1 ᒠᓐ 2:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᐊᓐ ᐊᐛᓐ ᑲ ᐛᐧᑲᑕᑦ ᐎᐧᑲᓂᓴ, ᐅᓂᑎᐱᔅᒋᓯᐅᓂᒡ ᑕᐤ᙮ ᐊᑯᑕ ᐱᐸᒧᑕᑦ ᐊᑲ ᒋᔅᒐᔨᑕᐧᒃ ᐊᓐᑕ ᐊ ᐃᑐᑕᑦ, ᐛᔅ ᑐᑕᑯᐤ ᐊᓂᔭ ᐅᓂᑎᐱᔅᒋᓯᐅᓂᔪᐤ ᒐ ᐊᑲ ᒋ ᐛᐸᑕᐧᒃ᙮

1 ᒠᓐ 2:11 Iomraidhean Croise

ᒠᓐ 12:35

ᒋᓴᔅ ᒂ ᐃᑕᑦ, “ᐛᐃᐱᔅᒋᔅ ᒥᓐ ᒋᑭ ᑎᑯᓐ ᐛᔅᑕᐅᓐ ᐅᑕ ᐊ ᑕᔭᒄ᙮ ᓱᒃ ᒪᒃ ᐱᒧᑕᒄ ᐊᔅᒄ ᐊ ᐊᔭᔭᒄ ᐛᔅᑕᐅᓐ ᑭᔭ ᓇᒪ ᐅᓂᑎᐱᔅᒋᓯᐅᓂᒡ ᒋᑭ ᐅᒋ ᑕᓇᐛᐤ᙮ ᐊᐛᓐ ᐊ ᐱᒧᑕᑦ ᐊᓐᑕ ᐅᓂᑎᐱᔅᒋᓯᐅᓂᒡ ᓇᒪ ᒋᔅᒐᔨᑎᒻ ᑕᓐᑕ ᐊ ᐃᑐᑕᑦ᙮

ᒠᓐ 12:40

ᒋᓴᒪᓂᑐᐛ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮ ᓇᒪ ᒪᒃ ᓂ ᐎ ᐸᒋ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮

2 ᑯᕆᓐᑎᔭᓇ 3:14

ᓇᒪ ᐅᒋ ᐎ ᓂᔅᑐᑎᒧᒡ ᐊᓐᒡ ᐃᔪᒡ᙮ ᐊᔅᒄ ᒪᒃ ᐊᓄᒡ ᐅᔭ ᐊ ᒋᓯᑲᔨᒡ ᐊᔅᒄ ᐊᐅᑯᓐ ᐊ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐃᓯᓇᑯᓱᐅᒡ ᐊ ᐃᔨᒥᑐᐛᑭᓄᐅᒡ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᓇᒪ ᒋ ᓂᔅᑐᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐸᑐᔅ ᐊᐛᓐ ᐊ ᐱᒪᒋᐃᑯᑦ ᙭ᑕ ᐊᑯᑕ ᐊ ᐃᒐᓂᑭᓄᐎᒡ ᐊᓂᔭ ᐊᑯᒂᐅᓂᔪᐤ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

2 ᐱᑕᕐ 1:9

ᐊᑯ ᒪᒃ ᐊᓐ ᐊᐛᓐ ᐊᑲ ᓇᔅᒡ ᑎᑯᓂᔨᒋ ᐅᔭ ᒐᒂᔪᐤ ᐅᐱᒪᑎᓯᐅᓂᒡ, ᒧᔭᒻ ᐊᑲ ᓇᔅᒡ ᐛᔪᐤ ᑲ ᐃᓯ ᐛᐸᑕᐧᒃ ᐊᐛᓐ ᐃᓯᓇᑯᓱᐤ, ᐛᐛᒡ ᐊᐛᓐ ᐊᑲ ᐛᐸᑕᐧᒃ ᐃᑕᔨᑕᑯᓱᐤ, ᐅᓂᒋᔅᒋᓯᑐᑎᒻ ᑭᔭ ᑕᓐ ᑲ ᐃᓯ ᐸᔭᒋᐊᑭᓄᐅᑦ ᐅᒥᒋᑥᐅᓂᒡ ᐅᒋ, ᑕᓐ ᑲ ᐃᓯ ᐛᐸᔨᑎᒧᐛᑭᓄᐅᑦ᙮

