1 ᒠᓐ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᒪᒃ ᐊᐛᓐ ᐊ ᓂᓇᐃᑐᐛᑦ ᑕᓐ ᐊ ᐃᑎᓱᒥᑯᑦ ᒋᓴᒪᓂᑐᐛ, ᓄᑯᑕᐤ ᑕᑈ ᓇᔅᒡ ᐊ ᓴᒋᐊᑦ᙮ ᐅ ᑎᔭᒂ ᒋᑭ ᒋᔅᒐᔨᑕᑯᓯᓇᓄᐤ ᑕᑈ ᐊ ᐎᒐᐛᐧᒄ ᒋᓴᒪᓂᑐᐤ᙮

1 ᒠᓐ 2:5 Iomraidhean Croise

ᑎᐱᑦ ᐅᓂᑭᒧᐅᓇ 105:45

ᒐᒋ ᐃᑐᑎᒺᒡ ᐅᑦ ᐃᑎᓱᐛᐅᓂᔪᐤ, ᑭᔭ ᑭᓄᐛᔨᑎᒺᒡ ᐅᐎᔨᓱᐛᓂᔪᐤ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 106:3

ᓱᐛᔨᑕᑯᓱᐅᒡ ᐊᓐᒡ ᑲ ᑭᓄᐛᔨᑕᒡ ᑎᐸᔅᑯᓂᒐᐅᓂᔪᐤ, ᐊᓐ ᑭᔭ ᒧᔅ ᑲ ᐃᑐᑕᐧᒃ ᑯᐃᔅᑯᑕᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 119:146

ᔅᒋ ᑕᑈᑎᑎᓐ: ᐱᒪᒋᐃ, ᐊᑯ ᒐ ᑭᓄᐛᔨᑎᒪᓐ ᒋᑎᐸᒋᒧᐅᓇ᙮

ᑎᐱᑦ ᐅᓂᑭᒧᐅᓇ 119:2

ᓱᐛᔨᑕᑯᓱᐅᒡ ᐊᓐᒡ ᑲ ᑭᓄᐛᔨᑎᒺᒡ ᐅᑎᐸᒋᒧᐅᓂᔪᐛ, ᑭᔭ ᑲ ᓇᓂᑐᐛᔨᒪᒡ ᒥᓯᐛ ᐅᑕᐃᐛᐛᒡ᙮

ᑎᐱᑦ ᐅᓂᑭᒧᐅᓇ 119:4

ᔅᒋ ᐃᑎᓱᐛᓯᓇᓐ ᐃᔭᒂ ᒐᒋ ᑭᓄᐛᔨᑎᒪᒡ ᒋᑭᒐᔅᒋᒧᐛᐅᓇ᙮

ᓗᒃ 11:28

ᐊᑯ ᒋᓴᔅ ᒂ ᐃᑕᑦ, “ᓂᐦᐃ, ᑕᑈ, ᒥᒄ ᒪᒃ ᐅᔅᑕ ᓱᐛᔨᑕᑯᓱᐅᒡ ᐊᓐᒡ ᑲ ᐸᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᑲ ᓂᓇᐃᑎᒧᐛᒡ᙮”

ᒠᓐ 14:21

“ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᒐ ᓂᓇᐃᑎᒧᒂ ᑕᓐ ᐊ ᐃᑎᓱᐛᔭᓐ ᐊᐅᒄ ᐊᓐ ᐊᐛᓐ ᑲ ᓴᒋᐃᑦ᙮ ᒋᑭ ᓴᒋᐊᐤ ᓄᑕᐎᔾ ᐊᓂᔭ ᐊᐛᔪᐛ ᑲ ᓴᒋᐃᔨᒋ, ᑭᔭ ᓂᔾ ᒪᒃ ᓂᑭ ᓴᒋᐊᐤ ᐊᓐ ᐊᐛᓐ ᑭᔭ ᓂᑭ ᐃᑐᑐᐛᐤ ᒐᒋ ᒥᔪ ᒋᔅᒐᔨᒥᑦ᙮”

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 15:5

“ᓂᔾ ᐊᐅᒄ ᓱᒥᓇᑎᒄ ᐊᑯ ᒋᔨᐛᐤ ᐅᑎᐧᑯᓇ᙮ ᐊᓐ ᐊᐛᓐ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒐ ᐊᐅᑯᓐ ᐊᓐ ᒐ ᐱᒋᔅᑯᐅᒃ ᑭᔭ ᐊᐅᑯᓐ ᐊᓐ ᒐ ᒥᔪ ᒥᓂᓱᐅᑦ ᐛᔅ ᑕᐸ ᓇᔅᒡ ᒐᒂᓐ ᒋᑭ ᒋ ᐃᑐᑕᓇᐛᐤ ᐊᑲ ᐱᒋᔅᑯᐅᔭᒂ᙮

ᒠᓐ 6:56

“ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ, ᓂ ᐱᒋᔅᑲᒄ ᑭᔭ ᓂᔾ ᒪᒃ ᓂ ᐱᒋᔅᑯᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:22

ᒋ ᐛᐸᑎᒺᓐ ᐊ ᑕᓐ ᑲ ᐃᓯ ᒪᒧᐤ ᐊᑐᔅᒐᒥᑭᓂᔨᒡ ᐅᑕᑈᑎᒧᐅᓐ ᑭᔭ ᐅᑦ ᐊᑐᔅᒐᐅᓐ᙮ ᐊᓂᔭ ᐅᑕᑈᑎᒧᐅᓐ ᒋ ᒥᑐᓇᑯᓂᔪᐤ ᐅᑦ ᐊᑐᔅᒐᐅᓂᒡ ᐅᒡ᙮

