1 ᑯᕆᓐᑎᔭᓇ 8:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐅᓂᑐᑐᐅᑕ ᒪᒃ ᒋᐧᑲᓂᔅ ᑭᔭ ᓂᓱᐅᓇᒋᑕᐅᑕ ᐅᑕᑈᑎᒧᐅᓐ ᙭ ᒋᐎᓂᑐᑐᐛᐤ᙮

1 ᑯᕆᓐᑎᔭᓇ 8:12 Iomraidhean Croise

ᒐᓂᓯᔅ 20:9

ᐊᑯ ᐊᐱᒪᓕᒃ ᒂ ᐎᓴᒪᑦ ᐊᑉᕋᐊᒪ ᑭᔭ ᒂ ᐃᑕᑦ, “ᒐᒂᓐ ᐅ ᑲ ᑐᑐᐎᔭᒡ ? ᑭᔭ ᑕᓐ ᑲ ᐃᓯ ᐅᓂᑐᑕᑕᓐ ? ᓇᒪ ᒋ ᐅᓂᑐᑕᑎᓐ, ᐊᑯ ᒐᒂᓐ ᒪᒃ ᐛᒋ ᐸᑐᐎᓐ ᑭᔭ ᓂᑦ ᐃᔨᒥᒡ ᐊ ᒥᓴᒡ ᒥᒋᑐᑎᒧᐅᓐ ? ᔅᒋ ᑐᑐᐅᓐ ᐅ ᒐᒂᓐ ᒐ ᐊᑲ ᒋ ᐃᑐᑐᐛᑦ ᑯᑎᒃ ᐊᐛᓐ ᐊᐛᔪᐛ᙮

ᒐᓂᓯᔅ 42:22

ᕈᐱᓐ ᒂ ᐃᑕᑦ, “ᒋᒋᐃᑎᓇᐛᐤ ᒐ ᐊᑲ ᐊᐧᑯᐊᒄ ᓇᐸᔅ, ᒥᒄ ᓇᒪ ᒋ ᐅᒋ ᓂᑐᑐᓇᐛᐤ᙮ ᐊᓄᒡ ᒪᒃ ᒋᑦ ᐊᓏᔨᒥᑯᓄᐤ ᒋᓴᒪᓂᑐᐤ ᑲᒋ ᐅᑎᓂᒺᐧᒄ ᐅᐱᒪᑎᓯᐅᓐ᙮”

ᐊᒃᓱᑕᔅ 16:8

ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”

ᐊᒃᓱᑕᔅ 32:21

ᐊᑯ ᒂ ᐃᑕᑦ ᐊᕋᓇ, “ᒐᒂᔪᐤ ᑲ ᑐᑕᔅᒡ ᐊᓐᒡ ᐃᔪᒡ, ᐛᒋ ᒥᔨᑥᐤ ᒐᒋ ᑐᑕᒡ ᐅᔭ ᒥᒋᑐᑎᒧᐅᓂᔪᐤ ?”

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:21

ᐊᑯ ᐱᑕᕐ ᒂ ᐸᒋ ᓂᑐᐛᐱᒪᑦ ᒋᓴᓴ ᒋ ᐃᑕᐤ, “ᐅᑎᐸᔨᒋᒐᐤ, ᓂᐧᑲᓂᔅ ᒪᒃ ᐎᔾ ᐊᑲ ᐳᓂᒐ ᐊ ᐸᒋ ᐅᓂᑐᑐᐅᑦ, ᑕᓐ ᑕᑥᐤ ᒐ ᐛᐸᔨᑎᒧᐅᒃ, ᓂᔄᐅᑕᒡ ᑕᑥᐤ ᐊ ?”

ᒪᑎᔪᐤ 18:6

“ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᓂᔅᑕᐸᐛᑦ ᐊᓐᑕ ᐊ ᒋᔅᑲᑎᒥᔨᒡ ᐎᓂᐸᑯᒡ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 25:45

ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:42

ᒋᓴᔅ ᒋ ᐊᑎ ᐃᑕᐤ, “ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᐱᑭᔅᑐᐛᐱᓇᑭᓄᐅᑦ ᐊᓐᑕ ᐎᓂᐸᑯᒡ᙮

ᓗᒃ 17:2

ᐃᐛᒃ ᒋᐸ ᒥᔽᔪᐤ ᐊᓐ ᐊᐛᓐ ᒐᒋ ᐳᓂᓯᓇᐸᑕᑭᓄᐅᑦ ᐊᓐᑕ ᐎᓂᐸᑯᒡ, ᑲ ᐃᑐᑐᐛᒂ ᒐᒋ ᒥᒋᑐᑎᒥᔨᒡ ᐊᐛᔪᐛ ᒧᔭᒻ ᐊᓂᔭ ᐊᑲ ᓇᔅᒡ ᑲ ᓱᒋᑲᐳᔨᒋ ᑕᑈᑎᒧᐅᓂᒡ, ᒥᒄ ᒪᒃ ᐊᔅᒄ ᐊᑐᐎᔅ ᒋᑭ ᒋ ᒥᒋᐱᔪᐤ ᑕᓐ ᒐ ᐃᓯ ᐛᐛᓯᐊᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:20

ᐊᑲᐎᔾ ᒋᑭ ᐅᒋ ᓂᓱᐅᓇᒋᑕᐛᓐ ᑕᓐ ᐊᓯᓇᑯᑕᐛᑦ ᒋᓴᒪᓂᑐᐤ ᒋᐧᑲᓂᓴ ᐅᐱᒪᑎᓯᐅᓂᔪᐤ᙮ ᒥᓯᐛ ᒥᒋᒻ ᐸᔭᐧᑭᓐ ᒥᒄ ᒪᒃ ᐊᑲᐎᔾ ᒥᒋᔾ ᒐᒂᓐ ᒐ ᐃᑐᑕᑯᒂ ᒋᐧᑲᓂᔅ ᒐᒋ ᒥᒋᑐᑕᐧᒃ᙮

1 ᑯᕆᓐᑎᔭᓇ 12:12

ᐊᓐᒡ ᑲ ᑕᑈᔭᔨᒪᒡ ᙭ᑕ ᒧᔭᒻ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᐊᑎ ᓂᓇᐧᑯᐤ ᐊ ᐃᓯ ᐱᔅᒐᓯᒥᑲᒡ ᐃᔭᐱᒡ ᐸᐃᑯᓐ ᒥᔪᐤ᙮