1 ᒠᓐ 1:6

ᒧᔭᒻ ᐃᔅᒋᔄᔭᒂ ᒋᓴᒪᓂᑐᐤ ᐊ ᐎᒐᐛᐧᒄ, ᐅᓂᑎᐱᔅᒋᓯᐅᓂᒡ ᒪᒃ ᐊ ᐃᓯ ᐱᒪᑎᓯᔭᐧᒄ, ᒋ ᑭᑭᒋᔭᓇᓄᐤ ᑭᔭ ᓇᒪ ᑕᑈᐅᓂᒡ ᒋ ᐊᑎ ᐃᓯ ᐱᒪᑎᓯᓇᓄᐤ᙮

1 ᒠᓐ 2:10

ᐊᓐ ᐊᐛᓐ ᑕᑈ ᑲ ᓴᒋᐊᑦ ᐎᐧᑲᓂᓴ, ᐊᐅᒄ ᒧᔅ ᐛᔅᑕᐅᓂᒡ ᐊ ᑕᑦ᙮ ᓇᒪ ᑎᑯᓂᔪᐤ ᒐᒂᔪᐤ ᐊᓐᑕ ᐊ ᑕᑦ ᒐᒋ ᐸᒋᓯᒧᐛᔨᒡ᙮

1 ᒠᓐ 2:9

ᐊᐛᓐ ᐊ ᐃᔅᒋᔄᑦ ᐛᔅᑕᐅᓂᒡ ᐊ ᐃᓯ ᐱᒪᑎᓯᑦ, ᐊ ᐛᐧᑲᑕᑦ ᒪᒃ ᐎᐧᑲᓂᓴ, ᐊᔅᒄ ᐅᓂᑎᐱᔅᒋᓯᐅᓂᒡ ᑕᐤ᙮

1 ᒠᓐ 3:15

ᐊᐛᓐ ᑲ ᐛᐧᑲᑕᑦ ᐎᐧᑲᓂᓴ ᑲ ᓂᐸᐃᐛᑦ ᐃᓯᓇᑯᓱᐤ᙮ ᒋ ᒋᔅᒐᔨᑕᓇᓄᐤ ᒪᒃ ᐅᓂᐸᐃᐛᐤ ᐊᑲ ᐊ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 4:20

ᒧᔭᒻ ᐃᔅᒋᔄᒐ ᐊᐛᓐ, “ᓂ ᓴᒋᐊᐤ ᒋᓴᒪᓂᑐᐤ,” ᐊ ᐛᐧᑲᑕᑦ ᒪᒃ ᐎᐧᑲᓂᓴ, ᑭᑭᒋᔭᐤ᙮ ᐛᔅ ᐊᓐ ᐊᑲ ᓯᔭᒋᐊᒂ ᐎᐧᑲᓂᓴ ᑲ ᐛᐱᒪᑦ, ᑕᓐᑕ ᒐᒋ ᐅᒋ ᓴᒋᐊᑦ ᒋᓴᒪᓂᑐᐛ ᐊᑲ ᐛᐱᒪᑦ᙮

ᒋᔅᒐᔨᑕᑯᑕᒐᐅᓐ 3:17

ᒋᑦ ᐃᔅᒋᔄᓇᐛᐤ ᓂᐛᔪᑎᓯᓇᓐ, ᓇᔅᒡ ᑕᑈ ᓂ ᒥᔪᐱᔨᓇᓐ ᑭᔭ ᓴᔅ ᒥᓯᐛ ᒐᒂᓐ ᓂ ᑭᓄᐛᔨᑕᓇᓐ ᑕᓐ ᐊ ᐃᓯ ᓂᑐᐛᔨᑎᒪᒡ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᑲ ᒋᐧᑲᐛᑕᔨᒧᔭᒄ ᐊᑲ ᒥᔽᔨᒧᔭᒄ ᑭᔭ ᑕᓐ ᐊᔅᐱᔅ ᒋᔅᑎᒪᓯᓇᑯᓯᔭᒄ᙮ ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊᔅᐱᔅ ᒋᔅᑎᒪᑎᓯᔭᒄ, ᐊ ᒧᓴᔅᑭᑕᔭᒄ, ᑭᔭ ᐊᑲ ᐛᐸᑎᒪᒄ᙮