1 ᑯᕆᓐᑎᔭᓇ 9:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓇᒪ ᒐᒂᓐ ᓂ ᑎᐸᔨᒥᑯᓐ᙮ ᐊᑈᔅᑕᓐ ᑕᑈ ᓂᔾ᙮ ᒋᓴᔅ ᒋᑎᐸᔨᒋᒐᓯᒥᓄᐤ ᓂᒋ ᐸᒋ ᓄᑯᓯᔅᑕᒄ᙮ ᑭᔭ ᓂᔾ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ ᐊᑎ ᑲ ᐅᒋ ᑕᑈᔭᔨᒪᒄ ᙭᙮ ᒋᔨᐛᐤ ᐊ ᑕᔭᒄ ᐊᑯᑕ ᐛᒋ ᓄᒂᒡ ᑕᑈ ᐊ ᐊᑐᔅᑯᐅᒃ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 9:1 Iomraidhean Croise

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 14:14

ᐃᔅᐱ ᑈᓪ ᑭᔭ ᐸᕐᓇᐸᔅ ᑲ ᒋᔅᒐᔨᒪᒡ ᐊᓂᔭ ᐃᔪᐛ ᒥᓂᑐᐧᑲᓐ ᐊ ᐎ ᐃᑕᐱᒋᐃᑯᒡ ᒋ ᐱᑯᐱᑎᒧᒡ ᐅᑦ ᐊᐱᒋᑕᐅᓄᐛᐛ ᐊ ᓄᑯᑕᒡ ᐊᑲ ᓇᐊᔨᑕᒡ ᐊᓂᔭ ᐛ ᑎᔨᒋ, ᐊᑯ ᑲ ᐃᔅᐸᔨᑐᒡ ᐊᓐᑕ ᐊᓂᔭ ᐃᔪᐛ ᐊ ᑕᔨᒋ ᐊᑯ ᒂ ᐃᑕᒡ ᐊ ᒋᔄᐛᒡ,

ᐊᑈᔅᑕᓇᒡ 14:4

ᐊᑯ ᒪᒃ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑎᐸᓂᐃᑐᐅᒡ, ᐱᔅᒐ ᒋ ᑕᑈᑐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ, ᐊᑯ ᑯᑎᑭᒡ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᑐᐛᒡ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

ᐊᑈᔅᑕᓇᒡ 9:17

ᐊᓇᓇᔭᔅ ᒪᒃ ᒋ ᐃᑐᑕᐤ ᐊᓐᑕ, ᒂ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ᑕᒋᓇᑦ ᐊ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ᐃᑎᓴᐅᒄ, ᐊᓐ ᑲ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ᐃᑐᑕᔨᓐ ᐅᑕ᙮ ᓂᒋ ᐸᒋ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ᐸᔭᒋᓯᑦ ᐊᒐᐧᒄ᙮”

ᐊᑈᔅᑕᓇᒡ 9:3

ᒋ ᐃᑐᑕᐤ ᒪᒃ ᐊᓐᑕ ᑕᒪᔅᑲᓯᒡ, ᐃᔅᐱ ᒪᒃ ᐊ ᐊᑎ ᐸᔄᐸᑕᐧᒃ, ᓯᔅᒋᑯᒡ ᒋ ᐅᒋ ᒥᔅᑎ ᐛᔅᑕᔪᐤ ᐊᓐᑕ ᐛᔅᑲ ᐊ ᑕᑦ ᒋᒋᒋᓯᑯᒡ ᐊ ᐅᒋ ᐛᔅᑕᔨᒡ᙮

ᐊᑈᔅᑕᓇᒡ 9:5

ᐊᑯ ᓴᓪ ᒂ ᐃᔅᒋᔄᑦ, “ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?” ᐊᑯ ᑲ ᐃᑎᑯᑦ ᐊᓂᔭ ᐊᐛᔪᐛ, “ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ᑯᒂᒋᐃᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:13

ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮

1 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᒪᓂᑐᐤ ᓂᒋ ᐅᑎᓂᒄ ᙭ ᒋᓴᔅ ᐅᑦ ᐊᑈᔅᑕᓂᒪ ᒐᒋ ᐃᑕᐱᒋᐃᑦ᙮ ᒋᐧᑲᓂᓯᓄᐤ ᓱᔅᑎᓂᔅ ᑭᔭ ᐎᔾ ᑕᐤ ᐅᑕ ᐊ ᑕᐅᒡ᙮

