1 ᒠᓐ 1:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒧᔭᒻ ᐃᔅᒋᔄᔭᒂ ᒋᓴᒪᓂᑐᐤ ᐊ ᐎᒐᐛᐧᒄ, ᐅᓂᑎᐱᔅᒋᓯᐅᓂᒡ ᒪᒃ ᐊ ᐃᓯ ᐱᒪᑎᓯᔭᐧᒄ, ᒋ ᑭᑭᒋᔭᓇᓄᐤ ᑭᔭ ᓇᒪ ᑕᑈᐅᓂᒡ ᒋ ᐊᑎ ᐃᓯ ᐱᒪᑎᓯᓇᓄᐤ᙮

1 ᒠᓐ 1:6 Iomraidhean Croise

ᑎᐱᑦ ᐅᓂᑭᒧᐅᓇ 82:5

ᓇᒪ ᒋᔅᒐᔨᑎᒧᒡ, ᓇᒪ ᑭᔭ ᒋᑭ ᓂᔅᑐᑎᒧᒡ; ᐱᒧᑕᐅᒡ ᐅᓂᑎᐱᔅᒋᓯᐅᓂᒡ: ᒥᓯᐛ ᐊ ᐃᓯ ᐊᔨᑎᔅᑕᒡ ᐊᔅᒋᔾ ᐊᔭᒋᐱᔪᐤ᙮

ᑎᐱᑦ ᐅᓂᑭᒧᐅᓇ 94:20

ᒋᑭ ᐎᒐᐛᑭᓂᑕᑯᓐ ᐊ ᒥᒐᑎᓱᐤ ᐅᒋᒪᐤ ᑕᑎᐳᐛᑭᓐ, ᑲ ᒪᔭᔨᒋᒐᒥᑲᒡ ᐃᑎᓱᐛᐅᓐ ᐅᒡ᙮

ᒪᑎᔪᐤ 7:22

“ᐃᔅᐱ ᐅᑎᒋᐱᔨᒐ ᐊᓐ ᒐᒋᓯᑲᒡ ᒋᓴᒪᓂᑐᐤ ᒐ ᑎᐸᔅᑯᓇᑦ ᒥᓯᐛ ᐊᐛᔪᐛ, ᒥᒐᑦ ᐊᐛᓐᒋ ᓂᑭ ᐃᑎᑯᒡ ᐊᓂᔭ ᐊ ᒋᓯᑲᔨᒡ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ, ᒋᑦ ᐃᓯᓂᐧᑲᓱᐅᓐ ᓂᒋ ᐊᐱᒋᑕᓇᓐ ᐊ ᒋᔅᒋᐛᐃᒐᔭᒡ, ᒋᑦ ᐃᓯᓂᐧᑲᓱᐅᓐ ᑭᔭ ᓂᒋ ᐊᐱᒋᑕᓇᓐ ᒥᒐᑦ ᒥᒋ ᐊᒐᐧᑯᒡ ᐊᒋ ᐱᒋᔅᑯᐛᒡ ᐊᐛᔪᐛ ᒐᒋ ᐎᐎᑎᓴᐅᒋᒡ, ᑭᔭ ᒋᑦ ᐃᓯᓂᐧᑲᓱᐅᓂᒡ ᐅᒡ ᒪᒥᔅᑲᒡ ᒐᒂᔪᐛ ᓂᒋ ᐃᑐᑕᓇᓐ᙮’

ᒠᓐ 11:10

ᐱᒧᑕᒐ ᐊᐛᓐ ᐊ ᑎᐱᔅᑲᔨᒡ ᒋᑭ ᐸᒋᓯᓄᐤ ᐛᔅ ᓇᒪ ᑎᑯᓂᔪᐤ ᐛᔅᑕᐅᓂᔪᐤ ᐊᓐᑕ ᐊ ᑕᑦ᙮”

