1 ᑯᕆᓐᑎᔭᓇ 7:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐊᓐᒡ ᑲ ᒥᓯᒪᔨᑕᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᒥᓯᒪᔨᑕᒡ ᐊ ᐎ ᐊᑐᔅᑯᐛᒡ ᐅᑎᐸᔨᒋᒐᐛ᙮ ᐊᓐᒡ ᑲ ᒧᒋᒐᔨᑕᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᒧᒋᒐᔨᑕᒡ᙮ ᐊᑯ ᐊᓐᒡ ᑲ ᐅᑎᓇᒐᒡ ᐊᑲ ᐛᓴ ᒋᒋᐛ ᒋᑭ ᐅᒋ ᐃᑕᔨᑎᒥᐃᑯᐅᒡ ᐊᓂᔭᔪᐛ ᒐᒂᔪᐛ ᑲ ᐅᑎᓇᒡ᙮ ᐊ ᒥᓯᒪᔨᑕᐧᒃ ᐊᐛᓐ ᒪᒃ ᐊ ᒧᒋᒐᔨᑕᐧᒃ ᒪᒃ ᐊ ᐛᔪᒋᑕᑦ ᒐᒂᔪᐛ ᓇᒪ ᒋᐸ ᐅᒋ ᒋᐱᔅᑲᑯᐤ ᐅᔭ ᐊ ᐎ ᐊᑐᔅᑯᐛᑦ ᒋᓴᒪᓂᑐᐛ᙮

1 ᑯᕆᓐᑎᔭᓇ 7:30 Iomraidhean Croise

ᑎᐱᑦ ᐅᓂᑭᒧᐅᓇ 30:5

ᐛᔅ ᐛᐃᐱᔅᒋᔅ ᒥᒄ ᐱᒥᐱᔪᐤ ᐅᒋᔄᓱᐅᓐ; ᐅᒥᔪᑐᑕᒐᐅᓐ ᑲᒋᒡ ᐱᒪᑎᓯᐅᓂᔪᐤ: ᒪᐅᓐ ᐃᔅᑭᓐ ᑎᐱᔅᑲᐛ ᐱᒥᐱᔪᐤ, ᒪᒃ ᒥᔽᔨᑎᒧᐅᓐ ᐅᑎᒋᐱᔪᐤ ᒋᔭᒋᓴᐸᔭᒋ᙮

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᓗᒃ 6:21

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᓄᑕᐧᑭᑕᔭᒄ ᐊᓄᒡ, ᐛᔅ ᒋᑭ ᒋᔅᐳᐃᑯᓇᐛᐤ᙮ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᒪᔭᒄ ᐊᓄᒡ, ᐛᔅ ᒋᑭ ᐸᐱᓇᐛᐤ᙮

ᓗᒃ 6:25

ᐃᔭᒂ ᒋᔨᐛᐤ ᑲ ᑕᐱᒥᒋᓱᔭᒄ ᐊᓄᒡ, ᐛᔅ ᒋᑭ ᓄᑕᐧᑭᑕᓇᐛᐤ᙮ ᐃᔭᒂ ᒋᔨᐛᐤ ᑲ ᐸᐱᔭᒄ ᐊᓄᒡ, ᐛᔅ ᒋᑭ ᒪᓇᐛᐤ᙮

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

1 ᑯᕆᓐᑎᔭᓇ 7:29

ᓂᐧᑲᓂᓯᑐᒄ, ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᓇᒪ ᓇᔅᒡ ᓴᔅ ᑐᐛᐤ ᐊᓐᑕ ᒐᒋ ᐊᑐᔅᑯᐛᑭᓄᐅᑦ ᐅᑎᐸᔨᒋᒐᐤ᙮ ᐊᓐᒡ ᒪᒃ ᑲ ᑕᔨᒋ ᐎᐛᐛ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᓂᐳᐅᒡ ᒐᒋ ᐃᑎᒡ ᑕᓐ ᐊᓂᔭᔪᐛ ᒋᒋᐛ ᐊ ᐃᓯ ᓂᑐᐛᔨᑕᑯᓯᒡ ᒐᒋ ᐃᑎᒡ ᐊᔪᐅᒄ ᒐᒋ ᐊᑐᔅᑯᐛᒡ ᐅᑎᐸᔨᒋᒐᐛ᙮

1 ᑯᕆᓐᑎᔭᓇ 7:31

ᐊᓐᒡ ᑲ ᐅᒋᐎᒋᔨᓱᒡ ᑕᓐ ᐊ ᐃᑕᐱᑎᓯᓇᓄᐎᒡ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ᐱᒪᒋᐃᓱᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊ ᐊᑐᔅᑯᐛᒡ ᐅᑎᐸᔨᒋᒐᐛ ᐛᔅ ᐅ ᐊᔅᒋᔾ ᑭᔭ ᑕᓐ ᐊ ᐃᑕᔨᑕᒂᒡ ᒋᑭ ᐎᒪᐱᔪᐤ᙮

ᒋᔅᒐᔨᑕᑯᑕᒐᐅᓐ 18:7

ᒧᔭᒻ ᑲ ᐃᔅᐱᔅ ᒋ ᒋᔅᑕᔨᑕᑯᐃᓱᒡ ᐅᒡ ᐃᔪᒡ ᑭᔭ ᒧᔭᒻ ᑲ ᐃᔅᐱᔅ ᓇᔅᒡ ᒥᓯᐛ ᒋ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ, ᐊᐅᑯᓐ ᒧᔭᒻ ᐃᑐᑐᐛᐧᑯᒡ ᒐᒋ ᐃᔅᐱᔅ ᒥᒐᔨᑕᒡ ᑕᓐ ᒐ ᐃᔅᐱᔅ ᓂᓇᐧᑲᑕᔨᒧᐊᑭᓄᐎᒡ᙮ ᐛᔅ ᐅ ᐅᑕᓇᐤ ᒧᔭᒻ ᐊ ᒪᒥᒋᒧᑦ ᐊᐛᓐ ᐅᑕᐃᒡ ᐊᐅᑯᓐ ᐊ ᐊᐃᒡ᙮ ᐃᔅᒋᔄᒥᑭᓐ, ‘ᒧᔭᒻ ᒋᓴᐅᒋᒪᔎᐤ ᓂᑦ ᐊᐱᓐ᙮ ᓇᒪᔭᐤ ᑲ ᐸᐃᑯᓯᑦ ᐃᔎᐤ ᓂᔾ᙮ ᑭᔭ ᓇᒪ ᐎ ᓂᔾ ᓂᑕ ᓂᑭ ᐅᒋ ᒧᓯᑕᓐ ᑕᓐ ᐊ ᐃᓯ ᒥᓯᒪᔨᑕᐧᒃ ᐃᔎᐤ ᐊ ᐅᓇᐊᑦ ᐅᓇᐸᒪ᙮’

ᒋᔅᒐᔨᑕᑯᑕᒐᐅᓐ 7:17

ᐛᔅ ᐊᓐ ᒪᔭᑕᓂᔅ ᑕᑕᐅᒡ ᐊᓐᑕ ᐊ ᑎᑯᓂᔨᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᐅᒄ ᒪᔭᑕᓂᓯᐅ-ᐃᔪᐤ ᒐ ᒥᔪ ᑭᓄᐛᔨᒪᑦ ᐅᔭ᙮ ᑭᔭ ᒋᑭ ᐃᑐᑕᐊᐤ ᐊᓐᑕ ᐊ ᑎᑯᓂᔨᒡ ᐊ ᒧᔅᒋᒍᐅᓂᔨᒡ ᐱᒪᑎᓯᐤ ᓂᐱᔪᐤ᙮ ᐊᑯ ᒪᒃ ᒋᓴᒪᓂᑐᐤ ᒐ ᑲᓯᐊᒧᐛᑦ ᐅᔅᒋᓯᑯᔪᐛ ᒥᓯᐛ ᐊᓂᔭᔪᐛ ᑲ ᐅᒋᐧᑯᐛᐱᔨᒋ᙮”