ᒥᓯᓇᐊᒪᑎᑯᒡ ᐅᑎᐸᔨᒋᒐᐛ ᐅᔭ ᐊ ᐃᑎᓱᐛᔨᒋ᙮

2 ᑯᕆᓐᑎᔭᓇ 10:7

ᐊᑲᐎᔾ ᐃᑎᒄ ᒧᔭᒻ ᐊᑲ ᐛᐸᑎᒪᒄ ᑕᓐ ᐊ ᐃᓯ ᒥᔪ ᓂᔅᑐᓇᒂᒡ᙮ ᐊ ᑕᒂ ᐊᐛᓐ ᐊ ᒐᔅᑎᓇᐅᑦ ᙭ ᐊ ᑎᐱᔨᐛᐅᓯᑐᑕᑯᑦ ᒐ ᐎ ᒋᔅᒐᔨᑕᐧᒃ ᐊᐅᑯᓐ ᐊᓐ ᑭᔭ ᒋᔭᓄᐤ ᑕᐸᔨᒥᑕᐧᒄ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

1 ᑎᒧᑎ 4:1

ᑲ ᐸᔭᒋᓯᑦ ᐊᒐᐧᒄ ᐱᔭᑭᔅᒡ ᐎᑎᒪᒐᐤ ᑕᓐ ᒐ ᐊᑎ ᐃᔅᐱᔨᒡ ᐊ ᒪᒋᒡ ᒋᓯᑲᔨᒡ᙮ ᒋᑭ ᑕᐅᒡ ᐊᐛᓐᒋ ᐊ ᐳᓂᒡ ᐊ ᑕᑈᔭᔨᒪᒡ ᒋᓴᓴ᙮ ᒋᑭ ᐎᔭᓯᒥᑯᒡ ᑕᓐ ᐊ ᐃᓯ ᐛᐎᔭᓯᒧᐛᔨᒋ ᒥᒋ ᐊᒐᒂ ᐊᑯ ᒐ ᓇᓴᐊᒺᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ᙮

2 ᐱᑕᕐ 3:2

ᒋ ᐎ ᒋᔅᒋᓱᒥᑎᓇᐛᐤ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᑎᓱᒥᑕᒄ ᐅᑎᐸᔨᒋᒐᐤ ᒋᐱᒪᒋᐃᐛᒥᓄᐤ ᐊᓂᔭᔪᐛ ᐎᔾ ᑎᐱᔨᐛ ᐅᑦ ᐊᑈᔅᑕᓂᒪ ᐅᒡ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

1 ᒠᓐ 4:4

ᓂᑦ ᐊᐛᓯᒥᑎᒄ, ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ᙮ ᓇᒪ ᒪᒃ ᒋ ᐅᒋ ᓴᐧᑯᒋᐃᑯᐛᐅᒡ ᐊᓐᒡ ᐊᑲ ᑯᐃᔅᒄ ᐊᓯ ᒋᔅᑯᑎᒪᒐᒡ ᒐᒋ ᑕᑈᑐᐛᑯᒡ᙮ ᐛᔅ ᐃᐛᒃ ᓱᒐᔨᑕᑯᓯᔪᐛ ᐊᓂᔭ ᑲ ᐱᒋᔅᑲᑎᔨᑕᑯ ᐃᔅᐱᔅ ᐊᓂᔭᔪᐛ ᐊᓐᒡ ᐊᔅᒋᒡ ᑲ ᐃᓯ ᐱᒪᑎᓯᒡ ᑲ ᐱᒋᔅᑲᑯᒡ᙮

1 ᒠᓐ 4:8

ᐊᓐ ᐊᐛᓐ ᐊᑲ ᓴᒋᐃᐛᑦ, ᓇᒪ ᒋᔅᒐᔨᒪᐤ ᒋᓴᒪᓂᑐᐛ, ᐛᔅ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮

1 ᒠᓐ 5:19

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮

ᒍᑦ 1:17

ᒋᔅᒋᓯᒄ ᒪᒃ ᓂᐧᑲᓂᓯᑐᒄ, ᑕᓐ ᑲ ᐃᓯ ᓂᑲᓐ ᐊᔨᒧᑎᒪᑕᑯᒡ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐊᑈᔅᑕᓂᒪ᙮