1 ᑯᕆᓐᑎᔭᓇ 9:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᑭᔭ ᐊ ᐃᑕᔭᓂ ᐊᓐᑕ ᐊ ᑕᒡ ᐊᓐᒡ ᐊᑲ ᓇᔅᒡ ᑲ ᓱᒋᑲᐳᐅᒡ ᐅᑕᑈᑎᒧᐅᓄᐛᒡ ᐊᐅᑯᓐ ᑭᔭ ᓂᔾ ᐊ ᐃᑕᔨᑕᑯᐃᓱᔭᓐ᙮ ᐅᔭ ᓂᑦ ᐃᑐᐛᓐ ᒐᒋ ᐎᒋᐃᒂᐤ ᐊᑐᐎᔅ ᒐᒋ ᓱᒋᑲᐳᐅᒡ ᐊ ᑕᑈᑕᒡ᙮ ᒥᒄ ᑕᓐ ᐊ ᐃᑕᔨᑕᑯᓯᒡ ᐊᐛᓐᒋ ᐊ ᑭᒐᔅᒋᒥᒂᐤ ᐊᐅᑯᓐ ᐊ ᐃᑕᔨᑕᑯᐃᓱᔭᓐ᙮ ᒥᒄ ᑕᓐ ᒐ ᐃᓯ ᓇᐃᐱᔨᒂ ᒐᒋ ᐃᓯ ᐎᒋᐃᒂᐤ ᐊᐅᑯᓐ ᒐ ᐃᓯ ᐎᒋᐃᒂᐤ ᐱᔅᒐ ᒐᒋ ᐱᒪᒋᐅᒡ᙮

1 ᑯᕆᓐᑎᔭᓇ 9:22 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:14

ᐛᐱᒥᑥᐛ ᓂᒡ ᒍᐤ ᐃᔪᒡ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᑐᑕᑯᒡ ᐱᔅᒐ ᑲᐤ ᒐᒋ ᓂᑐᐛᐱᒪᒡ ᒋᓴᒪᓂᑐᐛ ᑭᔭ ᒐ ᐱᒪᒋᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:1

ᐊᑲᐎᔾ ᐊᑐᐛᔨᒪᐧᒄ ᐊᓐ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ᙮ ᐊᑲᐎᔾ ᒋᑭ ᐅᒋ ᒋᐧᑲᓇᑯᐎᑐᓇᐛᐤ ᐊ ᐃᔭᔨᒧᑎᒪᒄ ᐊᓂᔭᔪᐛ ᒐᒂᔪᐛ ᐊᑲ ᐸᐃᑯᓄᒡ ᐃᑕᔨᑎᒥᐃᑯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:2

ᐸᐃᒄ ᐊᐛᓐ ᒥᒄ ᐊ ᐃᓯᓇᒂᒡ ᒐᒂᓐ ᓂᑭ ᒋ ᒥᒋᓐ ᐃᑕᔨᑎᒻ᙮ ᐊᑯ ᑯᑎᒃ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒥᒄ ᓂᑕᐅᒋᑕᑭᓐ ᒥᒋᒥᔪᐤ ᒥᒍᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:1

ᒋᔭᓄᐤ ᑲ ᓱᒋᑲᐳᐅᔭᐧᒄ ᒋᐸ ᐎᒋᐊᓄᒡ ᐊᓐᒡ ᐊᑲ ᓱᒋᑲᐳᐅᒡ᙮ ᓇᒪ ᒋᔭᓄᐤ ᒋᐸ ᐅᒋ ᐎ ᓇᐊᔨᑎᒥᑎᓱᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:2

ᒥᓯᐛ ᐊ ᑎᓯᔭᐧᒄ ᒋᐸ ᓂᓇᑭᑐᐛᔨᒪᓄᐤ ᒋᐧᑲᓂᓯᓄᐤ ᒐᒋ ᒥᔪᑐᑐᐛᐧᒄ᙮ ᓱᒃ ᒋᐸ ᐎ ᐎᒋᐊᓄᐤ ᒐᒋ ᓂᑕᐅᒋᑦ ᑕᑈᑎᒧᐅᓂᒡ ᐃᓯ᙮

1 ᑯᕆᓐᑎᔭᓇ 10:33

ᐊᐅᑯᓐ ᐊ ᐃᑎᔭᓐ ᓂᔾ, ᒧᔅ ᓂ ᐎ ᓂᓇᐃᑎᒪᐤ ᒥᓯᐛ ᐊᐛᓐ ᒥᓯᐛ ᑕᓐ ᐊ ᐃᑎᔭᓐ᙮ ᓂ ᑯᒋᑕᓐ ᐊᑲ ᒥᒄ ᓂᔾ ᒐᒋ ᒪᒥᑐᓇᔨᒥᓱᔭᓐ ᒐᒂᓐ ᐊᓐ ᒐ ᒥᔪ ᐎᒋᐃᑯᐛᓇ᙮ ᐊᔪᐤ ᐊᓂᔭᔪᐛ ᒐᒂᔪᐛ ᑯᑎᑭᒡ ᐊᐛᓐᒋ ᒐ ᒥᔪ ᐎᒋᐃᑯᐛᒂ ᓂ ᒪᒥᑐᓇᔨᑎᒥᐃᑯᓐ, ᑭᔭ ᒐᒋ ᐃᓯᓇᑯᓂᔨᒡ ᒐᒋ ᐱᒪᒋᐅᒡ᙮