1 ᑯᕆᓐᑎᔭᓇ 10:29

ᓇᒪᐎᔾ ᐊᓐ ᒋᔾ ᐊ ᐃᑕᔨᑎᒥᓐ ᒋᐸ ᐅᒋ ᐊᑲ ᒥᒋᓇᓄᐤ ᐊᓐ ᒥᒋᒻ ᒋᐸ ᐅᒋ ᐊᑲ ᒥᒋᓐ᙮ ᐊ ᓂᓇᑭᑐᐛᔨᑎᒧᑦ ᑕᓐ ᐊ ᐃᑕᔨᑕᐧᒃ ᐎᔾ ᐊᐅᑯᓐ ᐊᓐ ᒐ ᐅᒋ ᐊᑲ ᒥᒋᔨᓐ ᐊᓐ ᒥᒋᒻ᙮ ᒥᒄ ᒪᒃ ᒂᔄᓐ ᒋᑭ ᒋ ᐃᓯ ᑯᒂᒋᒐᒧᐤ ᐊᐛᓐ, “ᒐᒂᓐ ᒪᒃ ᒐ ᐅᒋ ᓇᑲᐎᔭᓐ ᐊ ᐃᑐᑎᒪᓐ ᒐᒂᓐ ᐊ ᐃᑕᔨᑎᒪᓐ ᐊᑲ ᒐᒂᓐ ᐊᐃᒡ, ᒥᒄ ᐊᓂᔭ ᐊ ᐃᑕᔨᑕᐧᒃ ᑯᑎᒃ ᐊᐛᓐ ᐊ ᒥᒋᑐᑕᑭᓄᔨᒡ ᐊᓂᔭ ᐊ ᐃᑎᓇᓄᐎᒡ᙮

1 ᑯᕆᓐᑎᔭᓇ 10:30

ᐛᔅ ᓂᓇᔅᑯᒥᑲ ᒋᓴᒪᓂᑐᐤ ᐊᓐ ᒥᒋᒻ ᑲ ᒥᒋᔭᓐ, ᒐᒂᓐ ᒐ ᐅᒋ ᐃᑎᑯᐅᔭᓐ ᐊ ᐅᓂᐱᔨᔭᓐ ᐊ ᒥᒋᔭᓐ ᐊᓐ ᒥᒋᒻ ?”

1 ᑯᕆᓐᑎᔭᓇ 11:16

ᐊᑯ ᒪᒃ ᐊ ᐃᑕᒂ ᐊᐛᓐ ᐊᑲ ᓇᐊᔨᑕᐧᒃ ᑕᓐ ᑲ ᐃᔅᒋᔄᐅᒡ, ᐊᐅᑯᓐ ᒥᒄ ᒐᒋ ᐃᔅᒋᔄᔭᓐ, ᐊᐅᒄ ᐊ ᐃᑕᔨᑎᒪᒡ ᐊ ᑯᐃᔅᑯᓇᒂᒡ ᑭᔭ ᐊᐅᒄ ᐅᔭ ᐊ ᐃᑐᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒪᒂᒡ ᐊ ᑕᒡ᙮

1 ᑯᕆᓐᑎᔭᓇ 3:6

ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

1 ᑯᕆᓐᑎᔭᓇ 9:19

ᓇᒪ ᒐᒂᓐ ᓂᒥᒪᒋᑭᓂᑯᓐ ᐛᔅ ᓇᒪ ᐊᐛᓐ ᓂ ᐅᑦ ᐊᐱᒋᐊᑭᓂᑐᑕᒄ᙮ ᒥᒄ ᒪᒃ ᐃᔭᐱᒡ ᓂᔾ ᑎᐱᔨᐛ ᓂᒋ ᐎᔭᔨᑕᓐ ᒥᓯᐛ ᐊᐛᓐ ᒐ ᐎ ᐊᑐᔅᑯᐅᒃ᙮ ᐊᑯ ᒪᒃ ᒥᒐᑦ ᐊᐛᓐ ᒐ ᐃᑐᑐᐅᒃ ᒐᒋ ᑕᑈᑕᐧᒃ ᒥᔽᒋᒧᐅᓂᔪᐤ᙮

