1 ᑯᕆᓐᑎᔭᓇ 6:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑭᔭ ᒪᒃ ᐊᓐᒡ ᑲᓂᑕᐅᒋᒧᑎᒡ, ᑭᔭ ᒪᒃ ᐊᓐᒡ ᒧᔅ ᑲ ᒧᔅᑕᓇᔨᑕᒡ ᒐᒂᔪᐛ, ᑭᔭ ᒪᒃ ᐊᓐᒡ ᑲ ᐎᒋᐸᒡ, ᑭᔭ ᒪᒃ ᐊᓐᒡ ᓂᑎᒥᒄ ᑲ ᐃᑕᒋᒪᒡ ᑯᑎᑲ ᐊᐛᔪᐛ, ᑭᔭ ᒪᒃ ᑲᒋᒧᑎᒡ, ᓇᒪ ᐛᒋ ᐸᐃᒄ ᐅᒡ ᒋᑭ ᐅᒋ ᐊᓂᔅᒐ ᐊᔭᐅᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

1 ᑯᕆᓐᑎᔭᓇ 6:10 Iomraidhean Croise

ᒪᑎᔪᐤ 21:19

ᐊᑯ ᒂ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ᑕᔨᓐ᙮” ᑎᐛᒡ ᒪᒃ ᒋ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒪᑎᔪᐤ 23:33

“ᒋᔨᐛᐤ ᒋᓇᐱᑯᒡ ᑭᔭ ᑲ ᐅᑯᓯᑐᑕᑕᑯᒡ ᒋᓇᐱᑯᒡ ᓇᔅᒡ ᑲ ᑭᔅᒋᐅᔭᒄ ᓂᑎᒥᒄ ᐊ ᐃᓯ ᐎᔭᓯᒪᑯᒡ ᐊᐛᓐᒋ, ᑕᓐᑕ ᒐᒋ ᐅᒋ ᐎᐧᑯᒋᐅᔭᒄ ᒐ ᐊᑲ ᒋ ᐃᑐᑕᔭᒄ ᒥᒋ ᐃᔅᑯᑕᒡ ?”

ᒠᓐ 12:6

ᓇᒪᔭᔪᐤ ᐊ ᒋᔅᑎᒪᒐᔨᒪᑦ ᐊᓂᔭ ᑲ ᒋᔅᑎᒪᑎᓯᔨᒋ ᐊᓂᔭ ᐛᒋ ᐃᔅᒋᔄᑦ, ᐎᔾ ᒋ ᐎ ᐅᑎᓂᒪᓱᐤ ᐊᓂᔭ ᓱᓇᔭᔪᐤ ᐛᔅ ᐊᐅᑯᓐ ᑲᒋ ᐃᑎᑦ ᒪᓐ ᐊᑎ ᐎᔾ ᐊᒋ ᓂᓇᑭᑐᐛᔨᑕᐧᒃ ᐊᓂᔭ ᓱᓇᔭᔪᐤ ᑲᒋ ᒥᔭᑭᓄᔨᒋ ᒋᓴᓴ ᑭᔭ ᐅᒋᔅᒋᓄᐊᒧᐛᑭᓂᔪᐛ᙮

ᐊᑈᔅᑕᓇᒡ 20:32

“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮

1 ᑯᕆᓐᑎᔭᓇ 15:50

ᒪᐅ ᐛ ᐃᓯ ᐎᑎᒪᑎᑯᒡ ᓂᐧᑲᓂᓯᑐᒄ᙮ ᐅᔭ ᒋᔭᓄᐛ ᑲ ᐎᔭᓱᐅᒋ ᑭᔭ ᑲ ᒥᐧᑯᐅᒋ ᓇᒪ ᒋᑭ ᒋ ᑎᑯᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ, ᑭᔭ ᐊᓐ ᒐᒂᓐ ᒐ ᓂᐱᒥᑲᒡ ᑲ ᐅᓯᑕᑭᓄᐅᒡ ᓇᒪ ᑲᒋᒡ ᒋᑭ ᒋ ᐱᒪᑎᓯᒥᑭᓐ᙮

