1 ᒠᓐ 2:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒋ ᒋᔅᒐᔨᑕᓇᐛᐤ ᙭ ᐊ ᑯᐃᔅᑯᑕᑎᓯᑦ, ᑭᔭ ᒋᐸ ᒋᔅᒐᔨᑕᓇᐛᐤ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᐊ ᐅᑦ ᐊᐛᓯᒥᑐᑕᑯᑦ ᒋᓴᒪᓂᑐᐛ᙮

1 ᒠᓐ 2:29 Iomraidhean Croise

ᒠᓐ 1:13

ᐊᓂᔭᔪᐛ ᒪᒃ ᑲ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ᑕᔨᒋ ᒋ ᐅᒋ ᐅᔅᒋ ᐱᒪᑎᓯᐅᒡ᙮

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᐊᑈᔅᑕᓇᒡ 22:14

ᐊᑯ ᒂ ᐃᓯᑦ, ‘ᐊᓂᔭᔪᐛ ᒋᓴᒪᓂᑐᐛ ᑲ ᑕᑈᔭᔨᒪᒡ ᐊᓂᔭᐧᑲ ᒋᒧᓱᒥᓄᐅᒡ, ᔅᒋ ᐅᑎᓂᒄ ᒐᒋ ᒋᔅᒐᔨᑎᒧᑦ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐃᑎᓇᓄᐎᒡ ᐅᑕ ᐊᔅᒋᒡ, ᑭᔭ ᒐᒋ ᐛᐱᒥᑎ ᐊᓂᔭ ᙭ᑕ ᑲ ᑯᐃᔅᑯᑕᑎᓯᔨᒋ ᑭᔭ ᒐᒋ ᐸᑎᒧᑦ ᐊ ᐃᔨᒥᐃᔅᒃ᙮

ᐊᑈᔅᑕᓇᒡ 3:14

ᐃᔭᐱᒡ ᒋᔨᐛᐤ ᔅᒋ ᐊᑐᐛᔨᒪᐛᐤ ᐊᓐ ᑲ ᐸᔭᒋᓯᑦ ᑭᔭ ᑲ ᑯᐃᔅᑯᑕᑎᓯᑦ ᑭᔭ ᐊᒋ ᐃᔅᒋᔄᔭᒄ ᑲ ᓂᐸᐃᐛᑦ ᓇᐸᐤ ᐃᔭᐱᒡ ᒐᒋ ᐱᔅᑎᓂᒪᑯᐅᔭᒄ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᐃᑉᕈᐛ 7:2

ᐊᑯ ᐊᑉᕋᐊᒻ ᒂ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐎᐧᑯᒋᑕᑦ ᒐᒂᔪᐛ ᐊᓐᑕ ᑲ ᓂᑐᐱᔨᑦ᙮ ᐊᐅᒄ ᐅᔭ ᑲ ᐃᓯ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐊ ᓄᑯᑕᑦ ᐊ ᒋᔅᑕᔨᒪᑦ᙮ ᒪᒥᑐᓇᔨᑎᒧᒄ ᐅ᙮ ᐊᓐ ᐃᓯᓂᐧᑲᓱᐅᓐ ᒪᓪᑭᓴᑕᒃ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᒋᓴᐅᒋᒪᐤ ᑯᐃᔅᒄ ᑲ ᐃᓯ ᐅᒋᒪᐅᑦ ᐃᔅᒋᔄᒥᑭᓐ᙮ ᐊᑯ ᒪᒃ ᐊᓂᔭ ᐊᒋ ᒋᓴᐅᒋᒪᐅᑦ ᐊᓐᑕ ᐊᓂᔭ ᐅᑕᓇᔪᐤ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅ ᒪᓪᑭᓴᑕᒃ ᐊᑯ ᐊᔪᐤ ᒋᔭᒪᔨᑎᒧᐅᓂᔪᐤ ᑲ ᒥᔨᐛᑦ ᒋᓴᐅᒋᒪᐤ ᐊ ᐃᔅᒋᔄᒥᑭᓂᔨᒡ ᐊ ᐱᔭᑭᔅᒋᑕᑭᓄᐎᒡ ᐅᑦ ᐃᓯᓂᐧᑲᓱᐅᓐ᙮