1 ᒠᓐ 3:24

ᒥᓯᐛ ᐊᓐᒡ ᑲ ᐃᑐᑎᒺᒡ ᑕᓐ ᐊ ᐃᑎᓱᒥᑯᒡ ᒋᓴᒪᓂᑐᐛ ᒧᔅ ᐎᒐᐛᐅᒡ ᒋᓴᒪᓂᑐᐛ ᑭᔭ ᐎᔨᐛᐤ ᒪᒃ ᒧᔅ ᐎᒐᐅᑯᐅᒡ᙮ ᐊᓂᔭᔪᐛ ᒪᒃ ᐅᑦ ᐊᒐᒂ ᑲ ᒥᔨᑕᐧᒄ, ᐊᑯᑕ ᐛᒋ ᒋᔅᒐᔨᑎᒪᐧᒄ ᐊ ᐎᒐᐅᑕᐧᒄ ᒋᓴᒪᓂᑐᐤ᙮

1 ᒠᓐ 4:17

ᐅᒪ ᐊᑯ ᐊ ᐃᓯ ᒐᔅᑎᓇᑕᔨᑕᒂᒡ ᒋᓴᒋᐃᐛᐅᓄᐤ, ᒐᒋ ᐊᔭᔭᐧᒄ ᒐᔅᑎᓇᐅᓐ ᑎᐸᔅᑯᓂᒐᐅ ᒋᓯᑲᒐ; ᐛᔅ ᐊ ᐃᓯ ᐊᔭᑦ, ᐊᑯ ᑭᔭ ᐊ ᐃᓯ ᐊᔭᔭᐧᒄ ᐅᑕ ᐊᔅᒋᒡ᙮

1 ᒠᓐ 4:18

ᓇᒪ ᑎᑯᓐ ᓴᒋᓱᐅᓐ ᓴᒋᐃᐛᐅᓂᒡ᙮ ᒪᒃ ᑕᑈ ᓴᒋᐃᐛᐅᓐ ᐎᐎᐛᐱᓂᒧᒥᑭᓐ ᓴᒋᓱᐅᓐ, ᐛᔅ ᓴᒋᓱᐅᓐ ᐊᔭᒥᑭᓐ ᓂᓇᐧᑲᑕᔨᑎᒧᐅᓐ᙮ ᐊᓐ ᑲ ᓴᒋᓯᑦ ᓇᒪᐎᔾ ᒐᔅᑎᓇᑕᔨᑕᑯᓱᐤ ᓴᒋᐃᐛᐅᓂᒡ᙮

1 ᒠᓐ 5:2

ᐊᑯᑕ ᐛᒋ ᒋᔅᒐᔨᑎᒪᐧᒄ ᐊ ᓴᒋᐃᒪᐧᑯ ᒋᓴᒪᓂᑐᐤ ᐅᑦ ᐊᐛᓯᒪ ᐊ ᓴᒋᐊᐧᒄ ᒋᓴᒪᓂᑐᐤ ᑭᔭ ᐊ ᐃᑐᑎᒺᐧᒄ ᐊ ᐃᑎᓱᒥᑕᐧᒄ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

2 ᒠᓐ 1:6

ᒪᐅ ᒪᒃ ᓴᒋᐃᐛᐅᓐ, ᒐᒋ ᐃᑐᑎᒪᐧᒄ ᑕᓐ ᐊ ᐃᑎᓱᒥᑕᐧᒄ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᐃᑎᓱᐛᐅᓐ ᑲ ᒥᔨᑯᐅᔭᐧᒄ ᒪᐅᒡ ᓂᔅᑎᒻ ᑲ ᐸᑎᒪᐧᒄ ᒥᔽᒋᒧᐅᓐ, ᒐᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᑲ ᓴᒋᐊᒡ ᒋᓴᒪᓂᑐᐛ ᑭᔭ ᐎᐧᑲᓂᓱᐛᐛ᙮

ᒋᔅᒐᔨᑕᑯᑕᒐᐅᓐ 12:17

ᐊᑯ ᐊᓐ ᒥᔅᑎ ᒥᓐᑐᔅ ᒂ ᒥᔅᑎ ᒋᔄᐃᑯᑦ ᐊᓂᔭ ᐃᔎᐛ᙮ ᐊᑯ ᒂ ᓂᑐᐱᔨᑐᐅᒪᑦ ᐊᓂᔭᔪᐛ ᐅᑦ ᐊᓂᔅᒐ ᐅᑦ ᐊᐛᓯᒥᔪᐛ, ᐊᓂᔭ ᒥᓯᐛ ᑲ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐛᐎᑎᒥᔨᒋ ᑕᓐ ᑲ ᐸᒋ ᐃᑎᔨᒋ ᒋᓴᓴ ᑲ ᐸᒋ ᑎᑯᓯᓂᔨᒋ᙮

ᒋᔅᒐᔨᑕᑯᑕᒐᐅᓐ 14:12

ᐊᑯᑕ ᐅ ᐛᒋ ᓂᑐᐛᔨᑕᑯᓯᒡ ᑲ ᑕᑈᑕᒡ, ᐊᓐᒡ ᑲ ᓂᓇᐃᑎᒺᒡ ᐅᐎᓱᐛᐅᓂᔪᐤ ᑭᔭ ᐊᑲ ᐳᓂᒡ ᐊ ᑕᑈᔭᔨᒪᒡ ᒋᓴᓴ ᒐ ᐊᑲ ᒋ ᓄᑎ ᐳᓂᒡ ᐅᔭ ᐊ ᐃᑎᒡ᙮