1 ᑯᕆᓐᑎᔭᓇ 9:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᒪᒃ ᐃᔅᐱ ᐊ ᑕᔭᓂ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ, ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᑦ ᐃᑕᐃᓱᓐ ᐊ ᐎ ᐃᑐᑐᐅᒂᐤ ᑭᔭ ᐎᔨᐛᐤ ᒐᒋ ᑕᑈᔭᔨᒪᒡ ᙭ᑕ᙮ ᒋᔅᒐᔨᑎᒻ ᒋᓴᒪᓂᑐᐤ ᐊ ᓂᓇᐃᑎᒪᓐ ᐎᓱᐛᐅᓐ, ᐊᓂᔭ ᐎᓱᐛᐅᓂᔪᐤ ᙭ ᑲ ᐸᒋ ᒥᔨᑦ ᐊᐅᑯᓐ ᐊᓐ ᓂᓇᐃᑎᒪᓐ᙮

1 ᑯᕆᓐᑎᔭᓇ 9:21 Iomraidhean Croise

ᑎᐱᑦ ᐅᓂᑭᒧᐅᓇ 119:32

ᓂᑭ ᐱᒥᐸᑕᓐ ᐊ ᐃᔅᒋᔄᒥᑲᒋ ᒋᑦ ᐃᑎᓱᐛᐅᓇ, ᐃᔅᐱ ᒥᓯᑕᔨᓇ ᓂᑕᐃ᙮

ᐊᑈᔅᑕᓇᒡ 15:28

ᑕᐱᔅᑯᓐ ᑲ ᐸᔭᒋᓯᑦ ᐊᒐᐧᒄ ᑭᔭ ᓂᔭᓐ ᓂᒋ ᓇᐊᔨᑕᓇᓐ ᒐ ᐊᑲ ᒋ ᐊᔨᒪᔨᑎᒥᐃᑕᒡ ᒥᒄ ᒪᒃ ᐊᐅᒄ ᐅ ᓇᑐᐛᔨᒥᑕᒡ ᒐᒋ ᑭᓄᐛᔨᑎᒪᒄ᙮

ᐊᑈᔅᑕᓇᒡ 16:4

ᐊᓂᔭ ᒪᒃ ᐊ ᐊᑎ ᔭᓂᔅᒐᔅᑲᒡ ᐅᑕᓇᐛ ᒋ ᐛᐎᑎᒧᐛᐅᒡ ᐅᒪᒧᐊᔭᒥᐊᐤ ᑕᓐ ᑲ ᐃᓯ ᐎᔭᔨᑎᒥᔨᒋ ᐊᑈᔅᑕᓇ ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᐊᓐᑕ ᒋᕈᓯᓕᒥᒡ ᑕᓐ ᒋᐸ ᐃᓯ ᓂᓇᑭᑐᐛᔨᑎᒧᒡ᙮

ᐊᑈᔅᑕᓇᒡ 21:25

ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᑕᑈᑕᒡ ᓇᒪ ᓂᑐᐛᔨᑕᑯᓱᐅᒡ ᒥᓯᐛ ᒐᒋ ᐃᓯ ᓂᓇᑭᑐᐛᔨᑕᒡ ᑕᓐ ᐊ ᐃᑎᔅᑕᔨᒡ ᒧᓱᓴ ᐅᐎᓱᐛᐅᓂᔪᐤ᙮ ᓂᒋ ᒥᓯᓇᐊᒺᓇᓐᒡ ᒪᒃ ᐊ ᐎᑎᒧᐅᒋᒡ ᑕᓐ ᑲ ᐃᓯ ᐎᔭᔨᑎᒧᐎᒋᑦ ᒐᒋ ᐃᓯ ᓂᓇᑭᑐᐛᔨᑕᒡ, ᐊᐅᒄ ᐊᓂᔭ ᒐ ᐊᑲ ᒋ ᒥᒋᒡ ᒐᒂᔪᐤ ᐊ ᐃᔅᑯᐱᔨᒡ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓐ, ᑭᔭ ᒐ ᐊᑲ ᒋ ᒥᒋᒡ ᒥᐧᑯᔪᐤ ᑭᔭ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᑭᔭ ᒐ ᐊᑲ ᒋ ᐱᓯᒂᑎᓯᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:12

ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᒋᔅᒐᔨᑎᒧᒡ ᐊᓂᔭ ᐎᓱᐛᐅᓂᔪᐤ ᒋᓴᒪᓂᑐᐛ ᑲ ᒥᔭᔨᒋ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᒋᑭ ᐅᓂᓯᓄᐅᒡ ᒪᒃ ᐊᓂᔭ ᐊ ᒥᒋᑐᑕᒡ ᒥᒄ ᒪᒃ ᓇᒪ ᐊᓂᔭ ᐎᓱᐛᐅᓂᔪᐤ ᒋᑭ ᐅᒋ ᐊᐱᑎᓂᔪᐤ ᑎᐸᔅᑯᓇᑭᓄᑥᐛ᙮ ᐊᓐᒡ ᒪᒃ ᐎ ᒍᐤ ᑲ ᐃᑎᔅᑲᓇᓯᒡ ᒋᔅᒐᔨᑎᒧᒡ ᐅᔭ ᐎᓱᐛᐅᓂᔪᐤ᙮ ᒥᒋᑐᑎᒧᒡ ᒪᒃ ᑭᔭ ᐎᔨᐛᐤ᙮ ᐊᐅᒄ ᒪᒃ ᐅᔭᔪᐤ ᐎᓱᐛᐅᓂᔪᐤ ᒐ ᐊᐱᑎᓂᔨᒡ ᑎᐸᔅᑯᓇᑯᑥᐛ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:14

