1 ᒠᓐ 2:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓂᐧᑲᓂᓯᑐᒄ, ᓇᒪ ᐅᔅᑲᐤ ᐅ ᐃᑎᓱᐛᐅᓐ ᑲ ᐊᔨᒧᑎᒪᑎᑯᒡ ᐅ ᑲ ᒥᓯᓇᐊᒪᑎᑯᒡ᙮ ᓴᔅ ᐛᔅᑭᒡ ᐅ ᐃᑎᓱᐛᐅᓐ᙮ ᐊᐅᒄ ᐅ ᐃᑎᓱᐛᐅᓐ ᓂᔅᑎᒻ ᑲ ᐊᔭᔭᒄ ᑭᔭ ᐊᐅᒄ ᒧᔅ ᑲ ᐸᒋ ᐊᔨᒧᑎᒪᑯᔭᒄ᙮

1 ᒠᓐ 2:7 Iomraidhean Croise

ᒪᑎᔪᐤ 5:43

“ᔅᒋ ᐸᑕᓇᐛᐤ ᐊ ᐃᓇᓄᐅᒡ ᐊᓐᑕ ᐎᐱᒡ, ‘ᓴᒋᐊᐧᑯᒡ ᒋᒡ ᐃᔪᐛᐅᒡ, ᐛᐧᑲᑕᐧᑯᒡ ᐊᓐᒡ ᑲ ᐛᐧᑲᑎᑕᑯᒡ᙮’

ᒠᓐ 13:34

“ᐊ ᐅᔅᑲᒡ ᐃᑎᓱᐛᐅᓐ ᒋ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ᐃᔅᐱᔅ ᓴᒋᐃᑐᓇᐛᐤ᙮

ᐊᑈᔅᑕᓇᒡ 17:19

ᐊᑯ ᒂ ᐃᑐᑕᐊᒡ ᑈᓪ ᐊᓐᑕ ᐊ ᒪᒧᐎᓇᓄᐎᒡ ᐊᕆᐅᐸᑲᔅ ᑲ ᐃᓯᓂᐧᑲᑕᔨᒡ ᐊᑯ ᒂ ᐃᑕᒡ, “ᓂ ᐎ ᒋᔅᒐᔨᑕᓇᓐ ᐅ ᑲ ᐅᔅᑲᒡ ᒋᔅᑯᑎᒪᒐᐅᓐ ᑕᓐ ᐊ ᐃᓯ ᒋᔅᑯᑎᒪᒐᔨᓐ᙮

ᐃᑉᕈᐛ 6:9

ᐊ ᓴᒋᐃᑕᒡ ᐛᒋ ᐅ ᐃᓯ ᐃᔨᒥᐃᑕᒡ᙮ ᒋ ᑕᑈᐅᒐᔨᒥᑎᓇᓐ ᐛᔅ ᓂᔅᑐᓇᑯᓐ ᑕᓐ ᐊ ᐃᑕᑎᓯᔭᒄ ᑕᑈ ᐊᒋ ᐱᒪᒋᐅᔭᒄ᙮

1 ᒠᓐ 2:24

ᐃᔭᒂᒥᒄ ᒪᒃ ᒧᔅ ᒐᒋ ᑭᓄᐛᔨᑎᒪᒄ ᐊᓐ ᓂᔅᑎᒻ ᑲ ᐃᓯ ᐸᑎᒪᒄ ᐅᔅᑭᒡ ᑲ ᑕᑈᔭᔨᒪᒄ ᒋᓴᔅ᙮ ᒧᔅ ᑭᓄᐛᔨᑎᒪᒂ ᐅ ᓂᔅᑎᒻ ᑲ ᐃᓯ ᐸᑎᒪᒄ, ᒧᔅ ᒋᑭ ᐎᒐᐛᐛᐤ ᐅᑯᓯᓯᒪᐤ ᑭᔭ ᐅᑕᐎᒪᐤ᙮

1 ᒠᓐ 3:11

ᐅᔅᑭᒡ ᑲ ᐛᐎᑎᒪᑯᔭᒄ ᒥᔽᒋᒧᐅᓐ ᐊᐅᒄ ᐅ ᑲ ᐃᓯ ᐎᑎᒪᑯᔭᒄ, ᒐᒋ ᓴᒋᐃᑐᔭᐧᒄ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 3:21

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋᔭᒪᔨᑎᒪᐧᑯ ᒋᑕᐃᓇᒡ, ᓇᒪ ᒋᑭ ᐅᒋ ᓴᒋᓯᓇᓄᐤ ᒐᒋ ᓇᑕᐧᒄ ᒋᓴᒪᓂᑐᐤ᙮

1 ᒠᓐ 3:23

ᒪᐅᔭᔪᐤ ᒪᒃ ᐊ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ᐃᑎᓱᒥᑕᐧᒄ ᒐᒋ ᐃᓯ ᓴᒋᐃᐛᐛᐧᒄ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

1 ᒠᓐ 4:11

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒧᔭᒻ ᒋᓴᒪᓂᑐᐤ ᐅᔭᔪᐤ ᐊ ᐃᓯ ᓴᒋᐃᑕᐧᒄ, ᐊᐅᒄ ᐅ ᒋᐸ ᐃᓯ ᓴᒋᐃᑐᓇᓄᐤ ᑭᔭ ᒋᔭᓄᐤ᙮

1 ᒠᓐ 4:21

ᐊᐅᒄ ᐅᔭ ᑲ ᐃᑎᓱᒥᑕᐧᒄ ᒋᓴᒪᓂᑐᐤ, “ᐊᓐ ᑲ ᓴᒋᐊᑦ ᒋᓴᒪᓂᑐᐛ, ᐎᐧᑲᓂᓴ ᐊᓯᒡ ᒋᑭ ᓴᒋᐊᐤ᙮”

1 ᒠᓐ 4:7

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᑯᔅ ᓴᒋᐃᑐᑕᐤ᙮ ᐛᔅ ᓴᒋᐃᐛᐅᓐ ᒋᓴᒪᓂᑐᒡ ᐅᒋᐱᔪᐤ᙮ ᑭᔭ ᒥᓯᐛ ᑕᑐᐤ ᐊᐛᓐ ᑲ ᓴᒋᐃᐛᑦ ᒋ ᓂᑕᐅᒋᐃᑯᐤ ᒋᓴᒪᓂᑐᐛ ᑭᔭ ᒋᔅᒐᔨᒪᐤ ᒋᓴᒪᓂᑐᐛ᙮