1 ᑯᕆᓐᑎᔭᓇ 8:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑕᓐ ᒪᒃ ᒐ ᐃᑎᑦ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐛᐱᒥᔅᒐ ᐊ ᒥᒋᓱᐅᑦ ᐊᓐᑕ ᒥᓂᑐᐧᑲᓐ ᐊᔭᒥᐊᐅᒋᐛᐱᒡ, ᐊ ᐃᑕᔨᒥᔅᒃ ᒪᒃ ᐊ ᐊᔭᐅᑦ ᒋᔅᒐᔨᑎᒧᐅᓂᔪᐤ᙮ ᓇᒪᐎᔾ ᐊ ᒋᔾ ᒋᑭ ᐅᒋ ᐃᑐᑐᐛᐤ ᒥᒋᒐ ᐊᓂᔭ ᒥᒋᒥᔪᐤ ᒥᓂᑐᐧᑲᓇ ᑲ ᐱᔅᑎᓂᒧᐛᑭᓄᔨᒋ᙮

1 ᑯᕆᓐᑎᔭᓇ 8:10 Iomraidhean Croise

ᐊᑈᔅᑕᓇᒡ 15:20

ᒋᐸ ᒥᓯᓇᐊᒧᐛᓄᐅᒡ ᐅᒡ ᐊ ᐎᑎᒧᐛᐧᑯᒡ ᐅᔭ ᒐᒋ ᐃᓯ ᓂᓇᑭᑐᐛᔨᑕᒡ᙮ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ, ᑭᔭ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᒪᒃ ᑭᔭ ᒥᐧᑯᔪᐤ ᒐᒋ ᒥᒋᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:14

ᐊ ᐎᒐᐛᐧᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋ ᒋᔅᒐᔨᑎᒪᐧᒄ ᒥᓯᐛ ᐊ ᐃᓯᓇᒂᒡ ᒥᒋᒻ ᒐᒋ ᒥᒋᒄ᙮ ᒥᒄ ᒪᒃ ᒧᔭᒻ ᐊ ᑎᑯᓂᒂ ᐊᐛᓐ ᒐᒂᔪᐤ ᐊ ᐃᑕᔨᑕᐧᒃ ᐊᑲ ᒋᐸ ᐅᒋ ᓇᐊᔨᑎᒥᐃᑯᔪᐛ ᒋᓴᒪᓂᑐᐛ ᐊ ᒥᒋᑦ ᒪᒃ ᐊ ᒥᓐᑦ ᓇᒪᐎᔾ ᑭᑈ ᒋᐸ ᐅᒋ ᒥᒍᐤ ᑭᔭ ᓇᒪ ᒋᐸ ᐅᒋ ᒥᓄᐤ ᐊᓂᔭ ᒐᒂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:23

ᐊᓐ ᐊᐛᓐ ᐃᔭᐱᒡ ᑲ ᒥᒋᑦ ᒥᒋᒥᔪᐤ ᐊ ᐃᑕᔨᑕᐧᒃ ᐊᑲ ᒋᐸ ᐅᒋ ᒥᒍᐤ ᑎᑯᓂᔪᐤ ᐊ ᐃᓯ ᐊᑕᒪᔨᑕᑯᓯᑦ ᐊᓂᔭ ᐊ ᐃᑎᑦ᙮ ᐛᔅ ᐃᑐᑎᒻ ᐊᓂᔭ ᒐᒂᔪᐤ ᐊ ᑕᑈᑕᐧᒃ ᐊᑲ ᒋᐸ ᐅᒋ ᐃᑐᑎᒻ᙮ ᒧᔭᒻ ᐊ ᐃᑐᑎᒧᐛᐅᒂ ᒐᒂᓐ ᐊ ᑕᑈᑎᒪᐧᒄ ᐊᑲ ᒋᐸ ᐅᒋ ᐃᑐᑕᓇᓄᐤ ᒋ ᒥᒋᑐᑕᓇᓄᐤ᙮

1 ᑯᕆᓐᑎᔭᓇ 10:32

ᐃᓯ ᐱᒪᑎᓯ ᒪᒃ ᒐ ᐊᑲ ᒋ ᐅᔅᑎᐛᔨᑎᒥᐃᑦ ᐊᐛᓐ ᒍᐤ ᑲ ᐃᑎᔅᑲᓇᓯᑦ ᑭᔭ ᒪᒃ ᐊᐛᓐ ᐊᑲ ᒍᐤ ᐃᑎᔅᑲᓇᓯᑦ ᑭᔭ ᒪᒃ ᑯᑎᒃ ᐊᐛᓐ ᑲ ᑕᑈᔭᔨᒪᑦ ᒋᓴᒪᓂᑐᐛ᙮

1 ᑯᕆᓐᑎᔭᓇ 8:4

ᐊᑯ ᒪᒃ ᐛ ᐊᔨᒧᑎᒪᓐ ᐊ ᒥᒋᓇᓄᐅᒡ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᒋᐛᐱᒪᓄᐅᒡ ᒥᓂᑐᐧᑲᓐᒡ ᒥᒄ ᒪᒃ ᒋ ᒋᔅᒐᔨᑕᓇᓄᐤ ᐊᑲ ᓇᔅᒡ ᒐᒂᓂᒡ ᐃᑕᔨᑕᑯᓯᒡ᙮ ᑭᔭ ᒋ ᒋᔅᒐᔨᑕᓇᓄᐤ ᐊᑲ ᑕᑦ ᑯᑎᒃ ᐊᐛᓐ ᐊ ᒋᓴᒪᓂᑐᐅᑦ, ᒥᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 8:7

ᒥᒄ ᒪᒃ ᓇᒪ ᒥᓯᐛ ᐊᐛᓐ ᒋᔅᒐᔨᑎᒻ ᐊ ᑕᑈᒥᑭᓂᔨᒡ ᐅᔭ᙮ ᐱᔅᒐ ᐊᐛᓐᒋ ᐃᑕᔨᑎᒧᒡ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᒡ ᐊ ᐃᓯᓇᑯᓯᒡ ᐊ ᒥᒋᒡ ᒥᑐᔅᑕᐊᒪᒐᐅᓂᔪᐤ ᒥᓂᑐᐧᑲᓇ ᐊᒋ ᐱᔅᑎᓂᒧᐛᑭᓄᔨᒋ᙮ ᐛᒋᐱᔪᐤ ᒐᒋ ᐃᑕᔨᑕᒡ ᐅᔭ ᐛᔅ ᓇᒪ ᐊᔨᒋᑲᐳᐅᒡ ᑕᑈᑎᒧᐅᓂᒡ᙮

1 ᑯᕆᓐᑎᔭᓇ 8:9

ᐃᔭᒂᒥ ᒪᒃ᙮ ᐊᓐ ᐊ ᐃᓯᓇᒂᒡ ᒐᒋ ᐎᔭᔨᑎᒪᓱᔨᓐ ᒋᔾ ᑕᓐ ᒐ ᐃᑎᔨᓐ ᐊᑲᐎᔾ ᒋᑭ ᐅᒋ ᐃᑐᑕᑯᐤ ᑯᑎᒃ ᐊᐛᓐ ᐊᔅᒄ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒐᒋ ᒥᒋᑐᑕᐧᒃ᙮