ᐃᑉᕈᐛ 7:26

ᒋᓴᔅ ᐊᐅᒄ ᒋᓴᐊᔭᒥᐊᐅᒋᒪᐤ ᒋᒋᐛ ᒐᒋ ᐎᒋᐃᑕᐧᒄ᙮ ᓇᒪ ᓂᑕ ᒥᒋᑐᑎᒻ᙮ ᓇᔅᒡ ᑯᐃᔅᑯᑕᑎᓯᐤ ᑭᔭ ᐸᔭᒋᓯᐤ᙮ ᓇᒪ ᓇᔅᒡ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓱᐛᐧᒄ ᒋᔭᓄᐤ ᐊ ᒥᒐᑎᓯᔭᐧᒄ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ᙮ ᒋᓴᒪᓂᑐᐛ ᒋ ᐅᑎᓂᑯᐤ ᑭᔭ ᒋ ᐊᐃᑯᐤ ᐊᓐᑕ ᒪᐅᒡ ᐊ ᐃᔅᐸᔨᑕᑯᓂᔨᒡ ᐊᓐᑕ ᒋᒋᒋᓯᑯᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:18

ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

1 ᒠᓐ 2:1

ᒋ ᒥᓯᓇᐊᒪᑎᓇᐛᐤ ᓂᑦ ᐊᐛᓯᒥᑎᒄ ᒐ ᐊᑲ ᒥᒋᑐᑎᒪᒄ᙮ ᐊ ᐃᑕᒂ ᒪᒃ ᐊᐛᓐ ᐊᒋ ᒥᒋᑐᑕᐧᒃ, ᒋᓴᔅ ᙭ ᑲ ᑯᐃᔅᑯᑕᑎᓯᑦ ᐊᐅᒄ ᐅ ᐊ ᐃᔨᒥᔅᑎᒪᑕᐧᒄ ᒍᑕᐎᓄᐛ ᐊ ᑕᔨᒋ᙮

1 ᒠᓐ 3:5

ᒋ ᒋᔅᒐᔨᑕᓇᐛᐤ ᙭ ᐊᒋ ᐸᒋ ᑎᑯᓯᐧᒃ ᒐᒋ ᐃᒐᓂᒧᐛᑦ ᐊᐛᔪᐛ ᐅᒥᒋᑥᐅᓂᔪᐛ ᑭᔭ ᐊᑲ ᓂᑕ ᐎᔾ ᐅᒋ ᒥᒋᑐᑕᐧᒃ᙮

1 ᒠᓐ 3:7

ᓂᑦ ᐊᐛᓯᒥᑎᒄ, ᐊᑲᐎᔾ ᒥᔭᐧᒄ ᐊᐛᓐ ᒐᒋ ᐎᔭᓯᒥᑕᒄ᙮ ᐊᓐ ᐊᐛᓐ ᑯᐃᔅᒄ ᑲ ᐃᑎᑦ, ᑯᐃᔅᑯᑕᑎᓯᐤ ᒧᔭᒻ ᙭ᑕ ᐊ ᐃᓯ ᑯᐃᔅᑯᑕᑎᓯᔨᒋ᙮

1 ᒠᓐ 4:7

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᑯᔅ ᓴᒋᐃᑐᑕᐤ᙮ ᐛᔅ ᓴᒋᐃᐛᐅᓐ ᒋᓴᒪᓂᑐᒡ ᐅᒋᐱᔪᐤ᙮ ᑭᔭ ᒥᓯᐛ ᑕᑐᐤ ᐊᐛᓐ ᑲ ᓴᒋᐃᐛᑦ ᒋ ᓂᑕᐅᒋᐃᑯᐤ ᒋᓴᒪᓂᑐᐛ ᑭᔭ ᒋᔅᒐᔨᒪᐤ ᒋᓴᒪᓂᑐᐛ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮

1 ᒠᓐ 5:18

ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮

1 ᒠᓐ 5:4

ᐛᔅ ᐊᓐ ᐊᐛᓐ ᑲ ᐱᒪᒋᐃᑯᑦ ᒋᓴᒪᓂᑐᐛ, ᓇᒪ ᒋ ᓴᐧᑯᒋᐃᑯᐤ ᒥᒋᑥᐅᓂᔪᐤ ᐅᑕ ᐊᔅᒋᒡ᙮ ᒋᑕᑈᑎᒧᐅᓄᐤ ᐊᐅᒄ ᐛᒋᐃᑯᔭᐧᒄ ᒐᒋ ᓴᐧᑯᒋᑕᔭᐧᒄ ᒥᒋᑥᐅᓐ ᐅᑕ ᐊᔅᒋᒡ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