1 ᑯᕆᓐᑎᔭᓇ 7:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᑯ ᒪᒃ ᐊᓐᒡ ᐅᔅᒋᓂᒋᓱᐅᒡ ᐊᑲ ᐅᐎᒋᒪᑭᓂᒡ ᐛ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ᐎᑎᒪᑎᑯᒡ ᓇᒪ ᐅᑎᐸᔨᒋᒐᐤ ᐅᒋ ᐃᑎᓱᐛᐤ᙮ ᓂᔾ ᐊᐅᑯᓐ ᐊ ᐃᑕᔨᑎᒪᓐ ᒋᐸ ᒥᔽᐤ ᐃᑎᔭᒄ ᐅ ᒐ ᐃᑎᑎᑯᒡ᙮ ᓂ ᒋᔅᑕᔨᑕᑯᓯᓐ ᒪᒃ ᒐᒋ ᑕᑈᐅᒐᔨᒥᔭᒄ ᐛᔅ ᒋᓴᒪᓂᑐᐤ ᓂᒋ ᒋᔅᑎᒪᒐᔨᒥᒄ᙮

1 ᑯᕆᓐᑎᔭᓇ 7:25 Iomraidhean Croise

ᑎᐱᑦ ᐅᓂᑭᒧᐅᓇ 78:63

ᒋ ᐃᔎᓱᔪᐛ ᐅᑦ ᐅᔅᒋᓂᒋᓱᒧᐛᐛ; ᑭᔭ ᐅᑦ ᐅᔅᒋᓂᒋᔎᒧᐛᐛ ᓇᒪᐎᔾ ᐅᒋ ᓂᐳᐛᑭᓄᐎᐛ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

1 ᑯᕆᓐᑎᔭᓇ 4:2

ᐸᐃᒄ ᒐᒂᔪᐤ ᑕᑈ ᐊ ᐃᓯ ᓂᑐᐛᔨᑕᑯᓯᒡ ᒐᒋ ᐃᑕᔨᑕᑯᓯᒡ ᐅᒡ ᐅᔭ ᑲ ᐃᓯ ᒥᔭᑭᓄᐎᒡ ᒐᒋ ᐃᑕᐱᑎᓯᒡ ᐊᐅᒄ ᒐᒋ ᒐᔅᑎᓇᑕᔨᑕᑯᓯᒡ ᑕᑈ ᒐᒋ ᑐᑕᒡ ᑕᓐ ᐊ ᐃᑎᓱᒥᑯᒡ ᐅᒋᒪᒧᐛᐛ᙮

1 ᑯᕆᓐᑎᔭᓇ 7:10

ᐊᑯ ᐊᓐᒡ ᑲ ᓂᐳᐅᒡ ᒐ ᐎᑎᒧᐅᒂᐤ ᑕᓐ ᒋᐸ ᐃᑐᐅᒡ᙮ ᐅᑎᐸᔨᒋᒐᐤ ᐃᑎᓱᐛᐤ ᐅᔭ, ᓇᒪᔭᐤ ᓂᔾ ᐅ ᑲ ᐃᔅᒋᔄᔭᓐ᙮ ᓇᒪ ᒋᐸ ᐅᒋ ᓂᑭᑕᐤ ᐃᔎᐤ ᐅᓇᐸᒪ᙮

1 ᑯᕆᓐᑎᔭᓇ 7:12

ᐊᑯ ᒪᒃ ᑯᑎᑭᒡ ᐊᐛᓐᒋ ᒐ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ᐊᔨᒧᑎᒪᓐ ᐊᓄᒡ ᓇᒪᐎᔾ ᐅᑎᐸᔨᒋᒐᐤ ᑲ ᐃᑎᓱᐛᑦ᙮ ᓂᔾ ᐅ ᐊ ᐃᑕᔨᑎᒪᓐ ᒋᐸ ᐃᑎᑎᓇᐛᐤ᙮ ᐊ ᑕᒂ ᒋᐧᑲᓂᓯᓄᐤ ᐊ ᑕᑈᑕᐧᒃ ᐎᐛ ᒪᒃ ᐊᑲ ᑕᑈᑎᒥᔨᒋ ᓇᒪ ᒋᐸ ᐅᒋ ᐛᐱᓇᐤ ᐊᓂᔭ ᐃᔭᐱᒡ ᐛ ᐎᒋᒥᑯᒂ᙮

