1 ᑯᕆᓐᑎᔭᓇ 5:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯ ᒪᒃ ᑭᓄᐛᔨᑕᑕᐤ ᐊᒋ ᐱᒪᒋᐃᑯᐅᔭᐧᒄ᙮ ᐛᐱᓇᑕᐤ ᐊᓐ ᐛᔅᑭᒡ ᑲᐅᐱᔨᒡ ᐊᐅᒄ ᒥᒋᑥᐅᓐ ᑭᔭ ᒥᓯᐛ ᑕᓐ ᐊ ᐃᓯ ᒪᔭᑎᒡ᙮ ᐊᓐ ᒪᒃ ᐊᔅᐱᔅ ᒥᔽᔨᑎᒪᐧᒄ ᐊᒋ ᐱᒪᒋᐃᑯᐅᔭᐧᒄ ᑯᐃᔅᒄ ᐃᓯ ᐱᒪᑎᓯᑕᐤ ᑭᔭ ᑕᑈᐅᓂᒡ ᐃᓯ ᐃᔨᒥᑕᐤ᙮

1 ᑯᕆᓐᑎᔭᓇ 5:8 Iomraidhean Croise

ᑎᐱᑦ ᐅᓂᑭᒧᐅᓇ 32:2

ᓱᐛᔨᑕᑯᓱᐤ ᐊᓐ ᐃᔪᐤ ᒥᒐᑎᓯᐅᓂᔪᐤ ᐊᑲ ᒐᒂᓐ ᐃᑎᒋᑎᒪᑯᑦ ᑎᐸᔨᒋᒐᓱᐛ, ᑭᔭ ᐅᑦ ᐊᒐᐧᑯᒡ ᐊᑲ ᐱᒋᔅᑲᑯᑦ ᑭᑭᒋᔭᐅᓂᔪᐤ᙮

ᑎᐱᑦ ᐅᓂᑭᒧᐅᓇ 42:4

ᐃᔅᐱ ᐅᔭ ᒐᔅᒋᓯᔭᓂ, ᓂ ᓯᒋᓇᒪᓱᓐ ᓂᑦ ᐊᒐᐧᒄ: ᐛᔅ ᓂᒋ ᐎᒐᐛᐅᒡ ᑲ ᒪᒧᒥᒐᑎᒡ; ᓂᒋ ᐎᒐᐛᐅᒡ ᒋᓴᒪᓂᑐᐛ ᐅᒥᒋᐛᐱᒥᔨᒡ, ᐊᓯᒡ ᐊ ᐸᑕᒂᒡ ᒥᔽᔨᑎᒧᐅᓐ ᑭᔭ ᒪᒥᒋᒧᐛᐅᓐ, ᐊ ᐎᒐᐅᒂᐤ ᑲ ᒪᒧᒥᒐᑎᒡ ᐊ ᑭᓄᐛᔨᑕᒡ ᐸᔭᒋ ᒋᓯᑯᔪᐤ᙮

ᐊᒃᓱᑕᔅ 12:15

ᐃᔅᐱᔅ ᓂᔄᐅᑕᒡ ᒋᓯᑲᐛ ᒋᑭ ᐎ ᒧᐛᐛᐤ ᐸᒂᓯᑭᓐ ᐊᑲ ᐅᐱᓱᑦ᙮ ᐊᓐ ᓂᔅᑎᒻ ᒋᓯᒄ ᒐ ᐎᐎᑎᓯᓇᒃ ᓯᐅᔅᑎᒪᑭᓐ, ᐅ ᒥᒄ ᐊᐛᓐ ᒥᒋᒐ ᒐᒂᔪᐤ ᓯᐅᔅᑎᒪᑭᓇ ᐊ ᐅᒋ ᐅᓯᑕᑭᓄᐎᒡ ᒪᒂᒡ ᐊᓂᔭ ᓂᔄᐅᑕᒡ ᒋᓯᒂ, ᒋ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐅᒡ᙮

