1 ᒠᓐ 3:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒥᓯᐛ ᐊᐛᓐ ᑲ ᒥᒋᑐᑕᐧᒃ, ᐱᑯᓂᒺᐤ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᐛᔅ ᐊ ᒥᒋᑐᑕᑭᓄᐅᒡ ᐱᑯᓂᑭᓄᐤ ᐎᓱᐛᐅᓐ᙮

1 ᒠᓐ 3:4 Iomraidhean Croise

ᒪᑎᔪᐤ 5:19

ᐊᑯ ᒪᒃ ᐊᐛᓐ ᐊᑲ ᓂᓇᐃᑕᒐ ᐊᓂᔭ ᐊᑎ ᐊᑲ ᓇᔅᒡ ᒋᔅᑕᔨᑕᑯᓂᔨᒡ ᐃᑎᓱᐛᐅᓂᔪᐤ, ᑭᔭ ᒋᔅᑯᑎᒧᐛᒐ ᑯᑎᑲ ᒐᒋ ᐸᐃᑯᑕᐤ ᑎᔨᒋ, ᐊᐅᒄ ᐊᓐ ᒪᐅᒡ ᓇᒪᐎᔾ ᒐᒂᓐ ᒋᑭ ᐅᒋ ᐃᑕᔨᑕᑯᓱᐤ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮ ᐊᑯ ᒪᒃ ᐊᐛᓐ ᓂᓇᐃᑕᒐ ᐊᓂᔭᔪᐛ ᐎᓱᐛᐅᓇ ᑭᔭ ᐃᓯ ᒋᔅᑯᑎᒧᐛᒐ ᑯᑎᑲ ᐊᐛᔪᐛ ᐅᔭ ᒐᒋ ᐸᐃᑯᑕᐤ ᑎᔨᒋ, ᐊᐅᒄ ᒐ ᒋᔅᑕᔨᑕᑯᓯᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᐊᑈᔅᑕᓇᒡ 23:3

ᐊᑯ ᑈᓪ ᒂ ᐃᑕᑦ, “ᒋᓴᒪᓂᑐᐤ ᒋᑭ ᐅᑕᒥᒂᐅᒄ, ᒋᔾ ᑲ ᐎ ᒪᒥᔪᓇᑯᐃᓱᔨᓐ ᒪᒂᒡ᙮ ᒋᑦ ᐊᐱᓐ ᐅᑕ ᒐᒋ ᑎᐸᔅᑯᓂᔨᓐ ᐎᓱᐛᐅᓂᒡ ᐃᔅ, ᒋᔾ ᒪᒃ ᓇᓂᑎᒻ ᐊᑲ ᓂᓇᐊᔨᑎᒥᓐ ᐊᓐ ᐎᓱᐛᐅᓐ ᐊᒋ ᐃᑎᓱᐛᔨᓐ ᒐᒋ ᐅᑕᒥᒂᐅᑯᔭᓐ ᐊᔅᒄ ᒪᒃ ᐊᑲ ᑯᐃᔅᒄ ᐅᒋ ᐃᓯ ᑎᐸᔅᑯᓂᑯᔭᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:20

ᐛᔅ ᑕᐸ ᐊᐛᓐ ᒋ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᒄ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓇ᙮ ᒋ ᒋᔅᒐᔨᑕᓐ ᐊ ᑕᓐ ᐊ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ᒥᒋᑐᑕᐧᒃ ᐊᐅᑯᓐ ᐊ ᐃᑕᐱᑎᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:15

ᐛᔅ ᐊᑲ ᓂᓇᐃᑕᑭᓄᐅᒡ ᐎᓱᐛᐅᓐ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒐᒋ ᐊᐧᑯᔪᐛᓯᑦ᙮ ᐊᑯ ᒪᒃ ᐊᓐᑕ ᐊᑲ ᑎᒂᒋ ᐎᓱᐛᐅᓇ ᓇᒪ ᑭᑈ ᑎᑯᓐ ᐊᓐᑕ ᐊᑲ ᓂᓇᐃᑕᑭᓄᐅᒋ ᐎᓱᐛᐅᓇ᙮

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:15

ᐅᒡ ᒪᒃ ᑲ ᐊᔭᒥᐊᒡ ᐊᓂᔭ ᐊ ᑕᑈᔭᔨᒪᒡ ᒋᓴᒪᓂᑐᐛ, ᐊᑯᑕ ᒐ ᐅᒋ ᒥᓏᑎᓯᔨᒋ ᐊᓂᔭ ᑲ ᐊᐧᑯᓯᔨᒋ᙮ ᑎᐸᔨᒋᒐᓱᐛ ᒋᑭ ᐅᓂᔅᑲᓂᑯᐤ ᐊᓐ ᑲ ᐊᐧᑯᓯᑦ ᑭᔭ ᑲ ᒥᒋᑐᑎᒧᒂ ᒋᑭ ᐛᐸᔨᑎᒪᑯᐤ᙮

1 ᒠᓐ 5:17

ᒥᓯᐛ ᐅᓂᑐᑎᒧᐅᓐ, ᒥᒋᑥᐅᓐ ᐊᓐ, ᒥᒄ ᒪᒃ ᑎᑯᓐ ᒥᒋᑥᐅᓐ ᐊᑲ ᓂᐳᐅᓂᒡ ᐃᑐᑕᐃᐛᒡ᙮