1 ᒠᓐ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒋ ᒥᓯᓇᐊᒪᑎᓇᐛᐤ ᐅᑕᐎᒪᑐᒄ, ᐊ ᒋᔅᒐᔨᒪᒄ ᐊᓐ ᓴᔅ ᐊᒋ ᑕᑦ ᐊᑎ ᐊᔅᒄ ᐊᑲ ᓇᔅᒡ ᒐᒂᔪᐤ ᐅᒋ ᐅᓯᑕᑭᓄᔨᒡ᙮ ᒋ ᒥᓯᓇᐊᒪᑎᓇᐛᐤ ᐅᔅᒋᓂᒋᓯᑐᒄ, ᐛᔅ ᒋ ᓱᒋᑲᐳᓇᐛᐤ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐱᒋᔅᑲᑯᔭᒄ, ᑭᔭ ᐊᒋ ᓴᐧᑯᒋᐊᒄ ᒥᒋᒥᓂᑐᐤ᙮

1 ᒠᓐ 2:14 Iomraidhean Croise

ᑎᐱᑦ ᐅᓂᑭᒧᐅᓇ 119:11

ᒋᑦ ᐃᔨᒧᐅᓐ ᓂᒋ ᑲᑕᓐ ᓂᑕᐃᒡ, ᒐ ᐊᑲ ᒋ ᒥᒋᑐᑕᑕᓐ᙮

ᒠᓐ 15:7

ᓂᔾ ᒪᒃ ᐊ ᑕᔭᓐ ᒧᔅ ᐃᓯ ᐱᒪᑎᓯᔭᒂ ᑭᔭ ᓂᑦ ᐃᔅᒋᔄᐅᓇ ᐱᒋᔅᑲᑯᔭᒂ ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᒐᒂᓐ ᐊᐅᑯᓐ ᐊᓐ ᒐ ᐃᑐᑎᒪᑯᐅᔭᒄ᙮

ᒠᓐ 5:38

ᐊᓂᔭ ᐅᑦ ᐃᔨᒧᐅᓐ ᓇᒪ ᒋ ᐎ ᑭᓄᐛᔨᑎᒺᓇᐛᐤ ᒋᑕᐃᐛᒡ ᐛᔅ ᓇᒪ ᒋ ᑕᑈᑕᓇᐛᐤ ᐎᔾ ᐊᒋ ᐸᒋ ᐃᑎᓴᐅᑦ᙮

ᒠᓐ 8:31

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᔭᔨᒥᑯᑦ, “ᒧᔅ ᓂᓇᐃᑎᒪᒂ ᓂᒋᔅᑯᑎᒪᒐᐅᓇ, ᒋᔨᐛᐤ ᐊᐅᒄ ᑕᑈ ᓂᒋᔅᒋᓄᐊᒧᐛᑭᓐᒡ᙮

ᒠᓐ 8:37

ᒋ ᒋᔅᒐᔨᒥᑎᓇᐛᐤ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔭᒄ, ᒥᒄ ᒪᒃ ᐃᔭᐱᒡ ᒋ ᐎ ᓂᐸᐃᓇᐛᐤ ᐊᑲ ᐎ ᓂᑐᑎᒪᒄ ᑕᓐ ᐊ ᐃᓯ ᒋᔅᑯᑎᒪᒐᔭᓐ᙮

ᐃᐱᓯᔭᓇ 6:10

ᐊᐅᒄ ᒪᔅᑕᔾ ᒐ ᐃᑎᑎᑯᒡ ᒐᒂᓐ, ᓂᐧᑲᓂᓯᑐᒄ᙮ ᐊᓐᑕ ᐅᑎᐸᔨᒋᒐᐤ ᐅᓱᐧᑲᑎᓯᐅᓂᒡ ᑭᔭ ᐅᒥᔅᑯᓯᐅᓂᒡ ᐊᑯᑕ ᐎ ᐃᓯ ᐊᔨᒋᑲᐳᐅᒄ᙮

ᐱᓕᐱᔭᓇ 4:13

ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮

ᑯᓚᓯᔭᓇ 1:11

ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐃᑐᑕᑕᒄ ᓇᔅᒡ ᒐᒋ ᒥᔅᑯᓯᔨᑯᔭᒄ ᓱᐧᑲᑎᓯᐅᓐ, ᐎᔾ ᑲ ᒋᔅᑕᔨᑕᑯᓂᔨᒡ ᐅᓱᐧᑲᑎᓯᐅᓂᒡ ᐅᒡ᙮ ᐊᑯ ᒪᒃ ᒐ ᓯᐱᔪᐛᓯᔭᒄ ᒥᒄ ᑕᓐ ᒐ ᐃᓯ ᓂᒋᔅᑭᒧᐛᐛᒂ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