ᐊᒃᓱᑕᔅ 12:19

ᓂᔄᐅᑕᒡ ᑕᑐ ᒋᓯᑲᐛ ᐃᔅᐱᔅ ᓇᒪ ᒋᑭ ᐎ ᑕᐤ ᓯᐅᔅᑎᒪᑭᓐ ᐊᓐᑕ ᐱᑎᑭᒥᒡ ᒋᒋᐛᐛᒡ᙮ ᒥᒋᒐ ᐊᐛᓐ ᒐᒂᔪᐤ ᐊ ᐅᐱᓯᔪᐎᒡ, ᒋᑭ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐃᔪᐛ ᐅᒡ᙮

ᐊᒃᓱᑕᔅ 12:8

ᒋᑭ ᒥᒍᐛᐅᒡ ᒪᒃ ᐅᐎᔭᓯᔪᐤ ᐊᓂᔭ ᐊ ᑎᐱᔅᑲᔨᒡ; ᐊ ᓯᑭᑈᓄᐎᒡ ᒋᒡ ᑭᔭ ᐊᑲ ᐅᐱᓱᐎᔨᒋ ᐸᒂᓯᑭᓇ, ᒋᒡ ᑭᔭ ᐎᓴᒋᐸᒂ ᒋᑭ ᐃᓯ ᒥᒍᐅᒡ᙮

ᐊᒃᓱᑕᔅ 13:6

ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒐ ᒧᐛᒃ ᐸᒂᓯᑭᓐ ᐊᑲ ᐅᐱᔨᑦ ᑭᔭ ᐅᑎᒋᐱᔨᒐ ᓂᔄᐅᑕᒡ ᒋᓯᒄ ᒐ ᒥᑯᓴᔅᑐᐛᒄ ᑎᐸᔨᒋᒐᓱᐤ᙮

ᐊᒃᓱᑕᔅ 13:7

ᒐ ᒧᐛᒃ ᐸᒂᓯᑭᓐ ᐊᑲ ᐅᐱᔨᑦ ᒪᒂᒡ ᐊᓐ ᓂᔄᐅᑕᒡ ᒋᓯᑲᐛ; ᓇᒪ ᒋᑭ ᐎ ᑭᓄᐛᔨᒪᐛᐤ ᐊ ᓯᐅᔅᑎᒪᑭᓄᐅᑦ ᐸᒂᓯᑭᓐ ᑭᔭ ᓇᔅᒡ ᓇᒪ ᒐᒂᓐ ᐊᓯᐅᔅᑎᒪᑭᓄᐅᑦ ᒋᑭ ᐎ ᑎᑯᓐ ᐊᓐᑕ ᒋᑦ ᐊᔅᒋᐛᒡ, ᑭᔭ ᒐ ᐊᑲ ᑭᓄᐛᔨᒪᒃ ᓯᐅᔅᑎᒪᑭᓐ᙮

ᒪᑎᔪᐤ 16:12

ᐊᑯ ᒂ ᐅᒋ ᓂᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᐊᑲ ᐅᐱᔨᒋ ᐃᔭᔨᒧᑎᒥᔨᒋ, ᐊᓂᔭ ᐃᔭᒄ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐊᓂᔭ ᐸᕆᓯᐊ ᑭᔭ ᓴᑎᔪᓯᐊ ᐊᔪᐅᒄ ᐊᓂᔭ ᑲ ᐃᔭᒂᒥᒪᑭᓄᐎᒡ᙮

ᒪᑎᔪᐤ 16:6

ᐊᑯ ᒋᓴᔅ ᒂ ᐃᑕᑦ, “ᐃᔭᒂ, ᐃᔭᒂᒥᔅᑐᒪᐧᑯᐤ ᐅᐱᓯᑭᓄᐛᐛ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:15

ᒋᓴᓴ ᒋ ᐃᓯ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮”