ᒠᓐ 12:35

ᒋᓴᔅ ᒂ ᐃᑕᑦ, “ᐛᐃᐱᔅᒋᔅ ᒥᓐ ᒋᑭ ᑎᑯᓐ ᐛᔅᑕᐅᓐ ᐅᑕ ᐊ ᑕᔭᒄ᙮ ᓱᒃ ᒪᒃ ᐱᒧᑕᒄ ᐊᔅᒄ ᐊ ᐊᔭᔭᒄ ᐛᔅᑕᐅᓐ ᑭᔭ ᓇᒪ ᐅᓂᑎᐱᔅᒋᓯᐅᓂᒡ ᒋᑭ ᐅᒋ ᑕᓇᐛᐤ᙮ ᐊᐛᓐ ᐊ ᐱᒧᑕᑦ ᐊᓐᑕ ᐅᓂᑎᐱᔅᒋᓯᐅᓂᒡ ᓇᒪ ᒋᔅᒐᔨᑎᒻ ᑕᓐᑕ ᐊ ᐃᑐᑕᑦ᙮

ᒠᓐ 12:46

ᓂᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᒥᔨᐛᔭᓐ ᐛᔅᑕᐅᓐ᙮ ᐊᑯ ᒪᒃ ᐊᓐ ᐊᐛᓐ ᒐ ᐸᒋ ᑕᑈᔭᔨᒥᒂ ᓇᒪ ᒋᑭ ᐅᒋ ᑕᐤ ᐊᓐᑕ ᐅᓂᑎᐱᔅᑲᐅᓂᒡ᙮”

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᒠᓐ 8:55

ᓇᒪ ᓂᑕ ᒋ ᐅᒋ ᒋᔅᒐᔨᒪᐛᐤ ᒥᒄ ᒪᒃ ᓂᔾ ᓂ ᒋᔅᒐᔨᒪᐤ᙮ ᐃᔅᒋᔄᔭᓇ ᒪᒃ ᐊᑲ ᒋᔅᒐᔨᒥᒃ, ᓂᑭ ᑭᑭᒋᔭᓐ ᒧᔭᒻ ᒋᔨᐛᐤ ᐊ ᐃᓯ ᑭᑭᒋᔭᔭᒄ᙮ ᒥᒄ ᒪᒃ ᓂ ᒋᔅᒐᔨᒪᐤ ᑭᔭ ᓂᓇᐃᑎᒺᓐ ᐅᑦ ᐃᔨᒧᐅᓐ᙮

1 ᑎᒧᑎ 4:2

ᐊᑯ ᒪᒃ ᐊᓂᔭ ᒐ ᐃᓯ ᐛᐎᔭᓯᒧᐛᒡ ᐅᒡ ᓂᑎᒥᒄ ᐊ ᐃᓯ ᒋᔅᑯᑎᒪᒐᒡ ᐊᑯᑕ ᒐ ᐅᒋ ᐱᐸᑕᒂᒋ ᐅᔭ ᒥᒋ ᒋᔅᑯᑎᒪᒐᐅᓇ᙮ ᐅᒡ ᒪᒃ ᒐ ᐱᐸᐎᔭᓯᒧᐛᒡ ᒐᒃ ᓇᒪ ᓇᔅᒡ ᒐᒂᓂᒡ ᒋᑭ ᐅᒋ ᐃᑕᔨᑎᒥᐃᑯᐅᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ ᒐ ᐃᔅᐱᔅ ᐊᑲ ᒋᔅᒐᔨᑕᒡ ᑕᓐ ᐊᓂᔭᔪᐤ ᑕᑈᐅᓂᔪᐤ ᑭᔭ ᑕᓐ ᐊᓂᔭᔪᐤ ᐎᔭᓯᒧᐛᐅᓂᔪᐤ᙮ ᓇᒪ ᓇᔅᒡ ᒋᑭ ᐅᒋ ᐊᔨᒪᔨᑎᒧᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:14

ᓂᐧᑲᓂᓯᑐᒄ, ᑕᓐ ᐃᓯ ᐎᔭᐱᒡ ᐊᐛᓐ ᐊ ᐃᔅᒋᔄᑦ, ᓂ ᑕᑈᔭᔨᒪᐤ ᒋᓴᒪᓂᑐᐤ, ᐊᑲ ᒪᒃ ᒥᔪᑐᑎᒧᐛᑦ ᐊᐛᔪᐛ᙮ ᒋᑭ ᒋ ᐱᒪᒋᐃᑯᐤ ᐊ ᒥᒄ ᐊ ᐃᔅᒋᔄᑦ, ᓂ ᑕᑈᑕᓐ ?

