1 ᒠᓐ 3:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓇᒪ ᒋᐸ ᐅᒋ ᓂᔅᐱᑐᐛᓄᐤ ᑲᐃᓐ᙮ ᒥᒋᒥᓂᑐᐛ ᒋ ᑎᐸᔨᒥᑯᐤ ᐊᓂᔭ ᑲ ᓂᐸᐊᑦ ᐎᐧᑲᓂᓴ᙮ ᒐᒂᔪᐤ ᒪᒃ ᐛᒋ ᓂᐸᐊᑦ ? ᒋ ᒪᔭᑎᓂᔪᐤ ᐊᓂᔭ ᑕᓐ ᐎᔾ ᑲ ᐃᑎᑦ, ᒋ ᑯᐃᔅᑯᓇᑯᓂᔪᐤ ᒪᒃ ᐎ ᐊᓂᔭ ᑕᓐ ᑲ ᐃᑎᔨᒋ ᐎᐧᑲᓂᓴ᙮

1 ᒠᓐ 3:12 Iomraidhean Croise

ᒐᓂᓯᔅ 4:25

ᐊᑕᒻ ᒥᓐ ᒋ ᐎᐸᒪᐤ ᐎᐛ ᑭᔭ ᒋ ᐊᓱᐛᐱᒪᐅᓱᔪᐛ, ᒋ ᐅᑯᓱᐤ ᑭᔭ ᓴᑦ ᒋ ᐃᓯᓂᐧᑲᑕᐤ (ᒥᔨᐛᐅᓐ ᐊ ᐃᑥᒥᑲᒡ) ᐛᔅ ᐃᔅᒋᔄᐤ, “ᒋᓴᒪᓂᑐᐤ ᓂᒋ ᒥᔨᒄ ᑯᑎᑲ ᐊᐛᓴ, ᒐᒋ ᒥᔅᑯᑎᔅᑯᐛᑦ ᐊᐳᓚ, ᑲᐃᓐ ᑲ ᓂᐸᐊᑦ᙮”

ᑎᐱᑦ ᐅᓂᑭᒧᐅᓇ 37:12

ᐅᒥᒋᑥᐤ ᒋᒧᑦ ᓇᔭᑕᐎᑐᑕᐛᐤ ᑲ ᑯᐃᔅᑯᑎᔨᒋ, ᒪᑥᔭᐱᑕᓯᓂᑐᐛᐤ ᒪᒃ᙮

ᑎᐱᑦ ᐅᓂᑭᒧᐅᓇ 38:20

ᐊᓐᒡ ᑭᔭ ᑲ ᒥᔨᐛᒡ ᑲ ᒪᔭᑎᓂᔨᒡ ᐃᔅᐱᔅ ᐎᔾ ᑲ ᒥᔽᓯᔨᒡ ᓂᐛᐧᑲᑎᑯᒡ; ᐊ ᓄᔅᐱᓇᑎᒪᓐ ᒐᒂᓐ ᑲ ᒥᔽᓯᒡ᙮

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒪᑎᔪᐤ 13:38

ᐊᑯ ᐊᓐ ᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᐊᔅᒋᔾ, ᐊᓐ ᒪᒃ ᑲ ᒥᔪᓯᑦ ᓂᑕᐅᒋᑕᑭᓐ ᐊᐅᑯᓐᒡ ᐊᓐᒡ ᐃᔪᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᑲ ᐅᒋᒡ, ᐊᑯ ᐊᓐᒡ ᒥᒋ ᓂᑕᐅᒋᑕᑭᓐᒡ ᐊᐅᑯᓐᒡ ᐊᓐᒡ ᐃᔪᒡ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᑲ ᐅᒋᒡ᙮

ᒪᑎᔪᐤ 23:35

ᒋᔨᐛᐤ ᒪᒃ ᒋᑭ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐊᓐᒡ ᑲ ᓂᐸᐊᒡ ᒥᓯᐛ ᐊᓂᔭ ᑲ ᑯᐃᔅᑯᑕᑎᓯᔨᒋ ᐊᐛᔪᐛ, ᐊᐳᓪ ᐊ ᑕᑦ ᐅᒋ ᐊᓐᑕ ᒪᒃ ᐃᔅ ᓴᑲᕋᔭ, ᐸᕋᑲᔭ ᐅᑯᓴ᙮ ᓴᑲᕋᔭ ᒪᒃ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ ᐊᑯᑕ ᑲ ᓂᐸᐊᑭᓄᐅᑦ᙮

ᒪᑎᔪᐤ 27:23

ᐊᑯ ᑈᓚᑦ ᒂ ᐃᑕᑦ, “ᒐᒂᔪᐤ ᒪᒃ ? ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑯ ᐊᓐᑕ ᑲ ᐊᓯᒂᒡ ᐊᓐᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ,” ᐊ ᐃᓯ ᑕᑈᒡ᙮

ᒪᑎᔪᐤ 5:37

ᒥᒄ ᓂᐦᐃ ᑭᔭ ᒪᒃ ᓇᒪ ᒋᐸ ᐃᔅᒋᔄᓐ, ᑯᑎᒡ ᒪᒃ ᒐᒂᓐ ᐃᔅᒋᔄᔨᓇ ᐊ ᓂᑐᐛᔨᑎᒥᓐ ᒐᒋ ᑕᑈᑕᑯᔨᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮”

ᓗᒃ 11:51

ᐊᓐᑕ ᐊᓂᔭ ᐅᒋᔅᒋᐛᐃᒐᓱᐤ ᐊᐳᓪ ᑲ ᐃᓯᓂᐧᑲᓱᑦ ᐊ ᐅᒋ ᒋᒋᐱᔨᒡ ᐊᓐᑕ ᒪᒃ ᐃᔅ ᐊᓂᔭ ᓴᑲᕋᔭ ᑕᓐ ᑲ ᐃᓯ ᓂᐸᐊᑭᓄᐅᑦ᙮ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᒋ ᓂᐸᐊᑭᓄᐤ ᓴᑲᕋᔭ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ᙮ ᓂᐦᐃ, ᑕᑈ ᒋᑦ ᐃᑎᓇᐛᐤ, ᐊᓐᒡ ᐃᔪᒡ ᑲ ᐱᒪᑎᓯᒡ ᐊᓄᒡ ᐎᔨᐛᐤ ᒋᑭ ᐊᓂᔅᒐ ᒪᑎᑯᔅᑲᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ᐅᓂᑐᑐᐛᑭᓄᐎᒡ᙮”

ᒠᓐ 10:32

ᐊᑯ ᒋᓴᔅ ᒂ ᐃᑕᑦ, “ᒥᒐᑥᐤ ᔅᒋ ᐛᐸᑕᓇᐛᐤ ᑕᓐ ᑲ ᐃᔅᐱᔅ ᒋ ᒥᔪᑐᑎᒪᑎᑯᒡ᙮ ᓂᓇᐧᑯᐤ ᔅᒋ ᓄᑯᑥᑎᓇᐛᐤ ᒥᔪᑐᑎᒪᒐᐅᓇ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᒐᒋ ᐛᐸᑎᔨᑎᑯᒡ᙮ ᑕᓐ ᐊᓐ ᑲ ᐃᑐᑎᒪᓐ ᐛᒋ ᐎ ᐱᒧᓯᓇᑕᐅᔭᒄ ?”

ᒠᓐ 8:40

ᔅᒋ ᐎᑎᒪᑎᓇᐛᐤ ᐊᓐ ᑕᑈᐅᓐ ᑕᓐ ᑲ ᐃᓯ ᐸᑎᒪᓐ ᐊᓐᑕ ᒋᓴᒪᓂᑐᐤ ᐊ ᑕᑦ ᐅᒋ, ᒥᒄ ᒪᒃ ᐃᔭᐱᒡ ᒋ ᐎ ᐸᒋ ᓂᐸᐃᓇᐛᐤ᙮ ᐊᓂᔭ ᐎᔾ ᐊᑉᕋᐊᒻ ᓇᒪ ᓂᑕ ᒋᐸ ᐅᒋ ᐃᑐᑎᒻ ᐅᔭ᙮

ᒠᓐ 8:41

ᐊᐅᑯᓐ ᐊ ᐃᑎᔭᒄ ᑕᓐ ᐊ ᐃᑎᑦ ᒍᑕᐎᐛᐤ᙮” ᐊᑯ ᒥᓐ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᒋᓴᒪᓂᑐᐤ ᐊᐅᒄ ᒥᒄ ᐊ ᐸᐃᑯᓯᑦ ᐊ ᐅᑕᐎᔭᒡ᙮ ᓇᒪ ᓂᑐᐎᔾ ᓂ ᐅᒋᓇᓐ᙮”

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮

1 ᑕᓴᓗᓂᔭᓇ 2:14

ᓂᐧᑲᓂᓯᑐᒄ, ᐊᐅᑯᓐ ᒧᔭᒻ ᑲ ᐃᔅᐱᔨᔭᒄ ᑕᓐ ᑲ ᐃᔅᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᔨᒋ, ᐊᓐᒡ ᙭ᑕ ᑲ ᐎ ᒋᔅᒋᓄᐛᐱᒪᒡ᙮ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᑕᔨᒧᐃᑕᑯᒡ ᑎᐱᔨᐛ ᒋᑦ ᐃᔨᒧᐛᐅᒡ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐅᑦ ᐃᔨᒧᐛᐛ ᑭᔭ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮

ᐃᑉᕈᐛ 11:4

ᐛᔅᑭᒡ ᐊᓐᑕ, ᓇᐸᐤ ᐊᐳᓪ ᐊᒋ ᐃᓯᓂᐧᑲᓱᑦ ᒋ ᑕᑈᔭᔨᒪᐤ ᒋᓴᒪᓂᑐᐛ ᐊᓂᔭ ᒪᒃ ᐅᒋ ᒋ ᒥᑐᔅᑕᐊᒪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᔅᒡ ᒪᒃ ᒋ ᓇᐊᔨᑎᒥᐊᐤ ᒋᓴᒪᓂᑐᐛ᙮ ᐊᓂᔭ ᐅᔅᑕᓴ ᑲᐃᓐ ᑭᔭ ᐎᔾ ᒋ ᒥᑐᔅᑕᐊᒪᔪᐛ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᐊᓂᔭ ᐊᐳᓪ ᑕᓐ ᑲ ᐃᓯ ᑕᑈᔭᔨᒪᑦ ᒋᓴᒪᓂᑐᐛ ᐊᔪᐅᒄ ᐊᓂᔭ ᑲ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒪᒃ ᐅᔭ ᐛᒋ ᐃᑕᑭᓄᐅᑦ ᐊᐳᓪ ᐊᒋ ᑯᐃᔅᑯᑕᑎᓯᑦ᙮ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᓇᔅᒡ ᐊᒋ ᓇᐊᔨᒥᑯᑦ ᐛᔅ ᒋ ᐅᑎᓂᒺᐤ ᑕᓐ ᑲ ᐃᓯ ᒥᑐᔅᑕᐊᒪᔨᒋ᙮ ᐊᑯ ᒪᒃ ᐊᓄᒡ, ᐊᑎ ᓴᔅ ᐊᒋ ᓂᐱᑦ ᐊᐳᓪ, ᒋ ᒋᔅᑯᑎᒪᑯᓇᓄᐤ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ ᐊ ᒪᒥᑐᓇᔨᑎᒪᐧᒄ ᑕᓐ ᑲ ᐃᓯ ᑕᑈᑕᐧᒃ ᐎᔾ ᐊᐳᓪ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

1 ᐱᑕᕐ 4:4

ᓇᔅᒡ ᒪᒃ ᒋᒥᔅᑲᑕᔨᒥᑯᐛᐅᒡ ᐊᓐᒡ ᐊᑲ ᑕᑈᑕᒡ ᐊᑲ ᐎᒐᐛᑯᒡ ᐊᓂᔭ ᐊ ᐊᒂᑕᔨᑕᑯᓯᒡ ᐊ ᐃᓯ ᐱᒪᑎᓯᒡ ᑭᔭ ᓇᔅᒡ ᐛ ᒪᒪᔭᔨᒥᑕᑯᒡ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

ᒍᑦ 1:11

ᑕᑈ ᒋᑭ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ᐃᑎᔨᒋ ᐊᐅᑯᓐ ᐊ ᐃᑎᒡ᙮ ᒋ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ᒥᒋᑐᑎᒥᔨᒋ ᒐᒋ ᐃᓯ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ᓂᓱᐅᓇᑎᓯᒡ ᑭᔭ ᐎᔨᐛᐤ᙮

ᒋᔅᒐᔨᑕᑯᑕᒐᐅᓐ 17:6

ᓂᒋ ᐛᐱᒪᐤ ᒪᒃ ᐊᓐ ᐃᔎᐤ ᐊ ᒥᔪᐧᑭᓱᑦ ᐊᒋ ᒥᓄᐛᑦ ᐅᒥᐧᑯᔪᐤ ᑲ ᑕᑈᑎᒥᔨᒋ ᑭᔭ ᐅᒥᐧᑯᔪᐤ ᐊᓂᔭᔪᐛ ᑲ ᓂᐸᐊᑭᓄᐃᑯᐱᓇᓂ ᐊ ᑕᑈᔭᔨᒪᔨᒋ ᒋᓴᓴ᙮ ᐃᔅᐱ ᒪᒃ ᑲ ᐛᐱᒥᒃ ᓇᔅᒡ ᓂᒋ ᒥᔅᑲᓯᓄᐛᐤ᙮