1 ᒠᓐ 2:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᙭ ᑲ ᐸᔭᒋᓯᑦ, ᔅᒋ ᑐᒥᔅᑯᓂᑯᓄᐤ ᐸᔭᒋ ᐊᒐᒂ, ᑭᔭ ᒥᓯᐛ ᒋᔨᐛᐤ ᓂᔅᑐᑎᒧᒄ᙮

1 ᒠᓐ 2:20 Iomraidhean Croise

ᑎᐱᑦ ᐅᓂᑭᒧᐅᓇ 16:10

ᐛᔅ ᓇᒪᐎᔾ ᒋᑭ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ; ᓇᒪ ᑭᔭ ᒋᑭ ᓇᐊᔨᒪᐤ ᒋ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 23:5

ᓂᑲᓐ ᐊᓐᑕ ᒋ ᐛᐛᓯᑕᒧᐅᓐ ᐊ ᒥᒋᓱᓇᓄᐎᒡ ᐅᑎᔅᑯᐤ, ᐊᓐᑕ ᐊᓐᒡ ᐊᑕᒡ ᐛ ᒪᔭᒋᑐᑕᐎᒡ: ᔅᒋ ᑐᒥᔅᑯᓇᓐ ᓂᔅᑎᒂᓐ ᐱᒥᔾ; ᓂᒥᓂᒂᑭᓐ ᒥᑐᓐ ᐊᒥᔅᒋᓂᑕᐤ᙮

ᑎᐱᑦ ᐅᓂᑭᒧᐅᓇ 45:7

ᒋ ᓴᒋᑕᓐ ᑯᐃᔅᑯᑕᑎᓯᐅᓐ, ᑭᔭ ᒋ ᐛᐧᑲᑕᓐ ᒥᒐᑎᓯᐅᓐ: ᐊᐅᒄ ᐅᒋ ᒋᓴᒪᓂᑐᐤ, ᒋᒋᓴᒪᓂᑐᒻ, ᔅᒋ ᑐᒥᔅᑯᓂᒃ ᓯᒋᔭᓱᐎ ᐱᒥᔾ ᐅᒋ ᒐᒋ ᐊᔪᐛᔅᑯᐅᑥᐤ ᒋᐎᒐᐛᑭᓐᒡ᙮

ᑎᐱᑦ ᐅᓂᑭᒧᐅᓇ 71:22

ᐊᓯᒡ ᑭᔭ ᒋᑭ ᒪᒥᒋᒥᑎᓐ ᓂᑭᒧᐅᓂᒡ, ᒋᑕᑈᐅᓂᒡ ᐅᑦ, ᐅ ᓂᒋᓴᒪᓂᑐᒻ: ᒋᔾ ᒋᑭ ᓂᑭᒧᔅᑕᑎᓐ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ, ᐅ ᒋᔾ ᐃᔅᕋᐃᓪ ᐅᐸᔭᒋᓯᒪ᙮

ᑎᐱᑦ ᐅᓂᑭᒧᐅᓇ 92:10

ᒪᒃ ᓂᑦ ᐊᔅᑭᓐ ᒋᑭ ᐃᔅᐸᒐᓄᐤ ᒧᔭᒻ ᐅᑦ ᐊᔅᑭᓇ ᐅᐸᔭᑯᑕᔅᑭᓄᐤ: ᓂᑭ ᑐᒥᔅᑯᓂᑯᐅᓐ ᐅᔅᒋ ᐱᒥᔾ ᐅᒡ᙮

ᒪᑎᔪᐤ 13:11

ᐊᑯ ᒋᓴᔅ ᐊᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ᒋᔅᒐᔨᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:24

ᒋ ᐃᔅᒋᔄᐤ, “ᐊᑲᐎᔾ ᐎᔭᔅᑐᑐᐅᓇᓐ, ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ᙮ ᒋ ᐸᒋ ᑎᑯᓯᓐ ᐊ ᒐᒋ ᓂᓱᐅᓇᒋᐃᔭᒡ ? ᒋ ᒋᔅᒐᔨᒥᑎᓐ ᐊᐛᓐ ᒋᔾ, ᐊᐅᒄ ᒋᔾ ᑲ ᐸᔭᒋᓯᑦ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᓗᒃ 4:34

“ᑕᓐ ᐛ ᐃᓯᐧᑯᔭᒡ ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ ? ᒋ ᐎ ᓂᓱᐅᓇᒋᐃᓇᓐ ᐊ ᐛᒋ ᑎᑯᓯᓂᔨᓐ ? ᒋ ᒋᔅᒐᔨᒥᑎᓇᓐ ᐊᐛᓐ ᒋᔾ᙮ ᒋᔾ ᑲ ᑎᐸᓇᐃᔅᒃ ᒋᓴᒪᓂᑐᐤ ᒐᒋ ᐊᐱᒋᐃᔅᒃ᙮”

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 16:13

ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 3:14

ᐃᔭᐱᒡ ᒋᔨᐛᐤ ᔅᒋ ᐊᑐᐛᔨᒪᐛᐤ ᐊᓐ ᑲ ᐸᔭᒋᓯᑦ ᑭᔭ ᑲ ᑯᐃᔅᑯᑕᑎᓯᑦ ᑭᔭ ᐊᒋ ᐃᔅᒋᔄᔭᒄ ᑲ ᓂᐸᐃᐛᑦ ᓇᐸᐤ ᐃᔭᐱᒡ ᒐᒋ ᐱᔅᑎᓂᒪᑯᐅᔭᒄ᙮

