1 ᒠᓐ 4:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

1 ᒠᓐ 4:1 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:21

“ᑭᔭ ᐃᑎᑕᒂ ᐊᐛᓐ, ‘ᐃᑕᐱᒄ ᒪ, ᐊᐅᒄ ᐛᔅ ᐅ ᙭,’ ᒪᒃ ᐃᑎᑯᐅᔭᒂ, ‘ᒪᓇ ᙭,’ ᐊᑲᐎᔾ ᒋᑭ ᐅᒋ ᑕᑈᑕᓇᐛᐤ᙮

ᓗᒃ 12:57

“ᒐᒂᓐ ᐛᒋ ᐊᑲ ᒋ ᐎᔭᔨᑎᒪᓱᔭᒄ ᑕᓐ ᐊᓐ ᑯᐃᔅᒄ ᒐᒂᓐ ᒐᒋ ᐃᓯ ᐃᑐᑎᒧᐛᐛᒂ ?

ᓗᒃ 21:8

ᒋᓴᔅ ᒪᒃ ᒋ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮ ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ᐊᐅᒄ ᓂᔾ ᙭᙮ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮ ᑭᔭ ᒋᑭ ᐃᔅᒋᔄᐅᒡ, ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᐊᑲᐎᔾ ᒪᒃ ᒋᑭ ᐅᒋ ᓇᓴᐛᐛᐅᒡ ᐅᒡ᙮

ᐊᑈᔅᑕᓇᒡ 17:11

ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮

ᐊᑈᔅᑕᓇᒡ 20:29

ᓂ ᒋᔅᒐᔨᑕᓐ ᐛᔅ ᐃᔅᐱ ᒋ ᔅᑐᑕᔭᓇ, ᒐ ᐅᑎᑎᑕᑯᒡ ᐊᐛᓐᒋ ᐊᑲ ᑯᐃᔅᒄ ᐃᓯ ᒋᔅᑯᑎᒪᒐᒡ ᓇᔅᒡ ᐊᑲ ᑲ ᒪᒥᓇᑎᓯᒡ ᒧᔭᒻ ᒥᐃᐧᑭᓂᒡ ᐊ ᐃᑕᔨᑕᑯᓯᒡ, ᒋᑭ ᐎ ᓂᓱᐅᓇᒋᑕᐅᒡ ᒋᑕᑈᑎᒧᐅᓄᐛᔪᐤ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 14:29

ᑭᔭ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒋᐸ ᒋᔅᒋᐛᐃᒐᐅᒡ ᐊᓐᑕ ᐊ ᐃᔨᒪᐊᓄᐎᒡ᙮ ᐊᑯ ᐊᓐᒡ ᑯᑎᑭᒡ ᐃᔭᒂ ᒋᐸ ᓂᑐᑎᒧᒡ ᑭᔭ ᐃᔭᒂ ᒋᐸ ᓇᓂᑐ ᒋᔅᒐᔨᑎᒧᒡ ᑎᔭᑈᒥᑭᓂᒂ ᑕᓐ ᐊ ᐃᓇᓄᐎᒡ᙮

1 ᑕᓴᓗᓂᔭᓇ 5:20

ᐊᑲᐎᔾ ᒪᔭᔨᑎᒺᐧᒄ ᐊᓂᔭ ᑕᓐ ᐊ ᐃᓯ ᓂᑲᓐ ᐎᑕᐧᒃ ᐊᐛᓐ ᒋᓴᒪᓂᑐᐛ ᑲ ᐃᔨᒥᔅᑎᒧᐛᑦ᙮

1 ᑕᓴᓗᓂᔭᓇ 5:21

ᒥᓯᐛ ᓂᑐ ᒋᔅᒐᔨᑎᒧᒄ ᑕᓐ ᐊ ᐃᓇᓄᐅᒡ ᑎᔭᑈᒥᑭᓂᒂ, ᑕᑈᒥᑲᒐ ᒪᒃ, ᐊᑯ ᐃᔭᒄ ᒐᒋ ᐅᑎᓂᒪᒄ᙮

2 ᑕᓴᓗᓂᔭᓇ 2:2

ᒐ ᐊᑲ ᒋ ᐎᔭᓯᐃᑕᑯᒡ ᐊᐛᓐᒋ ᐊ ᐃᔅᒋᔄᒡ ᓴᔅ ᐊ ᐅᑎᒋᐱᔨᒡ ᐅᑎᐸᔨᒋᒐᐛ ᒐ ᑎᑯᓯᓂᔨᒋ᙮ ᐊᑲᐎᔾ ᑕᑈᑎᒧᒄ ᐊᑎ ᐃᔅᒋᔄᒐ ᐊᐛᓐ ᒋᓴᒪᓂᑐᐛ ᐊᒋ ᒋᔅᒐᔨᑎᒥᐃᑯᑦ ᐅᔭ, ᒪᒃ ᐃᔅᒋᔄᒐ ᐊᐛᓐ ᓂᔭᓐ ᐊᒋ ᐎᑎᒧᐅᒋᒡ ᐅᔭ ᒪᒃ ᐃᔅᒋᔄᒐ ᐊᒋ ᐃᔨᒥᑕᒡ ᒥᓯᓇᐃᑭᓂᔪᐤ ᓂᔭᓐ ᐊᒋ ᒥᓯᓇᐃᒐᐅᒋᒡ ᐅᔭ ᐊ ᐊᔨᒧᑎᒧᒋᒡ᙮

