1 ᒠᓐ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮

1 ᒠᓐ 3:3 Iomraidhean Croise

ᒪᑎᔪᐤ 5:48

ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ᑯᐃᔅᑯᓯᓐ᙮”

ᓗᒃ 6:36

ᒋᔅᑎᒪᒐᔨᒧᐛ ᑭᔭ ᒋᔾ ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᑲ ᐃᔅᐱᔅ ᒋᔅᑎᒪᒐᔨᒧᐛᑦ᙮”

ᒠᓐ 17:19

ᒋᔾ ᐊ ᑕᔨᓐ ᓂᑦ ᐃᓯ ᐱᔅᑕᔨᒥᓱᓐ ᒐᒋ ᐅᒋ ᓇᔅᒡ ᐱᔅᑕᔨᒥᓱᔅᑕᔅᒡ ᑭᔭ ᐎᔨᐛᐤ᙮”

ᐊᑈᔅᑕᓇᒡ 15:9

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᐊᑲ ᐃᔭᒡ ᐃᑕᔨᒪᑦ ᐊᐛᔪᐛ᙮ ᒋ ᐸᔭᒋᐊᐤ ᐊ ᐛᐸᔨᑎᒧᐛᑦ ᐅᒥᒋᑥᐅᓂᔨᐛ ᐃᔅᐱ ᑲ ᑕᑈᔭᔨᒥᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:12

ᑭᔭ ᐎᔾ ᐊᐃᓴᔭ ᒋ ᑎᑯᓂᔪᐤ ᐅᔭ ᐊᒋ ᐃᑎᔅᑕᑯᐱᓇ, ᒋᑭ ᑕᐤ ᐊᐛᓐ ᒐᓯᔨᒋ ᐊ ᑕᔨᒋ ᐊ ᐅᒋ ᐊᓂᔅᒐ ᓂᑕᐅᒋᑦ ᒐ ᓂᑲᓂᔅᑯᐛᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐊᐅᒄ ᒪᒃ ᐅᔭ ᒐ ᐊᔅᐸᔨᒧᑐᑕᑯᑦ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

2 ᑕᓴᓗᓂᔭᓇ 2:16

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮

ᐃᑉᕈᐛ 7:26

ᒋᓴᔅ ᐊᐅᒄ ᒋᓴᐊᔭᒥᐊᐅᒋᒪᐤ ᒋᒋᐛ ᒐᒋ ᐎᒋᐃᑕᐧᒄ᙮ ᓇᒪ ᓂᑕ ᒥᒋᑐᑎᒻ᙮ ᓇᔅᒡ ᑯᐃᔅᑯᑕᑎᓯᐤ ᑭᔭ ᐸᔭᒋᓯᐤ᙮ ᓇᒪ ᓇᔅᒡ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓱᐛᐧᒄ ᒋᔭᓄᐤ ᐊ ᒥᒐᑎᓯᔭᐧᒄ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ᙮ ᒋᓴᒪᓂᑐᐛ ᒋ ᐅᑎᓂᑯᐤ ᑭᔭ ᒋ ᐊᐃᑯᐤ ᐊᓐᑕ ᒪᐅᒡ ᐊ ᐃᔅᐸᔨᑕᑯᓂᔨᒡ ᐊᓐᑕ ᒋᒋᒋᓯᑯᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:8

ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮

1 ᐱᑕᕐ 1:15

ᐸᔭᒋᓯᐤ ᐊᓐ ᑲ ᑕᑈᑎᑕᒄ ᑭᔭ ᒋᔨᐛᐤ ᒪᒃ ᐸᔭᒋᓯᒄ ᒥᓯᐛ ᐊ ᐃᓯ ᐱᒪᑎᓯᔭᒄ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

1 ᒠᓐ 2:6

ᐊᓐ ᐊᐛᓐ ᑲ ᐃᔅᒋᔄᑦ ᐊ ᐎᒐᐛᑦ ᒋᓴᒪᓂᑐᐛ, ᒧᔭᒻ ᒋᓴᔅ ᙭ᑕ ᑲ ᐃᓯ ᐱᒧᑕᔨᒋ ᒋᐸ ᐃᓯ ᐱᒧᑕᐤ᙮

1 ᒠᓐ 4:17

ᐅᒪ ᐊᑯ ᐊ ᐃᓯ ᒐᔅᑎᓇᑕᔨᑕᒂᒡ ᒋᓴᒋᐃᐛᐅᓄᐤ, ᒐᒋ ᐊᔭᔭᐧᒄ ᒐᔅᑎᓇᐅᓐ ᑎᐸᔅᑯᓂᒐᐅ ᒋᓯᑲᒐ; ᐛᔅ ᐊ ᐃᓯ ᐊᔭᑦ, ᐊᑯ ᑭᔭ ᐊ ᐃᓯ ᐊᔭᔭᐧᒄ ᐅᑕ ᐊᔅᒋᒡ᙮