2 ᑯᕆᓐᑎᔭᓇ 10:7

ᐊᑲᐎᔾ ᐃᑎᒄ ᒧᔭᒻ ᐊᑲ ᐛᐸᑎᒪᒄ ᑕᓐ ᐊ ᐃᓯ ᒥᔪ ᓂᔅᑐᓇᒂᒡ᙮ ᐊ ᑕᒂ ᐊᐛᓐ ᐊ ᒐᔅᑎᓇᐅᑦ ᙭ ᐊ ᑎᐱᔨᐛᐅᓯᑐᑕᑯᑦ ᒐ ᐎ ᒋᔅᒐᔨᑕᐧᒃ ᐊᐅᑯᓐ ᐊᓐ ᑭᔭ ᒋᔭᓄᐤ ᑕᐸᔨᒥᑕᐧᒄ᙮

2 ᑯᕆᓐᑎᔭᓇ 11:5

ᓇᒪ ᓇᔅᒡ ᓄᑕᔭᔅ ᓂᑦ ᐃᑕᔨᑕᑯᓯᓐ ᓂᑦ ᐃᑕᔨᑕᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᑲ ᒋᔅᑕᔨᒪᑯᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 1:1

ᓂᔾ ᑈᓪ ᑲ ᒥᓯᓇᐊᒪᑎᑯᒡ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᒋᐃᑦ᙮ ᑭᔭ ᒋᓴᒪᓂᑐᐤ ᒍᑕᐎᓄᐤ ᓂᒋ ᐅᑎᓂᒄ, ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ᙮ ᓇᒪᐎᔾ ᐎ ᓇᐸᐤ ᑲ ᐅᑎᓂᑦ ᑭᔭ ᓇᒪᐎᔾ ᓇᐸᐤ ᑲ ᒥᔨᑦ ᐅᔭ ᒐᒋ ᐃᑕᐱᑎᓱᐅᒡ᙮

ᑲᓚᓯᔭᓇ 5:1

᙭ ᔅᒋ ᐱᒪᒋᐃᑯᓄᐤ ᐊᑲ ᒥᓐ ᒐᒋ ᒪᒋᒂᐱᐧᑲᑎᑯᔭᐧᒄ ᒐᒂᓐ᙮ ᐎ ᓱᒋᑲᐳᐅᒄ ᒪᒃ᙮ ᐊᑲᐎᔾ ᒥᓐ ᒋᑭ ᐅᒋ ᒪᒋᒂᐱᐧᑲᑎᑯᓇᐛᐤ ᒍᐤ ᐊᔭᒥᐊᐅ ᐎᓱᐛᐅᓇ᙮

1 ᑕᓴᓗᓂᔭᓇ 2:6

ᑕᐸ ᓂ ᐅᒋ ᓇᓂᑐᐛᔨᑕᓇᓐ ᓇᔅᒡ ᒋᒋᐛ ᒐᒋ ᐃᑕᔨᒥᔭᒡ ᒪᒃ ᑯᑎᑭᒡ ᐊᐛᓐᒋ ᓇᔅᒡ ᒋᒋᐛ ᒐᒋ ᐃᑕᔨᒥᔨᒥᒡ᙮ ᐊᑎ ᐊᒋ ᑎᒂᒡ ᐊᑲ ᒐᒂᓂᒡ ᒋᐸ ᐅᒋ ᐃᓯᓇᑯᓐ ᐱᑯᓴᔨᒥᑕᒡ ᒐᒂᓐ ᐊᑈᔅᑕᓇᒡ ᐊ ᐃᑕᐱᑎᓯᔭᒡ,

1 ᑎᒧᑎ 2:7

ᐛᔅ ᑕᑈ ᓂᒋ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ᐃᔅᒋᔄᔭᓐ᙮

2 ᑎᒧᑎ 1:11

ᒋᓴᒪᓂᑐᐤ ᓂᒋ ᐅᑎᓂᒄ ᒐᒋ ᐛᐎᑎᒪᓐ ᐅ ᒥᔽᒋᒧᐅᓐ, ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒪᒐᔭᓐ ᐅ ᒥᔽᒋᒧᐅᓐ᙮