1 ᑯᕆᓐᑎᔭᓇ 7:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᓂᐧᑲᓂᓯᑐᒄ, ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᓇᒪ ᓇᔅᒡ ᓴᔅ ᑐᐛᐤ ᐊᓐᑕ ᒐᒋ ᐊᑐᔅᑯᐛᑭᓄᐅᑦ ᐅᑎᐸᔨᒋᒐᐤ᙮ ᐊᓐᒡ ᒪᒃ ᑲ ᑕᔨᒋ ᐎᐛᐛ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᓂᐳᐅᒡ ᒐᒋ ᐃᑎᒡ ᑕᓐ ᐊᓂᔭᔪᐛ ᒋᒋᐛ ᐊ ᐃᓯ ᓂᑐᐛᔨᑕᑯᓯᒡ ᒐᒋ ᐃᑎᒡ ᐊᔪᐅᒄ ᒐᒋ ᐊᑐᔅᑯᐛᒡ ᐅᑎᐸᔨᒋᒐᐛ᙮

1 ᑯᕆᓐᑎᔭᓇ 7:29 Iomraidhean Croise

ᓗᒃ 14:20

“ᒥᓐ ᑯᑎᒃ ᓇᐸᐤ ᒋ ᐃᑕᐤ, ‘ᐊᓄᒡ ᐛᓱᐤ ᓂᒋ ᓂᐳᐅᓐ, ᐊᐅᒄ ᒪᒃ ᐅ ᐛᒋ ᐊᑲ ᒋ ᑎᑯᓯᓂᔭᓐ᙮’ ”

1 ᑯᕆᓐᑎᔭᓇ 7:28

ᒥᒄ ᒪᒃ ᓂᐳᔨᓇ ᓇᒪ ᒋᒥᒋᑐᑕᓐ᙮ ᑭᔭ ᐃᔎᔅ ᓂᐳᐅᒐ ᓇᒪ ᒥᒋᑐᑎᒻ᙮ ᒥᒄ ᒪᒃ ᐊᓐᒡ ᑲ ᓂᐳᐅᒡ ᒋᑭ ᑎᑯᓂᔪᐤ ᒐ ᐃᓯ ᐊᔨᒥᐅᒡ᙮ ᐃᐛᒃ ᒪᒃ ᓂᐸ ᒥᔽᔨᑕᓐ ᐊᑲ ᐅ ᐃᓯ ᐊᔨᒥᐅᔭᒄ᙮

1 ᑯᕆᓐᑎᔭᓇ 7:30

ᐊᓐᒡ ᑲ ᒥᓯᒪᔨᑕᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᒥᓯᒪᔨᑕᒡ ᐊ ᐎ ᐊᑐᔅᑯᐛᒡ ᐅᑎᐸᔨᒋᒐᐛ᙮ ᐊᓐᒡ ᑲ ᒧᒋᒐᔨᑕᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᒧᒋᒐᔨᑕᒡ᙮ ᐊᑯ ᐊᓐᒡ ᑲ ᐅᑎᓇᒐᒡ ᐊᑲ ᐛᓴ ᒋᒋᐛ ᒋᑭ ᐅᒋ ᐃᑕᔨᑎᒥᐃᑯᐅᒡ ᐊᓂᔭᔪᐛ ᒐᒂᔪᐛ ᑲ ᐅᑎᓇᒡ᙮ ᐊ ᒥᓯᒪᔨᑕᐧᒃ ᐊᐛᓐ ᒪᒃ ᐊ ᒧᒋᒐᔨᑕᐧᒃ ᒪᒃ ᐊ ᐛᔪᒋᑕᑦ ᒐᒂᔪᐛ ᓇᒪ ᒋᐸ ᐅᒋ ᒋᐱᔅᑲᑯᐤ ᐅᔭ ᐊ ᐎ ᐊᑐᔅᑯᐛᑦ ᒋᓴᒪᓂᑐᐛ᙮

1 ᑯᕆᓐᑎᔭᓇ 7:31

ᐊᓐᒡ ᑲ ᐅᒋᐎᒋᔨᓱᒡ ᑕᓐ ᐊ ᐃᑕᐱᑎᓯᓇᓄᐎᒡ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ᐱᒪᒋᐃᓱᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊ ᐊᑐᔅᑯᐛᒡ ᐅᑎᐸᔨᒋᒐᐛ ᐛᔅ ᐅ ᐊᔅᒋᔾ ᑭᔭ ᑕᓐ ᐊ ᐃᑕᔨᑕᒂᒡ ᒋᑭ ᐎᒪᐱᔪᐤ᙮

1 ᐱᑕᕐ 1:24

ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᒥᓯᐛ ᐊᐛᓐ ᒧᔭᒻ ᒥᔅᑯᓱᐛ ᐃᓯᓇᑯᓱᐤ᙮ ᒥᓯᐛ ᐊᐛᓐ ᐅᒋᔅᑕᔨᑕᑯᓱᐅᓐ ᒧᔭᒻ ᐛᐱᑯᓐ ᓂᑐᐎᔾ ᑲ ᓂᑕᐅᒋᑦ ᐃᓯᓇᑯᓂᔪᐤ᙮ ᓂᐱᒥᑭᓇ ᒥᔅᑯᓱᐛ ᐊᑯ ᐛᐱᑯᓇ ᐸᐸᒋᑎᓇ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

1 ᒠᓐ 2:17

ᒥᓯᐛ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ ᑭᔭ ᐊ ᐃᓯ ᑎᒂᒡ ᓂᓇᐧᑯᐤ ᒥᒋ ᒧᔅᑕᓇᔭᔨᑎᒧᐅᓐ ᒋᑭ ᐃᔎᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᑲ ᐃᑐᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲᒋᒡ ᒋᑭ ᐱᒪᑎᓯᐤ᙮