1 ᑯᕆᓐᑎᔭᓇ 7:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᓂᓱᐎᒡ ᑎᑯᓂᔪᐤ ᐛ ᐃᓯ ᓂᓇᐊᔨᑎᒥᐃᐛᑦ, ᐎ ᐃᑐᑎᒻ ᑕᓐ ᐊ ᐃᑎᓱᒥᑯᑦ ᒋᓴᒪᓂᑐᐛ ᑭᔭ ᐎᐛ ᐎ ᓂᓇᑭᑐᐛᔨᒪᐤ᙮ ᐊᑯ ᒪᒃ ᐃᔎᐤ ᒪᒃ ᐃᔎᔅ ᐊᑲ ᓂᐳᐅᑦ ᐃᐛᒃ ᐃᑕᔨᑎᒥᐃᑯᐤ ᒋᓴᒪᓂᑐᐛ ᒐᒋ ᓂᓇᐃᑎᒪᐊᑦ, ᓇᔅᒡ ᐎ ᐸᔭᒋᓯᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐊᓐ ᐃᔎᐤ ᑲ ᓂᐳᐅᑦ ᐊᔅᒋᔪᐤ ᐱᒪᑎᓯᐅᓂᔪᐤ ᓇᔅᒡ ᒪᒥᑐᓇᔨᑎᒥᐃᑯᐤ ᐅᓇᐸᒪ ᐊ ᐎ ᓂᓇᐃᑎᒪᐊᑦ᙮

1 ᑯᕆᓐᑎᔭᓇ 7:34 Iomraidhean Croise

ᒠᓐ 10:13

ᒋᑎᓯᒧᐤ, ᐛᔅ ᒥᒄ ᒋ ᐅᑎᓇᑭᓄᐤ᙮ ᓇᒪ ᒋᒋᐛ ᐊᐱᑕᔨᒪᐤ ᐊᓂᔭᔪᐛ ᒪᔭᑕᓂᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13

ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮

1 ᑯᕆᓐᑎᔭᓇ 6:20

ᐛᔅ ᒐᒂᔪᐤ ᒋ ᐃᓯ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮

1 ᑯᕆᓐᑎᔭᓇ 7:33

ᐊᑯ ᒪᒃ ᓇᐸᐤ ᐊ ᓂᐳᐅᑦ ᒧᔅ ᒪᒥᑐᓇᔨᑎᒻ ᑕᓐᑕ ᒐᒋ ᐃᓯ ᓂᓇᐃᑎᒪᐊᑦ ᐎᐛ᙮

1 ᑯᕆᓐᑎᔭᓇ 7:35

ᓇᒪ ᓂᑦ ᐃᔅᒋᔄᓐ ᐅ ᒐᒋ ᐛᐎᓱᒥᑎᑯᒡ, ᓂᑦ ᐃᔅᒋᔄᓐ ᐅ ᒐᒋ ᐎᒋᐃᑎᑯᒡ ᒐᒋ ᐃᓯ ᐱᒪᑎᓯᔭᒄ ᐊ ᓂᓇᐃᑐᐛᒄ ᐅᑎᐸᔨᒋᒐᐤ ᑭᔭ ᒐ ᐊᑲ ᒋ ᐅᑎᒥᐃᑯᔭᒄ ᒐᒂᓐ ᐊ ᐊᑐᔅᑯᐛᒄ᙮

2 ᑯᕆᓐᑎᔭᓇ 11:28

ᐊᓯᑯᒻ ᒋᓯᑲᐛ ᑭᔭ ᓂ ᑯᓯᑯᔅᑲᑯᓐ ᐊ ᒪᒥᑐᓇᔨᒥᒂᐤ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᓂᓇᐧᑯᐤ ᐅᑕᓇᒡ ᑲ ᑕᒡ᙮

2 ᑯᕆᓐᑎᔭᓇ 8:16

ᓂᓇᔅᑯᒪᐤ ᒋᓴᒪᓂᑐᐤ ᐊᒋ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ᓴᒋᐃᑎᑯᒡ ᒐᒋ ᐃᓯ ᓴᒋᐃᑕᒄ᙮

ᐱᓕᐱᔭᓇ 1:20

ᓇᔅᒡ ᓂ ᐱᑯᓴᔨᑕᓐ ᑭᔭ ᓂᑦ ᐊᔅᐸᔨᒧᓐ ᐊᑲ ᓂᑕ ᒐᒋ ᐃᑐᑎᒪᓐ ᒐᒂᓐ ᐊᓐ ᒐᒋ ᐅᒋ ᐅᓂᑐᑎᒪᓐ ᐊ ᐊᑐᔅᑯᐅᒃ ᙭᙮ ᑎᔭᐧᑯᓂ ᒐᒋ ᓱᒋᑕᐊᔭᓐ ᒧᔅ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒺᒡ ᐊᓄᒡ ᐊ ᐃᓯ ᒋᔅᑕᔨᑕᑯᐊᑭᓄᐅᑦ᙮ ᓂ ᐱᑯᓴᔨᑕᓐ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒪᒂᒡ ᐊ ᐱᒪᑎᓯᔭᓐ ᑭᔭ ᒪᒃ ᓂᐸᐃᑯᐅᒐ ᐎᔾ ᐅᒡ᙮

1 ᑕᓴᓗᓂᔭᓇ 5:23

ᓇᓂᑐᑎᒧᐛᐤ ᒋᓴᒪᓂᑐᐤ ᐊᓐ ᑲ ᒥᔨᐛᑦ ᒋᔭᒪᔨᑎᒧᐅᓂᔪᐤ ᓇᔅᒡ ᒐᒋ ᐸᔭᒋᐃᑕᒄ᙮ ᓇᓂᑐᑎᒧᐛᐤ ᒋᑦ ᐊᒐᐧᑯᐛᐛ, ᑭᔭ ᒋᒥᑐᓇᔨᒋᑭᓄᐛᐛ ᑭᔭ ᒋᔪᐛᐛ ᒐᒋ ᑭᓄᐛᔨᑕᒂᒋ ᐊᑲ ᓇᔅᒡ ᒐᒂᓐ ᒐᒋ ᐃᓯ ᐊᑕᒪᔨᑕᒂᒋ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑎᒧᑎ 3:5

ᐛᔅ ᐊᐛᓐ ᒐ ᐊᑲ ᒋ ᒥᔪ ᓂᓇᑭᑐᐛᔨᑎᒥᐃᑯᒂ ᐊᓐᑕ ᐊ ᐸᐃᑯᔅᑲᓇᓯᑦ ᑕᓐᑕ ᒐᒋ ᐅᒋ ᒥᔪ ᓂᓇᑭᑐᐛᔨᒪᑦ ᐊᓂᔭ ᒋᓴᒪᓂᑐᐛ ᐅᑦ ᐃᔨᒥᔨᐛ᙮

1 ᑎᒧᑎ 5:5

ᐃᔎᐤ ᒪᒃ ᓇᔅᒡ ᐊ ᐸᐃᑯᓯᑦ ᐊᑲ ᓇᔅᒡ ᑕᔨᒋ ᐊᐛᔪᐛ ᒐᒋ ᐎᒋᐃᑯᑦ ᒥᒄ ᒋᓴᒪᓂᑐᐛ ᐊᔅᐸᔨᒧᑐᑐᐛᐤ᙮ ᒧᔅ ᐎ ᒥᔪ ᐊᔭᒥᐊᐤ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐎᒋᐃᑯᑦ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