1 ᒠᓐ 2:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒥᓯᐛ ᑕᓐ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ, ᐊ ᒥᒋ ᒧᔅᑕᓇᐸᑕᐧᒃ ᐊᐛᓐ ᒐᒂᔪᐤ, ᐊ ᐃᓯ ᒥᒋ ᒧᔅᑕᓇᔨᑕᐧᒃ, ᑭᔭ ᐊᓂᔭ ᐊ ᒋᔅᑕᔨᒧᑦ ᑕᓐ ᐊ ᐃᓯ ᐱᒪᑎᓯᑦ, ᓇᒪ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ ᐅ ᐃᑕᑎᓯᐅᓐ, ᐅᑕ ᐊᔅᒋᒡ ᐅᒋᒥᑭᓐ᙮

1 ᒠᓐ 2:16 Iomraidhean Croise

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 6:2

ᒋᓴᒪᓂᑐᐤ ᐅᑦ ᐃᔨᒪ ᒋ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ᐅᑎᓇᒪᓱᐅᒡ ᒐ ᐎᐅᒡ᙮

ᑎᐱᑦ ᐅᓂᑭᒧᐅᓇ 73:6

ᐊᐅᒄ ᐅᒋ ᒋᔅᑕᔨᒧᐅᓂᔪᐤ ᐛᔅᑲᔅᑲᑯᐅᒡ ᒧᔭᒻ ᐃᓴᒂᔭᐱᔪᐤ; ᐊᒂᑎᓯᐅᓂᔪᐤ ᐊᒂᓇᐅᑯᒡ ᒧᔭᒻ ᐊᐱᒋᑕᐅᓂᔪᐤ᙮

ᑎᐱᑦ ᐅᓂᑭᒧᐅᓇ 78:18

ᒋ ᑯᒂᒋᐊᐅᒡ ᒪᒃ ᒋᓴᒪᓂᑐᐛ ᐅᑕᐃᐛᒡ, ᐊ ᓂᑐᑎᒪᒡ ᒥᒋᒥᔪᐤ ᐅᒥᒋᐃᑕᔨᑎᒧᐅᓄᐛᐤ ᐅᒡ᙮

ᑎᐱᑦ ᐅᓂᑭᒧᐅᓇ 78:30

ᓇᒪᐎᔾ ᐅᒋ ᐃᔅᑕᔭᔨᑎᒧᒡ ᐅᒥᒋᐃᑕᔨᑎᒧᐅᓄᐛᐤ ᐅᒡ: ᒪᒃ ᒪᒂᒡ ᐅᒥᒋᒧᐛᐤ ᐊᔅᒄ ᐅᑐᓄᐛᒡ ᐊ ᑎᒂᓂᔨᒡ,

ᒪᑎᔪᐤ 4:8

ᐊᑯ ᒥᓐ ᒂ ᐎ ᑯᒂᒋᐊᑦ ᒥᒋᒥᓂᑐᐤ ᐊᓂᔭ ᒋᓴᓴ, ᒂ ᐃᑐᑕᐊᑦ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ, ᒂ ᐛᐸᑎᔭᑦ ᒥᓯᐛ ᒋᓴᐅᒋᒪᐅᓇ ᑲ ᑎᑯᓂᔨᒋ ᐅᑕ ᐊᔅᒋᒡ ᑭᔭ ᑕᓐ ᐊ ᐃᓯ ᑎᑯᓂᔨᒋ ᐛᔪᑎᓯᐅᓇ᙮

ᒪᑎᔪᐤ 5:28

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᑭᓄᐛᐱᒪᒐ ᐃᔎᐛ, ᓂᑎᒥᒄ ᒪᒃ ᐃᓯ ᒪᒥᑐᓇᔨᒪᒐ, ᓴᔅ ᐃᓯᓇᑯᓂᔪᐤ ᐊ ᐎᒋ ᐱᓯᒂᑎᓯᒪᑦ ᐊᓐᑕ ᐅᑕᐃᒡ᙮

ᓗᒃ 4:5

ᐊᑯ ᒥᒋᒥᓂᑐᐤ ᒂ ᐃᑐᑕᐊᑦ ᒋᓴᓴ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ, ᓯᔅᒋᑯᒡ ᒥᓯᐛ ᐅᒋᓴᐅᒋᒪᐅᓇ ᐊ ᐃᑕᑎᓂᔨᒋ ᒂ ᐛᐸᑎᔭᑦ ᐅᑕ ᐊᔅᒋᒡ ᐊ ᐃᓯ ᑎᑯᓂᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

1 ᑯᕆᓐᑎᔭᓇ 10:6

ᒋᐸ ᑎᑯᓂᔪᐤ ᐊ ᐃᓯ ᐃᔭᒂᒥᒥᑯᐅᔭᐧᒄ ᒥᓯᐛ ᑕᓐ ᑲ ᐃᔅᐱᔨᒡ, ᒐ ᐊᑲ ᒋ ᐃᓯᓇᑯᓯᔭᐧᒄ ᒋᔭᓄᐤ ᒐᒋ ᒧᔅᑕᓇᔨᑎᒪᐧᒄ ᒥᒐᑎᓯᐅᓐ᙮