1 ᑎᒧᑎ 4:1

ᑲ ᐸᔭᒋᓯᑦ ᐊᒐᐧᒄ ᐱᔭᑭᔅᒡ ᐎᑎᒪᒐᐤ ᑕᓐ ᒐ ᐊᑎ ᐃᔅᐱᔨᒡ ᐊ ᒪᒋᒡ ᒋᓯᑲᔨᒡ᙮ ᒋᑭ ᑕᐅᒡ ᐊᐛᓐᒋ ᐊ ᐳᓂᒡ ᐊ ᑕᑈᔭᔨᒪᒡ ᒋᓴᓴ᙮ ᒋᑭ ᐎᔭᓯᒥᑯᒡ ᑕᓐ ᐊ ᐃᓯ ᐛᐎᔭᓯᒧᐛᔨᒋ ᒥᒋ ᐊᒐᒂ ᐊᑯ ᒐ ᓇᓴᐊᒺᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ᙮

2 ᑎᒧᑎ 3:13

ᐊᑯ ᐊᓐᒡ ᑲ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ᐃᑕᔨᑕᑯᓱᐅᒡ, ᐊ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ᐎᔭᓯᒪᑭᓄᐎᒡ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

1 ᒠᓐ 2:18

ᐊᐛᓯᑐᒄ, ᐊᔪᐅᒄ ᐅᔭ ᒪᔅᑕᔾ ᐊ ᒋᓯᑲᔨᒡ᙮ ᔅᒋ ᐎᑎᒪᑯᐅᓇᐛᐤ ᒐ ᑎᑯᓯᐧᒃ ᐊᓐ ᐊᐛᓐ ᑲ ᓱᒐᔨᒧᑐᑐᐛᑦ ᙭ᑕ᙮ ᓴᔅ ᒪᒃ ᒥᒐᑦ ᐊᐛᓐ ᙭ᑕ ᑲ ᐎ ᓱᒐᔨᒧᑐᑐᐛᑦ ᒋ ᑎᑯᓯᓄᐤ᙮ ᐊᑯᑕ ᒪᒃ ᐛᒋ ᒋᔅᒐᔨᑎᒪᐧᒄ ᐊᔪᐅᒄ ᐅᔭ ᐊ ᒪᔅᑕᔾ ᒋᓯᑲᔨᒡ᙮

1 ᒠᓐ 2:7

ᓂᐧᑲᓂᓯᑐᒄ, ᓇᒪ ᐅᔅᑲᐤ ᐅ ᐃᑎᓱᐛᐅᓐ ᑲ ᐊᔨᒧᑎᒪᑎᑯᒡ ᐅ ᑲ ᒥᓯᓇᐊᒪᑎᑯᒡ᙮ ᓴᔅ ᐛᔅᑭᒡ ᐅ ᐃᑎᓱᐛᐅᓐ᙮ ᐊᐅᒄ ᐅ ᐃᑎᓱᐛᐅᓐ ᓂᔅᑎᒻ ᑲ ᐊᔭᔭᒄ ᑭᔭ ᐊᐅᒄ ᒧᔅ ᑲ ᐸᒋ ᐊᔨᒧᑎᒪᑯᔭᒄ᙮

2 ᒠᓐ 1:7

ᒥᒐᑦ ᑲ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ᐊᓏᑕᒡ ᑕᑈ ᐊᒋ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ᐎᔭᓯᐃᐛᑦ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 2:2

ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ᓯᐱᔪᐛᓯᔭᒄ ᐊ ᓂᒋᔅᑭᒪᒄ ᒐᒂᓐ᙮ ᓂ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ᑕᐛᒄ᙮ ᑭᔭ ᔅᒋ ᓂᑐ ᒋᔅᒐᔨᒪᐛᐅᒡ ᐊᓐᒡ ᑲ ᐃᔅᒋᔄᒡ ᐊᑈᔅᑕᓇᒡ ᐊ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ᒥᔅᑯᐛᑯᒡ ᐊ ᑭᑭᒋᔭᒡ, ᓇᒪ ᒋ ᐅᒋ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ᑕᔭᒄ᙮