1 ᑯᕆᓐᑎᔭᓇ 7:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᐅᑯᓐ ᑭᑈ ᒐᒋ ᐃᑎᔭᒄ ᐅ ᐎ ᑎᔭᒂ᙮ ᓇᒪ ᒋᑦ ᐃᑎᓱᒥᑎᓇᐛᐤ ᔭᐃᑕᔾ ᐅ ᒐᒋ ᐃᑎᔭᒄ ᒥᒄ ᒋ ᐎ ᐃᑎᑎᓇᐛᐤ ᐊ ᐱᔅᑎᓂᑎᑯᒡ ᐅ ᒐᒋ ᐃᑐᑎᒪᒄ᙮

1 ᑯᕆᓐᑎᔭᓇ 7:6 Iomraidhean Croise

1 ᑯᕆᓐᑎᔭᓇ 7:10

ᐊᑯ ᐊᓐᒡ ᑲ ᓂᐳᐅᒡ ᒐ ᐎᑎᒧᐅᒂᐤ ᑕᓐ ᒋᐸ ᐃᑐᐅᒡ᙮ ᐅᑎᐸᔨᒋᒐᐤ ᐃᑎᓱᐛᐤ ᐅᔭ, ᓇᒪᔭᐤ ᓂᔾ ᐅ ᑲ ᐃᔅᒋᔄᔭᓐ᙮ ᓇᒪ ᒋᐸ ᐅᒋ ᓂᑭᑕᐤ ᐃᔎᐤ ᐅᓇᐸᒪ᙮

1 ᑯᕆᓐᑎᔭᓇ 7:12

ᐊᑯ ᒪᒃ ᑯᑎᑭᒡ ᐊᐛᓐᒋ ᒐ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ᐊᔨᒧᑎᒪᓐ ᐊᓄᒡ ᓇᒪᐎᔾ ᐅᑎᐸᔨᒋᒐᐤ ᑲ ᐃᑎᓱᐛᑦ᙮ ᓂᔾ ᐅ ᐊ ᐃᑕᔨᑎᒪᓐ ᒋᐸ ᐃᑎᑎᓇᐛᐤ᙮ ᐊ ᑕᒂ ᒋᐧᑲᓂᓯᓄᐤ ᐊ ᑕᑈᑕᐧᒃ ᐎᐛ ᒪᒃ ᐊᑲ ᑕᑈᑎᒥᔨᒋ ᓇᒪ ᒋᐸ ᐅᒋ ᐛᐱᓇᐤ ᐊᓂᔭ ᐃᔭᐱᒡ ᐛ ᐎᒋᒥᑯᒂ᙮

1 ᑯᕆᓐᑎᔭᓇ 7:25

ᐊᑯ ᒪᒃ ᐊᓐᒡ ᐅᔅᒋᓂᒋᓱᐅᒡ ᐊᑲ ᐅᐎᒋᒪᑭᓂᒡ ᐛ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ᐎᑎᒪᑎᑯᒡ ᓇᒪ ᐅᑎᐸᔨᒋᒐᐤ ᐅᒋ ᐃᑎᓱᐛᐤ᙮ ᓂᔾ ᐊᐅᑯᓐ ᐊ ᐃᑕᔨᑎᒪᓐ ᒋᐸ ᒥᔽᐤ ᐃᑎᔭᒄ ᐅ ᒐ ᐃᑎᑎᑯᒡ᙮ ᓂ ᒋᔅᑕᔨᑕᑯᓯᓐ ᒪᒃ ᒐᒋ ᑕᑈᐅᒐᔨᒥᔭᒄ ᐛᔅ ᒋᓴᒪᓂᑐᐤ ᓂᒋ ᒋᔅᑎᒪᒐᔨᒥᒄ᙮

1 ᑯᕆᓐᑎᔭᓇ 7:40

ᓂᔾ ᒪᒃ ᐎ ᐊ ᐃᑕᔨᑎᒪᓐ ᐅᔅᑕ ᒋᐸ ᒥᔽᔨᑎᒻ ᐊᑲ ᒥᓐ ᓂᐳᐅᑦ ᐃᔎᐤ ᐊ ᐸᐃᑯᓯᑦ᙮ ᓇᒪ ᒋ ᐎ ᐎᓱᐛᑎᑎᓇᐛᐤ ᒥᒄ ᒪᒃ ᐊᐅᑯᓐ ᐊ ᐃᑕᔨᑎᒪᓐ ᒋᐸ ᐃᓯ ᒥᔽᐤ ᐃᑎᔭᒄ ᑭᔭ ᓂᑦ ᐃᑕᔨᑕᓐ ᐊ ᐊᔭᐅᒥᒋ ᒋᓴᒪᓂᑐᐤ ᐅᑦ ᐊᒐᒂ ᐅ ᑲ ᐃᔅᒋᔄᔭᓐ᙮

2 ᑯᕆᓐᑎᔭᓇ 11:17

ᐅ ᒪᒃ ᒐ ᐃᓯ ᐃᔨᒥᔭᓐ ᓂᔾ ᐅ ᐊ ᐃᑕᔨᑎᒪᓐ, ᓇᒪ ᐅᑎᐸᔨᒋᒐᐤ ᓂ ᐅᒋ ᐃᑎᓱᒥᒄ ᒐᒋ ᐃᔅᒋᔄᔭᓐ᙮ ᒧᔭᒻ ᐊ ᒋᔎ ᐃᔨᒥᔭᓐ ᐃᑎᑕᑯᓐ᙮

2 ᑯᕆᓐᑎᔭᓇ 8:8

ᓇᒪ ᒋ ᐎ ᐎᓱᐛᑎᑎᓇᐛᐤ ᐅ ᑲ ᐃᔅᒋᔄᔭᓐ᙮ ᒥᒄ ᒋ ᐎ ᓂᑐ ᒋᔅᒐᔨᒥᑎᓇᐛᐤ ᑕᑈ ᓯᔭᒋᐃᐛᒂ ᐊ ᐛᐎᑎᒪᑎᑯᒡ ᑕᓐ ᐊ ᐃᓯ ᐊᓯᒐᔨᑕᒡ ᐊ ᐱᔅᑎᓂᒐᒡ ᑯᑎᑭᒡ ᐊᐛᓐᒋ᙮