ᓗᒃ 12:1

ᒪᒂᒡ ᒪᒃ ᐊᓐ ᐊ ᐃᑎᓇᓄᐅᒡ, ᒥᒐᑥᐤ ᒐᓯᐱᔪᐤ ᐃᔪᒡ ᒋ ᐛᔅᑲᑲᐳᐅᒡ ᐊ ᓂᑐᑐᐛᒡ ᒋᓴᓴ᙮ ᐊᓂᔭ ᐊ ᐃᔅᐱᔅ ᒥᒐᑎᒡ ᓇᔅᒡ ᒋ ᑎᑎᑯᐃᔅᑕᔅᑲᑐᒡ᙮ ᓂᔅᑎᒻ ᒪᒃ ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᐃᔭᒂᒥᔅᑐᐛᐧᑯᒡ ᐸᕆᓯᔨᒡ ᐊᓂᔭ ᐊ ᐃᑕᔨᑕᑯᓯᒡ ᐛᔅ ᐊᔭᒥᐊᐧᑲᓱᒡ᙮ ᒧᔭᒻ ᐸᒂᓯᑭᓐ ᑲᐅᐱᔨᒡ ᑲ ᐃᑕᔨᑕᒂᒡ ᐊᑯᓐ ᐊ ᐃᑕᔨᑕᑯᓂᔨᒡ ᐊᓂᔭ ᐊ ᐃᑎᒡ᙮

ᒠᓐ 1:47

ᐃᔅᐱ ᒪᒃ ᒋᓴᔅ ᐎᔭᐱᒪᑦ ᓇᑕᓂᔭᓚ ᐊ ᐸᑕᔅᑎᒧᑕᔨᒋ ᒋ ᐃᑕᐤ, “ᐊᐅᒄ ᒋᒋᐛ ᐃᔅᕋᐃᓪ ᐃᔪᐤ, ᓇᔅᒡ ᑕᑈ ᑯᐃᔅᑯᑕᑎᓯᐤ᙮”

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

1 ᑯᕆᓐᑎᔭᓇ 5:1

ᓂᒋ ᐎᑎᒪᑯᐅᓐ ᐊ ᑕᑦ ᐊᐛᓐ ᐊᓐᑕ ᐊ ᑕᔭᒄ ᓂᑐᐎᔾ ᐊ ᐃᑕᑎᓯᑦ᙮ ᓇᒪ ᐛᐛᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ ᒋᐸ ᐅᒋ ᐃᓯ ᐱᒪᑎᓯᐅᒡ ᑕᓐ ᐊ ᐃᓯ ᐱᒪᑎᓯᔨᒋ ᐊᓂᔭᔪᐛ ᓇᐸᐛ᙮ ᓂᒋ ᐎᑎᒪᑯᐅᓐ ᐅᑕᐎᔭ ᐎᐎᐛ ᐊ ᐎᒋᒪᑦ ᐊᓐ ᓇᐸᐤ᙮

1 ᑯᕆᓐᑎᔭᓇ 5:6

ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

2 ᑯᕆᓐᑎᔭᓇ 8:8

ᓇᒪ ᒋ ᐎ ᐎᓱᐛᑎᑎᓇᐛᐤ ᐅ ᑲ ᐃᔅᒋᔄᔭᓐ᙮ ᒥᒄ ᒋ ᐎ ᓂᑐ ᒋᔅᒐᔨᒥᑎᓇᐛᐤ ᑕᑈ ᓯᔭᒋᐃᐛᒂ ᐊ ᐛᐎᑎᒪᑎᑯᒡ ᑕᓐ ᐊ ᐃᓯ ᐊᓯᒐᔨᑕᒡ ᐊ ᐱᔅᑎᓂᒐᒡ ᑯᑎᑭᒡ ᐊᐛᓐᒋ᙮

ᐃᐱᓯᔭᓇ 6:24

ᒋᔨᐛᐤ ᑲᒋᒡ ᒐ ᓴᒋᐊᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐤ᙮

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