ᑲᓚᓯᔭᓇ 5:17

ᐛᔅ ᐊᓂᔭ ᐊ ᐃᓯ ᓂᑐᐛᔨᒥᑕᐧᒄ ᑲ ᐸᔭᒋᓯᑦ ᐊᒐᐧᒄ ᒐᒋ ᐃᓯ ᐱᒪᑎᓯᔭᐧᒄ ᓇᒪ ᒋ ᓇᐊᔨᑕᓇᓄᐤ ᒐᒋ ᐃᑐᑎᒪᐧᒄ᙮ ᓇᔅᒡ ᑕᑈ ᐃᔭᒡ ᐃᑕᔨᑕᑯᓐ ᒋᔭᓄᐤ ᑕᓐ ᐛ ᐃᓯ ᐱᒪᑎᓯᔭᐧᒄ ᐊ ᐃᑕᔨᑕᑯᓂᔨᒡ ᑲ ᐸᔭᒋᓯᑦ ᐊᒐᐧᒄ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐱᒪᑎᓯᐛᐧᒄ᙮ ᒪᓯᐃᑐᒥᑭᓇ ᐅᔭ ᓂᓱ ᐃᑕᔨᑎᒧᐅᓇ ᐅᑕ ᐊ ᐃᑕᔭᐧᒄ᙮ ᐊᑯ ᒪᒃ ᑲ ᐸᔭᒋᓯᑦ ᐊᒐᐧᒄ ᐛ ᓇᑲᐅᑕᐧᒄ ᐊ ᐎ ᒥᒋᑐᑎᒪᐧᒄ᙮

ᑲᓚᓯᔭᓇ 5:24

ᐊᓐᒡ ᒪᒃ ᒋᓴᔅ ᙭ᑕ ᑲ ᑎᐱᔨᐛᐅᓯᑐᑕᑯᒡ ᓴᔅ ᒋ ᐎᔭᔨᑎᒧᒡ ᒐ ᐊᑲ ᒋ ᐱᔅᑕᔨᒥᑎᓱᒡ ᑲᐤ ᒐᒋ ᐃᑐᑕᒡ ᑕᓐ ᐛ ᐃᓯ ᐛᒋᐱᔨᒡ ᒐᒋ ᐃᓯ ᒥᒋ ᐱᒪᑎᓯᒡ᙮ ᓇᒪ ᐎ ᒥᒋᑐᑎᒧᒡ ᑕᓐ ᑲ ᐃᓯ ᐸᒋ ᒥᒋᑐᑕᒡ ᐊᓐᑕ ᐃᔅ ᐅᑕᒡ᙮ ᒧᔭᒻ ᑕᑈ ᐊᒋ ᐊᓯᒡ ᒋᔅᑕᔎᑕᒡ ᐅᒥᒐᑎᓯᐅᓄᐛᐤ ᑭᔭ ᐅᒥᒋᓂᑐᐛᔨᑎᒧᐅᓄᐛᐤ ᒋᐱᔭᑎᑯᒡ ᐊᐅᑯᓐ ᑲ ᐃᑎᒡ᙮

ᐃᐱᓯᔭᓇ 2:3

ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ᐃᑎᔭᐧᒄ ᔅᒋ ᐃᑎᓇᓄᐤ᙮ ᔅᒋ ᑐᑕᓇᓄᐤ ᒥᒄ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ᐃᔅᐱᔅ ᒋ ᒥᒐᑎᓯᔭᐧᒄ ᒋ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮

ᑕᐃᑕᔅ 2:12

ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᓂᑭᑎᒪᐧᒄ ᒥᒐᑎᓯᐅᓐ ᑭᔭ ᒐ ᐊᑲ ᒋ ᒥᒋ ᒧᔅᑕᓇᔨᑎᒪᐧᒄ ᒐᒂᓐ ᐅᑕ ᐊᔅᒋᒡ᙮ ᑭᔭ ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᐃᔭᒂᒥᔭᐧᒄ ᑕᓐ ᐊ ᐃᑕᑎᓯᔭᐧᒄ, ᑭᔭ ᒐᒋ ᑯᐃᔅᑯᑕᑎᓯᔭᐧᒄ ᑭᔭ ᒐᒋ ᒋᓴᒪᓂᑐᐛᑎᓯᔭᐧᒄ ᐅᑕ ᐊᔅᒋᒡ ᐊ ᑕᐛᐧᒄ,

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:15

ᓇᒪ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ ᐅ ᑲ ᐃᑕᔨᑕᒂᒡ ᑭᒐᑕᐛᔨᑎᒧᐅᓐ, ᐅᑕ ᐊᔅᒋᒡ ᐅᒋᒥᑭᓐ, ᓇᐸᐤ ᐅᔭ ᐅᑭᒐᑕᐛᔨᑎᒧᐅᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 4:16

ᒥᒄ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ᑭᔭ ᒋ ᒪᒥᔽᒋᒥᓱᓇᐛᐤ᙮ ᒪᔭᑎᓐ ᐊᓐ ᐊ ᐃᑎᔭᒄ ᐊ ᒪᒥᔽᒋᒥᓱᔭᒄ᙮

1 ᐱᑕᕐ 1:14

ᓱᒃ ᓂᓇᐃᑐᐛᐧᒄ ᒋᓴᒪᓂᑐᐤ᙮ ᐊᑲᐎᔾ ᒥᓐ ᒋᑭ ᐅᒋ ᓂᑕᐅᒋᒥᑭᓐ ᑕᓐ ᑲᒋ ᐃᓯ ᒥᒋ ᓇᓂᑐᐛᔨᑎᒪᒄ ᐊᓐᑕ ᐅᑕᒡ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᐊᔨᒪᔨᑎᒥᐃᑯᔭᒄ ᑭᔭ ᐊᔅᒄ ᐊᑲ ᐅᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮

2 ᐱᑕᕐ 2:10

ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ᓄᔅᐱᓂᑕᒡ, ᐊᓐᒡ ᑲ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮ ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ᐃᑕᒡ ᒪᒃ ᑕᓐ ᐊ ᐃᑐᑐᐛᒡ ᐊᐛᔪᐛ ᐊ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ᐊᔭᔨᒋ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