1 ᑯᕆᓐᑎᔭᓇ 7:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᓇᒪ ᒐᒂᔪᐤ ᐃᑕᔨᑎᒻ ᒋᓴᒪᓂᑐᐤ ᑲ ᒋᔅᒋᓄᐛᒋᔄᑭᓄᐎᒂᓂ ᓇᐸᐛ ᒪᒃ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒂᓂ᙮ ᐊᓐ ᒐᒂᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓂᓇᐃᑕᑭᓄᔨᒋ ᒋᓴᒪᓂᑐᐤ ᐅᑦ ᐃᑎᓱᐛᐅᓇ᙮

1 ᑯᕆᓐᑎᔭᓇ 7:19 Iomraidhean Croise

ᒪᑎᔪᐤ 5:19

ᐊᑯ ᒪᒃ ᐊᐛᓐ ᐊᑲ ᓂᓇᐃᑕᒐ ᐊᓂᔭ ᐊᑎ ᐊᑲ ᓇᔅᒡ ᒋᔅᑕᔨᑕᑯᓂᔨᒡ ᐃᑎᓱᐛᐅᓂᔪᐤ, ᑭᔭ ᒋᔅᑯᑎᒧᐛᒐ ᑯᑎᑲ ᒐᒋ ᐸᐃᑯᑕᐤ ᑎᔨᒋ, ᐊᐅᒄ ᐊᓐ ᒪᐅᒡ ᓇᒪᐎᔾ ᒐᒂᓐ ᒋᑭ ᐅᒋ ᐃᑕᔨᑕᑯᓱᐤ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮ ᐊᑯ ᒪᒃ ᐊᐛᓐ ᓂᓇᐃᑕᒐ ᐊᓂᔭᔪᐛ ᐎᓱᐛᐅᓇ ᑭᔭ ᐃᓯ ᒋᔅᑯᑎᒧᐛᒐ ᑯᑎᑲ ᐊᐛᔪᐛ ᐅᔭ ᒐᒋ ᐸᐃᑯᑕᐤ ᑎᔨᒋ, ᐊᐅᒄ ᒐ ᒋᔅᑕᔨᑕᑯᓯᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒠᓐ 15:14

ᒋᔨᐛᐤ ᒪᒃ ᒋᑭ ᐎᒐᐛᑭᓂᑕᑎᓇᐛᐤ ᐃᑐᑎᒪᒂ ᑕᓐ ᐊ ᐃᑎᓱᒥᑎᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:30

ᐛᔅ ᐸᐃᑯᓱᐤ ᒥᒄ ᒋᓴᒪᓂᑐᐤ, ᑕᐱᔅᑯᓐ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ᑭᓄᐛᐱᒪᐤ ᑕᑈᔭᔨᒪᑥᐛᓐᒋ ᒋᓴᓴ᙮

1 ᑯᕆᓐᑎᔭᓇ 8:8

ᓇᒪ ᒥᒋᒻ ᒋᑭ ᐅᒋ ᐃᑐᑕᑯᓇᓄᐤ ᐃᐛᒃ ᒐᒋ ᐃᑕᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᒥᒋᔭᒂ ᑭᔭ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᐊᑲ ᒥᒋᔭᒂ᙮

ᑲᓚᓯᔭᓇ 3:28

ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ᐃᑎᔅᑲᓇᓱᐛᒂ, ᑭᔭ ᐊ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ᐊᐱᒋᐊᑭᓂᐛᒂ, ᐊ ᓇᐸᐅᐛᒂ ᑭᔭ ᒪᒃ ᐊ ᐃᔎᐅᐛᒂ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᑲᓚᓯᔭᓇ 6:15

ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮

ᑯᓚᓯᔭᓇ 3:11

ᐊᑯ ᒪᒃ ᓇᒪ ᐊᐱᑕᔨᑕᑯᓐ ᑕᓐ ᐊ ᐃᑎᔅᑲᓇᓯᑦ ᐊᐛᓐ, ᒍᐤ ᐃᑎᔅᑲᓇᓯᒂ ᑭᔭ ᒪᒃ ᐊᑲ ᒍᐤ ᐃᑎᔅᑲᓇᓯᒂ᙮ ᑭᔭ ᓇᒪ ᐊᐱᑕᔨᑕᑯᓂᔪᐤ ᑕᓐᑕ ᐛᒋᑦ ᐊᐛᓐ, ᑕᓐ ᑲ ᐃᓯ ᒋᔅᑯᑎᒧᐛᑭᓄᐅᑦ ᑭᔭ ᑕᓐ ᐊ ᐃᓯ ᑭᓄᐛᐱᒥᑯᑦ ᐊᐛᔪᐛ᙮ ᓇᒪ ᐊᐱᑎᓇ ᐅᔭ᙮ ᙭ᑕ ᐊ ᐊᔭᐛᑦ ᐊᐛᓐ ᐅᐱᒪᑎᓯᐅᓂᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮ ᒥᓯᐛ ᐊᐛᔪᐛ ᐊ ᐃᓯᓇᑯᓯᔨᒋ ᐱᒋᔅᑯᐛᐤ᙮

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