1 ᒠᓐ 3:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐛᔅ ᒋᑕᐃᓄᐛ ᐎᑎᒪᑯᔭᒂ ᐊ ᒥᒋᑐᑎᒪᐧᒄ, ᒋᑭ ᒋᔭᒪᔨᑕᓇᓄᐤ ᐛᔅ ᒋ ᒋᔅᒐᔨᒪᓄᐤ ᒋᓴᒪᓂᑐᐤ ᐎᔾ ᐅᔅᑕ ᐊ ᒋᔅᒐᔨᒥᑕᐧᒄ ᑭᔭ ᒥᓯᐛ ᒐᒂᔪᐤ ᐊ ᒋᔅᒐᔨᑕᐧᒃ᙮

1 ᒠᓐ 3:20 Iomraidhean Croise

ᑎᐱᑦ ᐅᓂᑭᒧᐅᓇ 90:8

ᐛᔅ ᐅᑎᔅᑯᐤ ᐊ ᐃᑕᔨᓐ ᔅᒋ ᐊᔅᑕᓐ ᑲ ᐃᓯ ᐊᑲ ᑯᐃᔅᑯᑐᑎᒪᒡ, ᒋᒧᑦ ᓂᒥᒋᑥᐅᓇᓇ ᒪᒃ ᓇᐃᔪᐤ ᒋᔅᒋᓯᑯᒡ ᒋ ᐛᐸᑕᓐ᙮

ᒠᓐ 21:17

ᓂᔍᐤ ᒪᒃ ᒥᓐ ᒋᓴᔅ ᒋ ᐃᑕᐤ, “ᓴᐃᒥᓐ, ᒠᓐ ᑲ ᐅᑯᓯᑐᑕᔅᒃ, ᒋ ᓴᒋᐃᓐ ᐊ ?” ᐊᑯ ᐱᑕᕐ ᓇᔅᒡ ᑲ ᒥᒐᔨᑕᐧᒃ ᐛᔅ ᐊᑯ ᓂᔍᐤ ᑲ ᑯᒂᒋᒥᑯᑦ ᒋᓴᓴ ᐊ ᐃᑎᑯᑦ, “ᒋ ᓴᒋᐃᓐ ᐊ ?” ᐊᑯ ᑲ ᐃᑕᑦ, “ᐅᑎᐸᔨᒋᒐᐤ, ᒥᓯᐛ ᒐᒂᓐ ᒋ ᒋᔅᒐᔨᑕᓐ, ᒋ ᒋᔅᒐᔨᑕᓐ ᐊ ᓴᒋᐃᑕᓐ᙮” ᒋᓴᓴ ᒪᒃ ᒋ ᐃᑎᑯᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮

ᒠᓐ 8:9

ᐃᔅᐱ ᑲ ᐸᑐᐛᒡ ᐅᔭ ᐊ ᐃᔅᒋᔄᔨᒋ, ᐸᐸᐃᒄ ᒋ ᐊᑎ ᔅᑐᑕᐅᒡ, ᓂᔅᑎᒻ ᐊᓐᒡ ᑲ ᒋᓴᐃᔪᒡ᙮ ᒐᒃ ᒥᒄ ᐎᔾ ᒋᓴᔅ ᒋ ᑕᐤ ᐊᓐᑕ ᑭᔭ ᐊᓂᔭᔪᐛ ᐃᔎᐛ᙮

ᐊᑈᔅᑕᓇᒡ 5:33

ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34

ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

1 ᑯᕆᓐᑎᔭᓇ 4:4

ᐊᑯ ᒪᒃ ᐊ ᐃᓯ ᒋᔅᒐᔨᒥᓱᔭᓐ ᓂᔾ, ᒥᓯᐛ ᓂᒋ ᐃᑐᑕᓐ ᐊᓐ ᐊᑐᔅᒐᐅᓐ ᑲ ᒥᔨᑯᐅᔭᓐ ᒐ ᐃᑐᑎᒪᓐ᙮ ᒥᒄ ᒪᒃ ᓇᒪ ᐃᔭᐱᒡ ᓂ ᒐᔅᑎᓇᑕᔨᑕᓐ ᒥᓯᐛ ᑲ ᐃᑐᑎᒧᐛᓇ ᐊᓐ ᓂᐸ ᐃᑐᑕᓐ᙮ ᐅᑎᐸᔨᒋᒐᐤ ᒪᒃ ᐊᐅᒄ ᒐ ᑎᐸᔅᑯᓂᑦ᙮