2 ᑎᒧᑎ 2:1

ᒋᔾ, ᓂᑯᓯᐧᑲᐅᓐ ᑎᒧᑎ, ᓱᒃ ᐎ ᓱᐧᑲᑎᓯ ᙭ ᒋᓴᔅ ᐅᒋᓴᐛᑎᓯᐅᓂᒡ ᐅᒡ᙮

ᐃᑉᕈᐛ 8:10

ᒥᒄ ᒪᒃ ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ᒋᓯᑲᒋ᙮ ᓂᑭ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ᓂᓇᐃᑕᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ᐅᑦ ᐃᔨᒥᓐ᙮

1 ᒠᓐ 1:1

ᒋ ᒥᓯᓇᐊᒪᑎᓇᓐ ᐊ ᐊᔨᒧᒥᒋᒡ ᐊᓐ ᓴᔅ ᑲ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ᐸᑐᐅᒋᒡ, ᑲᒋ ᐛᐱᒥᒋᒡ, ᑭᔭ ᑲᒋ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ᐛᐎᑕᐧᒃ᙮

1 ᒠᓐ 1:10

ᒧᔭᒻ ᐃᔅᒋᔄᔭᒂ ᐊᑲ ᒥᒋᑐᑎᒪᐧᒄ ᒧᔭᒻ ᐊ ᑭᑭᒋᔭᑦ ᒋᑦ ᐃᓯᓇᑯᐊᓄᐤ ᒋᓴᒪᓂᑐᐤ ᑭᔭ ᓇᒪ ᒋ ᐱᒋᔅᑲᑯᐛᓇᓄᐤ ᐅᑦ ᐃᔨᒧᐅᓐ᙮

1 ᒠᓐ 2:13

ᒋ ᒥᓯᓇᐊᒪᑎᓇᐛᐤ ᐅᑕᐎᒪᑐᒄ, ᐊ ᒋᔅᒐᔨᒪᒄ ᐊᓐ ᓴᔅ ᐊᒋ ᑕᑦ ᐊᑎ ᐊᔅᒄ ᐊᑲ ᓇᔅᒡ ᒐᒂᔪᐤ ᐅᒋ ᐅᓯᑕᑭᓄᔨᒡ᙮ ᒋ ᒥᓯᓇᐊᒪᑎᓇᐛᐤ ᐅᔅᒋᓂᒋᓯᑐᒄ, ᐊᒋ ᓴᐧᑯᒋᐊᒄ ᒥᒋᒥᓂᑐᐤ᙮ ᒋ ᒥᓯᓇᐊᒪᑎᓇᐛᐤ ᐊᐛᓯᑐᒄ, ᐛᔅ ᒋ ᒋᔅᒐᔨᒪᐛᐤ ᒋᓴᒪᓂᑐᐤ ᐅᑕᐎᒪᐤ᙮

2 ᒠᓐ 1:2

ᐛᔅ ᒋ ᑭᓄᐛᔨᑕᓇᓄᐤ ᑭᔭ ᒋ ᓂᓇᐃᑕᓇᓄᐤ ᑕᑈᐅᓐ ᒋᑕᐃᓇᒡ ᑭᔭ ᐊᑯᑕ ᒧᔅ ᑲᒋᒡ ᒐ ᑎᒂᒡ᙮

3 ᒠᓐ 1:3

ᓇᔅᒡ ᑕᑈ ᓂᒋ ᒥᔽᔨᑕᓐ ᑕᑥᐤ ᑲ ᑎᑯᓯᒡ ᐱᔅᒐ ᒋᐧᑲᓂᓯᓄᐅᒡ ᐊ ᐸᒋ ᑎᐸᒋᒥᔅᒡ ᑕᑈ ᐊ ᐃᓯ ᐱᒪᑎᓯᔪᐅᑦ ᐊ ᐃᓯ ᓂᑐᐛᔨᒥᔅᒃ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᔪᐅᑦ᙮ ᒋ ᒋᔅᒐᔨᒥᑎᓐ ᑕᑈ ᐊᓐ ᐊ ᐃᓯ ᐱᒪᑎᓯᔨᓐ᙮

ᒋᔅᒐᔨᑕᑯᑕᒐᐅᓐ 2:3

ᒧᔅ ᔅᒋ ᓯᐱᔪᐛᓯᓇᐛᐤ ᐊ ᓂᒋᔅᑭᒪᒄ ᒐᒂᓐ᙮ ᔅᒋ ᐊᔨᒥᐅᓇᐛᐤ ᑭᔭ ᐊ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ᓄᑎᐳᓂᓇᐛᐤ ᐊ ᑕᑈᑎᒪᒄ᙮

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”