1 ᒠᓐ 2:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑲᐎᔾ ᓴᒋᑕᒄ ᐊᔅᒋᔾ ᑭᔭ ᑕᓐ ᐊ ᐃᓯ ᑎᒂᒡ ᐅᑕ ᐊᔅᒋᒡ, ᐛᔅ ᐊᐛᓐ ᑲ ᓴᒋᑕᑦ ᐊᔅᒋᔪᐤ ᓇᒪ ᐱᒋᔅᑲᑯᐛᐤ ᐅᑕᐎᒪᐛ ᐅᓴᒋᐃᐛᐅᓂᔪᐤ᙮

1 ᒠᓐ 2:15 Iomraidhean Croise

ᒪᑎᔪᐤ 4:8

ᐊᑯ ᒥᓐ ᒂ ᐎ ᑯᒂᒋᐊᑦ ᒥᒋᒥᓂᑐᐤ ᐊᓂᔭ ᒋᓴᓴ, ᒂ ᐃᑐᑕᐊᑦ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ, ᒂ ᐛᐸᑎᔭᑦ ᒥᓯᐛ ᒋᓴᐅᒋᒪᐅᓇ ᑲ ᑎᑯᓂᔨᒋ ᐅᑕ ᐊᔅᒋᒡ ᑭᔭ ᑕᓐ ᐊ ᐃᓯ ᑎᑯᓂᔨᒋ ᐛᔪᑎᓯᐅᓇ᙮

ᒪᑎᔪᐤ 6:24

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ᓴᒋᐊᐤ, ᑭᔭ ᑯᑎᑲ ᒋᑭ ᐛᐧᑲᑕᐤ᙮ ᑭᔭ ᒪᒃ ᒋᑭ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ᐊᑐᐛᔨᒪᐤ, ᓇᒪ ᒋᑭ ᒋ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ᐊᑐᔅᒐᑦ ᐊ ᐎ ᐛᔪᑎᓯᑦ᙮”

ᓗᒃ 16:13

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ ᐊᑲ ᓇᐊᔨᒥᑐᔨᒋ, ᐛᔅ ᐸᐃᒄ ᐊᓂᔭ ᒋᑭ ᐛᐧᑲᑕᐤ, ᐊᑯ ᐊᓂᔭ ᑯᑎᑲ ᒋᑭ ᓴᒋᐊᐤ᙮ ᐊᓂᔭ ᐸᐃᒄ ᓱᒃ ᒋᑭ ᐊᑐᔅᑯᐛᐤ, ᐊᑯ ᐊᓂᔭ ᑯᑎᑲ ᓇᒪ ᒋᑭ ᐅᒋ ᓇᐊᔨᒪᐤ ᒐᒋ ᐊᑐᔅᑯᐛᑦ᙮ ᓇᒪ ᒋᑭ ᒋ ᐊᑐᔅᑯᐛᐛᐤ ᒋᓴᒪᓂᑐᐤ ᒧᔅ ᐊ ᒪᒥᑐᓇᔨᑎᒪᒄ ᒐᒋ ᐛᔪᑎᓯᔭᒄ᙮”

ᒠᓐ 15:19

ᐃᑕᔨᑕᑯᓯᔭᒄ ᒪᒃ ᑕᓐ ᐊ ᐃᑕᔨᑕᑯᓯᒡ ᒋᐸ ᓴᒋᐃᑯᐛᐅᒡ ᒧᔭᒻ ᐊ ᐃᓯ ᓯᓴᒋᐃᑐᒡ ᐎᔨᐛᐤ᙮ ᒥᒄ ᒪᒃ ᐊᒋ ᐅᑎᓂᑎᑯᒡ ᐊᐅᒄ ᐛᒋ ᐛᐧᑲᑎᑕᑯᒡ, ᐛᔅ ᑕᐸ ᐊᓐᑕ ᐊ ᑕᒡ ᐊᑯ ᒋ ᐊᑎ ᐃᓯ ᐎᒋᐃᐛᓇᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2

ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

1 ᑎᒧᑎ 6:10

ᐛᔅ ᓱᓇᔭᐤ ᐊ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ᐳᓂᒡ ᑯᑎᑭᒡ ᐊ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:4

ᑕᑈ ᓂᑐᐎᔾ ᑲ ᐃᑎᔭᒄ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊᐛᓐ ᐊ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮

1 ᒠᓐ 3:17

ᐛᐱᒪᒐ ᐊᐛᓐ ᐊ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ᐃᔅᒋᔄᑦ ᐊ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮

1 ᒠᓐ 4:5

ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ, ᐅᑕ ᐊᔅᒋᒡ ᐅᒋᐅᒡ᙮ ᐊᐅᑯᓐ ᒪᒃ ᐛᒋ ᐃᓯ ᐃᔨᒥᒡ ᐊ ᐃᓯ ᐃᔨᒥᔨᒋ ᐊᓂᔭᔪᐛ ᐊᐛᔪᐛ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ, ᑭᔭ ᓇᔅᒡ ᐊᔭᐱᓯᑕᑯᐅᒡ ᐊᓂᔭᔪᐛ ᐊᐛᔪᐛ ᐅᑕ ᐊᔅᒋᒡ ᐊ ᑕᔨᒋ᙮

1 ᒠᓐ 5:10

ᐊᐛᓐ ᑕᑈ ᐊ ᑕᑈᔭᔨᒪᑦ ᒋᓴᒪᓂᑐᐛ ᐅᑯᓯᔪᐛ, ᐅᑎᓂᒻ ᑭᔭ ᒥᒋᒥᓂᒻ ᐅᔭ ᑎᐸᒋᒧᐅᓂᔪᐤ᙮ ᐊᐛᓐ ᒪᒃ ᐊᑲ ᑕᑈᑐᐛᑦ ᑕᓐ ᐊ ᐃᑕᒋᒧᔨᒋ ᒋᓴᒪᓂᑐᐛ, ᐃᔅᒋᔄᐤ ᐊ ᑭᑭᒋᔭᔨᒋ, ᐛᔅ ᓇᒪ ᑕᑈᑎᒻ ᑕᓐ ᑲ ᐃᑕᒋᒪᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑯᓯᔪᐛ᙮