1 ᑯᕆᓐᑎᔭᓇ 2:15

ᐊᓐ ᒪᒃ ᐊᐛᓐ ᑲ ᐊᔭᐛᑦ ᑲ ᐸᔭᒋᓯᔨᒋ ᐊᒐᒂ ᒥᓯᐛ ᓇᔅᒡ ᓂᑐ ᒋᔅᒐᔨᑎᒻ ᑕᓐ ᒐ ᐃᓯ ᑎᐸᔅᑯᓇᐧᒃ ᒐᒂᔪᐤ᙮ ᒥᒄ ᒪᒃ ᓇᒪ ᒋᑭ ᒋ ᑎᐸᔅᑯᓂᑯᐤ ᐎᔾ ᐊᐛᔪᐛ᙮

ᐃᑉᕈᐛ 1:9

ᔅᒋ ᓴᒋᑕᓐ ᑯᐃᔅᑯᑕᑎᓯᐅᓐ ᐊᑯ ᒥᒐᑎᓯᐅᓐ ᔅᒋ ᐛᐧᑲᑕᓐ᙮ ᐊᐅᒄ ᒪᒃ ᐛᒋ ᐎᔭᐱᒥᑕᓐ ᓂᔾ ᒋᒋᓴᒪᓂᑐᒻ, ᑭᔭ ᑲ ᒋᔅᑕᔨᑕᑯᐃᑕᓐ ᐊ ᑐᒥᔅᑯᓂᑕᓐ ᒐᒋ ᐃᔭᔨᓐ ᒧᒋᒐᔨᑎᒧᐅᓐ᙮ ᒋᔾ ᒪᐅᒡ ᒋ ᒋᔅᑕᔨᑕᑯᐃᑎᓐ ᐃᔅᐱᔅ ᐎ ᒋᐎᒐᐛᑭᓂᒡ᙮”

ᐃᑉᕈᐛ 8:11

ᓇᒪ ᒋᑭ ᐅᒋ ᓂᑐᐛᔨᑕᑯᓂᔪᐤ ᒐᒋ ᒋᔅᒋᓄᐊᒧᐛᑦ ᐊᐛᓐ ᐎᐧᑲᓂᓴ ᐊ ᐃᑕᑦ, ‘ᒋᑭ ᒋᔅᑯᑎᒪᑎᓐ ᒐᒋ ᒋᔅᒐᔨᒥᑦ ᒋᓴᒪᓂᑐᐤ᙮’ ᐛᔅ ᒥᓯᐛ ᐊᐛᓐ ᓂᑭ ᒋᔅᒐᔨᒥᒄ, ᑲ ᒋᓴᐃᔪᑦ ᑭᔭ ᐊᓐ ᑲ ᐊᐛᓯᐅᑦ᙮ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᐊᓐ ᐊᑲ ᒋᔅᑕᔨᑕᑯᓯᑦ᙮

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮

1 ᒠᓐ 4:13

ᐅᒪ ᒋ ᐅᒋ ᒋᔅᒐᔨᑕᓇᓄᐤ ᐊ ᐱᔅᑯᐛᐧᒄ ᐎᔾ ᑭᔭ ᐊᐱᔅᑲᑕᐧᒄ ᐊᒋ ᒥᔨᑕᐧᒄ ᐅᑦ ᐊᒐᒂ᙮

ᒍᑦ 1:5

ᐊᑎ ᒪᒃ ᓴᔅ ᒥᓯᐛ ᐊ ᒋᔅᒐᔨᑎᒪᒄ ᐅ ᒐ ᐃᓯ ᐛᐎᑎᒪᑎᑯᒡ, ᒋ ᐎ ᒋᔅᒋᓱᒥᑎᓇᐛᐤ ᐅᑎᐸᔨᒋᒐᐤ ᐊᒋ ᐎᐧᑯᒋᐊᑦ ᐊᓂᔭᔪᐛ ᐃᔅᕋᐃᓪ ᐃᔪᐛ ᐃᒋᑉᑦ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐅᒋ, ᐊᑯ ᐊᓂᔭ ᐊᑲ ᑕᑈᑎᒥᔨᒋ ᐸᑎᒪ ᒋ ᓂᓱᐅᓇᒋᐊᐤ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮

ᒋᔅᒐᔨᑕᑯᑕᒐᐅᓐ 4:8

ᒥᓯᐛ ᒪᒃ ᐊ ᓇᐅᒡ ᐊᓱᑕᒡ ᐃᑕᑎᓂᔪᐛ ᐅᑎᑎᑭᓄᐛᐛ᙮ ᒥᓯᐛ ᐊ ᐃᔅᐱᑎᒡ ᑎᑯᓂᔪᐛ ᐅᔅᒋᓯᑯᐛᐛ, ᐛᐛᒡ ᓯᐸ ᐅᑎᑎᑯᓂᐛᒡ ᑎᑯᓂᔪᐛ᙮ ᓇᒪ ᒪᒃ ᒋᐱᑐᐛᐅᒡ ᐊ ᓂᑭᒧᒡ ᐊ ᑎᐱᔅᑲᔨᒡ ᑭᔭ ᐊ ᒋᓯᑲᔨᒡ, ᐊ ᐃᔅᒋᔄᒡ, “ᐸᔭᒋᓯᐤ, ᐸᔭᒋᓯᐤ, ᐸᔭᒋᓯᐤ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ, ᐊᓐ ᒧᔅ ᑲ ᐸᒋ ᑕᑦ, ᐊᓐ ᐊᓄᒡ ᐊ ᑕᑦ, ᑭᔭ ᐊᓐ ᒐ ᑎᑯᓯᐧᒃ᙮”