ᐊᓐᒡ ᒪᒃ ᐎ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐊᔭᐅᒡ ᐅᔭ ᐎᓱᐛᐅᓂᔪᐤ᙮ ᒥᒄ ᒪᒃ ᑎᐱᔨᐛ ᐊᓐᑕ ᐊ ᑕᒡ ᐊ ᐅᒋᐱᔨᒡ ᒐᒋ ᐃᑐᑕᒡ ᑕᓐ ᐊ ᐃᑎᓱᐛᔨᒡ ᐊᓂᔭ ᐎᓱᐛᐅᓂᔪᐤ ᐊᑯᑕ ᐛᒋ ᓄᑯᓂᔨᒡ ᐊ ᒋᔅᒐᔨᑕᒡ ᑕᓐ ᒋᐸ ᐃᑐᐅᒡ ᑭᔭ ᑕᓐ ᐊᓂᔭᔪᐛ ᐊᑲ ᒋᐸ ᐅᒋ ᐃᑐᐅᒡ ᐊᑎ ᐊᑲ ᐊᔭᒡ ᒧᓱᓴ ᐅᐎᓱᐛᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:22

ᐅᑕ ᐱᒡ ᐊ ᑕᔭᓐ ᓇᔅᒡ ᓂ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:25

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓐ ᐛᒋᐃᑕᐧᒄ ᒋᓴᔅ ᙭ ᐅᒡ ! ᒪᐅ ᐊ ᐃᔅᐱᔨᔭᓐ᙮ ᓂᔾ ᐅᑕ ᑎᐱᔨᐛ ᐊ ᑕᔭᓐ ᓂ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ ᑭᔭ ᓂ ᐎ ᓂᓇᐃᑎᒺᓐ᙮ ᒥᒄ ᒪᒃ ᐊᓐᑕ ᑕᓐ ᐊ ᐃᓯ ᐱᒪᑎᓯᔭᓐ ᑎᑯᓐ ᐊ ᐃᓯ ᐅᑦ ᐊᐱᒋᐊᑭᓂᑐᑕᑯᔭᓐ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:4

ᒋ ᐃᑐᑎᒻ ᐅᔭ ᒐᒋ ᐅᒋ ᓇᔅᒡ ᑎᐸᑐᑎᒪᐧᒄ ᑕᓐ ᐊ ᐃᓯ ᑯᐃᔅᒄ ᐃᑕᔨᑕᑯᓂᔨᒡ ᐊ ᐃᑎᓱᐛᒥᑭᓂᔨᒡ ᐅᐎᓱᐛᐅᓐ᙮ ᑲ ᐸᔭᒋᓯᑦ ᐊᒐᐧᒄ ᐊ ᑎᐸᔨᒥᑕᐧᒄ ᐊᑯ ᐃᔭᒄ ᒐᒋ ᐃᑐᑎᒪᐧᒄ ᐅ ᓇᒪ ᐎ ᒋᒥᒐᑎᓯᐅᓄᐛ ᐊ ᑎᐸᔨᒥᑯᔭᐧᒄ᙮

ᑲᓚᓯᔭᓇ 3:2

ᐸᐃᒄ ᒐᒂᓐ ᒋᑭ ᑯᒂᒋᒥᑎᓇᐛᐤ᙮ ᐎᑎᒧᐅᒄ ᒪ᙮ ᐊ ᓂᓇᐃᑎᒪᒄ ᐊ ᒍᐤ ᐊᔭᒥᐊᐅ ᐎᓱᐛᐅᓇ ᔅᒋ ᐅᒋ ᒥᔨᑯᓇᐛᐤ ᑲ ᐸᔭᒋᓯᑦ ᐊᒐᐧᒄ ? ᓇᒪᐎᔾ ᐊ ᐊᒋ ᐸᑎᒺᒄ ᒋᓴᔅ ᐅᒥᔽᒋᒧᐅᓐ ᑭᔭ ᐊᒋ ᑕᑈᑎᒪᒄ ᐛᒋ ᒥᔨᑯᔭᒄ ?

ᑲᓚᓯᔭᓇ 6:2

ᒪᒥᔅᑯᒡ ᐎᒋᐃᑐᒄ ᐊ ᐊᔨᒥᐅᔭᒄ᙮ ᐅ ᑎᔭᒂ ᒋᑭ ᐃᑐᑎᒺᓇᐛᐤ ᑕᓐ ᑲ ᐃᑎᓱᐛᑦ ᙭᙮

ᐃᑉᕈᐛ 8:10

ᒥᒄ ᒪᒃ ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ᒋᓯᑲᒋ᙮ ᓂᑭ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ᓂᓇᐃᑕᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ᐅᑦ ᐃᔨᒥᓐ᙮