1 ᑯᕆᓐᑎᔭᓇ 5:11

ᒥᓐ ᒪᒃ ᐸᐃᒂᐤ ᓂᑭ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ᐃᔅᒋᔄᑦ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ᐱᒪᑎᓯᒂ, ᐊ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ᐎᒋᐸᒂ ᑭᔭ ᒪᒃ ᐊ ᐎᒋ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ᐃᑕᑎᓯᑦ᙮

ᑲᓚᓯᔭᓇ 5:21

ᐎᒋ ᒧᔅᑕᓇᔨᑎᒧᒡ, ᒧᔅ ᒋᔎᐸᐅᒡ, ᑭᔭ ᒪᒧᐎᑐᐅᒡ ᒐᒋ ᐎᓂᓱᐤ ᐃᑐᑕᑐᒡ, ᑭᔭ ᓇᔅᒡ ᓇᒪ ᒋ ᒥᒪᔅᑎᓂᒧᒡ ᒐ ᐃᓯ ᒪᒥᒋᑐᑕᒡ᙮ ᓴᔅ ᔅᒋ ᐃᔭᒂᒥᑎᓇᐛᐤ ᒥᓐ ᒪᒃ ᒋᑭ ᐃᔭᒂᐃᑎᓇᐛᐤ ᐊᓐᒡ ᐅᔭ ᑲ ᐃᓯ ᐱᒪᑎᓯᒡ ᓇᒪ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᒋᑭ ᐅᒋ ᐃᓯ ᑎᐸᔨᑕᑯᓱᐅᒡ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᐃᐱᓯᔭᓇ 5:5

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᓐ ᐊᐛᓐ ᐎᓂᓱᐅᓂᒡ ᑲ ᐃᓯ ᐱᒪᑎᓯᑦ ᑭᔭ ᓂᑎᒥᒄ ᑲ ᐊᐃᑎᑦ ᑭᔭ ᒧᔅ ᑲ ᒧᔅᑕᓇᔨᑕᐧᒃ ᒐᒂᔪᐤ ᒐᒋ ᐊᔭᑦ ᓇᒪ ᒋᑭ ᒋ ᐎᒋᐃᐛᐤ ᒋᓴᒪᓂᑐᐛ ᑭᔭ ᙭ᑕ ᐅᒋᒪᐅᓂᔨᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᐃᓯᓇᑯᓂᔪᐤ ᐅᔭ ᐊ ᐃᑎᑦ᙮

1 ᑕᓴᓗᓂᔭᓇ 4:6

ᐊᑲᐎᔾ ᒪᒃ ᐊᐛᓐ ᐅᔭ ᒋᑭ ᐅᒋ ᐎ ᐃᓯ ᐅᓂᑐᑐᐛᐤ ᐎᐧᑲᓂᓴ᙮ ᔅᒋ ᐎᑎᒪᑎᓇᓐ ᓱᒃ ᐊᒋ ᐃᔭᒂᒥᑕᒡ ᐅᑎᐸᔨᒋᒐᐤ ᒐ ᐛᐛᓯᐊᑦ ᒥᓯᐛ ᐊᐛᔪᐛ ᐅᔭ ᑲ ᐃᓯ ᐅᓂᑐᑎᒥᔨᒋ᙮

1 ᐱᑕᕐ 4:15

ᐊᑲᐎᔾ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᒋᑭ ᐅᒋ ᓂᓇᐧᑲᑕᔨᒧᐤ ᐊᓂᔭ ᐅᒋ ᐊ ᐎ ᓂᐸᐃᐛᑦ, ᑭᔭ ᒪᒃ ᐊ ᒋᒧᑎᒂ, ᑭᔭ ᒪᒃ ᐊ ᒥᒋᐃᔪᑦ, ᑭᔭ ᒪᒃ ᐊᓂᔭ ᐅᒋ ᐊ ᐅᑕᔨᒪᑦ ᑯᑎᑲ ᐊᐛᔪᐛ ᐊ ᐃᑎᔨᒋ᙮