1 ᒠᓐ 1:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋ ᒥᓯᓇᐊᒪᑎᓇᓐ ᐊ ᐊᔨᒧᒥᒋᒡ ᐊᓐ ᓴᔅ ᑲ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ᐸᑐᐅᒋᒡ, ᑲᒋ ᐛᐱᒥᒋᒡ, ᑭᔭ ᑲᒋ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ᐛᐎᑕᐧᒃ᙮

1 ᒠᓐ 1:1 Iomraidhean Croise

ᓗᒃ 1:2

ᐊᔪᐅᒄ ᐅᔭ ᑲ ᐃᓯ ᐎᑎᒧᐎᒥᒡ ᐊᓐᒡ ᐊᐛᓐᒋ ᓂᔅᑎᒻ ᑲ ᐛᐱᒪᒡ ᑭᔭ ᑲ ᐸᑐᐛᒡ ᒋᓴᓴ᙮ ᐊᐅᑯᓐᒡ ᐊᓐᒡ ᑲ ᐎᑕᒡ ᒥᔽᒋᒧᐅᓂᔪᐤ᙮

ᓗᒃ 24:39

ᐸᒋ ᑭᓄᐛᐸᑎᒧᒄ ᒪ ᓂᑎᒋᔭ ᑭᔭ ᓂᓯᑕ ᒐᒋ ᐅᒋ ᒐᔅᑎᓇᐅᔭᒄ ᓇᔅᒡ ᑕᑈ ᓂᔾ ᐊ ᐊᐎᔭᓐ᙮ ᐸᒋ ᑕᒋᓂᒄ ᐛᔅ ᒋᐱᔾ ᑕᐸ ᐊᔭᐤ ᐎᔭᓯᔪᐤ ᒪᒃ ᐅᔅᑭᓇ ᑕᓐ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐊᔭᔭᓐ᙮”

ᒠᓐ 19:35

ᐊᓐ ᐊᐛᓐ ᑎᐱᔨᐛ ᐅᔅᒋᓯᑯᒡ ᐊᒋ ᐅᒋ ᐛᐸᑕᐧᒃ ᐅᔭ ᑯᐃᔅᒄ ᐎᑎᒻ ᑕᓐ ᑲ ᐃᔅᐱᔨᒡ ᒐᒋ ᑕᑈᑎᒪᒄ ᑭᔭ ᒋᔨᐛᐤ ᐃᔨᒥᑕᔭᒂ᙮ ᒋᔅᒐᔨᑎᒻ ᐊ ᑕᑈᑦ ᑕᓐ ᐊ ᐃᓯ ᐎᑕᐧᒃ᙮

ᒠᓐ 20:27

ᒂ ᐃᑕᑦ ᐊᓂᔭ ᑥᒥᓴ, “ᑕᒋᓇ ᓂᑎᒋᔭ ᑭᔭ ᐅ ᓂᔅᐱᑭᔾ ᐸᒋ ᑕᒋᓇ, ᐊᑯᓐ ᐊᑯ ᐃᔅᐱᔅ ᐊᓏᑕ, ᑕᑈᑕ ᐊᑯ᙮”

ᒠᓐ 5:26

ᐛᔅ ᐎᔾ ᐅᑕᐎᒪᐤ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᒥᔭᐤ ᒪᒃ ᐅᑯᓯᓯᒪᐛ ᑭᔭ ᐎᔾ ᐊ ᑕᔨᒋ ᒐᒋ ᐅᒋᐱᔨᒡ ᐱᒪᑎᓯᐅᓂᔪᐤ᙮

ᒠᓐ 8:58

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᔅᒄ ᐊᑲ ᐅᒋ ᐱᒪᑎᓯᑦ ᐊᑉᕋᐊᒻ, ᓴᔅ ᓂᒋ ᑕᓐ᙮”

ᐊᑈᔅᑕᓇᒡ 1:3

ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 4:20

ᐛᔅ ᑕᐸ ᓂᑭ ᒋ ᐳᓂᓇᓐ ᐊ ᐛᐎᑎᒪᒡ ᑕᓐ ᑲ ᐃᓯ ᐛᐸᑎᒪᒡ ᑭᔭ ᑕᓐ ᑲ ᐃᓯ ᐸᑎᒪᒡ᙮”

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

1 ᒠᓐ 4:14

ᓂᒋ ᐛᐸᑕᓇᓐ ᑭᔭ ᓂᒋ ᐎᑕᓇᓐ ᐅᑕᐎᒪᐤ ᐊᒋ ᐸᒋ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮

1 ᒠᓐ 5:7

ᑲ ᐸᔭᒋᓯᑦ ᐊᒐᐧᒄ ᒪᒃ ᐊᐅᒄ ᑕᐸᑕᐧᒃ ᐅᔭ᙮ ᑕᑈᐤ ᒪᒃ ᐅ ᐊᒐᐧᒄ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 1:8

“ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ,” ᐊᐅᒄ ᐊ ᐃᔅᒋᔄᑦ ᒋᓴᒪᓂᑐᐤ ᐅᑎᐸᔨᒋᒐᐤ, ᐊᓐ ᒪᐅᒡ ᑲ ᓱᐧᑲᑎᓯᑦ, ᐊᓐ ᐊ ᑕᑦ ᐊᓄᒡ, ᐊᓐ ᒧᔅ ᑲ ᐸᒋ ᑕᑦ ᑭᔭ ᐊᓐ ᒐ ᑎᑯᓯᐧᒃ᙮

ᒋᔅᒐᔨᑕᑯᑕᒐᐅᓐ 19:13

ᐊᑯᐱᔪᐤ ᒋᔅᑭᒻ ᒥᐧᑯᒡ ᐊᒋ ᒋᑕᓂᑭᓄᐃᑯᐱᓇ᙮ “ᒋᓴᒪᓂᑐᐤ ᐅᑦ ᐃᔨᒧᐅᓐ” ᐊᐅᑯᓐ ᐊ ᐃᓯᓂᐧᑲᑕᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 2:8

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓯᒥᕆᓇ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ, ᐊᓐ ᑲ ᓂᐱᑦ ᑭᔭ ᑲᐤ ᑲ ᐅᓂᔅᑲᑦ᙮