1 ᒠᓐ 2:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᐛᓯᑐᒄ, ᐊᔪᐅᒄ ᐅᔭ ᒪᔅᑕᔾ ᐊ ᒋᓯᑲᔨᒡ᙮ ᔅᒋ ᐎᑎᒪᑯᐅᓇᐛᐤ ᒐ ᑎᑯᓯᐧᒃ ᐊᓐ ᐊᐛᓐ ᑲ ᓱᒐᔨᒧᑐᑐᐛᑦ ᙭ᑕ᙮ ᓴᔅ ᒪᒃ ᒥᒐᑦ ᐊᐛᓐ ᙭ᑕ ᑲ ᐎ ᓱᒐᔨᒧᑐᑐᐛᑦ ᒋ ᑎᑯᓯᓄᐤ᙮ ᐊᑯᑕ ᒪᒃ ᐛᒋ ᒋᔅᒐᔨᑎᒪᐧᒄ ᐊᔪᐅᒄ ᐅᔭ ᐊ ᒪᔅᑕᔾ ᒋᓯᑲᔨᒡ᙮

1 ᒠᓐ 2:18 Iomraidhean Croise

ᒪᑎᔪᐤ 24:11

ᒥᒐᑦ ᒥᒋ ᐅᒋᔅᒋᐛᐃᒐᓱᒡ ᒋᑭ ᑎᑯᓯᓄᐅᒡ ᒐ ᐎᔭᓯᐊᒡ ᐊᐛᔪᐛ, ᒥᒐᑦ ᒪᒃ ᐊᐛᔪᐛ ᒋᑭ ᐃᑐᑐᐛᐅᒡ ᒐᒋ ᐳᓂᔨᒋ ᐊ ᑕᑈᑎᒥᔨᒋ᙮

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒪᑎᔪᐤ 24:5

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:6

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

ᒠᓐ 21:5

ᒋ ᐃᑎᑯᐅᒡ ᒪᒃ, “ᐊᔅᒄ ᐊ ᓇᒪ ᒋ ᐱᑕᐅᔭᓇᐛᐤ ?” “ᓇᒪ,” ᒋ ᐃᑕᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:11

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᒋᔅᒐᔨᑎᒪᒄ ᑕᓐ ᒐ ᐃᔅᐱᔨᒡ ᐊᑯ ᐎᐱᒡ᙮ ᐃᑕᔨᑕᑯᓐ ᐊᑯ ᑕᑈ ᒐᒋ ᐸᑯᐱᔭᒄ ᑭᔭ ᒐᒋ ᐊᓯᒐᔨᑎᒪᒄ᙮ ᐊᓐ ᐊ ᒋᓯᑲᒡ ᒐ ᐱᒪᒋᐃᑕᒄ ᒋᓴᒪᓂᑐᐤ ᐊᑐᐎᔅ ᐊᑯ ᐸᓱᓇᑯᓐ ᑲ ᐃᔅᐱᓯᓇᒂᒡ ᐊᓐᑕ ᓂᔅᑎᒻ ᑲ ᑕᑈᔭᔨᒪᐧᒄ ᒋᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

ᐃᑉᕈᐛ 1:2

ᐊᓄᒡ ᒪᒃ, ᐅᔭ ᒪᔅᑕᔾ ᐊ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ᐊᐱᒋᐊᑦ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᐊᐅᒄ ᐅᔭ ᑲ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ᒥᔭᑦ᙮

1 ᐱᑕᕐ 1:20

ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ᐅᑎᓂᑯᐤ ᙭ ᐅᔭ ᒐ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ᓄᑯᐊᑭᓄᐅᑦ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᐱᑕᕐ 3:3

ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ᒪᔭᔨᒥᑯᐛᐅᒡ᙮

1 ᒠᓐ 2:22

ᐊᐛᓐ ᒪᒃ ᐊᓐ ᑲ ᑭᑭᒋᔭᑦ ? ᐊᐅᒄ ᐊᓐ ᑭᑈ ᑲ ᐊᓏᑕᐧᒃ ᒋᓴᓴ ᐊ ᐊᐎᔨᒋ ᙭ᑕ᙮ ᐊᐅᒄ ᑲ ᓱᒐᔨᒧᑐᑐᐛᑦ ᙭ᑕ, ᑕᐱᔅᑯᓐ ᐅᑕᐎᒪᐛ ᑭᔭ ᐅᑯᓯᓯᒪᐛ ᑲ ᐊᑐᐛᔨᒪᑦ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

1 ᒠᓐ 4:3

ᐊᑯ ᐊᓐ ᐊᐛᓐ ᑲ ᐃᔅᒋᔄᑦ ᐊᑲ ᑕᑈᔭᔨᒪᑦ ᒋᓴᓴ, ᓇᒪ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐊᐱᒋᐃᑯᐤ᙮ ᐱᒋᔅᑲᑯᐤ ᐊᓂᔭ ᐊᒐᒂ ᑲ ᓱᒐᔨᒧᑐᑐᐛᔨᒋ ᙭ᑕ᙮ ᔅᒋ ᐸᑕᓇᐛᐤ ᒐ ᑎᒂᒡ ᐅ ᐊ ᐃᑕᔨᑕᑯᓯᓇᓄᐅᒡ᙮ ᓴᔅ ᒪᒃ ᑎᑯᓐ ᐅᑕ ᐊᔅᒋᒡ ᐅ ᐊ ᐃᑕᔨᑕᑯᓯᓇᓄᐅᒡ᙮

2 ᒠᓐ 1:7

ᒥᒐᑦ ᑲ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ᐊᓏᑕᒡ ᑕᑈ ᐊᒋ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ᐎᔭᓯᐃᐛᑦ᙮

ᒍᑦ 1:18

ᔅᒋ ᐃᑎᑯᐛᐅᒡ, “ᐅᑎᒋᐱᔨᒂᐛ ᒪᔅᑕᔾ ᐊ ᒋᓯᑲᒋ, ᒋᑭ ᑕᐅᒡ ᓇᐸᐅᒡ ᐊ ᒪᔭᔨᒥᑕᑯᒡ, ᒥᒄ ᑕᓐ ᐊ ᐃᓯ ᓂᑎᒥᒄ ᐃᑕᔨᑕᒡ ᒐᒋ ᐃᑎᒡ ᐊᓂᔭ ᐊᑲ ᒋᓴᒪᓂᑐᐛᑎᓯᒡ, ᐊᐅᑯᓐ ᒐ ᐃᑎᒡ᙮”