ᒋᒥᔅ ᐅᒥᓯᓇᐊᒪᒐᐅᓐ 2:16

ᑕᓐ ᐃᓯ ᐎᔭᐱᒡ ᒥᒄ ᐊ ᐃᑎᑦ, “ᒋᓴᒪᓂᑐᐤ ᒋᑭ ᓱᐛᔨᒧᒄ᙮ ᒋᓱᐛᔅᐱᓱᐤ ᑭᔭ ᒋᔅᐳᐃᓱᐤ,” ᐊᑲ ᒪᒃ ᒥᔨᑕ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᓂᑐᐛᔨᑕᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 2:18

ᒋᑭ ᒋ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ᐊᑐᔅᒐᓐ᙮” ᓂᐸ ᐃᑕᐤ ᐅ ᐊᐛᓐ, “ᐸᒋ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ᐊᑐᔅᒐᐅᓐ ᑭᔭ ᒐ ᐛᐸᑎᔨᑕᓐ ᓂᔾ ᓂ ᒥᔪ ᐊᑐᔅᒐᐅᓐ ᐊ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”

1 ᒠᓐ 1:10

ᒧᔭᒻ ᐃᔅᒋᔄᔭᒂ ᐊᑲ ᒥᒋᑐᑎᒪᐧᒄ ᒧᔭᒻ ᐊ ᑭᑭᒋᔭᑦ ᒋᑦ ᐃᓯᓇᑯᐊᓄᐤ ᒋᓴᒪᓂᑐᐤ ᑭᔭ ᓇᒪ ᒋ ᐱᒋᔅᑲᑯᐛᓇᓄᐤ ᐅᑦ ᐃᔨᒧᐅᓐ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮

1 ᒠᓐ 1:8

ᒧᔭᒻ ᐃᔅᒋᔄᔭᒂ ᐊᑲ ᓂᑕ ᒥᒋᑐᑎᒪᐧᒄ, ᒋ ᐎᔭᓯᒥᑎᓱᓇᓄᐤ, ᑭᔭ ᓇᒪ ᒋ ᐱᒋᔅᑲᑯᓇᓄᐤ ᑕᑈᐅᓐ᙮

1 ᒠᓐ 2:4

ᐊ ᐃᔅᒋᔄᑦ ᐊᐛᓐ ᓂ ᒋᔅᒐᔨᒪᐤ ᒋᓴᒪᓂᑐᐤ ᐊᑲ ᒪᒃ ᐃᑐᑕᒐ ᐊ ᐃᑎᓱᒥᑯᑦ, ᑭᑭᒋᔭᐤ, ᓇᒪ ᐱᒋᔅᑲᑯᐤ ᑕᑈᐅᓂᔪᐤ᙮

1 ᒠᓐ 4:20

ᒧᔭᒻ ᐃᔅᒋᔄᒐ ᐊᐛᓐ, “ᓂ ᓴᒋᐊᐤ ᒋᓴᒪᓂᑐᐤ,” ᐊ ᐛᐧᑲᑕᑦ ᒪᒃ ᐎᐧᑲᓂᓴ, ᑭᑭᒋᔭᐤ᙮ ᐛᔅ ᐊᓐ ᐊᑲ ᓯᔭᒋᐊᒂ ᐎᐧᑲᓂᓴ ᑲ ᐛᐱᒪᑦ, ᑕᓐᑕ ᒐᒋ ᐅᒋ ᓴᒋᐊᑦ ᒋᓴᒪᓂᑐᐛ ᐊᑲ ᐛᐱᒪᑦ᙮