1 ᒠᓐ 3:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᓐ ᐊᐛᓐ ᒧᔅ ᑲ ᐎᒐᐛᑦ ᙭ᑕ, ᓇᒪ ᒥᒋᑐᑎᒻ᙮ ᐊᓐ ᐊᐛᓐ ᑲ ᒥᒋᑐᑕᐧᒃ, ᓇᒪ ᐅᒋ ᐛᐱᒪᐤ ᒋᓴᓴ ᑭᔭ ᓇᒪ ᐅᒋ ᒋᔅᒐᔨᒪᐤ᙮

1 ᒠᓐ 3:6 Iomraidhean Croise

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮

1 ᒠᓐ 2:3

ᐃᑐᑎᒪᒂ ᐊ ᐃᑎᓱᒥᑕᐧᒄ ᒋᓴᒪᓂᑐᐤ ᐊᑯᑕ ᒐ ᐅᒋ ᓄᒂᒡ ᑕᑈ ᐊ ᒋᔅᒐᔨᒪᐧᒄ᙮

1 ᒠᓐ 2:4

ᐊ ᐃᔅᒋᔄᑦ ᐊᐛᓐ ᓂ ᒋᔅᒐᔨᒪᐤ ᒋᓴᒪᓂᑐᐤ ᐊᑲ ᒪᒃ ᐃᑐᑕᒐ ᐊ ᐃᑎᓱᒥᑯᑦ, ᑭᑭᒋᔭᐤ, ᓇᒪ ᐱᒋᔅᑲᑯᐤ ᑕᑈᐅᓂᔪᐤ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 3:9

ᐊᓐ ᐊᐛᓐ ᒋᓴᒪᓂᑐᐛ ᑲ ᐱᒪᒋᐃᑯᑦ, ᐳᓂᐤ ᐊ ᒥᒋᑐᑕᐧᒃ᙮ ᐛᔅ ᒋᓴᒪᓂᑐᐛ ᐃᑐᑕᑯᐤ ᒐᒋ ᐃᑕᔨᑕᑯᓯᑦ ᒋᓴᒪᓂᑐᐛ ᐊ ᐃᑕᔨᑕᑯᓯᔨᒋ᙮ ᓇᒪ ᒪᒃ ᒋ ᒥᒋᑐᑎᒻ ᒋᓴᒪᓂᑐᐛ ᐊᒋ ᐱᒪᒋᐃᑯᑦ᙮

1 ᒠᓐ 4:8

ᐊᓐ ᐊᐛᓐ ᐊᑲ ᓴᒋᐃᐛᑦ, ᓇᒪ ᒋᔅᒐᔨᒪᐤ ᒋᓴᒪᓂᑐᐛ, ᐛᔅ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮

1 ᒠᓐ 5:18

ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