1 ᒠᓐ 4:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒧᔭᒻ ᒋᓴᒪᓂᑐᐤ ᐅᔭᔪᐤ ᐊ ᐃᓯ ᓴᒋᐃᑕᐧᒄ, ᐊᐅᒄ ᐅ ᒋᐸ ᐃᓯ ᓴᒋᐃᑐᓇᓄᐤ ᑭᔭ ᒋᔭᓄᐤ᙮

1 ᒠᓐ 4:11 Iomraidhean Croise

ᓗᒃ 10:37

ᐊᑯ ᒂ ᐃᔅᒋᔄᔨᒋ ᐊᓂᔭᔪᐛ ᓇᐸᐛ, “ᐊᓐ ᑭᑈ ᓇᐸᐤ ᑲ ᐎᒋᐊᑦ ᑲ ᓄᑯᑕᑦ ᐊ ᒋᔅᑎᒪᒐᔨᒪᑦ᙮” ᒋᓴᔅ ᒂ ᐃᑕᑦ, “ᒪᒋ ᒪᒃ, ᐊᐅᑯᓐ ᒪᒃ ᐅ ᒧᔭᒻ ᒐ ᐃᑐᑎᒥᓐ ᑭᔭ ᒋᔾ᙮”

ᒠᓐ 13:34

“ᐊ ᐅᔅᑲᒡ ᐃᑎᓱᐛᐅᓐ ᒋ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ᐃᔅᐱᔅ ᓴᒋᐃᑐᓇᐛᐤ᙮

ᐃᐱᓯᔭᓇ 4:31

ᐳᓂᒄ ᐊ ᐅᔅᑐᐛᔨᑎᒪᒄ, ᐊ ᐊᐧᑯᔪᐛᓯᔭᒄ ᑭᔭ ᐊ ᒋᔄᓯᔭᒄ᙮ ᐳᓂᒄ ᑭᔭ ᐊ ᒪᔭᔨᒐᔭᒄ ᑭᔭ ᐊ ᒋᐧᑲᓇᑯᐎᑐᔭᒄ᙮ ᓇᒪ ᓇᔅᒡ ᒋᐸ ᐅᒋ ᐊᔭᓇᐛᐤ ᐛᐧᑲᓱᐛᐅᓐ᙮

ᑯᓚᓯᔭᓇ 3:13

ᓯᐱᔨᐛᓯᔅᑕᑐᒄ᙮ ᐛᐸᔨᑎᒪᑐᒄ ᑕᑥᐤ ᐊ ᐅᓂᑐᑕᑐᔭᒄ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐛᐸᔨᑎᒪᑐᔭᒄ ᒧᔭᒻ ᐅᑎᐸᔨᒋᒐᐤ ᑲ ᐃᓯ ᐛᐸᔨᑎᒪᑕᒄ᙮

1 ᒠᓐ 2:7

ᓂᐧᑲᓂᓯᑐᒄ, ᓇᒪ ᐅᔅᑲᐤ ᐅ ᐃᑎᓱᐛᐅᓐ ᑲ ᐊᔨᒧᑎᒪᑎᑯᒡ ᐅ ᑲ ᒥᓯᓇᐊᒪᑎᑯᒡ᙮ ᓴᔅ ᐛᔅᑭᒡ ᐅ ᐃᑎᓱᐛᐅᓐ᙮ ᐊᐅᒄ ᐅ ᐃᑎᓱᐛᐅᓐ ᓂᔅᑎᒻ ᑲ ᐊᔭᔭᒄ ᑭᔭ ᐊᐅᒄ ᒧᔅ ᑲ ᐸᒋ ᐊᔨᒧᑎᒪᑯᔭᒄ᙮

1 ᒠᓐ 3:11

ᐅᔅᑭᒡ ᑲ ᐛᐎᑎᒪᑯᔭᒄ ᒥᔽᒋᒧᐅᓐ ᐊᐅᒄ ᐅ ᑲ ᐃᓯ ᐎᑎᒪᑯᔭᒄ, ᒐᒋ ᓴᒋᐃᑐᔭᐧᒄ᙮

1 ᒠᓐ 3:23

ᒪᐅᔭᔪᐤ ᒪᒃ ᐊ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ᐃᑎᓱᒥᑕᐧᒄ ᒐᒋ ᐃᓯ ᓴᒋᐃᐛᐛᐧᒄ᙮

1 ᒠᓐ 4:7

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᑯᔅ ᓴᒋᐃᑐᑕᐤ᙮ ᐛᔅ ᓴᒋᐃᐛᐅᓐ ᒋᓴᒪᓂᑐᒡ ᐅᒋᐱᔪᐤ᙮ ᑭᔭ ᒥᓯᐛ ᑕᑐᐤ ᐊᐛᓐ ᑲ ᓴᒋᐃᐛᑦ ᒋ ᓂᑕᐅᒋᐃᑯᐤ ᒋᓴᒪᓂᑐᐛ ᑭᔭ ᒋᔅᒐᔨᒪᐤ ᒋᓴᒪᓂᑐᐛ᙮

2 ᒠᓐ 1:5

ᐊᓄᒡ ᒪᒃ ᒋ ᓂᑐᑎᒪᑎᓐ ᒋᔾ ᐅᒋᒪᔎᐤ ᒐᒋ ᓴᒋᐃᑐᔭᐧᒄ᙮ ᓇᒪ ᒋ ᒥᓯᓇᐊᒪᑎᓇᐛᐤ ᐊ ᐎᑎᒪᑎᑯᒡ ᐊ ᐅᔅᑲᒡ ᐃᑎᓱᐛᐅᓐ, ᒧᔅ ᔅᒋ ᐃᑎᑯᓇᓄᐤ ᒐᒋ ᓴᒋᐃᑐᔭᐧᒄ ᐃᔅᐱ ᑲ ᐸᑎᒪᐧᒄ ᒥᔽᒋᒧᐅᓐ᙮