1 ᒠᓐ 3:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᐛᓐ ᑲ ᐛᐧᑲᑕᑦ ᐎᐧᑲᓂᓴ ᑲ ᓂᐸᐃᐛᑦ ᐃᓯᓇᑯᓱᐤ᙮ ᒋ ᒋᔅᒐᔨᑕᓇᓄᐤ ᒪᒃ ᐅᓂᐸᐃᐛᐤ ᐊᑲ ᐊ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 3:15 Iomraidhean Croise

ᒐᓂᓯᔅ 27:41

ᒋ ᐛᐧᑲᑕᐤ ᒐᑭᐸ ᐃᓴᐅᐛ, ᐛᔅ ᐅᑕᐎᔭ ᒋ ᒥᔭᔪᐛ ᐅᓱᐛᔨᒋᒐᐅᓂᔪᐤ᙮ ᐃᓴᐅ ᒋ ᐛᑕᔨᑎᒻ ᒐ ᐃᑎᑦ, “ᐎᐱᒡ ᒋ ᐳᓂᐱᒪᑎᓯᒐ ᓄᑕᐎᔾ, ᓂᑭ ᓂᐸᐊᐤ ᓂᐧᑲᓂᔅ᙮”

ᒪᑎᔪᐤ 5:28

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᑭᓄᐛᐱᒪᒐ ᐃᔎᐛ, ᓂᑎᒥᒄ ᒪᒃ ᐃᓯ ᒪᒥᑐᓇᔨᒪᒐ, ᓴᔅ ᐃᓯᓇᑯᓂᔪᐤ ᐊ ᐎᒋ ᐱᓯᒂᑎᓯᒪᑦ ᐊᓐᑕ ᐅᑕᐃᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:19

ᐊᑯ ᐊᓐ ᐊᕈᑎᔭᔅ ᓇᒪ ᐅᒋ ᓇᐃᔅᑲᑯᒐ ᐊᓂᔭ ᑕᓐ ᑲ ᐃᔅᒋᔄᔨᒋ ᒠᓇ ᐊᑯ ᒂ ᓂᑐᐛᔨᒪᑦ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᐃᑐᑎᒻ ᐅᔭ,

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᐊᑈᔅᑕᓇᒡ 23:12

ᐊᓐ ᒪᒃ ᒥᓐ ᐎᔭᐸᒡ ᒋ ᑕᐅᒡ ᒍᐤ ᐃᔪᒡ ᐊ ᒪᒧᐤ ᓂᔅᑯᒧᒡ ᑭᔭ ᐊ ᒪᒧᐤ ᑕᑈᒡ ᐊ ᐃᔅᒋᔄᒡ ᒐᔅᑎᓇᔅ ᒐ ᐊᑲ ᐅᒋ ᒥᒋᓱᒡ ᑭᔭ ᒐ ᐊᑲ ᐛᐛᒡ ᒥᓂᒡ ᒐᒂᔪᐤ ᐸᑐᔅ ᒋ ᓂᐸᐊᑥᐛ ᑈᓚ᙮

ᐊᑈᔅᑕᓇᒡ 23:14

ᐊᑯ ᒂ ᓂᑐᐛᐱᒪᒡ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᓂᔭᔪᐛ ᐃᔪᐛ ᐊᑯ ᒂ ᐃᑕᒡ, “ᐅᑕ ᐅ ᐊ ᑎᓯᔭᒡ ᓂᒋ ᒪᒧᐤ ᓂᔅᑯᒧᓇᓐ ᒐ ᐊᑲ ᓇᔅᒡ ᐅᒋ ᒥᒋᓱᔭᒡ ᐸᑐᔅ ᒋ ᓂᐸᐃᒋᒐ ᑈᓪ᙮

ᒋᒥᔅ ᐅᒥᓯᓇᐊᒪᒐᐅᓐ 1:15

ᐃᔅᐱ ᒪᒃ ᓯᔭᑯᒋᐃᑯᒋ ᐊᑲ ᓂᔅᑯᔅᑕᐧᒃ, ᐊᑯ ᑕᑈ ᐊ ᐊᑎ ᐃᑐᑕᐧᒃ ᐊᓂᔭ᙮ ᐃᔅᐱ ᒪᒃ ᐊ ᐃᑎᑦ ᐊᓂᔭ ᑕᓐ ᑲ ᐃᓯ ᒥᒋᓂᑐᐛᔨᑕᐧᒃ, ᓂᐳᐅᓂᒡ ᐃᑐᑕᐃᑯᐤ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᒠᓐ 2:11

ᐊᑯ ᐊᓐ ᐊᐛᓐ ᑲ ᐛᐧᑲᑕᑦ ᐎᐧᑲᓂᓴ, ᐅᓂᑎᐱᔅᒋᓯᐅᓂᒡ ᑕᐤ᙮ ᐊᑯᑕ ᐱᐸᒧᑕᑦ ᐊᑲ ᒋᔅᒐᔨᑕᐧᒃ ᐊᓐᑕ ᐊ ᐃᑐᑕᑦ, ᐛᔅ ᑐᑕᑯᐤ ᐊᓂᔭ ᐅᓂᑎᐱᔅᒋᓯᐅᓂᔪᐤ ᒐ ᐊᑲ ᒋ ᐛᐸᑕᐧᒃ᙮

1 ᒠᓐ 2:9

ᐊᐛᓐ ᐊ ᐃᔅᒋᔄᑦ ᐛᔅᑕᐅᓂᒡ ᐊ ᐃᓯ ᐱᒪᑎᓯᑦ, ᐊ ᐛᐧᑲᑕᑦ ᒪᒃ ᐎᐧᑲᓂᓴ, ᐊᔅᒄ ᐅᓂᑎᐱᔅᒋᓯᐅᓂᒡ ᑕᐤ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”