1 ᑯᕆᓐᑎᔭᓇ 7:28

ᒥᒄ ᒪᒃ ᓂᐳᔨᓇ ᓇᒪ ᒋᒥᒋᑐᑕᓐ᙮ ᑭᔭ ᐃᔎᔅ ᓂᐳᐅᒐ ᓇᒪ ᒥᒋᑐᑎᒻ᙮ ᒥᒄ ᒪᒃ ᐊᓐᒡ ᑲ ᓂᐳᐅᒡ ᒋᑭ ᑎᑯᓂᔪᐤ ᒐ ᐃᓯ ᐊᔨᒥᐅᒡ᙮ ᐃᐛᒃ ᒪᒃ ᓂᐸ ᒥᔽᔨᑕᓐ ᐊᑲ ᐅ ᐃᓯ ᐊᔨᒥᐅᔭᒄ᙮

1 ᑯᕆᓐᑎᔭᓇ 7:34

ᓂᓱᐎᒡ ᑎᑯᓂᔪᐤ ᐛ ᐃᓯ ᓂᓇᐊᔨᑎᒥᐃᐛᑦ, ᐎ ᐃᑐᑎᒻ ᑕᓐ ᐊ ᐃᑎᓱᒥᑯᑦ ᒋᓴᒪᓂᑐᐛ ᑭᔭ ᐎᐛ ᐎ ᓂᓇᑭᑐᐛᔨᒪᐤ᙮ ᐊᑯ ᒪᒃ ᐃᔎᐤ ᒪᒃ ᐃᔎᔅ ᐊᑲ ᓂᐳᐅᑦ ᐃᐛᒃ ᐃᑕᔨᑎᒥᐃᑯᐤ ᒋᓴᒪᓂᑐᐛ ᒐᒋ ᓂᓇᐃᑎᒪᐊᑦ, ᓇᔅᒡ ᐎ ᐸᔭᒋᓯᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐊᓐ ᐃᔎᐤ ᑲ ᓂᐳᐅᑦ ᐊᔅᒋᔪᐤ ᐱᒪᑎᓯᐅᓂᔪᐤ ᓇᔅᒡ ᒪᒥᑐᓇᔨᑎᒥᐃᑯᐤ ᐅᓇᐸᒪ ᐊ ᐎ ᓂᓇᐃᑎᒪᐊᑦ᙮

1 ᑯᕆᓐᑎᔭᓇ 7:40

ᓂᔾ ᒪᒃ ᐎ ᐊ ᐃᑕᔨᑎᒪᓐ ᐅᔅᑕ ᒋᐸ ᒥᔽᔨᑎᒻ ᐊᑲ ᒥᓐ ᓂᐳᐅᑦ ᐃᔎᐤ ᐊ ᐸᐃᑯᓯᑦ᙮ ᓇᒪ ᒋ ᐎ ᐎᓱᐛᑎᑎᓇᐛᐤ ᒥᒄ ᒪᒃ ᐊᐅᑯᓐ ᐊ ᐃᑕᔨᑎᒪᓐ ᒋᐸ ᐃᓯ ᒥᔽᐤ ᐃᑎᔭᒄ ᑭᔭ ᓂᑦ ᐃᑕᔨᑕᓐ ᐊ ᐊᔭᐅᒥᒋ ᒋᓴᒪᓂᑐᐤ ᐅᑦ ᐊᒐᒂ ᐅ ᑲ ᐃᔅᒋᔄᔭᓐ᙮

1 ᑯᕆᓐᑎᔭᓇ 7:6

ᐊᐅᑯᓐ ᑭᑈ ᒐᒋ ᐃᑎᔭᒄ ᐅ ᐎ ᑎᔭᒂ᙮ ᓇᒪ ᒋᑦ ᐃᑎᓱᒥᑎᓇᐛᐤ ᔭᐃᑕᔾ ᐅ ᒐᒋ ᐃᑎᔭᒄ ᒥᒄ ᒋ ᐎ ᐃᑎᑎᓇᐛᐤ ᐊ ᐱᔅᑎᓂᑎᑯᒡ ᐅ ᒐᒋ ᐃᑐᑎᒪᒄ᙮

2 ᑯᕆᓐᑎᔭᓇ 11:17

ᐅ ᒪᒃ ᒐ ᐃᓯ ᐃᔨᒥᔭᓐ ᓂᔾ ᐅ ᐊ ᐃᑕᔨᑎᒪᓐ, ᓇᒪ ᐅᑎᐸᔨᒋᒐᐤ ᓂ ᐅᒋ ᐃᑎᓱᒥᒄ ᒐᒋ ᐃᔅᒋᔄᔭᓐ᙮ ᒧᔭᒻ ᐊ ᒋᔎ ᐃᔨᒥᔭᓐ ᐃᑎᑕᑯᓐ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