1 ᑯᕆᓐᑎᔭᓇ 7:16

ᒋᔾ ᐃᔎᐤ ᑲ ᑕᑈᔭᔨᒥᑦ ᒋᓴᔅ, ᒂᔄᓐ ᒋᑭ ᒋ ᐃᓯᓇᑯᓐ ᒐᒋ ᐱᒪᒋᐅᑦ ᒋᓇᐸᒻ ᒋᔾ ᐅᒡ, ᑭᔭ ᒋᔾ ᓇᐸᐤ ᑲ ᑕᑈᔭᔨᒥᑦ ᒋᓴᔅ, ᒋᑭ ᒋ ᐃᓯᓇᑯᓂᔪᐤ ᒐᒋ ᐱᒪᒋᐅᑦ ᒋᐅ ᒋᔾ ᐅᒡ᙮

1 ᑯᕆᓐᑎᔭᓇ 8:13

ᐊᑯ ᒪᒃ, ᒥᒋᔭᓇ ᒥᒋᒻ ᒥᓂᑐᐧᑲᓐ ᐊᒋ ᐱᔅᑎᓂᒧᐛᑭᓄᐅᑦ ᐃᑐᑕᑯᒐ ᒪᒃ ᓂᐧᑲᓂᔅ ᒐᒋ ᐅᓂᑐᑕᐧᒃ ᐊᓂᔭ ᐊ ᐃᑐᐅᒡ, ᓇᒪ ᒥᓐ ᓂᑕ ᓂᑭ ᐅᒋ ᒥᒋᓐ ᐊᓐ ᒥᒋᒻ ᒐ ᐃᑐᑕᑯᒂ ᓂᐧᑲᓂᔅ ᒐᒋ ᐸᒋᓯᐧᒃ᙮

1 ᑯᕆᓐᑎᔭᓇ 9:19

ᓇᒪ ᒐᒂᓐ ᓂᒥᒪᒋᑭᓂᑯᓐ ᐛᔅ ᓇᒪ ᐊᐛᓐ ᓂ ᐅᑦ ᐊᐱᒋᐊᑭᓂᑐᑕᒄ᙮ ᒥᒄ ᒪᒃ ᐃᔭᐱᒡ ᓂᔾ ᑎᐱᔨᐛ ᓂᒋ ᐎᔭᔨᑕᓐ ᒥᓯᐛ ᐊᐛᓐ ᒐ ᐎ ᐊᑐᔅᑯᐅᒃ᙮ ᐊᑯ ᒪᒃ ᒥᒐᑦ ᐊᐛᓐ ᒐ ᐃᑐᑐᐅᒃ ᒐᒋ ᑕᑈᑕᐧᒃ ᒥᔽᒋᒧᐅᓂᔪᐤ᙮

1 ᑯᕆᓐᑎᔭᓇ 9:23

ᐊᐅᒄ ᐛᒋ ᐃᑎᔭᓐ ᐅ ᒐᒋ ᑕᑈᑕᑭᓄᐅᒡ ᒥᔽᒋᒧᐅᓐ ᑕᓐᑕ ᒥᒄ ᐊ ᐊᑎ ᐛᐎᑎᒪᓐ᙮ ᐊᑯ ᒪᒃ ᒐ ᒥᔅᑭᒪᓐ ᑕᓐ ᐊ ᐃᓯ ᐊᔨᒧᑕᒡ ᓱᐛᔨᒋᒐᐅᓐ ᐊᓐᑕ ᒥᔽᒋᒧᐅᓂᒡ᙮

2 ᑯᕆᓐᑎᔭᓇ 11:29

ᐊᐛᓐ ᐊᑲ ᓴᐸᔨᒥᓱᑦ ᓂ ᒋᔅᒐᔨᑕᓐ ᑕᓐ ᐊ ᐃᑕᔨᑕᒂᒡ ᐊᓂᔭ ᐊ ᐃᑎᑦ ᐊᐛᓐ᙮ ᐛᔅ ᒧᔭᒻ ᐊᐛᓐ ᐊ ᒥᒋᑐᑕᐧᒃ ᑎᑯᓐ ᐊ ᐃᓯ ᒥᓯᒪᔨᑎᒥᐃᑯᔭᓐ ᐅ᙮

ᑲᓚᓯᔭᓇ 6:1

ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