ᑕᐃᑕᔅ 3:11

ᒋ ᒋᔅᒐᔨᒪᐤ ᐊ ᒥᒋᑐᑕᐧᒃ ᐊᐛᓐ ᐅᔭ ᐊ ᐃᑎᑦ᙮ ᐊ ᒥᒋᑐᑕᐧᒃ ᒪᒃ ᐊᑯᑕ ᐊ ᓄᑯᓂᔨᒡ ᐊ ᐅᓂᐱᔨᑦ᙮

ᐃᑉᕈᐛ 4:13

ᒥᓯᐛ ᒐᒂᔪᐤ ᒧᓴ ᐛᐸᑎᒻ ᒋᓴᒪᓂᑐᐤ᙮ ᒥᓯᐛ ᐊᐛᔪᐛ ᓇᔅᒡ ᐛᐱᒪᐤ ᑭᔭ ᒥᓯᐛ ᒐᒂᔪᐤ ᓇᔅᒡ ᐛᐸᑎᒻ᙮ ᐎᔾ ᒪᒃ ᒋᑭ ᐎᑎᒧᐛᓄᐤ ᒐᒂᓐ ᐛᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᔭᐧᒄ᙮

ᐃᑉᕈᐛ 6:13

ᒪᒥᑐᓇᔨᒪᐧᒄ ᒪ ᒋᓴᒪᓂᑐᐤ ᐊ ᐃᔅᐱᔅ ᒋᔅᑕᔨᑕᑯᓯᑦ᙮ ᐎᔾ ᑎᐱᔨᐛ ᐅᑦ ᐃᓯᓂᐧᑲᓱᐅᓐ ᒋ ᐊᐱᒋᑕᐤ ᐊ ᐃᔅᒋᔄᑦ ᒐᔅᑎᓇᔅ ᒐ ᐊᑲ ᓂᑕ ᐅᒋ ᐊᑎᔅᑕᐛᑦ ᑕᓐ ᑲ ᐃᓯ ᒐᔅᑎᓄᒡ ᐃᑕᑦ ᐊᑉᕋᐊᒪ ᒐ ᐃᑐᑎᒧᐛᑦ᙮ ᓇᒪ ᑯᑎᑲ ᐊᐛᔪᐛ ᐅᒋ ᐎᐊᐤ ᒐᒋ ᐛᐸᑎᔭᑦ ᐊᑉᕋᐊᒪ ᐊ ᑕᑈᑦ ᑕᓐ ᑲ ᐃᔅᒋᔄᑦ, ᐛᔅ ᑕᐸ ᑕᐤ ᑯᑎᒃ ᐊᐛᓐ ᐊᔅᐱᔅ ᒋᔅᑕᔨᑕᑯᓯᑦ ᐊᔅᐱᔅ ᒋᔅᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

1 ᒠᓐ 3:19

ᐛᔅ ᑕᑈ ᓴᒋᐃᐛᔭᒂ, ᐊᑯᑕ ᒐ ᐅᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐊ ᑎᐸᔨᒥᑕᐧᒄ ᐎᔾ ᐊ ᑕᑦ ᐛᒋᐱᔨᒡ ᑕᑈᐅᓂᔪᐤ᙮ ᐊᑯᑕ ᑭᔭ ᐛᒋ ᒋᔭᒪᔨᑎᒪᐧᒄ ᒋᑕᐃᓇᒡ ᐊ ᐃᔨᒥᔭᐧᒄ ᒋᓴᒪᓂᑐᐤ ᐊᑎ ᐊ ᒋᔅᒐᔨᑎᒪᐧᒄ ᐊ ᐅᓂᑐᑎᒪᐧᒄ ᒪᓐ᙮

1 ᒠᓐ 3:21

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋᔭᒪᔨᑎᒪᐧᑯ ᒋᑕᐃᓇᒡ, ᓇᒪ ᒋᑭ ᐅᒋ ᓴᒋᓯᓇᓄᐤ ᒐᒋ ᓇᑕᐧᒄ ᒋᓴᒪᓂᑐᐤ᙮

1 ᒠᓐ 4:4

ᓂᑦ ᐊᐛᓯᒥᑎᒄ, ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ᙮ ᓇᒪ ᒪᒃ ᒋ ᐅᒋ ᓴᐧᑯᒋᐃᑯᐛᐅᒡ ᐊᓐᒡ ᐊᑲ ᑯᐃᔅᒄ ᐊᓯ ᒋᔅᑯᑎᒪᒐᒡ ᒐᒋ ᑕᑈᑐᐛᑯᒡ᙮ ᐛᔅ ᐃᐛᒃ ᓱᒐᔨᑕᑯᓯᔪᐛ ᐊᓂᔭ ᑲ ᐱᒋᔅᑲᑎᔨᑕᑯ ᐃᔅᐱᔅ ᐊᓂᔭᔪᐛ ᐊᓐᒡ ᐊᔅᒋᒡ ᑲ ᐃᓯ ᐱᒪᑎᓯᒡ ᑲ ᐱᒋᔅᑲᑯᒡ᙮

ᒋᔅᒐᔨᑕᑯᑕᒐᐅᓐ 2:23

ᓂᑭ ᓂᐸᐃᒪᐛ ᐊᓂᔭ ᑲ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒐ ᒋᔅᒐᔨᒥᒡ ᓂᔾ ᐊ ᐊᐎᔭᓐ ᐊᓐ ᑲ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ᑕᐊᔨᒋ᙮ ᒥᓯᐛ ᐊ ᑎᓯᔭᒄ ᒋᑭ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ᒥᒋᑐᑎᒧᐛᒂ᙮