1 ᒠᓐ 3:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᐅᒄ ᒪᒃ ᐅ ᐅᒋ, ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ᒥᔅᑲᑕᔨᑕᓇᐛᐤ ᐊ ᐛᐧᑲᑎᑕᑯᒡ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᒋᓴᓴ᙮

1 ᒠᓐ 3:13 Iomraidhean Croise

ᒪᑎᔪᐤ 10:22

ᒥᓯᐛ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᐎᔭᒄ᙮ ᐊᓐ ᒪᒃ ᐊᐛᓐ ᐊᑲ ᓴᐧᑯᒋᐊᑭᓄᐅᑦ ᐊ ᐸᒋ ᓇᓴᐅᑦ ᐊᐅᒄ ᐊᓐ ᒐ ᐱᒪᒋᐊᑭᓄᐅᑦ᙮

ᒪᑎᔪᐤ 24:9

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:13

ᒥᓯᐛ ᐊᐛᓐ ᒋᑭ ᐛᐧᑲᑎᑯᐛᐤ ᐊ ᓇᓴᐎᔭᒄ᙮ ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮”

ᓗᒃ 21:17

ᒥᓯᐛ ᐊᐛᓐ ᒋᑭ ᐛᐧᑲᑎᑯᐛᐤ ᐊ ᓇᓴᐎᔭᒄ᙮

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᒠᓐ 17:14

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐛᐧᑲᑎᑯᐅᒡ ᒪᒃ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐛᔅ ᑕᐸ ᐅᑕ ᐊᔅᒋᒡ ᐃᓯ ᑎᐸᔨᑕᑯᓱᐅᒡ ᒧᔭᒻ ᓂᔾ ᐊ ᐃᓯ ᐊᑲ ᑎᐸᔨᑕᑯᓯᔭᓐ ᐅᑕ ᐊᔅᒋᒡ᙮

ᒠᓐ 3:7

ᐊᑲᐎᔾ ᒪᒥᔅᑲᑕᔨᑎᒥᐃᑯᐤ ᐅ ᐊ ᐃᑎᑕᓐ ᐊ ᓂᑐᐛᔨᑕᑯᓯᔨᓐ ᒥᓐ ᒐᒋ ᐱᒪᑎᓯᔨᓐ᙮

ᒠᓐ 7:7

ᑕᐸ ᑎᑯᓂᔪᐤ ᒐᒂᔪᐤ ᒐᒋ ᐅᒋ ᐛᐧᑲᑎᑕᑯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᒥᒄ ᒪᒃ ᓂ ᐛᐧᑲᑎᑯᒡ ᓂᔾ ᐛᔅ ᓂ ᐎᑕᓐ ᑕᓐ ᐊᔅᐱᔅ ᒥᒐᑎᓯᓇᓄᐅᒡ᙮

ᐊᑈᔅᑕᓇᒡ 3:12

ᐃᔅᐱ ᒪᒃ ᐱᑕᕐ ᐛᔭᐱᒪᑦ ᐊᓂᔭᔪᐛ ᐃᔪᐛ, ᒋ ᐃᑕᐤ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ, ᒐᒂᓐ ᐛᒋ ᓇᔅᒡ ᑯᔅᑯᓴᐱᒧᔭᒄ ᐅ, ᑭᔭ ᒐᒂᓐ ᓇᔅᒡ ᐛᒡ ᒥᔅᑲᓯᓄᐅᔭᒡ ? ᒋᑦ ᐃᑕᔨᑕᓇᐛᐤ ᐊ ᓂᔭᓐ ᑎᐱᔨᐛ ᓂᒥᔅᑯᓯᐅᓇᒡ ᒪᒃ ᓂᑦ ᐊᔭᒥᐊᐛᑎᓯᐅᓇᒡ ᐛᒋ ᐱᒧᑕᑦ ᐅ ᓇᐸᐤ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:7

ᐛᔅ ᐊᓐᒡ ᓂᑎᒥᒄ ᒐᒋ ᐃᓯ ᓂᓇᐊᔨᑎᒥᐃᓱᒡ ᑲ ᐃᓯ ᒪᒥᑐᓇᔨᑕᒡ ᓂᔅᑯᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᐃᑐᑎᒺᐅᒡ ᑕᓐ ᐊ ᐃᑎᓱᐛᔨᒋ᙮ ᓇᒪ ᐛᐛᒡ ᒋ ᐃᑐᑎᒺᐅᒡ᙮

2 ᑎᒧᑎ 3:12

ᓂᐦᐃ, ᑕᑈ, ᒥᓯᐛ ᐊᐛᓐ ᑯᐃᔅᒄ ᑲ ᐎᓯ ᐱᒪᑎᓯᑦ ᑭᔭ ᓇᔅᒡ ᑲ ᐱᔅᑎᓂᓱᑦ ᐊ ᐎᒐᐛᑦ ᙭ ᒋᓴᓴ, ᒋᑭ ᑎᑯᓂᔪᐤ ᑕᓐ ᒐ ᐃᓯ ᓂᓇᐧᑲᒋᐊᑭᓄᐅᑦ,

ᒋᒥᔅ ᐅᒥᓯᓇᐊᒪᒐᐅᓐ 4:4

ᑕᑈ ᓂᑐᐎᔾ ᑲ ᐃᑎᔭᒄ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊᐛᓐ ᐊ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 17:7

ᐊᑯ ᒂ ᐸᒋ ᑯᒂᒋᒥᑦ ᐊᓐ ᐊᓐᒋᓐ ᒐᒂᔪᐤ ᐛᒋ ᓇᔅᒡ ᒥᔅᑲᓯᓇᒥᒋ᙮ ᐊᑯ ᒂ ᐃᔅᒋᔄᑦ, “ᒋᑭ ᐎᑎᒪᑎᓐ ᒐᒂᓐ ᑕᓐ ᐊ ᐃᓯ ᐊᑲ ᒋᔅᒐᔨᒥᑦ ᐊᓐ ᐃᔎᐤ ᑭᔭ ᐊᓂᔭᔪᐛ ᒥᒋ ᐊᐛᓯᓴ ᑲ ᑕᑎᐱᑦ ᓂᔄᐅᑕᒡ ᑲ ᐃᑕᑎᓂᔨᒋ ᐅᔅᑎᒂᓂᔪᐛ ᑭᔭ ᐸᐃᑯᔪᐤ ᑲ ᑕᑎᓯᔨᒋ ᐅᑦ ᐊᔅᑭᓂᔪᐛ᙮